'ಎಳೆಯರು ನಾವು ಗೆಳೆಯರು' ಚಿತ್ರತಂಡದಿಂದ ಶಾಲಾ ಮಕ್ಕಳಿಗೆ ಬಿಗ್ ಆಫರ್

'ಡ್ರಾಮಾ ಜೂನಿಯರ್ಸ್' ಖ್ಯಾತಿಯ ಪುಟಾಣಿ ಮಕ್ಕಳ ಅಭಿನಯದ 'ಎಳೆಯರು ನಾವು ಗೆಳೆಯರು' ಚಿತ್ರ ಜೂನ್ 2 ರಂದು ರಾಜ್ಯಾದ್ಯಂತ ತೆರೆಕಂಡಿದ್ದು, ಉತ್ತಮ ಪ್ರದರ್ಶನ ಕಾಣುತ್ತಿದೆ. ವಿಕ್ರಮ್ ಸೂರಿ ನಿರ್ದೇಶನ ಈ ಚಿತ್ರ ನೋಡಲು ಈಗ ಚಿತ್ರತಂಡ ಶಾಲಾ-ಕಾಲೇಜು ವಿದ್ಯಾರ್ಥಿಗಳಿಗೆ ಟಿಕೆಟ್ ದರದಲ್ಲಿ 50% ರಿಯಾಯ್ತಿ ನೀಡಿದೆ.['ಎಳೆಯರ' ಜೊತೆ 'ಗೆಳೆಯರ' ಸಿನಿಮಾ ನೋಡಿದ ಕಿಚ್ಚ ಸುದೀಪ್]

ಅಂದಹಾಗೆ ಶಾಲಾ-ಕಾಲೇಜು ವಿದ್ಯಾರ್ಥಿಗಳು 'ಎಳೆಯರು ನಾವು ಗೆಳೆಯರು' ಸಿನಿಮಾ ನೋಡಲು ಟಿಕೆಟ್ ದರದಲ್ಲಿ 50% ರಿಯಾಯ್ತಿ ಇರುವುದು ಈ ಸೋಮವಾರದಿಂದ-ಗುರುವಾರದವರೆಗೆ(ಜೂನ್ 5- ಜೂನ್ 8) ಮಾತ್ರ. ಆದರೆ ಈ ಆಫರ್ ಮಲ್ಟಿಪ್ಲೆಕ್ಸ್ ಚಿತ್ರಮಂದಿರಗಳಿಗೆ ಅನ್ವಯಿಸುವುದಿಲ್ಲ. ಈ ಚಿತ್ರ ನೋಡಲು ಬಯಸುವ ಶಾಲಾ-ಕಾಲೇಜು ಮಕ್ಕಳು ಟಿಕೆಟ್ ದರದಲ್ಲಿ 50% ಡಿಸ್ಕೌಂಟ್ ಪಡೆಯಲು ಚಿತ್ರಮಂದಿರದಲ್ಲಿ ತಮ್ಮ ಐಡಿ ಕಾರ್ಡ್ ಅನ್ನು ಕಡ್ಡಾಯವಾಗಿ ತೋರಿಸಬೇಕಿದೆ.

'ಎಳೆಯರು ನಾವು ಗೆಳೆಯರು' ಚಿತ್ರನೋಡಿದ ಹಲವರು ಶಾಲಾ-ಕಾಲೇಜು ವಿದ್ಯಾರ್ಥಿಗಳು ಈ ಚಿತ್ರವನ್ನು ನೋಡಬೇಕು. ಅಷ್ಟೊಂದು ಅತ್ಯುತ್ತಮವಾಗಿ ಉತ್ತಮ ಸಂದೇಶದೊಂದಿಗೆ ಚಿತ್ರ ಮೂಡಿಬಂದಿದೆ. ಆದ್ದರಿಂದ ಶಾಲಾ ಮಕ್ಕಳು ಚಿತ್ರ ವೀಕ್ಷಿಸಲು ಟಿಕೆಟ್ ದರದಲ್ಲಿ ರಿಯಾಯ್ತಿ ನೀಡಿ ಎಂದು ಕೇಳಿಕೊಂಡ ಹಿನ್ನೆಲೆಯಲ್ಲಿ ಚಿತ್ರತಂಡ ಈ ನಿರ್ಧಾರ ಕೈಗೊಂಡಿದೆ.

ಚಿತ್ರಕ್ಕೆ ಕಥೆ ಬರೆದು ನಾಗರಾಜ್ ಗೋಪಾಲ್ ರವರು ನಿರ್ಮಾಣ ಮಾಡಿರುವ ಈ ಚಿತ್ರಕ್ಕೆ ಅನೂಪ್ ಸೀಳಿನ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಚಿತ್ರ ವಿರ್ಮಶಕರಿಂದಲೂ ಉತ್ತಮ ಪ್ರಶಂಸೆ ಪಡೆದಿದ್ದು, ಚಿತ್ರದಲ್ಲಿಯ ಅಚಿಂತ್ಯ, ನಿಹಾಲ್,ಅಮೋಘ್, ಮಹೇಂದ್ರ, ಅಭಿಷೇಕ್, ತುಷಾರ್, ಸೂರಜ್, ಪುಟ್ಟರಾಜು, ತೇಜಸ್ವಿನಿ ಮತ್ತು ಇತರೆ ಮಕ್ಕಳು ಅಭಿನಯಕ್ಕೆ ವಿಮರ್ಶಕರು ಮನಸೋತಿದ್ದಾರೆ.[ಎಳೆಯ ಗೆಳೆಯರ ಸಮಾಜ ಕಳಕಳಿಗೆ ಮನಸೋತ ವಿಮರ್ಶಕರು ಏನಂದ್ರು ನೋಡಿ..]