ಹೊಸ ಅವತರಣಿಕೆಯಲ್ಲಿ 'ಜೈ ಶ್ರೀರಾಮ್' ಹಾಡು: ಶಂಕರ್ ಮಹದೇವನ್ ಕಂಠಕ್ಕೆ ಉಘೇ ಎಂದ ಫ್ಯಾನ್ಸ್

ಭರ್ಜರಿ ಹಿಟ್ ಆದ ಹಾಡು

ಶಂಕರ್ ಮಹದೇವನ್ ಹಾಡಿರುವ ಹಾಡು ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾದ ಎರಡೇ ಗಂಟೆಯಲ್ಲಿ ಎರಡು ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. 39 ಸಾವಿರಕ್ಕೂ ಹೆಚ್ಚು ಮಂದಿ ಹಾಡನ್ನು ಲೈಕ್ ಮಾಡಿದ್ದಾರೆ. ಈ ಹಾಡಿಗೆ ಮಿಲಿಯನ್‌ಗಟ್ಟಲೆ ವ್ಯೂವ್ಸ್ ತರುವುದು ಅಭಿಮಾನಿಗಳ ಉದ್ದೇಶ.

ಶಂಕರ್ ಮಹದೇವನ್ ಕಂಠದ ಗಮ್ಮತ್ತು

ಅರ್ಜುನ್ ಜನ್ಯ ಸಂಗೀತದಲ್ಲಿ ವಿ. ನಾಗೇಂದ್ರ ಪ್ರಸಾದ್ ಬರೆದ ಹಾಡು ಈಗಾಗಲೇ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿತ್ತು. ಅದಕ್ಕೆ ಶಂಕರ್ ಮಹದೇವನ್ ಗಾಯನ ಸೇರಿದ್ದು ಅವರಿಗೆ ಮತ್ತಷ್ಟು ಸಂತಸ ನೀಡಿದೆ. ಈಗ ಈ ಹಾಡಿಗೆ ಇನ್ನಷ್ಟು ಗತ್ತು ಸಿಕ್ಕಿದೆ ಎಂದು ಹೊಗಳಿದ್ದಾರೆ.

ದರ್ಶನ್ ರಾಮನವಮಿ ಸಂದೇಶ

ನಟ ದರ್ಶನ್ ಶ್ಲೋಕವೊಂದರ ಮೂಲಕ ಅಭಿಮಾನಿಗಳಿಗೆ ರಾಮನವಮಿಯ ಸಂದೇಶ ನೀಡಿದ್ದಾರೆ. ಜತೆಗೆ ಮನೆಯಲ್ಲಿಯೇ ಇರಿ, ಸುರಕ್ಷಿತರಾಗಿರಿ ಎಂದು ಹೇಳುವುದನ್ನು ಅವರು ಮರೆತಿಲ್ಲ.

ನಿಮಗಾಗಿ ಈ ಹಾಡು

ಕಪಿವರ ಸಂತತಿ ಸಂಸ್ತುತ ರಾಮ| ತದ್ಗತಿ ವಿಘ್ನಧ್ವಂಸಕ ರಾಮ|| ಲಂಕಾಖ್ಯಾರ್ಪಿತ ವೈಭವ ರಾಮ| ಸೀತಾಪ್ರಾಣಾಧಾರಕ ರಾಮ|| ಎಂಬ ಶ್ಲೋಕ ಹಂಚಿಕೊಂಡಿರುವ ದರ್ಶನ್, ರಾಬರ್ಟ್ ಚಿತ್ರದ ಹೊಸ ಅವತರಣಿಕೆಯ ಹಾಡು ನಿಮಗಾಗಿ ಎಂದು ಅದರ ಲಿಂಕ್ ಹಂಚಿಕೊಂಡಿದ್ದಾರೆ.