ಹಾಲಿವುಡ್ ಸಿನಿಮಾ 'ಡಾಕ್ಟರ್ ಸ್ಟ್ರೇಂಜ್ 2' ಕಲೆಕ್ಷನ್ ₹6235 ಕೋಟಿ: ದಾಖಲೆಗಳೇನು?

'ಡಾಕ್ಟರ್ ಸ್ಟ್ರೇಂಜ್ 2' ₹6235 ಕೋಟಿ ಗಳಿಸಿದ್ದೇಗೆ?

ಹಾಲಿವುಡ್ ಸಿನಿಮಾ 'ಡಾಕ್ಟರ್ ಸ್ಟ್ರೇಂಜ್: ಇನ್‌ ದಿ ಮಲ್ಟಿವರ್ಸ್ ಆಫ್ ಮ್ಯಾಡ್‌ನೆಸ್' ( ಡಾಕ್ಟರ್ ಸ್ಟ್ರೇಂಜ್ 2)ಗೆ ಸ್ಯಾಮ್ ರೈಮಿ ಆಕ್ಷನ್ ಕಟ್ ಹೇಳಿದ್ದರು. ಡಾಕ್ಟರ್ ಸ್ಟ್ರೇಂಜ್ ಪಾತ್ರದಲ್ಲಿ ಬೆನೆಡಿಕ್ಟ್ ಕಂಬರ್ಬ್ಯಾಚ್ ನಟಿಸಿದ್ದಾರೆ. ಈ ಸಿನಿಮಾ ವಿಶ್ವದಾದ್ಯಂತ ಮೂರು ವಾರಗಳಲ್ಲಿ ಸುಮಾರು ₹6235 ಕೋಟಿ ($800 ಮಿಲಿಯನ್) ಲೂಟಿ ಮಾಡಿದೆ. ಕೇವಲ ಅಮೆರಿಕದಲ್ಲಿಯೇ ಸಿನಿಮಾ $342 ಮಿಲಿಯನ್ ಹಾಗೂ ವಿದೇಶದಿಂದ $461 ಮಿಲಿಯನ್ ಲೂಟಿ ಮಾಡಿದೆ.

ಭಾರತದ ಕಲೆಕ್ಷನ್ ಎಷ್ಟು?

ಹಾಲಿವುಡ್ ಸಿನಿಮಾ 'ಡಾಕ್ಟರ್ ಸ್ಟ್ರೇಂಜ್ 2' ಭಾರತದಲ್ಲೂ ಡಿಸೆಂಟ್ ಕಲೆಕ್ಷನ್ ಮಾಡಿದೆ. ಮೂರು ವಾರಗಳಲ್ಲಿ ಈ ಸಿನಿಮಾ ₹119.81 ಕೋಟಿ ಗಳಿಕೆ ಮಾಡಿದೆ. ಆದರೆ, ಹಾಲಿವುಡ್ ಸಿನಿಮಾ ಭಾರತದಲ್ಲಿ ಅಂದುಕೊಂಡಷ್ಟು ಗಳಿಕೆ ಕಾಣುವಲ್ಲಿ ಹಿಂದೆ ಬಿದ್ದಿದೆ. ಭಾರತದಲ್ಲಿ ಮಾರ್ವೆಲ್‌ನ 'ಡಾಕ್ಟರ್ ಸ್ಟ್ರೇಂಜ್ 2' ಸಿರೀಸ್ ಉಳಿದ ಸಿರೀಸ್‌ಗಿಂತ ಹೆಚ್ಚು ಫೇಮಸ್ ಆಗಿಲ್ಲ. ಈ ಕಾರಣಕ್ಕೆ ಡಾಕ್ಟರ್ ಸ್ಟ್ರೇಂಜ್ ಗಳಿಕೆ ಕಡಿಮೆ ಎನ್ನಲಾಗಿದೆ.

ಚೀನಾ ರಷ್ಯಾದಲ್ಲಿ ಸಿನಿಮಾ ರಿಲೀಸ್ ಇಲ್ಲ

'ಡಾಕ್ಟರ್ ಸ್ಟ್ರೇಂಜ್ 2' ಸಿನಿಮಾ ಕೋವಿಡ್ ಬಳಿಕ ಅತೀ ಹೆಚ್ಚು ಗಳಿಕೆ ಕಂಡ ಎರಡನೇ ಸಿನಿಮಾ ಆಗಿದೆ. ಆದರೆ, ಈ ಸಿನಿಮಾ ₹6235 ಕೋಟಿ ಗಳಿಸಿದ್ದರಲ್ಲಿ ವಿಶ್ವದ ಎರಡು ದೊಡ್ಡ ಸಿನಿಮಾ ಮಾರ್ಕೆಟ್ ಸೇರಿಲ್ಲ. ಉಕ್ರೇನ್ ಯುದ್ಧದ ಹಿನ್ನೆಲೆಯಲ್ಲಿ ಚೀನಾ ಹಾಗೂ ರಷ್ಯಾದಲ್ಲಿ 'ಡಾಕ್ಟರ್ ಸ್ಟ್ರೇಂಜ್ 2' ಸಿನಿಮಾ ರಿಲೀಸ್ ಮಾಡಿಲ್ಲ. ಒಂದು ವೇಳೆ ಈ ಎರಡೂ ದೇಶದಲ್ಲಿ ಸಿನಿಮಾ ರಿಲೀಸ್ ಆಗಿದ್ದರೆ, 'ಡಾಕ್ಟರ್ ಸ್ಟ್ರೇಂಜ್ 2' ವಿಶ್ವ ದಾಖಲೆಯನ್ನೇ ಸೃಷ್ಟಿಸುತ್ತಿತ್ತು. ಕಮ್ಮಿ ಅಂದರೂ, $950 ಮಿಲಿಯನ್ ಕಲೆ ಹಾಕುತ್ತಿತ್ತು ಎಂದು ಅಂದಾಜಿಸಲಾಗಿದೆ.

ಸೈಡರ್ ಮ್ಯಾನ್ ಹಿಂದಿಕ್ಕಲಿಲ್ಲ ಡಾಕ್ಟರ್

'ಡಾಕ್ಟರ್ ಸ್ಟ್ರೇಂಜ್ 2' ಸಿನಿಮಾ ವರ್ಲ್ಡ್ ಬಾಕ್ಸಾಫೀಸ್‌ನಲ್ಲಿ 6 ಸಾವಿರಕ್ಕೂ ಅಧಿಕ ಹಣವನ್ನು ಲೂಟಿ ಮಾಡಿದೆ. ಆದರೆ, ಅದಕ್ಕಿಂತ ಹೆಚ್ಚು ಹಣವನ್ನು ಈಗಾಗಲೇ 'ಸ್ಟೈಡರ್ ಮ್ಯಾನ್: ನೀ ವೇ ಹೋಮ್' ಗಳಿಸಿದೆ. ಈ ಸಿನಿಮಾ 54 ದಿನಗಳಲ್ಲಿ ₹10.154 ಕೋಟಿ ಹಣವನ್ನು ಲೂಟಿ ಮಾಡಿದೆ. ಭಾರತದಲ್ಲಿ ಸುಮಾರು ₹260 ಕೋಟಿಗೂ ಅಧಿಕ ಗಳಿಕೆ ಕಂಡಿದೆ. ಈ ಮೂಲಕ ಕೋವಿಡ್ ಬಳಿಕ ಅತೀ ಹೆಚ್ಚು ಗಳಿಕೆ ಕಂಡ ಎರಡನೇ ಸಿನಿಮಾ ಇದಾಗಿದೆ.