Jr.Ntr 30ನೇ ಸಿನಿಮಾದಲ್ಲಿ ಮೆಗಾ ಕುಟುಂಬದ ಮತ್ತೊಬ್ಬ ಹೀರೊ: ಯಾರದು?

Jr.Ntr 30ಯಲ್ಲಿ ಮೆಗಾ ಕುಟುಂಬದ ಹೀರೊ

'ಆಚಾರ್ಯ' ಸೋಲಿನ ಬಳಿಕ ಕೊರಟಾಲ ಶಿವ 'Jr.Ntr 30' ಸಿನಿಮಾ ಬಗ್ಗೆ ಸಿಕ್ಕಾಪಟ್ಟೆ ತಲೆಕೆಡಿಸಿಕೊಂಡಿದ್ದಾರೆ. ಅದಕ್ಕಾಗಿ ಈ ಚಿತ್ರದ ಕಾಸ್ಟಿಂಗ್ ಬಗ್ಗೆನೂ ಗಮನ ಹರಿಸಿದ್ದಾರೆ ಎನ್ನುವ ಮಾತು ಕೇಳಿ ಬರುತ್ತಿದೆ. ಮೂಲಗಳ ಪ್ರಕಾರ, 'Jr.Ntr 30'ಯಲ್ಲಿ ಬಾಲಿವುಡ್ ಸಿನಿಮಾ ತಾರೆಯರೂ ಕೂಡ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಮಾತು ಕೇಳಿ ಬರುತ್ತಿದೆ. ಈಗ ಹರಿದಾಡುತ್ತಿರುವ ಸುದ್ದಿ ಏನಪ್ಪಾ ಅಂದ್ರೆ, ಈ ಸಿನಿಮಾ ಮೆಗಾ ಕುಟುಂಬದ ಹೀರೊಗೆ ವಿಶೇಷ ಪಾತ್ರವೊಂದಕ್ಕೆ ಆಹ್ವಾನ ನೀಡಲಾಗಿದೆಯಂತೆ.

Jr.Ntr 30ಯಲ್ಲಿ ಸಾಯಿ ಧರಂ ತೇಜಾ?

ಈ ಸಿನಿಮಾ ಜೂ.ಎನ್‌ಟಿಆರ್ ಜೊತೆಗೆ ಮತ್ತೊಂದು ಪ್ರಮುಖ ಪಾತ್ರ ಇದೆಯಂತೆ. ಈ ಪಾತ್ರಕ್ಕೆ ಕೊರಟಾಲ ಶಿವ ಟಾಲಿವುಡ್‌ನ ಚಿರಪರಿಚಿತ ನಟನನ್ನೇ ಕರೆದುಕೊಂಡು ಬರಲು ಚಿಂತಿಸಿದ್ದಾರಂತೆ. ಮೂಲಗಳ ಪ್ರಕಾರ, ಕೊರಟಾಲ ಶಿವ ಜೂ.ಎನ್‌ಟಿಆರ್ ಜೊತೆ ನಟಿಸುವುದಕ್ಕೆ ಮೆಗಾ ಕುಟುಂಬದ ಹೀರೊ ಸಾಯಿ ಧರಂ ತೇಜಾರನ್ನು ಅಪ್ರೋಚ್ ಮಾಡಿದ್ದಾರೆ ಎನ್ನಲಾಗಿದೆ. RRR ಸಿನಿಮಾದ ಬಳಿಕ ಜೂ.ಎನ್‌ಟಿಆರ್ ಹಾಗೂ ರಾಮ್‌ಚರಣ್ ಇಬ್ಬರೂ ಆತ್ಮೀಯರಾಗಿದ್ದಾರೆ. ಅಲ್ಲದೆ, ಸಾಯಿಧರಂ ತೇಜಾ ಕೂಡ ಜೂ.ಎನ್‌ಟಿಆರ್‌ಗೆ ಹತ್ತಿರವಿದ್ದಾರೆ ಎನ್ನಲಾಗಿದೆ.

ಸೋದರ ಮಾವನ ಪಾತ್ರ

ಕೊರಟಾಲ ಶಿವ ನಿರ್ದೇಶಿಸುತ್ತಿರುವ ಈ ಸಿನಿಮಾದಲ್ಲಿ ಜೂ. ಎನ್‌ಟಿಆರ್ ಸೋದರ ಮಾವನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ಸಾಯಿ ಧರಂ ಪಾತ್ರ ಕೂಡ ತುಂಬಾನೇ ಪವರ್‌ಫುಲ್ ಆಗಿದ್ದು, ಭಾವನಾತ್ಮಕವಾಗಿರುತ್ತೆ ಎನ್ನಲಾಗಿದೆ. ನಿರ್ದೇಶಕ ಕೊರಟಾಲ ಶಿವ ಟಾಲಿವುಡ್‌ನ ಹಲವು ಹೀರೊಗಳನ್ನು ತಲೆಯಲ್ಲಿಟ್ಟುಕೊಂಡಿದ್ದರು. ಅಂತಿಮವಾಗಿ ಎಲ್ಲರೂ ಸಾಯಿಧರಂ ತೇಜ್ ಮೇಲೆ ಹೆಚ್ಚು ಒಲವು ತೋರಿಸಿದ್ದಾರೆ. ಆದರೆ ಇನ್ನೂ ಸಾಯಿ ಧರಂ ಅಧಿಕೃತವಾಗಿ ಗ್ರೀನ್ ಸಿಗ್ನಲ್ ನೀಡಬೇಕಿದೆ.

ಆಗಸ್ಟ್ ತಿಂಗಳ ಶೂಟಿಂಗ್ ಶುರು

ಜೂ.ಎನ್‌ಟಿಆರ್ ಸಿನಿಮಾ ಮುಂದಿನ ತಿಂಗಳಿಂದ ಶೂಟಿಂಗ್ ಶುರುವಾಗಿಲಿದೆ ಎನ್ನಲಾಗಿದೆ. ಈ ವರ್ಷ ಸಿನಿಮಾದ ಸಂಪೂರ್ಣ ಚಿತ್ರೀಕರಣವನ್ನು ಮುಗಿಸಿ, 2023ರ ಬೇಸಿಗೆಯಲ್ಲಿ ಸಿನಿಮಾವನ್ನು ಪ್ರೇಕ್ಷಕರ ಮುಂದೆ ತರಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ. ಈ ಮೂಲಕ ಸೋಲೊ ಹೀರೊ ಆಗಿ ಜೂ.ಎನ್‌ಟಿಆರ್ ಮೊದಲ ಪ್ಯಾನ್‌ ಇಂಡಿಯಾ ಸಿನಿಮಾ ಎಷ್ಟು ಸದ್ದು ಮಾಡುತ್ತೆ ಎನ್ನುವುದನ್ನು ಎಲ್ಲರಲ್ಲೂ ಕುತೂಹಲ ಕೆರಳಿಸಿದೆ.