20 ಗಂಟೆಯೊಳಗೆ ಅಲ್ಲು ಅರ್ಜುನ್ 'ಪುಷ್ಪ' ದಾಖಲೆ ಉಡೀಸ್ ಮಾಡಿದ ಮಹೇಶ್ ಬಾಬು

'ಊ ಅಂಟವಾ' ಹಾಡಿನ ದಾಖಲೆ ಉಡೀಸ್

ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಅಭಿನಯದ 'ಪುಷ್ಪ' ಸಿನಿಮಾ ಬ್ಲಾಕ್ ಬಸ್ಟರ್ ಹಿಟ್ ಆಗಿದ್ದು ಗೊತ್ತೇ ಇದೆ. ಈ ಸಿನಿಮಾದಲ್ಲಿ ಸಮಂತಾ ಹೆಜ್ಜೆ ಹಾಕಿದ ಐಟಂ ಹಾಡು 'ಊ ಅಂಟವಾ ಮಾವ' ಹಾಡು ಹೊಸ ದಾಖಲೆಯನ್ನು ಸೃಷ್ಟಿಸಿತ್ತು. ಈ ಹಾಡು ಬರೆದಿದ್ದ ದಾಖಲೆಯನ್ನು ಮಹೇಶ್ ಬಾಬು ಅಭಿನಯದ 'ಸರ್ಕಾರು ವಾರಿ ಪಾಟ' ಚಿತ್ರದ ಮೊದಲ ಹಾಡು ಉಡೀಸ್ ಮಾಡಿದೆ. ಈ ಸಿನಿಮಾದ ಕಲಾವತಿ ಸಾಂಗ್ ಬಿಡುಗಡೆಯಾದ ಕೇವಲ 20 ಗಂಟೆಗಳಲ್ಲಿ ಮುರಿದು ಹಾಕಿದೆ.

ಕಲಾವತಿ ಸಾಂಗ್ ಬರೆದ ದಾಖಲೆಯೇನು?

ತಮನ್ ಮ್ಯೂಸಿಕ್, ಸಿದ್ಧ್ ಶ್ರೀರಾಮ್ ಧ್ವನಿ, ಸೂಪರ್ ಸ್ಟಾರ್ ಮಹೇಶ್ ಬಾಬು, ಕೀರ್ತಿ ಸುರೇಶ್ ಇಷ್ಟು ಮಂದಿ ಒಂದು ಹಾಡಿನ ಗೆಲುವಿನ ರೂವಾರಿಗಳು. ರಿಲೀಸ್ ಮಾಡಿದ್ದು 'ಸರ್ಕಾರು ವಾರಿ ಪಾಟ' ಚಿತ್ರದ ಒಂದು ಹಾಡು. ಅದೂ ಲಿರಿಕಲ್ ಸಾಂಗ್. ಈ ಹಾಡು ಕೇವಲ 20 ಗಂಟೆಗಳಲ್ಲಿ 14 ಮಿಲಿಯನ್ ವೀವ್ಸ್ ಪಡೆದು. ಆಲ್‌ ಟೈಮ್ ರೆಕಾರ್ಡ್ ಮಾಡಿದೆ. ಪುಷ್ಪ ಸಿನಿಮಾದಲ್ಲಿ ಸಮಂತಾ ನಟಿಸಿದ 'ಊ ಅಂಟವಾ ಮಾವ' ಸಾಂಗ್ ಇದೇ 20 ಗಂಟೆಗಳಲ್ಲಿ 12.39 ಮಿಲಿಯನ್ ವೀವ್ಸ್ ಪಡೆದುಕೊಂಡಿತ್ತು. ಚಿತ್ರತಂಡದ ಪ್ರಕಾರ, ಕಲಾವತಿ ಸಾಂಗ್ 24 ಗಂಟೆಗಳಲ್ಲಿ 16 ಮಿಲಿಯನ್ ವೀವ್ಸ್ ಪಡೆದುಕೊಂಡಿದೆ.

ಲೈಕ್ಸ್‌ನಲ್ಲೂ ಕಲಾವತಿ ಸಾಂಗ್ ದಾಖಲೆ

ಕಲಾವತಿ ಲಿರಿಕಲ್ ಸಾಂಗ್ ದಾಖಲೆ ಕೇವಲ ವೀವ್ಸ್‌ನಲ್ಲಿ ಅಷ್ಟೇ ಅಲ್ಲ. ಲೈಕ್ಸ್ ವಿಚಾರದಲ್ಲೂ ದಾಖಲೆಗಳನ್ನು ಉಡೀಸ್ ಮಾಡಿದೆ. ಸಿದ್ದ್ ಶ್ರೀರಾಮ್ ಹಾಗೂ ತಮನ್ ಇಬ್ಬರ ಕಾಂಬೋಗೆ 8.06 ಲಕ್ಷ ಲೈಕ್ಸ್ ಸಿಕ್ಕಿದೆ. ಟಾಲಿವುಡ್ ಪವರ್‌ಸ್ಟಾರ್ ಪವನ್ ಕಲ್ಯಾಣ್ ಅಭಿನಯದ ಭೀಮ್ಲಾ ನಾಯಕ ಸಿನಿಮಾಗೆ ಇದೂವರೆಗೂ ಅತೀ ಹೆಚ್ಚು 7.28 ಲಕ್ಷ ಲೈಕ್ಸ್ ಪಡೆದುಕೊಂಡಿತ್ತು. ಒಂದೇ ಹಾಡಲ್ಲಿ ಎರಡು ದಾಖಲೆಗಳನ್ನು ಮಹೇಶ್ ಬಾಬು ಸಿನಿಮಾ ಮುರಿದು ಹಾಕಿದೆ.

24 ಗಂಟೆಗಳಲ್ಲಿ ದಾಖಲೆ ಬರೆದ ಟಾಪ್ 5 ಸಾಂಗ್ಸ್

ತೆಲುಗು ಸಿನಿಮಾ ಸೂಪರ್‌ಸ್ಟಾರ್ ಹಾಡುಗಳು ಬಿಡುಗಡೆಯಾದ 24 ಗಂಟೆಯೊಳಗೆ ದಾಖಲೆ ಬರೆದಿತ್ತು. ಮಹೇಶ್ ಬಾಬು ಸಿನಿಮಾ 'ಸರ್ಕಾರು ವಾರಿ ಪಾಟ' ಚಿತ್ರದ ಕಲಾವತಿ ಸಾಂಗ್ 14 ಮಿಲಿಯನ್ ವೀವ್ಸ್ ಪಡೆದರೆ, 'ಪುಷ್ಪ' ಚಿತ್ರದ 'ಊ ಅಂಟವಾ ಸಾಂಗ್' 12.39 ಮಿಲಿಯನ್ ವೀವ್ಸ್ ಪಡೆದಿತ್ತು. ಭೀಮ್ಲಾ ನಾಯಕ್ ಚಿತ್ರ 'ಲಾ ಲಾ ಭೀಮ್ಸಾ' ಸಾಂಗ್ 10.20 ವೀವ್ಸ್ ಸಿಕ್ಕಿದೆ. ಚಿರಂಜೀವಿ ಅಭಿನಯದ 'ಆಚಾರ್ಯ' ದ ಸಾನಾ ಕ್ಷಣಂ ಹಾಡಿಗೆ 10.16 ಮಿಲಿಯನ್ ವೀವ್ಸ್ ಸಿಕ್ಕಿದೆ. 'ಪುಷ್ಪ' ಸಾಮಿ ಸಾಮಿ ಹಾಡು 9.06 ಮಿಲಿಯನ್ ವೀವ್ಸ್ ಗಿಟ್ಟಿಸಿಕೊಂಡಿದೆ.