Click it and Unblock the Notifications
Don't Miss!
-
Namma Metro: ಬೆಂಗಳೂರಿನ ಮತದಾರರಿಗೆ ಸಿಹಿ ಸುದ್ದಿ ನೀಡಿದ ನಮ್ಮ ಮೆಟ್ರೋ -
'ಟಿ20 ವಿಶ್ವಕಪ್ಗೆ ಈತನನ್ನು ಆಯ್ಕೆ ಮಾಡಿ'; ಅಜಿತ್ ಅಗರ್ಕರ್ಗೆ ಬಂತು ದೊಡ್ಡ ಮನವಿ! -
ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್ -
ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ -
ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್! -
ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಹೂರ್ತಕ್ಕೆ ಮುನ್ನವೇ ಅಣ್ಣಾಬಾಂಡ್ ಸೋಲ್ಡ್ ಔಟ್ !!
ವಿಷಯ ಏನಪ್ಪಾಂದ್ರೆ, ರಾಜ್ ಕುಮಾರ್ ಕುಟುಂಬದ ಬ್ಯಾನರ್ ನಲ್ಲಿ ಮೂಡಿ ಬರುತ್ತಿರುವ 80ನೇ ಚಿತ್ರ, ಸೂರಿ ನಿರ್ದೇಶನದ ಪುನೀತ್ ಮುಖ್ಯ ಭೂಮಿಕೆಯಲ್ಲಿರುವ ಅಣ್ಣಾಬಾಂಡ್. ಚಿತ್ರದ ಮಹೂರ್ತ ಇತ್ತೀಚಿಗೆ ನಡೆಯಿತು, ಕನಸುಗಾರ ರವಿಮಾಮ ಕ್ಲಾಪ್ ಮಾಡಿದ್ರು. ಚಿತ್ರದ ಮಹೂರ್ತಕ್ಕೆ ಮುನ್ನವೇ ಭಾರೀ ಮೊತ್ತಕ್ಕೆ ಚಿತ್ರದ ಟಿವಿ ರೈಟ್ಸ್ ಮಾರಾಟವಾಗಿದೆ ಎನ್ನುವ ಸುದ್ದಿ ಗಾಂಧಿನಗರದ ಗಲ್ಲಿಗಲ್ಲಿಯಲ್ಲಿ ಗಿರಿಗಿಟ್ಲೆ ಹೊಡೆಯುತ್ತಿದೆ.
ಯಾವ ಟಿವಿ ವಾಹಿನಿ ಚಿತ್ರದ ಹಕ್ಕನ್ನು ಪಡೆದು ಕೊಂಡಿದೆ, ಎಷ್ಟು ಮೊತ್ತಕ್ಕೆ ಚಿತ್ರ ಮಾರಾಟವಾಗಿದೆ ಎನ್ನುವ ಸುದ್ದಿ ಬಗ್ಗೆ ಇನ್ನೂ ಎಲ್ಲೂ ವರದಿಯಾಗಿಲ್ಲ. ಅಥವಾ ಇದು ಬರೀ ಗಾಳಿಸುದ್ದಿಯೋ ಎನ್ನುವ ವಿಷಯ ಕೂಡ ಇನ್ನೂ ಕನ್ಫರ್ಮ್ ಆಗಿಲ್ಲ. ಈ ಚಿತ್ರದದಲ್ಲಿ ಪುನೀತ್ ಗೆ ನಾಯಕಿಯಾಗಿ ಪ್ರಿಯಾಮಣಿ ಮತ್ತು ನಿಧಿ ಸುಬ್ಬಯ್ಯ. ಮತ್ತು ಸೂರಿ ಜಾಕಿ ಚಿತ್ರದ ತಂತ್ರಜ್ನರಲ್ಲೇ ಹೆಚ್ಚಾಗಿ ಇಲ್ಲಿ ಬಳಸಿಕೊಂಡಿದ್ದಾರೆ. ಅಂದರೆ ಹರಿಕೃಷ್ಣ ಅವರ ಸಂಗೀತ, ಸತ್ಯ ಹೆಗಡೆ ಕ್ಯಾಮೆರ, ಯೋಗರಾಜ್ ಭಟ್ ಮತ್ತು ಸೂರಿ ಸ್ಕ್ರೀನ್ ಪ್ಲೇ, ಭಟ್ರ ಮತ್ತು ಜಯಂತ್ ಕಾಯ್ಕಿಣಿ ಅವರ ಸಾಹಿತ್ಯ.
ನಿರ್ದೇಶಕ ಸೂರಿ ಹೇಳುವಂತೆ, ಇದು ಬಾಂಡ್ ಚಿತ್ರವಂತೂ ಅಲ್ಲವೇ ಅಲ್ಲ. ಲೋಕಲ್ ಭಾಷೆಯಲ್ಲಿ ಯಾರನ್ನಾದರೂ ಹೊಗಳಿ ಅಟ್ಟಕ್ಕೆರಿಸಬೇಕಾದ್ರೆ ಅಣ್ಣಾಬಾಂಡ್ ಎನ್ನುವುದು ವಾಡಿಕೆ. ಚಿತ್ರಕ್ಕೆ ಅದ್ಭುತ ಕಥೆಯಿಲ್ಲ, ಆದರೆ ಅದ್ಭುತ ಚಿತ್ರಕಥೆ ಇದೆ. ಎರಡೂವರೆ ಗಂಟೆ ಮೈಮೆರೆತು ಹೋಗುವಂತೆ ಚಿತ್ರ ನೀಡುತ್ತೇವೆ ಎನ್ನುವುದು ನಿರ್ದೇಶಕರ ಆತ್ಮವಿಶ್ವಾಸದ ಮಾತು. ಒಟ್ಟಿನಲ್ಲಿ ಮಹೂರ್ತಕ್ಕೆ ಮುನ್ನವೇ ಈ ಪಾಟಿ ಪಬ್ಲಿಸಿಟಿ ಪಡೆದು ಕೊಂಡಿರುವ ಈ ಚಿತ್ರಕ್ಕೆ ಇನ್ನು ಬಿಡುಗಡೆ ಸಮಯದಲ್ಲಿ ಯಾವ ರೀತಿ ಹೈಪ್ ಇರುತ್ತೋ...yavanigottu. (ಒನ್‌ಇಂಡಿಯಾ ಕನ್ನಡ)
