ಕಿಚ್ಚ ಸುದೀಪ್‌ಗೆ ಬಾಂಗ್ಲಾದೇಶದ ಅಭಿಮಾನಿ ಬರೆದ ಮೆಚ್ಚುಗೆಯ ಪತ್ರ

ನಿಮ್ಮನ್ನು ವರ್ಣಿಸಲು ಪದಗಳು ಸಾಲುತ್ತಿಲ್ಲ

ಹಾಯ್ ಕಿಚ್ಚ ಸುದೀಪ್ ಸರ್. ನಾನು ನಿಮ್ಮ ಬಹಳ ದೊಡ್ಡ ಅಭಿಮಾನಿ. ನಿಮ್ಮ ಎಲ್ಲ ಸಿನಿಮಾಗಳನ್ನು, ನಿಮ್ಮ ಸಿಸಿಎಲ್ ಮತ್ತು ಕೆಸಿಎಲ್ ಕ್ರಿಕೆಟ್ ಮ್ಯಾಚ್‌ಗಳನ್ನು, ಸಂದರ್ಶನಗಳನ್ನು, ಕಾರ್ಯಕ್ರಮಗಳನ್ನು, ಸಂಗೀತ, ಹೀಗೆ ಎಲ್ಲವನ್ನೂ ನನ್ನಾಣೆ ನೋಡಿದ್ದೇನೆ! ನಿಮ್ಮನ್ನು ವರ್ಣಿಸಲು ಹಾಗೂ ನಿಮ್ಮ ಕುರಿತಾದ ನನ್ನ ಭಾವನೆಗಳನ್ನು ವಿವರಿಸಲು ಪದಗಳು ಸಾಲುತ್ತಿಲ್ಲ.

ನೀವು ಅಸಾಧಾರಣ ಪ್ರತಿಭಾವಂತ

ನೀವು ಅಸಾಧಾರಣ ಪ್ರತಿಭಾವಂತ ಮತ್ತು ಖಂಡಿತವಾಗಿಯೂ ಅದ್ಭುತ. ನಿಮ್ಮಲ್ಲಿ ಯಾವುದೇ ಲೋಪದೋಷಗಳನ್ನು ನಾನು ಕಂಡಿಲ್ಲ ಮತ್ತು ನಿಮ್ಮ ವಿಶಿಷ್ಟ ವ್ಯಕ್ತಿತ್ವ ಹಾಗೂ ಶೈಲಿಯಿಂದ ಮೋಹಿತಳಾಗಿದ್ದೇನೆ. ನಿಮ್ಮ ಪ್ರಾಮಾಣಿಕತೆ, ಶಾಂತತೆ, ಶ್ರದ್ಧೆ ಮತ್ತು ಕಾಂತಿಯನ್ನು ನಾನು ಎಷ್ಟು ಮೆಚ್ಚಿಕೊಂಡಿದ್ದೇನೆ ಎಂದು ನನಗೆ ವರ್ಣಿಸಲು ಸಾಧ್ಯವಾಗುತ್ತಿಲ್ಲ.

ನೀವು ನಿಜವಾದ ಹೀರೋ

ನಿಮ್ಮ ಹೆಸರು, ಸುದೀಪ್ ಎಂದರೆ ಪ್ರಕಾಶಮಾನ (ನಾನು ತಪ್ಪು ಹೇಳಿಲ್ಲ ಎಂದುಕೊಳ್ಳುತ್ತೇನೆ). ಇದೇ ನಿಮ್ಮ ಮತ್ತು ಹಿರಿಮೆಯ ಕುರಿತಾದ ಕೊನೆಯ ವ್ಯಾಖ್ಯಾನ. ನಿಮ್ಮನ್ನು ಕೇವಲ ಸಿನಿಮಾ ತಾರೆಯಲ್ಲ, ನಿಜವಾದ ಹೀರೋ ಎಂದೇ ನಾನು ಪರಿಗಣಿಸಿದ್ದೇನೆ. ನಿಮ್ಮೆಡೆಗಿನ ನನ್ನ ಅತೀವ ಪ್ರೀತಿ, ಗೌರವ ಮತ್ತು ಗೀಳು ಬದಲಿಸಲಾಗದ್ದು.

ಬಾಂಗ್ಲಾದೇಶದಿಂದ ಪ್ರೀತಿಯೊಂದಿಗೆ...

ನಿಮ್ಮ ಅದ್ಭುತ ಸಿನಿಮಾಗಳಿಂದ ನಮಗೆ ಮನರಂಜನೆ ನೀಡುತ್ತಿರುವುದಕ್ಕೆ ಮತ್ತು ನಮ್ಮ ಮುಖಗಳಲ್ಲಿ ನಗು ತರುತ್ತಿರುವುದಕ್ಕೆ ಹಾಗೂ ಕೆಲವೊಮ್ಮೆ ಕಣ್ಣೀರು ತರುವುದಕ್ಕೆ ನಿಮಗೆ ಧನ್ಯವಾದಗಳು. ನಿಮಗೆ ಮತ್ತು ನಿಮ್ಮ ಕುಟುಂಬಕ್ಕೆ ಸುದೀರ್ಘ ಬದುಕು, ಶಾಶ್ವತ ನೆಮ್ಮದಿ, ಸಮೃದ್ಧಿ ಮತ್ತು ಒಳ್ಳೆಯ ಆರೋಗ್ಯ ನೀಡುವ ಮೂಲಕ ದೇವರು ಒಳ್ಳೆಯದನ್ನು ಮಾಡಲಿ. ನಾನು ನಿಮಗಾಗಿ ಅದನ್ನು ಬಯಸುತ್ತೇನೆ. ಬಾಂಗ್ಲಾದೇಶದಿಂದ ಅಪಾರ ಪ್ರೀತಿಯೊಂದಿಗೆ... ಎಂದು ಶಾನಿಲಾ ಖಾನ್ ಬರೆದಿದ್ದಾರೆ.