ವಿಶ್ವ ಗಲ್ಲಾಪೆಟ್ಟಿಗೆಯಲ್ಲಿ ಹೊಸ ದಾಖಲೆ ಬರೆದ 'ಫಾಸ್ಟ್ ಅಂಡ್ ಫ್ಯೂರಿಯಸ್ 8'

ಏಪ್ರಿಲ್ 14 ರಂದು ತೆರೆಕಂಡ ಈ ವರ್ಷದ ಹಾಲಿವುಡ್ ನ ಮೋಸ್ಟ್ ಎಕ್ಸ್ ಪೆಕ್ಟೆಡ್ ಸಿನಿಮಾ 'ಫಾಸ್ಟ್ ಅಂಡ್ ಫ್ಯೂರಿಯಸ್ 8' ಪ್ರಪಂಚದ ಚಿತ್ರರಂಗದ ಎಲ್ಲಾ ಬಾಕ್ಸ್ ಆಫೀಸ್ ರೆಕಾರ್ಡ್ ಗಳನ್ನು ಬ್ರೇಕ್ ಮಾಡಿದೆ.[ಕನ್ನಡಕ್ಕೆ ಡಬ್ ಆಯ್ತು ಹಾಲಿವುಡ್ 'ಫಾಸ್ಟ್ ಅಂಡ್ ಫ್ಯೂರಿಯಸ್ 8']

ವಿನ್ ಡೀಸೆಲ್, ಡ್ವೇನ್ ಜಾನ್ಸನ್, ಜಾಸನ್ ಸ್ತಾಥಮ್ ಮುಖ್ಯ ಭೂಮಿಕೆಯ ಎಫ್ ಗ್ಯಾರಿ ಗ್ರೇ ನಿರ್ದೇಶನದ 'ಫಾಸ್ಟ್ ಅಂಡ್ ಫ್ಯೂರಿಯಸ್ 8' ಮೊದಲ ವೀಕೆಂಡ್ ಗೆ 3,400 ಕೋಟಿ ರೂ ($532.5 ಮಿಲಿಯನ್) ಗಳಿಸಿದ್ದು ಗ್ಲೋಬಲ್ ಬಾಕ್ಸ್ ಆಫೀಸ್ ನಲ್ಲಿ ಹೊಸ ದಾಖಲೆ ಬರೆದಿದೆ.

ಈ ಹಿಂದೆ 'ಸ್ಟಾರ್ ವಾರ್ಸ್:ದಿ ಫೋರ್ಸ್ ಅವೇಕನ್ಸ್' ಮೊದಲ ವೀಕೆಂಡ್ ಗೆ $529 ಮಿಲಿಯನ್ ಗಳಿಸಿತ್ತು. ಆದರೆ ಈಗ 'ಫಾಸ್ಟ್ ಅಂಡ್ ಫ್ಯೂರಿಯಸ್ 8' ಸಿನಿಮಾ 'ಸ್ಟಾರ್ ವಾರ್ಸ್' ಗಿಂತ $3.5 ಮಿಲಿಯನ್ ಹೆಚ್ಚು ಗಳಿಸಿ ಜಾಗತಿಕವಾಗಿ ಬಾಕ್ಸ್ ಆಫೀಸ್ ಗಳಿಕೆಯಲ್ಲಿ ಹೊಸ ದಾಖಲೆ ಬರೆದಿದೆ. ಅಲ್ಲದೇ ಭಾರತದಲ್ಲೂ ಮೊದಲ ವೀಕೆಂಡ್ ಗೆ 65 ಕೋಟಿ ರೂ ಗಳಿಸಿದೆ ಎಂದು ವರದಿಯಾಗಿದೆ.