ನಟಿ ಡಿಂಪಲ್, ಮಾಸ್ ಮಹಾರಾಜ ರವಿತೇಜಾ ಲಿಕ್ ಲಾಕ್ ಮಾಡಿದ ಫೋಟೊ ವೈರಲ್

ರವಿತೇಜಾ ಲಿಪ್ ಲಾಕ್ ಫೋಟೊ ಲೀಕ್

ಸೋಶಿಯಲ್ ಮೀಡಿಯಾದಲ್ಲಿ ಒಂದು ಫೋಟೊ ಹರಿದಾಡುತ್ತಿದೆ. ತೆಲುಗು ನಟ, ಮಾಸ್ ಮಹಾರಾಜ ಅಂತಲೇ ಜನಪ್ರಿಯರಾಗಿರುವ ರವಿ ತೇಜಾ ನಟಿಯೊಬ್ಬರಿಗೆ ಲಿಪ್ ಲಾಕ್ ಮಾಡಿದ ಫೋಟೊ ಅದು. ಈ ಪೋಟೊ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದಂತೆ ಅವರ ಅಭಿಮಾನಿಗಳು ಗೊಂದಲಕ್ಕೆ ಬಿದ್ದಿದ್ದಾರೆ. ಇದು ಸಿನಿಮಾಗಾಗಿ ಲಿಪ್ ಲಾಕ್ ಮಾಡಿರುವ ಫೋಟೊನಾ, ಇಲ್ಲಾ ರಿಯಲ್ ಲಿಪ್ ಲಾಕ್‌ ಫೋಟೊ ಲೀಕ್ ಆಗಿದ್ಯಾ? ಅಂತ ಕುತೂಹಲವೆದ್ದಿದೆ. ಕಾರಣವೇನೆಂದರೆ,ಈ ಫೋಟೊ ಸ್ಪಷ್ಟವಾಗಿಲ್ಲ. ಯಾರೋ ರಹಸ್ಯವಾಗಿ ಈ ಫೋಟೊವನ್ನು ಕ್ಲಿಕ್ ಮಾಡಿದಂತಿದೆ.

ರವಿತೇಜಾ ಕಿಸ್ ಮಾಡಿದ ನಟಿ ಯಾರು?

ಟಾಲಿವುಡ್ ಮಾಧ್ಯಮಗಳ ಪ್ರಕಾರ, ರವಿತೇಜಾ 'ಕಿಲಾಡಿ' ಎಂಬ ಹೊಸ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಇಬ್ಬರು ನಾಯಕಿಯರು ನಟಿಸುತ್ತಿದ್ದಾರೆ. ಇವರಲ್ಲಿ ಒಬ್ಬರು ಡಿಂಪಲ್ ಹಯಾಥಿ. ಇವರಿಗೆ ರವಿತೇಜಾ ಕಿಸ್ ಮಾಡಿದ್ದಾರೆ ಎಂದು ವರದಿ ಮಾಡಿದೆ. ಇದು 'ಕಿಲಾಡಿ' ಸಿನಿಮಾದ ದೃಶ್ಯ ಆಗದ್ದು, ಯಾರೋ ಕಿಡಿಗೇಡಿಗಳು ಈ ಫೋಟೊವನ್ನು ಲೀಕ್ ಮಾಡಿದ್ದಾರೆ ಎಂದು ವರದಿ ಮಾಡಿದ್ದಾರೆ. ಡಿಂಪಲ್ ಹಯಾಥಿ ಅಷ್ಟೇ ಅಲ್ಲ. ಮತ್ತೊಬ್ಬ ನಟಿ ಮೀನಾಕ್ಷಿ ಚೌಧರಿ ಜೊತೆನೂ ರೊಮ್ಯಾಂಟಿಕ್ ಸೀನ್‌ಗಳಲ್ಲಿ ನಟಿಸುತ್ತಿದ್ದಾರೆ ಎಂದು ವರದಿ ಮಾಡಿದೆ.

ಲಿಪ್ ಲಾಕ್ ಮಾಡಲು ರವಿತೇಜಾ ಹಿಂದೇಟು

ಮಾಸ್ ಮಹಾರಾಜ ರವಿತೇಜಾ ಲಿಪ್ ಲಾಕ್ ದೃಶ್ಯದಲ್ಲಿ ನಟಿಸಲು ಹಿಂದೇಟು ಹಾಕಿದ್ದರು ಎನ್ನಲಾಗಿದೆ. ಆದರೆ, ಚಿತ್ರದ ನಿರ್ದೇಶಕ ರಮೇಶ್ ವರ್ಮಾ ಒಂದು ಲಿಪ್ ಲಾಕ್ ದೃಶ್ಯ ಬೇಕು ಎಂದು ಒತ್ತಾಯ ಮಾಡಿದ್ದರು. ಈ ಕಾರಣಕ್ಕೆ ರವಿತೇಜಾ ಕಿಸ್ ದೃಶ್ಯಗಳಲ್ಲಿ ನಟಿಸಲು ಒಪ್ಪಿದ್ದರು ಎನ್ನುವ ಸುದ್ದಿ ಹರಿದಾಡುತ್ತಿದೆ. ಇನ್ನೊಂದು ಕಡೆ ಇಬ್ಬರು ನಟಿಯರಿಗೂ ರವಿತೇಜಾ ಲಿಕ್ ಮಾಡಿದ್ದಾರೆ ಎನ್ನಲಾಗಿದೆ. ಇಂತಹ ದೃಶ್ಯಗಳು ಲೀಕ್ ಆಗಿದ್ದು ಹೇಗೆ ಅನ್ನುವುದು ಗೊತ್ತಾಗಿಲ್ಲ. ಅಲ್ಲದೆ ಚಿತ್ರತಂಡ ಕೂಡ ಇದೂವರೆಗೂ ಇದು ಸಿನಿಮಾದ್ದೇ ದೃಶ್ಯವೆಂದು ಹೇಳಿಲ್ಲ.

ಕ್ರ್ಯಾಕ್ ಚಿತ್ರದಿಂದ ಮತ್ತೆ ಮಾಸ್ ಖದರ್

'ಕ್ರ್ಯಾಕ್' ಸಿನಿಮಾ ತೆಲುಗು ಚಿತ್ರರಂಗಕ್ಕೆ ಲಾಕ್‌ಡೌನ್ ಸಮಯದಲ್ಲಿ ಹೊಸ ಹುರುಪು ಕೊಟ್ಟ ಸಿನಿಮಾ. ಶೇ. 50ರಷ್ಟು ಆಸನ ವ್ಯವಸ್ಥೆ ಇದ್ದಾಗಲೇ 'ಕ್ರ್ಯಾಕ್' ಥಿಯೇಟರ್‌ಗೆ ಎಂಟ್ರಿಕೊಟ್ಟಿತ್ತು. ಸತತ ಸೋಲಿನ ಬಳಿಕ ಮತ್ತೆ ಮರಳಿದ್ದ ರವಿತೇಜಾಗೆ ಪ್ರೇಕ್ಷಕರು ಭರ್ಜರಿ ಸ್ವಾಗತ ಕೊಟ್ಟಿದ್ದರು. ಇಲ್ಲಿಂದ ರವಿತೇಜಾ ವೃತ್ತಿ ಬದುಕು ಮತ್ತೆ ಸರಿಯಾದ ದಾರಿ ಹಿಡಿದಿದೆ. ಈ ಮಧ್ಯೆ ಲಿಪ್ ಲಾಕ್ ಫೋಟೊ ಬೇಜಾನ್ ವೈರಲ್ ಆಗುತ್ತಿದೆ.