'ದಿ ಲಯನ್ ಈಸ್ ಬ್ಯಾಕ್': ದಾಖಲೆ ಸೃಷ್ಟಿಸಿದ ಕೋಟಿಗೊಬ್ಬ 3 ಹಾಡು

ಕೆಲವೇ ನಿಮಿಷದಲ್ಲಿ ಲಕ್ಷ ವೀಕ್ಷಣೆ

'ಆಕಾಶಾನೆ ಅದರಿಸುವ' ಹಾಡು ಬಿಡುಗಡೆಯಾದ ಕೆಲವೇ ನಿಮಿಷಗಳಲ್ಲಿ ಲಕ್ಷ ವೀಕ್ಷಣೆಯನ್ನು ದಾಟಿದೆ. ಅರ್ಧ ಗಂಟೆಯಲ್ಲಿ ಒಂದೂವರೆ ಲಕ್ಷ ವೀಕ್ಷಣೆಗೆ ಒಳಪಟ್ಟ ಹಾಡು, ಮುಕ್ಕಾಲು ಗಂಟೆ ಕಳೆಯುವ ವೇಳೆಗೆ ಐದು ಲಕ್ಷ ವೀಕ್ಷಣೆಯಾಗಿದೆ.

ಕನ್ನಡದಲ್ಲಿ ದಾಖಲೆ

ಕನ್ನಡದಲ್ಲಿ ಇತ್ತೀಚೆಗೆ ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾದ ಅನೇಕ ಲಿರಿಕಲ್ ವಿಡಿಯೋಗಳು ಭರ್ಜರಿ ಹಿಟ್ ಆಗಿವೆ. ಆದರೆ ಇಷ್ಟು ಕಡಿಮೆ ಅವಧಿಯಲ್ಲಿ ಯಾವ ಹಾಡೂ ಇಷ್ಟೊಂದು ಹಿಟ್ಸ್ ಪಡೆದಿರಲಿಲ್ಲ. ಅಂತಹದ್ದೊಂದು ವಿಶಿಷ್ಟ ದಾಖಲೆಯನ್ನು ಕೋಟಿಗೊಬ್ಬ 3 ಮಾಡಿದೆ ಎಂದು ಹೇಳಲಾಗಿದೆ.

24 ಗಂಟೆಯಲ್ಲಿ 23 ಲಕ್ಷ ಹಿಟ್

ಕೋಟಿಗೊಬ್ಬ 3 ಚಿತ್ರದ 'ಆಕಾಶಾನೆ ಅದರಿಸುವ' ಹಾಡು ಒಂದೇ ದಿನದಲ್ಲಿ 2.7 ಮಿಲಿಯನ್‌ಗೂ ಅಧಿಕ ಹಿಟ್ಸ್ ಪಡೆದುಕೊಂಡಿದೆ. 1.30 ಲಕ್ಷ ಮಂದಿ ಯೂಟ್ಯೂಬ್‌ನಲ್ಲಿ ಲೈಕ್ ಮಾಡಿದ್ದಾರೆ. ಹಾಡಿಗೆ ಬಂದಿರುವ ಕಾಮೆಂಟ್ಸ್‌ಗಳ ಸುರಿಮಳೆಯೇ ಹಾಡು ಹಿಟ್ ಆದ ಪರಿಯನ್ನು ಹೇಳುವಂತಿದೆ.

ಅರ್ಜುನ್ ಜನ್ಯ-ನಾಗೇಂದ್ರ ಪ್ರಸಾದ್ ಜೋಡಿ

ಅರ್ಜುನ್ ಜನ್ಯ ಸಂಗೀತವಿರುವ ಈ ಚಿತ್ರದ ಹಾಡನ್ನು ವಿ. ನಾಗೇಂದ್ರ ಪ್ರಸಾದ್ ಬರೆದಿದ್ದಾರೆ. ವ್ಯಾಸರಾಜ್ ಸೋಸಲೆ ಹಾಡಿದ್ದಾರೆ. ಶಿವಕಾರ್ತಿಕ್ ಚಿತ್ರಕಥೆ ಬರೆದು ನಿರ್ದೇಶನ ಮಾಡಿರುವ ಸಿನಿಮಾದಲ್ಲಿ ನಾಯಕಿಯಾಗಿ ಮೋನಿಕಾ ಸೆಬಾಸ್ಟಿಯನ್ ನಟಿಸಿದ್ದಾರೆ. ಅಫ್ತಾಬ್ ಶಿವದಾಸಾನಿ, ರವಿಶಂಕರ್ ಮುಂತಾದವರು ತಾರಾಗಣದಲ್ಲಿದ್ದಾರೆ.