ಧ್ವನಿಯಷ್ಟೇ ಪವಿತ್ರ ಅಗಲಿದ ಗಾಯಕ KKಯ ಲವ್ ಸ್ಟೋರಿ: ಗೆಳತಿಗಾಗಿ ಸೇಲ್ಸ್ ಮ್ಯಾನ್ ಆಗಿದ್ದ ಸಿಂಗರ್!

ಕೆಕೆ ಹಾಗೂ ಜ್ಯೋತಿ ಬಾಲ್ಯ ಸ್ನೇಹಿತರು

ಕೃಷ್ಣ ಕುಮಾರ್ ಕುನ್ನತ್ ಚಿಕ್ಕದಾಗಿ ಕರೆಯೋದಾದರೆ ಕೆಕೆ. 90ರ ದಶಕದಲ್ಲಿ ತನ್ನ ಸುಮಧುರ ಕಂಠದಿಂದಲೇ ಮೋಡಿ ಮಾಡಿದ ಗಾಯಕ. ಇವರ ಮ್ಯೂಸಿಕಲ್ ಜರ್ನಿಯಂತೆಯೇ ಲವ್ ಸ್ಟೋರಿ ಕೂಡ ಸುಂದರ ಪಯಣ. ಕೆಕೆ ಪತ್ನಿ ಜ್ಯೋತಿಯನ್ನು ಆರನೇ ತರಗತಿ ಓದುವಾಗ ಮೊದಲ ಬಾರಿ ಭೇಟಿಯಾಗಿದ್ದರು. ಅಲ್ಲಿಂದ ಇಬ್ಬರ ಸ್ನೇಹ ಬೆಳೆದು ಮುಂದೆ ಪ್ರೀತಿಯಾಗಿ ಬದಲಾಗಿತ್ತು. ಬಾಲ್ಯ ದಿಂದಲೇ ಒಬ್ಬರನ್ನೊಬ್ಬರು ಇಷ್ಟ ಪಡುತ್ತಿದ್ದರು ಎಂಬುವುದನ್ನು ಕಪಿಲ್ ಶರ್ಮಾ ಶೋನಲ್ಲಿ ಕೆಕೆ ರಿವೀಲ್ ಮಾಡಿದ್ದರು.

ಸೇಲ್ಸ್ ಮ್ಯಾನ್ ಆಗಿದ್ದ ಕೆಕೆ

ಕೆಕೆ ಬಾಲಿವುಡ್‌ಗೆ ಪ್ರವೇಶ ಮಾಡುವುದಕ್ಕಿಂತ ಮುನ್ನ ದೆಹಲಿಯಲ್ಲಿದ್ದರು. ಅಲ್ಲಿ ಶಿಕ್ಷಣ ಮುಗಿಸಿದ್ದರೂ, ಕೆಕೆಗೆ ಗಾಯಕನಾಗಬೇಕು ಎಂಬ ಆಸೆಯಿತ್ತು. ಇದೇ ವೇಳೆ ನಿರುದ್ಯೋಗಿಯಾಗಿದ್ದ ಕೆಕೆ ತನ್ನ ಬಾಲ್ಯದ ಗೆಳತಿಯನ್ನು ಮದುವೆಯಾಗಲು ಸೇಲ್ಸ್ ನ್ಯಾನ್ ಕೆಲಸ ಹಿಡಿದಿದ್ದರು. ಗೆಳತಿಯಾಗಿ ಗಾಯಕನಾಗುವ ಕನಸನ್ನು ಪಕ್ಕಿಟ್ಟಿದ್ದರು. ಆದರೆ, ಮೂರು ತಿಂಗಳು ಸೇಲ್ಸ್ ಮ್ಯಾನ್ ಆಗಿ ಕೆಲಸ ಮಾಡಿದ ಬಳಿಕ ಗಾಯಕನಾಗಲು ಮುಂಬೈಗೆ ತೆರಳಿದ್ದರು.

ಕೆಕೆ ಡೇಟ್ ಮಾಡಿದ ಏಕೈಕ ಮಹಿಳೆ ಜ್ಯೋತಿ

ಇದೇ ಕಪಿಲ್ ಶರ್ಮಾ ಶೋನಲ್ಲಿ ಮತ್ತೊಂದು ವಿಷಯವನ್ನು ರಿವೀಲ್ ಮಾಡಿದ್ದರು. ತನ್ನ ಜೀವನದುದ್ದಕ್ಕೂ ಕೆಕೆ ಒಬ್ಬರನ್ನು ಪ್ರೀತಿ ಮಾಡಿದ್ದರು. ಅವರನ್ನೇ ಮದುವೆ ಕೂಡ ಆದರು. ಕೆಕೆ 1991ರಲ್ಲಿ ವಿವಾಹವಾಗಿದ್ದರು. ಲೈಫ್‌ನಲ್ಲಿ ಸೆಟೆಲ್ ಆಗುವುದಕ್ಕೆ ಮುನ್ನವೇ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಮೂರು ವರ್ಷಗಳ ಬಳಿಕ, ಅಂದರೆ, 1994ರಲ್ಲಿ ಗಾಯಕನಾಗಿ ಮೊದಲ ಬಿಗ್ ಬ್ರೇಕ್ ಸಿಕ್ಕಿತ್ತು.

ಹಾಡಲು ಪ್ರೇರಣೆ ಜ್ಯೋತಿ

ಕೆಕೆ, ದೆಹಲಿಯಲ್ಲಿ ಕೇವಲ ಜಿಂಗಲ್ಸ್ ಹಾಗೂ ಸಣ್ಣ ಪುಟ್ಟ ಕೆಲಸಗಳನ್ನು ಮಾತ್ರ ಮಾಡುತ್ತಿದ್ದರು. ಆಗಲೇ ಪತ್ನಿ ಮುಂಬೈಗೆ ಹೋಗುವಂತೆ ಪ್ರೇರಣೆ ನೀಡಿದ್ದರು. ಪ್ರತಿಯೊಂದು ಹಂತದಲ್ಲಿಯೂ ಪತ್ನಿ ಜ್ಯೋತಿ ಕೆಕೆಯ ಜೊತೆಯಲ್ಲಿಯೇ ಇದ್ದರು. ಅವರ ನಿರ್ಧಾರದ ಹಿಂದೆ ಪತ್ನಿ ಜ್ಯೋತಿ ಇದ್ದಾರೆ ಎಂದು ಹಲವು ಸಂದರ್ಭಗಳಲ್ಲಿ ಕೆಕೆ ಹೇಳಿದ್ದಾರೆ.