ರಾಧಿಕಾ ಕುಮಾರಸ್ವಾಮಿ ಅಲ್ಲ, ಡಾರ್ಲಿಂಗ್ ಕೃಷ್ಣ ಹೊಸ ಚಿತ್ರದ ನಾಯಕಿ ಇವರು...

ಸೆಪ್ಟೆಂಬರ್‌ನಿಂದ ಚಿತ್ರೀಕರಣ

ಸೆಪ್ಟೆಂಬರ್ 1ರಿಂದ ಚಿತ್ರೀಕರಣ ಆರಂಭಿಸಲು ನಾಗಶೇಖರ್ ತೀರ್ಮಾನಿಸಿದ್ದಾರೆ. ಮೊದಲ ಹಂತದ ಚಿತ್ರೀಕರಣ 14 ದಿನಗಳವರೆಗೆ ನಡೆಯಲಿದೆ. ಆರಂಭದಲ್ಲಿ ರಾಧಿಕಾ ಕುಮಾರಸ್ವಾಮಿ ಹೆಸರು ಕೇಳಿಬಂದಿದ್ದು ನಿಜ. ಆದರೆ ಇದಕ್ಕೆ ನಾಯಕಿಯಾಗಿ ಭಾವನಾ ಮೆನನ್ ಆಯ್ಕೆಯಾಗಿದ್ದಾರೆ. ಇದು ಅಧಿಕೃತ ಎಂದು ತಿಳಿಸಿದ್ದಾರೆ.

ತಾರಾಬಳಗ

ಅರ್ಜುನ್ ಜನ್ಯ ಈ ಸಿನಿಮಾಕ್ಕೂ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ. ಸತ್ಯ ಹೆಗಡೆ ಛಾಯಾಗ್ರಹಣ ಇರಲಿದೆ. ದತ್ತಣ್ಣ, ಸುಹಾಸಿನಿ, ಅರುಣ್ ಸಾಗರ್, ರಂಗಾಯಣ ರಘು ಮುಂತಾದವರು ತಾರಾಗಣದಲ್ಲಿದ್ದಾರೆ. ಪ್ರೀತಂ ಗುಬ್ಬಿ ಸಂಭಾಷಣೆ ಬರೆದಿದ್ದಾರೆ.

ಲವ್ ಮಾಕ್‌ಟೇಲ್ ರೀಮೇಕ್

ಇನ್ನೊಂದೆಡೆ ನಾಗಶೇಖರ್, ಡಾರ್ಲಿಂಗ್ ಕೃಷ್ಣ ನಿರ್ಮಾಣ, ನಿರ್ದೇಶನ ಮತ್ತು ನಟನೆಯ 'ಲವ್ ಮಾಕ್‌ಟೇಲ್' ಚಿತ್ರವನ್ನು ತೆಲುಗಿಗೆ ರೀಮೇಕ್ ಮಾಡುತ್ತಿದ್ದಾರೆ. ಲವ್ ಮಾಕ್‌ಟೇಲ್ ರೀಮೇಕ್‌ನಲ್ಲಿ ಸತ್ಯದೇವ್ ಮತ್ತು ತಮನ್ನಾ ನಾಯಕಿಯರಾಗಿ ನಟಿಸುತ್ತಿದ್ದಾರೆ. ಕನ್ನಡದ ನಟಿ ಕಾವ್ಯಾ ಶೆಟ್ಟಿ ಕೂಡ ಈ ಚಿತ್ರದ ಮತ್ತೊಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರಕ್ಕೆ 'ಚುಕ್ಕಲ ಪಲ್ಲಕಿಲೋ' ಎಂದು ಹೆಸರು ಇಡಲಾಗಿದೆ.

ಲವ್ ಮಾಕ್‌ಟೇಲ್ 2 ಕಾರ್ಯ

ಡಾರ್ಲಿಂಗ್ ಕೃಷ್ಣ ಕೂಡ ತಮ್ಮ 'ಲವ್ ಮಾಕ್‌ಟೇಲ್-2'ರ ತಯಾರಿ ನಡೆಸುತ್ತಿದ್ದಾರೆ. ಇದು ಲವ್ ಮಾಕ್‌ಟೇಲ್ ಚಿತ್ರದ ಮುಂದುವರಿದ ಭಾಗವಾಗಿರಲಿದೆ. ಹೀಗಾಗಿ ಕೆಲವು ಪಾತ್ರಗಳು ಮತ್ತೆ ಕಾಣಿಸಿಕೊಳ್ಳಲಿವೆ. ಅದರ ಜತೆಗೆ ಕಥೆ ವಿಭಿನ್ನ ಹಾದಿಯಲ್ಲಿ ಸಾಗಲಿದ್ದು, ನಾಯಕಿಯ ಪಾತ್ರಕ್ಕೆ ಹೊಸ ನಟಿಯನ್ನು ಹುಡುಕಾಡಲು ಚಿತ್ರತಂಡ ಮುಂದಾಗಿತ್ತು.