'ಪೊನ್ನಿಯನ್ ಸೆಲ್ವನ್'ನಲ್ಲಿ ವಿಕ್ರಮ್, ಕಾರ್ತಿ ಮತ್ತು ಐಶ್ವರ್ಯಾಗಿಂತ ಹೆಚ್ಚು ಸಂಭಾವನೆ ಪಡೆದಿದ್ಯಾರು?

ಪ್ರಮುಖ ಪಾತ್ರದಲ್ಲಿ 15 ಮಂದಿ

'ಪೊನ್ನಿಯನ್ ಸೆಲ್ವನ್' ಸಿನಿಮಾದಲ್ಲಿ 50ಕ್ಕೂ ಅಧಿಕ ಮಂದಿ ವಿವಿಧ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರಲ್ಲಿ ವಿಕ್ರಮ್, ಐಶ್ವರ್ಯಾ ರೈ, ಜಯಂ ರವಿ, ಕಾರ್ತಿ, ತ್ರಿಶಾ, ಐಶ್ವರ್ಯಾ ಲಕ್ಷ್ಮಿ, ಶರತ್‌ಕುಮಾರ್, ಜಯರಾಮ್, ಪ್ರಕಾಶ್ ರಾಜ್, ಪಾರ್ತಿಬನ್ ಸೇರಿದಂತೆ ಸುಮಾರು 15 ಮಂದಿ ಮಾತ್ರ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ರಿಯಾಜ್ ಖಾನ್, ವಿನೋತಿನಿ, ವಿಜಯ್ ಯೇಸುದಾಸ್ ಸೇರಿದಂತೆ ಹಲವರು ಪೋಷಕ ಪಾತ್ರಗಳಲ್ಲಿಯೂ ನಟಿಸಿದ್ದಾರೆ.

ಹೆಚ್ಚು ಸಂಭಾವನೆ ಯಾರಿಗೆ?

'ಪೊನ್ನಿಯನ್ ಸೆಲ್ವನ್' ಸಿನಿಮಾದಲ್ಲಿ ಅದೆಷ್ಟೇ ನಟರಿದ್ದರೂ, ವಿಕ್ರಮ್, ಕಾರ್ತಿ, ಜಯಂ ರವಿ, ಐಶ್ವರ್ಯಾ ರೈ, ತ್ರಿಶಾ ಸಂಭಾವನೆ ಮೇಲೆ ಎಲ್ಲರ ಕಣ್ಣಿದೆ. ಆದರೆ, ಕಾಲಿವುಡ್‌ನಲ್ಲಿ ಹರಿದಾಡುತ್ತಿರುವ ಸುದ್ದಿ ಬೇರೆನೇ ಇದೆ. ಜಯಂ ರವಿ ಉಳಿದವರಿಗಿಂತಲೂ ಅತೀ ಹೆಚ್ಚು ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ.

ಸಂಭಾವನೆ ಎಷ್ಟು?

'ಪೊನ್ನಿಯನ್ ಸೆಲ್ವನ್‌'ಗಾಗಿ ವಿಕ್ರಮ್, ಕಾರ್ತಿ ಮತ್ತು ಐಶ್ವರ್ಯ ರೈಗೆ ಭಾರೀ ಸಂಭಾವನೆ ಸಿಕ್ಕಿದೆ ಎಂದು ಈ ಹಿಂದೆನೇ ವರದಿಯಾಗಿತ್ತು. ಆದರೆ, ಇತ್ತೀಚೆಗೆ ತಮಿಳು ಚಿತ್ರರಂಗದಲ್ಲಿ ಜಯಂ ರವಿಗೆ ಇವರೆಲ್ಲರಿಗಿಂತಲೂ ಹೆಚ್ಚು ಸಂಭಾವನೆ ಸಿಕ್ಕಿದೆ ಎಂಬ ಮಾತು ಓಡಾಡುತ್ತಿದೆ. ಈ ಸುದ್ದಿ ಕಾಲಿವುಡ್‌ನಲ್ಲಿ ಎಲ್ಲರ ಅಚ್ಚರಿಗೆ ಕಾರಣವಾಗಿದೆ. ಹೀಗಾಗಿ ಜಯಂ ರವಿ ಉಳಿದ ಸ್ಟಾರ್ ನಟರಿಗಿಂತ ಹೆಚ್ಚು ಸಂಭಾವನೆ ಪಡೆದಿದ್ದಾರೆ ಅನ್ನೋ ಸುದ್ದಿ ಹರಿದಾಡುತ್ತಿದಂತೆ, ಅಭಿಮಾನಿಗಳಲ್ಲಿ ಕುತೂಹಲ ದುಪ್ಪಟ್ಟಾಗಿದೆ.

ಹೀರೊ ಯಾರು?

'ಪೊನ್ನಿಯನ್ ಸೆಲ್ವನ್' ಸ್ಟೋರಿ ಪ್ರಕಾರ, ಸಿನಿಮಾದಲ್ಲಿ ಚೋಳರ ರಾಜ ಅರುಲ್ಮೋಳಿ ವರ್ಮನ್ ಪ್ರಮುಖ. ಆದರೆ, ಸಿನಿಮಾದ ಕಥೆಯಲ್ಲಿ ವಂದಿಯಾದೇವನ್ ಪಾತ್ರದಲ್ಲಿರುವ ಕಾರ್ತಿಯನ್ನು ಪ್ರಮುಖ ಪಾತ್ರದಲ್ಲಿ ತೋರಿಸಲಾಗಿದೆ ಎನ್ನಲಾಗುತ್ತಿದೆ. ಹಾಗೆ ನೋಡಿದರೆ ವಂದಿಯಾದೇವನ್ ಪಾತ್ರ ಮಾಡಿದ್ದ ಕಾರ್ತಿಗೆ ಹೆಚ್ಚು ಸಂಭಾವನೆ ಸಿಗಬೇಕಿತ್ತು. ಆದರೆ, ಜಯಂ ರವಿಗೆ ಇಷ್ಟೊಂದು ಸಂಭಾವನೆ ಏಕೆ ಕೊಟ್ಟಿದ್ದಾರೆಂದು ಅಭಿಮಾನಿಗಳು ಪ್ರಶ್ನೆ ಮಾಡುತ್ತಿದ್ದಾರೆ.