ಗರ್ಭಿಣಿಯಾಗಿರುವುದನ್ನು ಹಾಡಿನ ಮೂಲಕವೇ ತಿಳಿಸಿದ ಗಾಯಕಿ

ಖಾತರಿಪಡಿಸಿದ ಪೆರ್ರಿ

'ನಾನು ಸಾಕಷ್ಟು ತಡಮಾಡಿದೆ. ಆದರೆ ನಿಮಗೆ ಈಗಾಗಲೇ ಅದು ಗೊತ್ತಾಗಿದೆ' ಎಂದು 'ಫೈರ್ ವರ್ಕ್' ಖ್ಯಾತಿಯ ಪೆರ್ರಿ, ಹಾಡಿನ ವಿಡಿಯೋ ವೈರಲ್ ಆದ ಬಳಿಕ ಶೀಘ್ರದಲ್ಲಿಯೇ ಲೈವ್ ಬರುವುದಾಗಿ ತಿಳಿಸಿದ್ದರು. ಅದರಂತೆ ಇನ್‌ಸ್ಟಾಗ್ರಾಂನಲ್ಲಿ ಲೈವ್ ವೇಳೆ ಈ ಸಂಗತಿಯನ್ನು ಖಚಿತಪಡಿಸಿದ್ದಾರೆ.

ತಾಯ್ತನದ ಖುಷಿಗಾಗಿ ಕಾತರ

ಸಾಮಾನ್ಯವಾಗಿ ಹಾಲಿವುಡ್ ಕಲಾವಿದರು ತಮ್ಮ ಮಗುವಿನ ಲಿಂಗವನ್ನು ಬಹಿರಂಗಪಡಿಸುತ್ತಾರೆ. ಆದರೆ ಪೆರ್ರಿ ಅದನ್ನು ತಿಳಿಸಿಲ್ಲ. ಈ ಬೇಸಿಗೆಯಲ್ಲಿ ಮಗುವಿಗೆ ಜನ್ಮ ನೀಡುವುದಾಗಿ ಹೇಳಿದ್ದಾರೆ. ಇದು ಪರ್ರಿ ಅವರ ಚೊಚ್ಚಲ ಮಗುವಾಗಿದೆ. ಹಾಗಾಗಿ ತಾಯ್ತನದ ಸುಖ ಅನುಭವಿಸಲು ಕಾತರರಾಗಿರುವುದಾಗಿ ತಿಳಿಸಿದ್ದಾರೆ.

ಬೇಸಿಗೆಯಲ್ಲಿ ಎರಡು ಖುಷಿ

'ಈ ಬೇಸಿಗೆಯಲ್ಲಿ ಸಾಕಷ್ಟು ಸಂಗತಿಗಳು ಸಂಭವಿಸುವುದಿದೆ. ನಾನು ಮಗುವಿಗೆ ಜನ್ಮ ನೀಡುತ್ತಿರುವುದು ಮಾತ್ರವಲ್ಲ, ನೀವು ಯಾವುದಕ್ಕೆ ಕಾದಿದ್ದೀರೋ ಆ ಹೊಸ ಆಲ್ಬಮ್ ಕೂಡ ಬರಲಿದೆ' ಎಂದಿದ್ದಾರೆ. ತಾವು ಹಾಗೂ ತಮ್ಮ ಸಂಗಾತಿ ಇಬ್ಬರೂ ಈ ಗಳಿಗೆಗೆ ಸಂತೋಷ ಮತ್ತು ಹುಮ್ಮಸ್ಸಿನಿಂದ ಕಾಯುತ್ತಿರುವುದಾಗಿ ತಿಳಿಸಿದ್ದಾರೆ.

ಇನ್ನೂ ಮದುವೆಯಾಗಿಲ್ಲ

ಪೆರ್ರಿ ಅವರ ಗೆಳೆಯ ಬ್ಲೂಮ್ (43) ಈ ಮೊದಲು ಸೂಪರ್ ಮಾಡೆಲ್ ಮಿರಾಂಡಾ ಕೆರ್ರ್ ಅವರನ್ನು ಮದುವೆಯಾಗಿದ್ದರು. ಅವರಿಗೆ 9 ವರ್ಷದ ಮಗನಿದ್ದಾನೆ. ಹಾಗೆಯೇ ಪೆರ್ರಿ ಬ್ರಿಟಿಷ್ ಹಾಸ್ಯ ಕಲಾವಿದ ರಸೆಲ್ ಬ್ರ್ಯಾಂಡ್ ಜತೆ ಎರಡು ವರ್ಷ ಸಂಸಾರ ನಡೆಸಿದ್ದರು. ಈಗ ಮಗುವಿನ ನಿರೀಕ್ಷೆಯಲ್ಲಿ ಪೆರ್ರಿ-ಬ್ಲೂಮ್ ಜೋಡಿ, ಮದುವೆಯಾಗಲು ಚಿಂತನೆ ನಡೆಸಿದ್ದಾರೆ.