ವಿಚ್ಛೇದನದ ಬಳಿಕ 2ನೇ ಮದುವೆಗೆ ರೆಡಿ: ಹಲ್‌ಚಲ್ ಎಬ್ಬಿಸಿದ ಸಮಂತಾ ಮರು ಮದುವೆ!

ಜುಬಿಲಿ ಹಿಲ್ಸ್‌ನಲ್ಲಿ ವಿಲ್ಲಾ

ಸಮಂತಾ ಹೈದರಾಬಾದ್‌ನ ಜುಬಿಲಿ ಹಿಲ್ಸ್‌ನಲ್ಲಿ ಹೊಸ ವಿಲ್ಲಾ ಖರೀದಿ ಮಾಡಿದ್ದಾರೆ. ಇಂಟೀರಿಯರ್ ನಿರ್ಮಾಣ ಸಂಸ್ಥೆಯೊಂದು ಆ ವಿಲ್ಲಾದ ಒಳ ವಿನ್ಯಾಸವನ್ನು ಮಾಡುತ್ತಿದೆ. ಇದೇ ಕಂಪನಿಯ ಮುಖ್ಯಸ್ಥ ಮುರಳಿ ಮೋಹನ್ ಎಂಬುವವರ ಬಂಗ್ಲೆ ಪಕ್ಕದಲ್ಲೇ ಸಮಂತಾ ಹೊಸ ವಿಲ್ಲಾವನ್ನು ಖರೀದಿ ಮಾಡಿದ್ದಾರೆ. ಇಲ್ಲೇ ಸಮಂತಾ ಬಾವಿ ಪತಿಯೊಂದಿಗೆ ವಾಸ ಮಾಡಲಿದ್ದಾರೆ ಅಂತ ಟಾಲಿವುಡ್‌ ಸುದ್ದಿ ಬಿತ್ತರಿಸುವ ಕೆಲವು ವೆಬ್‌ಸೈಟ್‌ಗಳು ವರದಿ ಮಾಡಿವೆ.

ಎರಡನೇ ಮದುವೆಗೆ ಸಮಂತಾ ತಯಾರಿ!

ಸಮಂತಾ ಹೊಸ ಮನೆ ಖರೀದಿ ವಿಚಾರ ಹಲ್‌ಚಲ್ ಎಬ್ಬಿಸುತ್ತಿದ್ದಂತೆ. ಎರಡನೇ ಮದುವೆಗೆ ರೆಡಿಯಾಗುತ್ತಿದ್ದಾರೆ ಅನ್ನೋ ಮಾತು ಕೇಳಿ ಬರುತ್ತಿದೆ. ಸಮಂತಾ ಬಾಲಿವುಡ್‌ ನಟನೊಂದಿಗೆ ಎರಡನೇ ಮದುವೆ ಆಗಲಿದ್ದಾರೆ ಅನ್ನೋ ಮಾತು ಟಾಲಿವುಡ್‌ನಲ್ಲಿ ಹರಿದಾಡುತ್ತಿದೆ. ಆ ಬಾಲಿವುಡ್ ನಟ ಹೈದರಾಬಾದ್‌ಗೆ ಬಂದರೆ, ಸಮಂತಾ ಖರೀದಿಸಿದ ಹೊಸ ವಿಲ್ಲಾದಲ್ಲಿಯೇ ಉಳಿದುಕೊಳ್ಳುತ್ತಾರೆ ಅನ್ನೋ ಗುಸುಗುಸು ಹಬ್ಬಿದೆ.

ಈ ಸುದ್ದಿ ಹಬ್ಬಿದ್ದು ಹೇಗೆ?

ಅಷ್ಟಕ್ಕೂ ಸಮಂತಾ ಬಗ್ಗೆ ಈ ಸದ್ದಿ ಹಬ್ಬಿದ್ದು ಹೇಗೆ ಅಂತಾನೂ ಕೆಲ ವೆಬ್‌ಸೈಟ್‌ಗಳು ವರದಿ ಮಾಡಿವೆ. ಬಾಲಿವುಡ್ ನಟ ಸಮಂತಾ ವಿಲ್ಲಾದಲ್ಲಿ ಕೆಲವು ದಿನಗಳಿಂದ ಉಳಿದು ಕೊಂಡಿದ್ದು, ಯುವ ನಿರ್ದೇಶಕನೊಬ್ಬನ ಕಣ್ಣಿಗೆ ಬಿದ್ದಿದೆ. ಈ ವಿಷಯವನ್ನು ಆತನೇ ಎಲ್ಲರಿಗೂ ಹಬ್ಬಿಸಿದ್ದಾನೆ ಎಂದು ವರದಿಯಾಗಿದೆ. ಸಮಂತಾ ಹಿಂದಿ ವೆಬ್ ಸೀರಿಸ್ ಮಾಡುವಾಗ ಆ ಬಾಲಿವುಡ್ ನಟನಿಗೆ ತೀರಾ ಹತ್ತಿರವಾಗಿದ್ದರು ಅಂತಾನೂ ಹೇಳಲಾಗುತ್ತಿದೆ.

ಕೇಸ್ ಹಾಕಲು ನಿರ್ಧಾರ

ನಾಗ ಚೈತನ್ಯರಿಂದ ಸಮಂತಾ ಬೇರೆಯಾದ ದಿನದಿಂದ ಈ ನಟಿಯ ಬಗ್ಗೆ ಗಾಳಿ ಸುದ್ದಿಗಳನ್ನು ಹಬ್ಬಿಸುತ್ತಲೇ ಇದ್ದಾರೆ. ಈ ಕಾರಣಕ್ಕೆ ಸಮಂತಾ ಬೇಸತ್ತು ಹೋಗಿದ್ದಾರೆ ಎನ್ನಲಾಗಿದೆ. ಹಾಗಾಗಿ ಸಮಂತಾ ತನ್ನ ಬಗ್ಗೆ ಸುಳ್ಳು ಸುದ್ದಿಗಳನ್ನು ಪ್ರಚಾರ ಮಾಡುವ ಯೂಟ್ಯೂಬ್ ಚಾನೆಲ್ ಹಾಗೂ ವೆಬ್‌ಸೈಟ್‌ಗಳ ವಿರುದ್ಧ ದೂರು ದಾಖಲಿಸಲು ನಿರ್ಧಾರಿದ್ದಾರೆಂದೂ ವರದಿಯಾಗಿತ್ತು. ಆದರೂ, ಸಮಂತಾ ಬಗ್ಗೆ ರೂಮರ್‌ಗಳು ಹರಿದಾಡುತ್ತಲೇ ಇವೆ.