ಪ್ರತಿಷ್ಠಿತ ಆಸ್ಕರ್ ಅಕಾಡೆಮಿಯಿಂದ ಹೃತಿಕ್ ರೋಷನ್, ಆಲಿಯಾ ಭಟ್‌ಗೆ ಆಹ್ವಾನ

ಮತ ಚಲಾಯಿಸುವ ಸೌಲಭ್ಯ

ಈ ಆಹ್ವಾನವನ್ನು ಒಪ್ಪಿಕೊಂಡ ಸದಸ್ಯರು 2021ರ ಏಪ್ರಿಲ್ 25ರಂದು ನಡೆಯುವ 93ನೇ ಅಕಾಡೆಮಿ ಅವಾರ್ಡ್ಸ್‌ನಲ್ಲಿ ವಿವಿಧ ವಿಭಾಗಗಳಿಗೆ ಪಾಲ್ಗೊಳ್ಳುವ ಸ್ಪರ್ಧೆಯಲ್ಲಿ ಮತ ಹಾಕುವ ಅವಕಾಶ ಪಡೆಯಲಿದ್ದಾರೆ. ಈ ಮೂಲಕ ಆಸ್ಕರ್ ಪ್ರಶಸ್ತಿಗೆ ಅರ್ಹರನ್ನು ಆಯ್ಕೆ ಮಾಡುವ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

68 ದೇಶಗಳಿಂದ ಆಹ್ವಾನಿತರು

ನೂತನ ಆಹ್ವಾನಿತರಲ್ಲಿ 75 ಮಂದಿ ಆಸ್ಕರ್ ನಾಮನಿರ್ದೇಶಿತರು ಸೇರಿದ್ದಾರೆ. 15 ಮಂದಿ ಈ ಹಿಂದೆ ಆಸ್ಕರ್ ವಿಜೇತರಿದ್ದಾರೆ. ಎಂಟು ಆಹ್ವಾನಿತರಿಗೆ ಅಕಾಡೆಮಿಯ ವಿವಿಧ ಶಾಖೆಗಳಿಗೆ ಸೇರಿಕೊಳ್ಳಲು ಕೋರಲಾಗಿದೆ. ಆದರೆ ಆಹ್ವಾನಿತರು ಒಮ್ಮೆ ಸದಸ್ಯತ್ವ ಒಪ್ಪಿಕೊಂಡ ಬಳಿಕ ಅವರು ತಮ್ಮ ಆಯ್ಕೆಯ ಯಾವುದಾದರೂ ಒಂದು ವಿಭಾಗವನ್ನು ಆಯ್ದುಕೊಳ್ಳಲು ಅವಕಾಶವಿದೆ. 68 ದೇಶಗಳಿಂದ ಶೇ 49ರಷ್ಟು ಅಂತಾರಾಷ್ಟ್ರೀಯ ಮಟ್ಟದ ಆಹ್ವಾನಿತರನ್ನು ಅಕಾಡೆಮಿ ಒಳಗೊಂಡಿದೆ.

ಕಳೆದ ವರ್ಷವೂ ಏಕೈಕ ಪ್ರತಿನಿಧಿ

ಸೆಂಥಿಲ್ ಕುಮಾರ್ ಅವರನ್ನು 'ಮೆಂಬರ್ಸ್ ಅಟ್ ಲಾರ್ಜ್' ವಿಭಾಗದಡಿ ಆಯ್ಕೆ ಮಾಡಲಾಗಿದೆ. ಕಳೆದ ವರ್ಷ 'ಬಾಹುಬಲಿ' ಚಿತ್ರದ ವಿಎಫ್ಎಕ್ಸ್ ನಿರ್ದೇಶಕ ಶ್ರೀನಿವಾಸ್ ಮೋಹನ್ ಅವರನ್ನು ಮಾತ್ರ ದಕ್ಷಿಣ ಭಾರತದಿಂದ ಆಹ್ವಾನಿಸಲಾಗಿತ್ತು. ಉಳಿದಂತೆ ಬಾಲಿವುಡ್‌ ನಿರ್ದೇಶಕ ಅನುರಾಗ್ ಕಶ್ಯಪ್, ಜೋಯಾ ಅಖ್ತರ್, ರಿಯೇಶ್ ಬಾತ್ರಾ, ಅನುಪಮ್ ಖೇರ್ ಮತ್ತು ಶೆರ್ರಿ ಭಾರ್ದಾ ಅವರನ್ನು ಆಹ್ವಾನಿಸಲಾಗಿತ್ತು.

ಬಾಲಿವುಡ್‌ಗೆ ಆದ್ಯತೆ

2016ರಿಂದಲೂ ಅಕಾಡೆಮಿ ವಿವಿಧ ದೇಶಗಳಿಂದ ಸದಸ್ಯರನ್ನು ಆಹ್ವಾನಿಸತೊಡಗಿದೆ. ಆಸ್ಕರ್ ಅಕಾಡೆಮಿ 'ಬಿಳಿಯ'ರಿಂದಲೇ ತುಂಬಿಕೊಂಡಿದೆ ಎಂಬ ಆರೋಪ ಕೇಳಿಬಂದಿದ್ದರಿಂದ ತನ್ನ ನೀತಿಯನ್ನು ಬದಲಿಸಿಕೊಂಡಿತ್ತು. ಆದರೆ 2018ರಲ್ಲಿ 20 ಮಂದಿ ಭಾರತೀಯರನ್ನು ಆಹ್ವಾನಿಸಿದ್ದರೂ, ಅದು ಸಂಪೂರ್ಣ ಬಾಲಿವುಡ್ ಕೇಂದ್ರಿತವಾಗಿತ್ತು.