ಯೋ.. ಬರ್ಕೊಳಯ್ಯಾ.. ಬೆಂಗ್ಳೂರು ನಂದು!

ಗ್ಯಾಲರಿ : ಶಿವಣ್ಣ 100ನೇ ಚಿತ್ರ ಜೋಗಯ್ಯ

ಚಿತ್ರದಲ್ಲಿ ಶಿವರಾಜ್ ಕುಮಾರ್ ಮಾಧ್ಯಮದವರನ್ನು ಉದ್ದೇಶಿಸಿ ಡೈಲಾಗ್ ಉದುರಿಸುತ್ತಿರುವುದು ಹೀಗೆ "ಯೋ.. ಬರ್ಕೊಳಯ್ಯಾ.. ಮೊದ್ಲನೇ ಪುಟದಲ್ಲೇ ಬರ್ಕೋ.. ಬೆಂಗ್ಳೂರು ನಂದು.. ಯಕಶ್ಚಿತ್ ಒಂದು ನಾಯಿ ಬಾರ್ಡರ್ ದಾಟಿ ಬರ್ಬೇಕಾದ್ರೂ ನನ್ನ ಕೇಳ್ಕೊಂಡು ಬರ್ಬೇಕು.. ಅದು ಬಿಟ್ಟು ಹಂಗೆ ಬಂತೋ..." ಪಕ್ಕಾ ಅಂಡರ್ ವರ್ಲ್ಡ್ ಗೆಟ್ ಅಪ್ ನಲ್ಲಿರುವ ಶಿವಣ್ಣ ಅವರ ಈ ಡೈಲಾಗ್ ಡೆಲಿವರಿ ಡೆಡ್ಲಿ. [ದಿ ಮೇಕಿಂಗ್ ಆಫ್ ಜೋಗಯ್ಯ]

ಒಂದು ಫೈಟ್ ಮತ್ತು ಹಾಡನ್ನು 3ಡಿ ತಂತ್ರಜ್ಞಾನದಲ್ಲಿ ಚಿತ್ರೀಕರಿಸಿರುವ ಪ್ರೇಮ್, ಈ ಸೌಲಭ್ಯವಿರುವ ಯಾವ ಚಿತ್ರಮಂದಿರದಲ್ಲಿ ಚಿತ್ರ ಬಿಡುಗಡೆ ಮಾಡುತ್ತಿದ್ದಾರೆಂದು ಇನ್ನೂ ತಿಳಿಸಿಲ್ಲ. ಈ ಮಧ್ಯೆ ನಗರದ ವಿಷನ್ ಸಿನೆಮಾಸ್ ಅಂತರ್ಜಾಲದಲ್ಲಿ ಟಿಕೆಟ್ ಬುಕ್ಕಿಂಗ್ ಈಗಾಗಲೇ ಆರಂಭಿಸಿದ್ದು ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ ಎನ್ನಲಾಗಿದೆ. ಉಳಿದ ಮಲ್ಟಿಪ್ಲೆಕ್ಸ್ ನಲ್ಲಿ ಬುಧವಾರದಿಂದ (ಆ. 17) ಟಿಕೆಟ್ ಲಭ್ಯವಾಗಲಿವೆ. [ಜೋಗಯ್ಯ ಗ್ಯಾಲರಿ] ಟಿಕೆಟ್ ಸಿಕ್ಕವರಿಗೆ ಸೀರುಂಡೆ!!