ರಾಜಮೌಳಿಗೆ ಸ್ಟೋರಿ ಆಯ್ಕೆಯಲ್ಲಿ ಗೊಂದಲ: ಮಹೇಶ್ ಬಾಬು ಸಿನಿಮಾ ಸೆಟ್ಟೇರಲ್ವಾ?

ಸೂಪರ್‌ಸ್ಟಾರ್‌ಗೆ ಕಥೆನೇ ಸಿಗುತ್ತಿಲ್ಲ

ಟಾಲಿವುಡ್‌ ಸೂಪರ್‌ಸ್ಟಾರ್ ಮಹೇಶ್ ಬಾಬುಗೆ ರಾಜಮೌಳಿ ಸಿನಿಮಾ ಮಾಡುತ್ತಾರೆ ಅಂತ ಅಭಿಮಾನಿಗಳು ಎದುರು ನೋಡುತ್ತಿದ್ದಾರೆ. ಆದರೆ, ಯಾವಾಗ ಸೆಟ್ಟೇರುತ್ತೆ ಅನ್ನುವ ಸುಳಿವೇ ಸಿಗುತ್ತಿಲ್ಲ. ಈ ಬೆನ್ನಲ್ಲೇ ಟಾಲಿವುಡ್‌ನಲ್ಲಿ ಸುದ್ದಿಯೊಂದು ಹರಿದಾಡುತ್ತಿದೆ. ಮಹೇಶ್ ಬಾಬುಗೆ ಯಾವ ರೀತಿ ಸಿನಿಮಾ ಮಾಡಬೇಕು ಅನ್ನುವ ಗೊಂದಲಕ್ಕೆ ಬಿದ್ದಿದ್ದಾರಂತೆ ರಾಜಮೌಳಿ. ಇನ್ನೊಂದು ಮೂಲದ ಪ್ರಕಾರ, ರಾಜಮೌಳಿಗೆ ಕಥೆನೇ ಸಿಗುತ್ತಿಲ್ಲ ಎನ್ನುತ್ತಿದೆ.

ರಾಜಮೌಳಿ-ಮಹೇಶ್ ಬಾಬು ಸಿನಿಮಾ ಆಗಲ್ವಾ?

RRR ಸೇರಿದ ಕೆಲವು ದಿನಗಳಲ್ಲೇ ರಾಜಮೌಳಿ ಮುಂದಿನ ಸಿನಿಮಾ ಮಹೇಶ್ ಬಾಬು ಜೊತೆ ಎನ್ನಲಾಗಿತ್ತು. RRR ಸಿನಿಮಾ ರಿಲೀಸ್ ಆದ ಮೇಲೂ ಇದೇ ಟಾಕ್ ಮುಂದುವರೆದಿತ್ತು. ಆದರೆ, RRR ಸಿನಿಮಾ ಮುಗಿದ ಬಳಿಕವೂ ರಾಜಮೌಳಿ ತನ್ನ ಮುಂದಿನ ಸಿನಿಮಾ ಯಾರಿಗೆ ಅನ್ನುವುದನ್ನು ಅನೌನ್ಸ್ ಮಾಡಿಲ್ಲ. ಮೂಲಗಳ ಪ್ರಕಾರ, ಮಹೇಶ್ ಬಾಬು ಯಾವ ರೀತಿ ಸಿನಿಮಾ ಮಾಡಬೇಕು ಅಂತಾನೇ ರಾಜಮೌಳಿಗೆ ಗೊತ್ತಾಗುತ್ತಿಲ್ಲವಂತೆ. ಇಂತಹದ್ದೊಂದು ಚರ್ಚೆ ಟಾಲಿವುಡ್‌ನಲ್ಲಾಗುತ್ತಿದೆ. ಹಾಗಂತ ಇಬ್ಬರ ಕಾಂಬಿನೇಷನ್‌ ಸಿನಿಮಾ ನಿಂತಿಲ್ಲ ಅಂತಿದೆ.

ಆಫ್ರಿಕಾದಲ್ಲಿ ಅಡ್ವೆಂಚರ್ ಸಿನಿಮಾ ನಡೆಯಲ್ಲ

ರಾಜಮೌಳಿ ತಂದೆ ವಿಜಯೇಂದ್ರ ಪ್ರಸಾದ್ ಕಥೆಯನ್ನು ರಿವೀಲ್ ಮಾಡಿದ್ದರು. ಮಹೇಶ್ ಬಾಬು ಅಡ್ವೆಂಚರ್ ಕಥೆಯುಳ್ಳ ಸಿನಿಮಾದಲ್ಲಿ ನಟಿಸಲಿದ್ದಾರೆ. ಆಫ್ರಿಕಾದಲ್ಲಿ ಸಿನಿಮಾದ ಶೂಟಿಂಗ್ ನಡೆಯಲಿದ್ದು, ಅಲ್ಲಿಯದ್ದೇ ಅಡ್ವೆಂಚರ್ ಕತೆ ಎಂದಿದ್ದರು. ಆದ್ರೀಗ 'ಮೇಜರ್' ಸಿನಿಮಾ ಪ್ರಚಾರದ ವೇಳೆ ಸ್ವತ: ಮಹೇಶ್ ಬಾಬು ಆಫ್ರಿಕಾದ ಕಥೆಯಲ್ಲ ಎಂದು ಹೇಳಿದ್ದಾರೆ. "ರಾಜಮೌಳಿ ಜೊತೆ ಸಿನಿಮಾದ ಕಥೆಯ ಬಗ್ಗೆ ಚರ್ಚೆ ನಡೆಯುತ್ತಿದೆ. ಆದರೆ, ಆಫ್ರಿಕಾದ ಅಡ್ವೆಂಚರ್ ಕಥೆಯಲ್ಲ. ಇನ್ನೂ ಸಿನಿಮಾ ಸ್ಟೋರಿ ಬಗ್ಗೆ ಯಾವುದೂ ಫೈನಲ್ ಆಗಿಲ್ಲ." ಎಂದಿದ್ದಾರೆ.

ತ್ರಿವಿಕ್ರಮ್ ಜೊತೆ ಮಹೇಶ್ ಮುಂದಿನ ಸಿನಿಮಾ

ಮಹೇಶ್ ಬಾಬು ಹಾಗೂ ರಾಜಮೌಳಿ ಸಿನಿಮಾ ಆರಂಭ ಆಗುವ ಮುನ್ನ ಮತ್ತೊಂದು ಸಿನಿಮಾ ಸೆಟ್ಟೆರಲಿದೆ. ತ್ರಿವಿಕ್ರಮ್ ನಿರ್ದೇಶನದ ಈ ಸಿನಿಮಾ ಈಗಾಗಲೇ ಆರಂಭ ಆಗುತ್ತಿದೆ. ಸದ್ಯ ಮಹೇಶ್ ಬಾಬು ಯುರೋಪ್ ಪ್ರವಾಸದಲ್ಲಿದ್ದು ಹಿಂತಿರುಗಿದ ಕೂಡಲೇ ತ್ರಿವಿಕ್ರಮ್ ಸಿನಿಮಾ ಸೆಟ್ಟೇರಲಿದೆ. ಅಷ್ಟರಲ್ಲೇ ರಾಜಮೌಳಿ ಕಥೆಯನ್ನು ಫೈನಲ್ ಮಾಡಲಿದ್ದು, ಸಿನಿಮಾಗೆ ತಯಾರಿ ನಡೆಸಲಿದ್ದಾರೆ ಎನ್ನಲಾಗುತ್ತಿದೆ.