ರೇಪ್ ಪ್ರಕರಣದಲ್ಲಿ ಜೈಲಿನಲ್ಲಿರುವ ಹಾಲಿವುಡ್ ನಿರ್ಮಾಪಕನಿಗೆ ಕೊರೊನಾ ವೈರಸ್

ಇಬ್ಬರು ಕೈದಿಗಳಿಗೆ ಕೊರೊನಾ

ಆದರೆ ವೀನ್‌ಸ್ಟೀನ್ ಅವರಲ್ಲಿ ಕೊರೊನಾ ವೈರಸ್ ಸೋಂಕು ಕಾಣಿಸಿಕೊಂಡಿರುವುದರ ಬಗ್ಗೆ ಅವರ ಕಾನೂನು ತಂಡಕ್ಕೆ ಯಾವುದೇ ಮಾಹಿತಿ ನೀಡಿಲ್ಲ ಎಂದು ಅವರ ಪರ ವಕೀಲರು ಹೇಳಿದ್ದಾರೆ.

ವೆಂಡೆ ಫೆಸಿಲಿಟಿಯಲ್ಲಿರುವ ಇಬ್ಬರು ಕೈದಿಗಳಲ್ಲಿ ಕೋವಿಡ್-19 ಇರುವುದು ಖಚಿತವಾಗಿದೆ ಎಂದು ಕಾರಾಗೃಹ ಅಧಿಕಾರಿಗಳು ತಿಳಿಸಿದ್ದಾರೆ.

23 ವರ್ಷ ಶಿಕ್ಷೆ

ಅತ್ಯಾಚಾರ ಮತ್ತು ಲೈಂಗಿಕ ದೌರ್ಜನ್ಯ ಪ್ರಕರಣಗಳ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ನ್ಯೂಯಾರ್ಕ್‌ನ ನ್ಯಾಯಾಲಯವೊಂದು 67 ವರ್ಷದ ವೀನ್‌ಸ್ಟೀನ್ ಅವರಿಗೆ 23 ವರ್ಷಗಳ ಕಾರಾಗೃಹ ಶಿಕ್ಷೆ ವಿಧಿಸಿತ್ತು. ಮಹಿಳೆಯರ ಮೇಲೆ ಅನೇಕ ಬಾರಿ ದೌರ್ಜನ್ಯ ಎಸೆದ ಆರೋಪ ವೀನ್‌ಸ್ಟೀನ್ ಮೇಲಿದೆ.

ಮೇ ತಿಂಗಳಲ್ಲಿ ಬಂಧನ

2013ರಲ್ಲಿ ನ್ಯೂಯಾರ್ಕ್ ಸಿಟಿ ಹೋಟೆಲ್‌ನಲ್ಲಿ ಮಹಿಳೆ ಮೇಲೆ ಅತ್ಯಾಚಾರ ಎಸಗಿದ ಮತ್ತು 2006ರಲ್ಲಿ ತಮ್ಮ ಅಪಾರ್ಟ್‌ಮೆಂಟ್‌ನಲ್ಲಿ ಮತ್ತೊಬ್ಬ ಮಹಿಳೆಯೊಂದಿಗೆ ಬಲವಂತವಾಗಿ ಮೌಖಿಕ ಲೈಂಗಿಕ ಕ್ರಿಯೆ ನಡೆಸಿದ ಆರೋಪವಿದೆ. ಈ ಪ್ರಕರಣಗಳು 'ಮೀ ಟೂ' ಆಂದೋಲನ ಆರಂಭವಾದಾಗ ಬೆಳಕಿಗೆ ಬಂದಿದ್ದವು. 2018ರ ಮೇ ತಿಂಗಳಲ್ಲಿ ಅವರನ್ನು ಬಂಧಿಸಲಾಗಿತ್ತು.

ನಟಿಯರಿಂದ ಆರೋಪ

ಹಾಲಿವುಡ್‌ನ ಖ್ಯಾತ ನಟಿ ಆಂಜೆಲಿನಾ ಜೋಲಿ, ಸಲ್ಮಾ ಹಯೆಕ್ ಸೇರಿದಂತೆ ಸುಮಾರು 90 ಮಹಿಳೆಯರು ವೀನ್‌ಸ್ಟೀನ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿದ್ದರು. 'ಶೇಕ್‌ಸ್ಪಿಯರ್ ಇನ್ ಲವ್' ಎಂಬ ಆಸ್ಕರ್ ವಿಜೇತ ಸಿನಿಮಾ ನಿರ್ಮಿಸಿದ್ದ ವೀನ್‌ಸ್ಟೀನ್, ಅನೇಕ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. 'ಮೀ ಟೂ' ಅಭಿಯಾನದ ವೇಳೆ ಅವರ ವಿರುದ್ಧ ಅನೇಕ ಆರೋಪಗಳು ಕೇಳಿಬಂದಿದ್ದವು.