'ಸಲಾರ್' ಶೂಟಿಂಗ್ ಮುಗಿಯೋದ್ಯಾವಾಗ? ಟಾಲಿವುಡ್‌ನಲ್ಲಿ ಏನಿದು ಗಾಳಿ ಸುದ್ದಿ?

'ಸಲಾರ್' ಮೇಲೆ ಎಲ್ಲರ ಕಣ್ಣು

ಮೆಗಾ ಮಾಸ್ ಸಿನಿಮಾ ಡೈರೆಕ್ಟರ್ ಒಂದ್ಕಡೆ. ಪ್ಯಾನ್ ಇಂಡಿಯಾ ಸೂಪರ್‌ಸ್ಟಾರ್ ಇನ್ನೊಂದು ಕಡೆ. ಇಬ್ಬರೂ ಜೊತೆಯಾಗಿದ್ದಾರೆ ಅಂದ್ಮೇಲೆ ಹೈ ವೋಲ್ಟೇಜ್ ಆಕ್ಷನ್ ಸಿನಿಮಾ ನೋಡುವುದಕ್ಕೆ ಸಿಗುವುದಂತೂ ಗ್ಯಾರಂಟಿ. ಅದರಲ್ಲೂ 'ಕೆಜಿಎಫ್ 2' ಮೂಲಕ ಸೂಪರ್‌ ಸಕ್ಸಸ್ ಕಂಡಿರೋ ಪ್ರಶಾಂತ್ ನೀಲ್ ಮುಂದಿನ ಸಿನಿಮಾ ಮೇಲೆ ಎಲ್ಲರ ಕಣ್ಣಿದೆ. ಪ್ರಶಾಂತ್ ನೀಲ್‌ಗೂ 'ಸಲಾರ್' ಗೆಲ್ಲಬೇಕಿದೆ. ಅದೇ ಇನ್ನೊಂದು ಕಡೆ ಪ್ರಭಾಸ್‌ಗೂ 'ಸಲಾರ್' ಗೆಲ್ಲಲೇ ಬೇಕಿದೆ. ಈ ಒತ್ತಡದಲ್ಲಿ ಕೆಲಸ ಮಾಡುತ್ತಿರೋ ಇಬ್ಬರ ಸಿನಿಮಾ ಬಗ್ಗೆ ಟಾಲಿವುಡ್‌ನಿಂದ ಒಂದು ಅಪ್‌ಡೇಟ್ ಸಿಕ್ಕಿದೆ.

ಶೀಘ್ರದಲ್ಲೇ 'ಸಲಾರ್' ಶೂಟಿಂಗ್

'ಸಲಾರ್' ಸಿನಿಮಾದ ಶೂಟಿಂಗ್ ಕೊನೆಯ ಹಂತಕ್ಕೆ ಬಂದಿದೆ. ಇದೇ ತಿಂಗಳಲ್ಲಿ ಈ ಸಿನಿಮಾ ಶೂಟಿಂಗ್ ಕಂಪ್ಲೀಟ್ ಆಗಿ ಫಿನಿಶ್ ಆಗಲಿದೆ ಅನ್ನೋ ಸುದ್ದಿ ಟಾಲಿವುಡ್‌ನಲ್ಲಿ ಓಡಾಡುತ್ತಿದೆ. ಸಾಕಷ್ಟು ಸಮಯ ತೆಗೆದುಕೊಂಡು ಶೂಟ್ ಮಾಡಿರೋ ಪ್ರಶಾಂತ್ ನೀಲ್ 'ಸಲಾರ್' ಸಿನಿಮಾವನ್ನೂ ಎರಡು ಪಾರ್ಟ್‌ಗಳಲ್ಲಿ ರಿಲೀಸ್ ಮಾಡುತ್ತಾರಾ? ಇಲ್ಲಾ ಒಂದೇ ಪಾರ್ಟ್‌ನಲ್ಲಿ ರಿಲೀಸ್ ಮಾಡುತ್ತಾರಾ? ಅನ್ನೋ ಕುತೂಹಲದಲ್ಲಿ ಚಿತ್ರತಂಡವಿದೆ.

'ಸಲಾರ್' ಟೀಸರ್‌ಗೂ ಮುಹೂರ್ತ ಫಿಕ್ಸ್

ಡಾರ್ಲಿಂಗ್ ಪ್ರಭಾಸ್ ಸಿನಿಮಾ 'ಸಲಾರ್' ಬಾಕ್ಸಾಫೀಸ್‌ನಲ್ಲಿ ದಾಖಲೆ ಬರೆಯುತ್ತೆ ಅನ್ನೋ ನಿರೀಕ್ಷೆಯಲ್ಲಿದ್ದಾರೆ. ಇನ್ನೇನು ಸಿನಿಮಾ ಮುಗಿಯುತ್ತಿರುವ ಬೆನ್ನಲ್ಲೇ ಟೀಸರ್‌ಗಾಗಿ ಫ್ಯಾನ್ಸ್ ಎದುರು ನೋಡುತ್ತಿದ್ದಾರೆ. ಅದರ ಬಗ್ಗೆನೂ ಅಪ್‌ಡೇಟ್ ಸಿಕ್ಕಿದೆ. 'ಸಲಾರ್' ಟೀಸರ್ ರಿಲೀಸ್‌ಗೂ ಮುಹೂರ್ತ ಫಿಕ್ಸ್ ಮಾಡಿದ್ದು, ಏಪ್ರಿಲ್ 2ರಂದು ಬಿಡುಗಡೆಯಾಗಲಿದೆ ಎನ್ನಲಾಗುತ್ತಿದೆ.

ಪ್ರಭಾಸ್ ಫುಲ್ ಬ್ಯುಸಿ

ಪ್ರಶಾಂತ್ ನೀಲ್ ಸಿನಿಮಾ 'ಸಲಾರ್‌' ಈ ವರ್ಷದ ಬಹು ನಿರೀಕ್ಷಿತ ಸಿನಿಮಾಗಳಲ್ಲಿ ಟಾಪ್‌ನಲ್ಲಿದೆ. ಹಾಗಂತ ಈ ಸಿನಿಮಾ ಮುಗಿದ ಕೂಡಲೇ ಪ್ರಭಾಸ್ ಫ್ರೀ ಆಗೋದಿಲ್ಲ. ಈ ಸಿನಿಮಾಗೂ ಮುನ್ನ 'ಆದಿಪುರುಷ್' ರಿಲೀಸ್ (ಜೂನ್ 16) ಆಗುತ್ತಿರೋದ್ರಿಂದ ಅದರ ಪ್ರಚಾರದಲ್ಲೂ ಭಾಗಿಯಾಗಬೇಕಿದೆ. ಹಾಗೇ 'ಪ್ರಾಜೆಕ್ಟ್ ಕೆ','ಸೂಪರ್ ಡಿಲಕ್ಸ್','ಸ್ಪಿರಿಟ್' ಸಿನಿಮಾಗಳ ಶೂಟಿಂಗ್‌ನಲ್ಲಿ ಭಾಗಿಯಾಗಬೇಕಿದೆ. ಜೊತೆಗೆ ಮುಂದಿನ ವರ್ಷ 'ಪಠಾಣ್' ನಿರ್ದೇಶಕನ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಎಲ್ಲಾ ಸಿನಿಮಾಗಳಿಗೂ 'ಸಲಾರ್' ಗೆಲುವೇ ಮುಖ್ಯ ಎನಿಸಿಕೊಂಡಿದೆ.