ಗೋಲ್ಡ್ ಮಾಫಿಯಾ ಸ್ಟೋರಿ ಹೇಳಿದ್ದ 'ಕೆಜಿಎಫ್ 2': 'ಸಲಾರ್' ಕಥೆಯೇನು?

'ಸಲಾರ್' ಐರನ್ ಮಾಫಿಯಾ ಸ್ಟೋರಿ

ಪ್ರಶಾಂತ್ ನೀಲ್ ನಿರ್ದೇಶನದ 'ಸಲಾರ್' ಸಿನಿಮಾ ಬಗ್ಗೆ ಕುತೂಹಲ ಹೆಚ್ಚಾಗುವುದಕ್ಕೆ ಹಲವು ಕಾರಣಗಳಿವೆ. ಪ್ರಶಾಂತ್ ನೀಲ್ ಹಾಗೂ ಪ್ರಭಾಸ್ ಮೊದಲ ಕಾಂಬಿನೇಷನ್ ಅನ್ನುವುದು ಪ್ರಮುಖ ಕಾರಣ. ಇದರೊಂದಿಗೆ ಸಿನಿಮಾ ಕಥೆ ಎಲ್ಲರನ್ನೂ ಕುತೂಹಲವನ್ನು ದುಪ್ಪಟ್ಟು ಮಾಡಿದೆ. ಯಾಕಂದರೆ, 'ಕೆಜಿಎಫ್ 2' ಸಿನಿಮಾದಲ್ಲಿ ಪ್ರಶಾಂತ್ ನೀಲ್ ಗೋಲ್ಡ್ ಮಾಫಿಯಾ ಹಿನ್ನೆಲೆಯಲ್ಲಿ ಸಿನಿಮಾ ಮಾಡಿದ್ದರು. ಈ ಬಾರಿ 'ಐರನ್' ಮಾಫಿಯಾ ಇಟ್ಕೊಂಡು ಸಿನಿಮಾ ಮಾಡುತ್ತಿದ್ದಾರೆ ಎನ್ನಲಾಗಿದೆ.

ಲೀಕ್ ಆದ ಫೋಟೊಗಳು ಹೇಳುವುದೇನು?

ಟಾಲಿವುಡ್‌ನಲ್ಲಿ 'ಸಲಾರ್' ಸ್ಟೋರಿ ಬಗ್ಗೆ ಸಿಕ್ಕಾ ಪಟ್ಟೆ ಚರ್ಚೆಯಾಗುತ್ತಿದೆ. ಪ್ರಶಾಂತ್ ನೀಲ್ 'ಕೆಜಿಎಫ್' ಸಿನಿಮಾವನ್ನು 'ಸಲಾರ್‌' ಸಿನಿಮಾಗೆ ಕನೆಕ್ಟ್ ಮಾಡುವುದಕ್ಕೆ ಹೊರಟಿದ್ದಾರೆ ಅಂತ ಗುಲ್ಲೆದ್ದಿದೆ. ಅಲ್ಲದೆ ಈಗಾಗಲೇ ಲೀಕ್ ಆಗಿರುವ ಪ್ರಭಾಸ್ ಫೋಟೊಗಳಲ್ಲಿ ಪ್ರಭಾಸ್ ಗಣಿಗಳ ಬ್ಯಾಕ್‌ ಡ್ರಾಫ್‌ನಲ್ಲಿಯೇ ಕಾಣಿಸಿಕೊಂಡಿದ್ದಾರೆ. ಹೀಗಾಗಿ ಪ್ರಭಾಸ್ ಮೆಕ್ಯಾನಿಕ್ ಪಾತ್ರದಲ್ಲಿ ನಟಿಸಿದ್ದರೂ, ಬ್ಯಾಕ್‌ಡ್ರಾಪ್ ಐರನ್ ಮಾಫಿಯಾ ಆಗಿರುತ್ತೆ ಎನ್ನುತ್ತಿದೆ ಟಾಲಿವುಡ್.

ಹೊಂಬಾಳೆ ಫಿಲ್ಮ್ಸ್ ಪ್ಲ್ಯಾನ್ ಏನು?

'ಸಲಾರ್' ಸಿನಿಮಾ ಮೇಲೆ ನಿರೀಕ್ಷೆಗಳು ದುಪ್ಪಟ್ಟಾಗಿವೆ. ಈ ಕಾರಣಕ್ಕೆ ಹೊಂಬಾಳೆ ಫಿಲ್ಮ್ಸ್ ಕೂಡ ದೊಡ್ಡ ಮಟ್ಟದಲ್ಲಿಯೇ ಸಿನಿಮಾ ಮಾಡಲು ಮುಂದಾಗಿದೆ. ಒಂದ್ಕಡೆ ಭಾರತದ ನಂ 1 ಸಿನಿಮಾ 'ಬಾಹುಬಲಿ 2' ಹೀರೊ. ಇನ್ನೊಂದ್ಕಡೆ ಭಾರತದ ಎರಡನೇ ಅತೀ ದೊಡ್ಡ ಸಿನಿಮಾ 'ಕೆಜಿಎಫ್ 2' ನಿರ್ದೇಶಕ ಪ್ರಶಾಂತ್ ನೀಲ್. ಇವರಿಬ್ಬರ ಡೆಡ್ಲಿ ಕಾಂಬಿನೇಷನ್‌ಗೆ ತಕ್ಕಂತೆ ಸಿನಿಮಾ ಮಾಡುವುದೇ ದೊಡ್ಡ ಸವಾಲಾಗಿದೆ. ಹೀಗಾಗಿ ಜನರ ನಿರೀಕ್ಷೆಗಳನ್ನು ತಲುಪಲು ಇಡೀ ತಂಡ ಶತಪ್ರಯತ್ನ ನಡೆಸುತ್ತಿದೆ.

'ಸಲಾರ್' ಸಿನಿಮಾದಲ್ಲಿ ಮಲಯಾಳಂ ನಟ

'ಸಲಾರ್' ಸಿನಿಮಾದಲ್ಲಿ ಮಲಯಾಳಂ ಸ್ಟಾರ್ ನಟ ಪೃಥ್ವಿರಾಜ್ ನಟಿಸುತ್ತಾರೆಂಬ ಸುದ್ದಿ ಹರಿದಾಡುತ್ತಿದೆ. ವಿಜಯ್ ಕಿರಗಂದೂರು ಈ ವಿಚಾರವಾಗಿ ಇತ್ತೀಚೆಗೆ ಮಧ್ಯಮವೊಂದಕ್ಕೆ ಪ್ರತಿಕ್ರಿಯೆ ಕೂಡ ನೀಡಿದ್ದಾರೆ. "ಪೃಥ್ವಿರಾಜ್ ಸುಕುಮಾರನ್ ಜೊತೆ ಇನ್ನೂ ಮಾತುಕತೆ ನಡೆಸುತ್ತಿದ್ದೇವೆ. ಡೇಟ್ಸ್ ಎಲ್ಲಾ ಮ್ಯಾಚ್ ಆದರೆ, ನಮ್ಮ ತಂಡವನ್ನು ಸೇರಿಕೊಳ್ಳಬಹುದು" ಎಂದು ನಿರ್ಮಾಪಕರು ಪ್ರತಿಕ್ರಿಯಿಸಿದ್ದಾರೆ. ಹೀಗಾಗಿ 'ಸಲಾರ್' ಸ್ಟೋರಿ ಬಗ್ಗೆ ಕುತೂಹಲವೆದ್ದಿದ್ದು, ಐರನ್ ಮಾಫಿಯಾ ಹಿನ್ನೆಲೆ ಇದೆಯೋ ಇಲ್ಲವೋ ಎನ್ನುವುದು ಟೀಸರ್ ಅಥವಾ ಟೈಲರ್ ಬಿಡುಗಡೆಯಾದ ಬಳಿಕ ಗೊತ್ತಾಗಲಿದೆ.