BBK9: "ಕಳಪೆ ಅಂತ ಜೈಲಿಗೆ ಕಳಿಸಿದಾಗಲೇ ರಾಜಣ್ಣ ಹುಟ್ಟಿಕೊಂಡಿದ್ದು" –ರೂಪೇಶ್ ರಾಜಣ್ಣ!

'ಈಗ ಜವಾಬ್ದಾರಿ ಸ್ವಲ್ಪ ಜಾಸ್ತಿಯಾಗಿದೆ'

"ಬಿಗ್ ಬಾಸ್ ಮನೆಯೊಳಗೆ ಹೋಗಬೇಕಾದರೆ ನಾನು ಹೊಸಬನಾಗಿ ಹೋಗಿದ್ದೆ. ಹೊರಗಡೆ ಹೇಗೆ ಇರುತ್ತಿದೆ. ಒಳಗಡೆನೂ ಹಾಗೇ ಇರಬೇಕು. ನಾನ್ಯಾಕೆ ಬದಲಾಗಬೇಕು ಅಂತಿದೆ. ಅಂದರೆ, ಒಬ್ಬ ವ್ಯಕ್ತಿ ಹೇಗೆ ಇರುತ್ತೀವಿ ಒಳಗೆ ಹೋದಾಗಲೂ ಹಾಗೇ ಇರಬೇಕು. ನಮ್ಮದು ಹೋರಾಟ ಜೀವನ ಬೇರೆ. ಮತ್ತೆ ಮನೆಯಲ್ಲಿ ಇದ್ದಾಗ ನಾನು ಹೇಗೆ ಇರುತ್ತೀನಿ. ನಾವು ನಾವಾಗಿದ್ದರೆ ಸಾಕು ಅಂತ ತಲೆಯಲ್ಲಿ ಇಟ್ಟುಕೊಂಡು ಹೋಗಿದ್ದು. ಈಗ ಜವಾಬ್ದಾರಿ ಸ್ವಲ್ಪ ಜಾಸ್ತಿಯಾಗಿದೆ. ಮೊದಲಾಗಿದ್ದರೆ ಎಷ್ಟು ಜನರಿಗೆ ತಲುಪುತ್ತಿದ್ದೆವೋ. ಏನೇ ಬರೆದರೂ ನಡೆಯುತ್ತಿತ್ತು. ಈಗ ಜವಾಬ್ದಾರಿ ಹೆಚ್ಚಾಗಿದೆ. ಅದನ್ನು ಗಮನದಲ್ಲಿ ಇಟ್ಕೊಂಡು ಸಮಾಜದ ಜೊತೆ ವರ್ತಿಸಬೇಕಾಗುತ್ತೆ."

'ಅಲ್ಲಿ ಒಂದೂ ಮೊಟ್ಟೆಗೂ ಜಗಳ ಆಗುತ್ತೆ'

" ಹೊರಗಡೆನೂ ಒಳಗಡೆನೂ ತುಂಬಾನೇ ವ್ಯತ್ಯಾಸವಿದೆ. ಉದಾಹರಣೆಗೆ ಒಳಗೆಡೆ ಒಂದು ಮೊಟ್ಟೆ ಯಾರಾದರೂ ಕದ್ದರೆ, ಅದಕ್ಕೆ ದೊಡ್ಡ ಜಗಳ ಆಗುತ್ತೆ. ಹೊರಗಡೆ ಒಂದು ಮೊಟ್ಟೆಗೆ ಯಾರೂ ಜಗಳ ಆಡಲ್ಲ. ಒಳಗಡೆ ಯಾರೋ ಕಾಲು ಇಟ್ಟರು, ಟಚ್ ಮಾಡಿದ್ರು ಅನ್ನೋ ಕಾರಣಕ್ಕೆ ದೊಡ್ಡ ಮಾತಾಗುತ್ತೆ. ಹೊರಗಡೆ ಹೋಗ್ಲಿ ಬಿಡಪ್ಪ ಅಂತಾರೆ. ಇಷ್ಟೇ ವ್ಯತ್ಯಾಸ. "

'ನಾನು ಸ್ವಲ್ಪ ತಾಳ್ಮೆಯನ್ನು ಕಲಿತೆ'

" ನಾನು ಸ್ವಲ್ಪ ತಾಳ್ಮೆಯನ್ನು ಕಲಿತೆ ಇಲ್ಲ ಅಂತ ಹೇಳಲ್ಲ. ಅಮೇಲೆ ಅಲ್ಲಿ ಟಾಸ್ಕ್ ಆಡುವಾಗ ಸಮಯ ನೀಡುತ್ತಿದ್ದರು. ಒಂದು ಗಂಟೆಯೊಳಗೆ ಮುಗಿಸುತ್ತಿದ್ದೆವು. ಹೊರಗಡೆ ನಾವು ಏನೋ ಕೆಲಸ ಮಾಡುವಾಗ ಬಿಡು ಇನ್ನೂ ಒಂದೆರಡು ಗಂಟೆ ಆಗಲಿ ಮಾಡೋಣ ಅನ್ನೋದಿತ್ತು. ಈಗ ಎಷ್ಟು ಸಮಯದೊಳಗೆ ಮುಗಿಸಬೇಕೋ ಅಷ್ಟರಲ್ಲಿ ಮುಗಿಸಬೇಕು ಅಂತ ಬಂದಿದೆ. ಊಟ ತಿಂಡಿ ವಿಚಾರದಲ್ಲಿ ನಾವೇನಾದೂ ಸಿಕ್ಕಿಲ್ಲ ಅಂದರೆ ಜಗಳ ಮಾಡುತ್ತೀವಿ. ನಮ್ಮ ಮನೆಯಲ್ಲಿ ಇದ್ದಾಗ ಮನೆ ಕೆಲಸ ಮಾಡೋದಿಲ್ಲ. ಅಲ್ಲಿ ಹೋದಾಗ ಅವೆಲ್ಲವನ್ನೂ ಕಲಿತೆವು."

'ಜೈಲಿನಲ್ಲಿ ನಿಜವಾದ ರಾಜಣ್ಣ'

ಒಂದು ವಾರ ನನಗೆ ಫುಲ್ ಕನ್ಫ್ಯೂಷನ್ ಇತ್ತು. ಇವರು ಯಾಕೆ ಹೀಗೆ ಮಾಡುತ್ತಿದ್ದಾರೆ ಅನ್ನೋ ಗೊಂದಲವಿತ್ತು. ಆಮೇಲೆ ಪ್ರತಿಯೊಬ್ಬರನ್ನೂ ಸೂಕ್ಷ್ಮವಾಗಿ ಗಮನಿಸುತ್ತಾ ಹೋದೆ. ನನಗೆ ಒಮ್ಮೆ ಕಳಪೆ ಕೊಟ್ಟು ಹೊರಗಡೆ ಕೂರಿಸುತ್ತಾರೆ. ಅವಾಗ ನನಗೆ ಫೈಯರ್ ಆಗಿ ಹೋಯ್ತು. ಇವರು ಹಿಂಗೆ ಮಾಡುತ್ತಿದ್ದಾರಾ? ಆವಾಗ ನಿಜವಾದ ರಾಜಣ್ಣ ಹುಟ್ಟಿಕೊಳ್ತಾನೆ. ಜೈಲಲ್ಲಿ ಹುಟ್ಟಿಕೊಳ್ಳುತ್ತಾನೆ. ಮುಂದಿನದೆಲ್ಲ ನಿಮಗೆ ಗೊತ್ತೇ ಇದೆ." ಎಂದು ರಾಜಣ್ಣ ಫಿಲ್ಮಿಬೀಟ್ ಜೊತೆ ಹಂಚಿಕೊಂಡಿದ್ದಾರೆ.