CCL 2025 Live: ಕಟಕ್‌ನಲ್ಲಿ ಮುಂಬೈ ಹೀರೋಸ್ ವಿರುದ್ಧ ಗೆದ್ದ ಬೆಂಗಾಲ್ ಟೈಗರ್ಸ್

ಮುಂಬೈ ಹೀರೋಸ್ ಕೊಟ್ಟ ಸಾಧಾರಾಣ ಮೊತ್ತವನ್ನು ಚೇಸ್ ಮಾಡುವುದಕ್ಕೆ ಬೆಂಗಾಲ್ ಟೈಗರ್ಸ್ ತಂಡ ಕಷ್ಟ ಪಟ್ಟಿದೆ. ಇನ್ನೂ ಐದು ಎಸೆತಗಳು ಬಾಕಿ ಇರುವಂತೆಯೇ ಪಂದ್ಯವನ್ನು ಗೆದ್ದಿದೆ. ಬೆಂಗಾಲ್ ಟೈಗರ್ಸ್ ತಂಡ 89 ರನ್‌ಗಳಿಗೆ 4 ವಿಕೆಟ್ ಕಳೆದುಕೊಂಡು ಗೆಲುವಿನ ನಗೆ ಬೀರಿದೆ.

ಬೆಂಗಲ್‌ ಟೈಗರ್ಸ್‌ಗೆ ಮುಂಬೈ ಹೀರೋಸ್ ಸಾಧಾರಾಣ ಮೊತ್ತದ ಗುರಿಯನ್ನು ನೀಡಿತ್ತು. ಆದರೆ, ಮೊದಲ ಐದು ಓವರ್‌ಗಳಲ್ಲಿ ಬೆಂಗಾಲ್ ಟೈಗರ್ಸ್ 4 ಪ್ರಮುಖ ವಿಕೆಟ್‌ಗಳನ್ನು ಕಳೆದುಕೊಂಡಿದ್ದು, 35 ರನ್‌ಗಳನ್ನು ಕಲೆ ಹಾಕಿದೆ.

ಮುಂಬೈ ಇಂಡಿಯನ್ಸ್ ನೀಡಿದ 85 ರನ್‌ಗಳ ಸಾಧಾರಾಣ ಮೊತ್ತವನ್ನು ಬೆಂಗಾಲ್ ಟೈಗರ್ಸ್ ಬೆನ್ನಟ್ಟಿದೆ. ಆರಂಭಿಕ ಬ್ಯಾಟ್ಸ್‌ಮನ್‌ಗಳಾಗಿ ಜಾಯ್ ಮತ್ತು ರಾಹುಲ್ ಕಣಕ್ಕೆ ಇಳಿದಿದ್ದಾರೆ.

ಮುಂಬೈ ಹೀರೋಸ್ ಎರಡನೇ ಇನ್ನಿಂಗ್ಸ್ ಬ್ಯಾಟಿಂಗ್ ಮುಕ್ತಾಯವಾಗಿದೆ. ಆರಂಭದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದರೂ ನಂತರದ ಓವರ್‌ಗಳಲ್ಲಿ ಕಳಪೆ ಆಟ ಆಡಿದ್ದಾರೆ. ಎಂಟು ವಿಕೆಟ್‌ಗಳನ್ನು ಕೇವಲ 88 ರನ್‌ಗಳನ್ನು ಕಲೆ ಹಾಕಿದ್ದು, 85 ರನ್‌ಗಳ ಗುರಿ ನೀಡಿದ್ದಾರೆ.

ಮುಂಬೈ ಹೀರೋಸ್ ಐದು ಓವರ್‌ಗಳಲ್ಲಿ 55 ರನ್‌ ಗಳಿಸಿ 4 ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಆರಂಭದಲ್ಲಿ ಉತ್ತಮ ಬ್ಯಾಟಿಂಗ್ ಮಾಡಿದ್ದ ಮುಂಬೈ ಹೀರೋ ನಂತರದ ಓವರ್‌ಗಳಲ್ಲಿ ರನ್ ಕದಿಯುವಲ್ಲಿ ಪರದಾಡುತ್ತಿದೆ.

ಮುಂಬೈ ಹೀರೋಸ್ ಪರ ನವದೀಪ್ ಹಾಗೂ ಶಬ್ಬೀರ್ ಅಹ್ಲುವಾಲಿಯ ಕಣಕ್ಕೆ ಇಳಿದಿದ್ದಾರೆ.

ಬೆಂಗಾಲ್ ಟೈಗರ್ಸ್ ಮೊದಲ ಇನ್ನಿಂಗ್ಸ್‌ ಆರಂಭದಲ್ಲಿ ಉತ್ತಮ ರನ್‌ಗಳನ್ನು ಕಬಳಿಸಿತ್ತು. ಆರನೇ ಓವರ್‌ನ ಬಳಿಕ ವಿಕೆಟ್‌ಗಳು ಉರುಳಿದರೂ ಉತ್ತಮ ಮೊತ್ತವನ್ನು ಕಲೆ ಹಾಕುವಲ್ಲಿ ಯಶಸ್ಸಿಯಾಗಿದೆ. ಮೊದಲ ಇನ್ನಿಂಗ್ ಮುಕ್ತಾಯದ ವೇಳೆಗೆ 8 ವಿಕೆಟ್ ಕಳೆದುಕೊಂಡು 116 ರನ್ ಗಳಿಸಿದೆ. ಕೊನೆಯ ಓವರ್‌ನಲ್ಲಿ ನವದೀಪ್ ಹ್ಯಾಟ್ರಿಕ್ ವಿಕೆಟ್ ಪಡೆದಿದ್ದಾರೆ.

ಬೆಂಗಾಲ್ ಟೈಗರ್ಸ್ ಭರ್ಜರಿಯಾಗಿ ಬ್ಯಾಟಿಂಗ್ ಆರಂಭಿಸಿದೆ. ಮೊದಲ ಐದು ಓವರ್‌ಗಳಲ್ಲಿ ಒಂದು ವಿಕೆಟ್‌ಗಳನ್ನು ಕಳೆದುಕೊಂಡು 64 ರನ್‌ಗಳನ್ನು ಗಳಿಸಿದೆ. ತಂಡ ನಾಯಕ ಜಿಶ್ಸು ಸೇನ್‌ಗುಪ್ತಾ ನಾಲ್ಕು ಬಾಲುಗಳಿಗೆ ನಾಲ್ಕು ಸಿಕ್ಸ್ ಬಾರಿಸಿ ತಂಡದ ಮೊತ್ತವನ್ನು 64ಕ್ಕೆ ಏರಿಸಿದ್ದಾರೆ.

ಬೆಂಗಾಲ್ ಟೈಗರ್ಸ್ ಮೊದಲ ಓವರ್‌ನಲ್ಲೇ ಭರ್ಜರಿ ಬ್ಯಾಟಿಂಗ್ ಮಾಡಿದೆ. ಮೊದಲ ಓವರ್‌ನಲ್ಲಿ 12 ರನ್‌ಗಳನ್ನು ಬಾರಿಸಿ ಮುಂಬೈ ಹೀರೋಸ್‌ಗೆ ಟಕ್ಕರ್ ಕೊಟ್ಟಿದೆ.

ಮುಂಬೈ ಹೀರೋಸ್ ಮೊದಲ ಇನ್ನಿಂಗ್ಸ್‌ನಲ್ಲಿ 6 ವಿಕೆಟ್ ಕಳೆದುಕೊಂಡು 113 ರನ್‌ಗಳನ್ನು ಕಲೆ ಹಾಕಿದೆ. ಈಗ ಬೆಂಗಾಲ್ ಟೈಗರ್ಸ್ ಮೊದಲ ಇನ್ನಿಂಗ್ಸ್ ಆರಂಭಿಸಿದೆ. ಬೆಂಗಲ್ ಟೈಗರ್ಸ್ ಪರ ಜಮ್ಮಿ ಹಾಗೂ ಬೋನಿ ಕಣಕ್ಕೆ ಇಳಿದಿದ್ದಾರೆ.

ಮುಂಬೈ ಹೀರೋಸ್ ಮೊದಲ ಇನ್ನಿಂಗ್ಸ್‌ನಲ್ಲಿ ಉತ್ತಮ ಮೊತ್ತವನ್ನು ಕಲೆ ಹಾಕಿದೆ. ಮೊದಲ ಇನ್ನಿಂಗ್ಸ್ ಮುಕ್ತಾಯದ ಹೊತ್ತಿಗೆ ಮುಂಬೈ ತಂಡ 113 ರನ್ ಗಳಿಸಿದೆ. ಆರು ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಮುಂಬೈ ಹೀರೋಸ್ ತಂಡದ ಪರ ನವದೀಪ್ 61 ರನ್‌ಗಳನ್ನು ಗಳಿಸಿದ್ದಾರೆ.

ಮುಂಬೈ ಹೀರೋಸ್ ಆರಂಭಿಕ ಆಘಾತದ ಬಳಿಕ ಕಮ್ ಬ್ಯಾಕ್ ಮಾಡಿದ್ದಾರೆ. 9 ಓವರ್‌ಗಳಲ್ಲಿ ನಾಲ್ಕು ವಿಕೆಟ್‌ಗಳನ್ನು ಕಳೆದುಕೊಂಡು 103 ರನ್ ಗಳಿಸಿದ್ದಾರೆ. ಮುಂಬೈ ಪರ ನವದೀಪ್ ಅದ್ಭುತ ಬ್ಯಾಟಿಂಗ್ ಮಾಡಿದ್ದು, ಕೇವಲ 18 ಎಸೆತಗಳಲ್ಲಿ 53 ರನ್‌ಗಳನ್ನು ಗಳಿಸಿದ್ದಾರೆ.

ಐದು ಓವರ್‌ಗಳ ಬಳಿಕ ಮುಂಬೈ ಹೀರೋಸ್ ಚೇತರಿಸಿಕೊಂಡಿದೆ. ಆರು ಓವರ್‌ಗಳ ಮುಕ್ತಾಯಕ್ಕೆ ಮುಂಬೈ ಹೀರೋಸ್ ಮೂರು ವಿಕೆಟ್‌ಗಳ ನಷ್ಟಕ್ಕೆ 61 ರನ್ ಗಳಿಸಿದೆ. ನಾಯಕ ಶಕೀಬ್ 20 ರನ್, ನವದೀಪ್ 22 ರನ್ ಗಳಿಸಿದ್ದಾರೆ.

ಮುಂಬೈ ಹೀರೋಸ್ ಆರಂಭದಲ್ಲಿ ಎಡವಿದೆ. ಬೆಂಗಾಲ್ ಟೈಗರ್ಸ್ ವಿರುದ್ಧ ಸೇಡು ತೀರಿಸಿಕೊಳ್ಳಲು ಮುಂದಾಗಿದ್ದ ಮುಂಬೈ ತಂಡ ಆರಂಭದ ನಾಲ್ಕು ಓವರ್‌ಗಳಲ್ಲಿಯೇ ಮೂರು ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಶಬ್ಬೀರ್ ಅಹ್ಲುವಾಲಿಯ ಔಟ್ ಆಗಿದ್ದಾರೆ.

ಮುಂಬೈ ಹೀರೋಸ್ ಎರಡನೇ ವಿಕೆಟ್ ಉರುಳಿದೆ. ಎರಡನೇ ಓವರ್‌ನಲ್ಲಿ ಎರಡು ಎಸೆತಗಳಲ್ಲಿ ಎರಡು ವಿಕೆಟ್‌ಗಳು ಕಳೆದುಕೊಂಡಿದೆ. ಸಮೀರ್ ಮೊದಲ ಎಸೆತದಲ್ಲಿಯೇ ಶಾಟ್ ಹೊಡೆಯುವುದಕ್ಕೆ ಹೋಗಿ ಔಟ್ ಆಗಿದ್ದಾರೆ.

ಬೆಂಗಾಲ್ ಟೈಗರ್ಸ್ ತಂಡದ ವಿರುದ್ಧ ಎರಡನೇ ಓವರ್‌ನಲ್ಲಿಯೇ ಮೊದಲ ವಿಕೆಟ್‌ಗಳನ್ನು ಮುಂಬೈ ಹೀರೋಸ್ ಕಳೆದುಕೊಂಡಿದೆ. ರಾಜೀವ್ ಪಿಳ್ಳೈ 9 ರನ್ ಗಳಿಸಿ ಸುಲಭ ಕ್ಯಾಚ್ ಕೊಟ್ಟು ಔಟ್ ಆಗಿದ್ದಾರೆ.

ಬೆಂಗಾಲ್ ಟೈಗರ್ಸ್ ವಿರುದ್ಧ ಬ್ಯಾಟಿಂಗ್‌ಗೆ ಇಳಿದಿರುವ ಮುಂಬೈ ಹೀರೋಸ್ ಮೊದಲ ಓವರ್‌ನಲ್ಲಿ 11 ರನ್‌ಗಳನ್ನು ಕಲೆ ಹಾಕಿದೆ. ಯಾವುದೇ ವಿಕೆಟ್‌ಗಳ ನಷ್ಟ ಆಗಿಲ್ಲ.

ಮುಂಬೈ ಹೀರೋಸ್ ಹಾಗೂ ಬೆಂಗಾಲ್ ಟೈಗರ್ಸ್ ಮಧ್ಯೆ ಕಟಕ್‌ನಲ್ಲಿ ಸಿಸಿಎಲ್ ಪಂದ್ಯ ಆರಂಭ ಆಗಿದೆ. ಟಾಪ್ ಗೆದ್ದ ಮುಂಬೈ ಹೀರೋಸ್ ಬ್ಯಾಟಿಂಗ್ ಅನ್ನು ಆಯ್ಕೆ ಮಾಡಿಕೊಂಡಿದೆ. ಶಕೀಬ್ ಹಾಗೂ ರಾಜೀವ್ ಪಿಳ್ಳೈ ಆರಂಭಿಕ ಆಟಗಾರರಾಗಿ ಅಖಾಡಕ್ಕೆ ಇಳಿದಿದ್ದಾರೆ.

102 ರನ್‌ಗಳ ಗುರಿಯನ್ನು ಬೆನ್ನತ್ತಿದ ಭೋಜ್‌ಪುರಿ ದಬಾಂಗ್ಸ್ ತಂಡ ಗೆಲುವಿನ ಅಂಚಿನಲ್ಲಿ ಬಂದು ಎಡವಿತು.ಅಸ್ಗರ್ ಖಾನ್ ಅವರ ನಿರ್ಗಮನದ ನಂತರ ಒತ್ತಡಕ್ಕೆ ಸಿಲುಕಿದ ಭೋಜ್‌ಪುರಿ ತಂಡ ಆ ನಂತರ ಮನೋಜ್ ತಿವಾರಿ, ಆದಿತ್ಯ ಓಜಾ, ಅನ್ಷುಮನ್, ಸುಧೀರ್ ಸಿಂಗ್ ಅವರ ವಿಕೆಟ್ ಕಳೆದುಕೊಂಡಿತು. ಈ ಮೂಲಕ ಗೆಲ್ಲಬೇಕಿದ್ದ ಪಂದ್ಯವನ್ನು ಕೈ ಚೆಲ್ಲಿದ ಭೋಜ್‌ಪುರಿ ತಂಡ ಅಂತಿಮವಾಗಿ 14 ರನ್‌ಗಳಿಂದ ಸೋಲನ್ನು ಕಂಡಿತು.

ಭೋಜ್‌ಪುರಿ ತಂಡಕ್ಕೆ ಗೆಲ್ಲಲು ಇನ್ನು 34 ರನ್‌ಗಳು ಬೇಕಿವೆ. ಆದರೆ ಒತ್ತಡವನ್ನು ನಿರ್ವಹಿಸಲು ಭೋಜ್‌ಪುರಿ ತಂಡದಿಂದ ಸಾಧ್ಯವಾಗುತ್ತಿಲ್ಲ. ಇದಕ್ಕೆ ಕೈಗನ್ನಡಿ ಎಂಬಂತೆ ಭೋಜ್‌ಪುರಿ ತಂಡ ಗೆಲುವಿನ ಹೊಸ್ತಿಲಿನಲ್ಲಿ ವಿಕೆಟ್‌ಗಳನ್ನು ಕಳೆದುಕೊಳ್ಳುತ್ತಿದೆ. ಆದಿತ್ಯ ಓಜಾ ನಾಲ್ಕು ರನ್ ಗಳಿಸಿ ಔಟಾದರೆ ಭೋಜ್‌ಪುರಿಯ ನಾಯಕ ಮನೋಜ್ ತಿವಾರಿ 15 ರನ್‌ ಗಳಿಸಿ ವಿಕೆಟ್ ಚೆಲ್ಲಿದರು.

ಭೋಜ್‌ಪುರಿ ತಂಡದ ಪರ ಅತ್ಯುತ್ತಮವಾಗಿ ಆಡುತ್ತಿದ್ದ ಅಸ್ಗರ್ ಖಾನ್, ತಂಡದ ಮೊತ್ತ 57 ರನ್‌ಗಳಾದಾಗ ವಿಕೆಟ್ ಒಪ್ಪಿಸಿದರು. ಸುಯೂಶ್ ರೈ ಎಸೆತದಲ್ಲಿ ಕ್ಲೀನ್ ಬೋಲ್ಡ್ ಆದರು. ತಮ್ಮ ಈ ಇನಿಂಗ್ಸ್‌ನಲ್ಲಿ ನಾಲ್ಕು ಸಿಕ್ಸರ್ ಮತ್ತು ಒಂದು ಬೌಂಡರಿಯನ್ನು ಬಾರಿಸಿದರು. 20 ಎಸೆತಗಳಲ್ಲಿ 43 ರನ್ ಗಳಿಸಿದರು

ಪಂಜಾಬ್ ನೀಡಿದ 102 ರನ್‌ಗಳ ಗುರಿಯನ್ನು ಬೆನ್ನತ್ತಿದ ಭೋಜ್‌ಪುರಿ ದಬಾಂಗ್ಸ್ ತಂಡ ಸುಯೂಶ್ ರೈ ಮೊದಲ ಓವರ್‌ನಲ್ಲಿ ಆಘಾತ ನೀಡಿದರು. ನಾಲ್ಕನೇ ಎಸೆತದಲ್ಲಿ ಉದಯ್ ತಿವಾರಿ ಅವರನ್ನು ಔಟ್ ಮಾಡಿದರು. ಸದ್ಯ ಅಸ್ಗರ್ ಖಾನ್ ಮತ್ತು ಮನೋಜ್ ತಿವಾರಿ ಬ್ಯಾಟಿಂಗ್ ಮಾಡುತ್ತಿದ್ದು ಎರಡು ಓವರ್‌ಗಳಲ್ಲಿ ಭೋಜ್‌ಪುರಿ ತಂಡ ಇಪ್ಪತ್ತು ರನ್ ಗಳಿಸಿದೆ.

ಮೊದಲ ಐದು ಓವರ್‌ಗಳಲ್ಲಿ ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಪಂಜಾಬ್ ತಂಡಕ್ಕೆ ದಕ್ಷ್ ಸಿಂಗ್ ಆಸರೆಯಾಗಿದ್ದಾರೆ. ಕೇವಲ 24ಎಸೆತಗಳಲ್ಲಿ 8 ಫೋರ್ ಮತ್ತು 5 ಸಿಕ್ಸರ್‌ಗಳ ನೆರವಿನಿಂದ 73 ರನ್ ಗಳಿಸಿದ ದಕ್ಷ್ ಸಿಂಗ್ ತಂಡದ ಮೊತ್ತವನ್ನು 125ಕ್ಕೆ ತಲುಪಿಸಿದ್ದಾರೆ. ಈ ಮೂಲಕ 102 ರನ್‌ಗಳ ಗುರಿಯನ್ನು ಭೋಜ್‌ಪುರಿ ದಬಾಂಗ್ಸ್‌ಗೆ ಪಂಜಾಬ್ ತಂಡ ನೀಡಿದೆ.

ಮೊದಲ ಇನಿಂಗ್ಸ್‌ನಲ್ಲಿ ನಿಧಾನಗತಿಯ ಬ್ಯಾಟಿಂಗ್ ಮಾಡಿದ ಪಂಜಾಬ್ ದಿ ಶೇರ್ ತಂಡ ಎರಡನೇ ಇನಿಂಗ್ಸ್‌ನಲ್ಲಿ ಮೊದಲ ಐದು ಓವರ್‌ಗಳಲ್ಲಿ 50 ರನ್ ಗಳಿಸಿದೆ. ಉತ್ತಮ ಫಾರ್ಮ್‌ನಲ್ಲಿದ್ದ ತಂಡದ ಕ್ಯಾಪ್ಟನ್ ಹಾರ್ಡಿ ಸಂಧು ಅವರ ಜೊತೆ ಮಯೂರ್ ಮತ್ತು ನಿಂಜಾ ಅವರ ವಿಕೆಟ್‌ನ್ನು ಪಂಜಾಬ್ ಕಳೆದುಕೊಂಡಿದ್ದು ಸದ್ಯ 30 ರನ್‌ಗಳ ಮುನ್ನೆಡೆಯನ್ನು ಪಡೆದಿದೆ.

ಮೊದಲ ಇನಿಂಗ್ಸ್‌ನಲ್ಲಿ ಭೋಜ್‌ಪುರಿ ದಬಾಂಗ್ಸ್ ತಂಡ 05 ವಿಕೆಟ್ ನಷ್ಟಕ್ಕೆ 104 ರನ್ ಗಳಿಸಿದೆ. ಈ ಮೂಲಕ 23 ರನ್‌ಗಳ ಅಲ್ಪ ಮುನ್ನಡೆಯನ್ನು ಪಡೆದಿದೆ. ಹತ್ತನೇ ಓವರ್‌ನ ಮೊದಲ ಎಸೆತದಲ್ಲಿಯೇ ಉದಯ್ ತಿವಾರಿ ಸಿಕ್ಸರ್ ಬಾರಿಸಿದರು. ಆ ನಂತರ ದಕ್ಷ್ ಸಿಂಗ್ ಅವರ ಬೌಲಿಂಗ್‌ನಲ್ಲಿ ಅಸ್ಗರ್ ಖಾನ್ ಕ್ಲೀನ್ ಬೋಲ್ಡ್ ಆದರು. ಆ ನಂತರ ಬಂದ ಸುಧೀರ್ ಸಿಂಗ್ 05 ರನ್‌ ಗಳಿಸಿ ರನೌಟ್ ಆದರು.

ಪಂಜಾಬ್ ನೀಡಿದ್ದ 81 ರನ್‌ಗಳ ಗುರಿಯನ್ನು ಭೋಜ್‌ಫುರಿ ದಬಾಂಗ್ಸ್ ತಂಡ ಕೇವಲ 7.3 ಓವರ್‌ನಲ್ಲಿ ತಲುಪಿದೆ. ಆದಿತ್ಯ ಓಜಾ, ಅನ್ಷುಮನ್ ಅವರ ಸ್ಫೋಟಕ ಬ್ಯಾಟಿಂಗ್‌ದಿಂದ 08 ಓವರ್ ಮುಕ್ತಾಯಕ್ಕೆ 86 ರನ್ ಗಳಿಸಿರುವ ಭೋಜ್‌ಪುರಿ ತಂಡ 05 ರನ್‌ಗಳ ಲೀಡ್ ಪಡೆದಿದೆ. ಇನ್ನು ಕ್ರೀಸ್‌ನಲ್ಲಿ ಅಸ್ಗರ್ ಖಾನ್ ಇದ್ದು ಇನ್ನೆರಡು ಓವರ್‌ನಲ್ಲಿ 20 ರನ್‌ಗಳನ್ನು ಭೋಜ್‌ಪುರಿ ತಂಡ ಪೇರಿಸುವ ಸಾಧ್ಯತೆ ಇದೆ.

ಭೋಜ್‌ಪುರಿ ದಬಾಂಗ್ಸ್ ತಂಡ ಎರಡು ಬ್ಯಾಕ್ ಟು ಬ್ಯಾಕ್ ವಿಕೆಟ್‌ಗಳನ್ನು ಕಳೆದುಕೊಂಡಿದೆ. 07ನೇ ಓವರ್‌ನಲ್ಲಿ ಅತ್ಯುತ್ತಮವಾಗಿ ಆಡುತ್ತಿದ್ದ ಅನ್ಷುಮನ್ 38 [ 20 ] ಕ್ಲೀನ್ ಬೋಲ್ಡ್ ಆದರೆ 08ನೇ ಓವರ್‌ನ ಮೊದಲ ಎಸೆತದಲ್ಲಿ ಆದಿತ್ಯ ಓಜಾ 29 [ 19 ] ರನೌಟ್ ಆಗಿ ಪೆವಿಲಿಯನ್ ಸೇರಿದ್ದಾರೆ.

ಭೋಜ್‌ಪುರಿ ದಬಾಂಗ್ಸ್ ಪರ ಅನ್ಷುಮನ್ ಅಬ್ಬರಿಸುತ್ತಿದ್ದಾರೆ. ಕೇವಲ 12 ಎಸೆತಗಳಲ್ಲಿ 28 ರನ್‌ಗಳನ್ನು ಅನ್ಷುಮನ್ ಗಳಿಸಿದ್ದು ತಮ್ಮ ಈ ಇನಿಂಗ್ಸ್‌ನಲ್ಲಿ 3 ಫೋರ್ ಮತ್ತು ಎರಡು ಸಿಕ್ಸರ್‌ಗಳನ್ನು ಸಿಡಿಸಿದ್ದಾರೆ. ಸದ್ಯ 4 ಓವರ್ ಮುಕ್ತಾಯವಾಗಿದ್ದು ಭೋಜ್‌ಪುರಿ ತಂಡ ಒಂದು ವಿಕೆಟ್ ಕಳೆದುಕೊಂಡು 58 ರನ್ ಗಳಿಸಿದೆ.

81 ರನ್‌ಗಳ ಗುರಿಯನ್ನು ಬೆನ್ನತ್ತಿದ ಭೋಜ್‌ಪುರಿ ದಬಾಂಗ್ಸ್ ತಂಡ ಮೊದಲ ಓವರ್‌ನಲ್ಲಿ 09 ರನ್‌ ಗಳಿಸಿದ್ದು, ಮೊದಲ ಓವರ್‌ನ ಕೊನೆಯ ಎಸೆತದಲ್ಲಿ ಪರವೇಶ್ ಲಾಲ್ ಯಾದವ್ ಅವರ ವಿಕೆಟ್ ಕಳೆದುಕೊಂಡಿದೆ. ಆಕರ್ಷಕ ಸಿಕ್ಸ್ ಸಿಡಿಸಿ ಭರವಸೆ ಮೂಡಿಸಿದ್ದ ಪರವೇಶ್ ಮರು ಎಸೆತದಲ್ಲಿ ಮತ್ತೊಮ್ಮೆ ಸಿಕ್ಸ್ ಹೊಡೆಯುವ ಪ್ರಯತ್ನದಲ್ಲಿ ಔಟಾದರು.

ಮೊದಲ 7 ಓವರ್‌ನಲ್ಲಿ ಕೇವಲ 41 ರನ್‌ ಗಳಿಸಿದ್ದ ಪಂಜಾಬ್ ದಿ ಶೇರ್ ತಂಡಕ್ಕೆ ಕೊನೆ ಕ್ಷಣದಲ್ಲಿ ತಂಡದ ನಾಯಕ ಹಾರ್ಡಿ ಸಂಧು ಆಸರೆಯಾದರು. 18 ಎಸೆತಗಳಲ್ಲಿ 37 ರನ್ ಸಿಡಿಸಿದರು. ಹಾರ್ಡಿ ಸಂಧು ಅವರ ಈ ಆಕ್ರಮಣಕಾರಿ ಬ್ಯಾಟಿಂಗ್‌ನ ನೆರವಿನಿಂದ ಪಂಜಾಬ್ ತಂಡ ತನ್ನ ಮೊದಲ ಇನಿಂಗ್ಸ್‌ನಲ್ಲಿ ನಾಲ್ಕು ವಿಕೆಟ್ ಕಳೆದುಕೊಂಡು 81 ರನ್‌ ಗಳಿಸಿತು.

ಪಂಜಾಬ್ ತಂಡದ ಮೂರನೇ ವಿಕೆಟ್ ಪತನಗೊಂಡಿದೆ. ವಿಕ್ರಾಂತ್ ಸಿಂಗ್, ಕರಣ್ ಅವರನ್ನು ಕ್ಲೀನ್ ಬೋಲ್ಡ್ ಮಾಡಿದ್ದಾರೆ. ಕರಣ್ 15 ಎಸೆತಗಳಲ್ಲಿ 12 ರನ್ ಗಳಿಸಿ ಔಟ್ ಆಗಿದ್ದು ಪಂಜಾಬ್‌ನ ನಾಯಕ ಹಾರ್ಡಿ ಸಂಧು ಬ್ಯಾಟಿಂಗ್ ಮಾಡಲು ಬಂದಿದ್ದಾರೆ. ತಂಡದ ಮೊತ್ತ 7 ಓವರ್ ಅಂತ್ಯಕ್ಕೆ 41 ರನ್.

ಹನ್ನೊಂದು ಬಾಲ್‌ಗಳಲ್ಲಿ ಹನ್ನೊಂದು ರನ್‌ ಗಳಿಸಿದ್ದ ಬಬಲ್ ರೈ ಅವರ ವಿಕೆಟ್‌ನ್ನು ಅಸ್ಗರ್ ಖಾನ್ ಪಡೆದಿದ್ದಾರೆ. ಬೌಂಡರಿಗಳ ಬರವನ್ನು ಪಂಜಾಬ್ ಎದುರಿಸುತ್ತಿದ್ದು ಸದ್ಯ ಪಂಜಾಬ್ ತಂಡ 6.3 ಓವರ್‌ಗಳಲ್ಲಿ 40 ರನ್ ಗಳಿಸಿದೆ.

ಭೋಜ್‌ಪುರಿ ದಬಾಂಗ್ಸ್ ತಂಡದ ವಿರುದ್ದ ಪಂಜಾಬ್‌ನ ಆಟಗಾರರು ನಿಧಾನಗತಿಯ ಬ್ಯಾಟಿಂಗ್‌ ಮಾಡುತ್ತಿದ್ದಾರೆ. ಬೌಂಡರಿ,ಸಿಕ್ಸರ್‌ಗಳನ್ನು ಹೊಡೆಯುವ ಯಾವ ಪ್ರಯತ್ನವನ್ನು ಮಾಡದ ಪಂಜಾಬ್‌ನ ಪ್ಲೇಯರ್ಸ್‌ ಕೇವಲ ಒಂದೊಂದು ರನ್‌ಗಳನ್ನು ಕದಿಯುತ್ತಿದ್ದಾರೆ. ಪರಿಣಾಮ ಪಂಜಾಬ್ ದಿ ಶೇರ್ ತಂಡ 5 ಓವರ್‌ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ 33 ರನ್‌ ಮಾತ್ರ ಗಳಿಸಿದೆ.

ಪಂದ್ಯ ಶುರುವಾದ ಕ್ಷಣದಿಂದ ರನ್ ಗಳಿಸಲು ಹರಸಾಹಸ ಪಡುತ್ತಿರುವ ಪಂಜಾಬ್ ದಿ ಶೇರ್ ತಂಡ ತನ್ನ ಮೊದಲ ವಿಕೆಟ್ ಕಳೆದುಕೊಂಡಿದೆ. ಎರಡನೇ ಓವರ್‌ನ ಮೂರನೇ ಎಸೆತದಲ್ಲಿ ಪರವೇಶ್ ಲಾಲ್‌ಗೆ ರಾಹುಲ್ ವಿಕೆಟ್ ಒಪ್ಪಿಸಿದ್ದಾರೆ.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಪಂಜಾಬ್ ತಂಡ ಮೊದಲ ಓವರ್‌ನಲ್ಲಿ ಒಂಬತ್ತು ರನ್ ಕಲೆ ಹಾಕಿದೆ. ಪಂದ್ಯದ ಮೊದಲ ಓವರ್ ಹಾಕಲು ಬಂದ ಭೋಜ್‌ಪುರಿ ದಬಾಂಗ್ಸ್ ತಂಡದ ನಾಯಕ ಮನೋಜ್ ತಿವಾರಿ ಕೇವಲ ಒಂದು ಬಾಲ್ ಮಾಡಿ ಆ ನಂತರ ಪೆವಿಲಿಯನ್ ಸೇರಿಕೊಂಡರು. ಉಳಿದ ಐದು ಎಸೆತಗಳನ್ನು ಪರವೇಶ್ ಲಾಲ್ ಯಾದವ್ ಹಾಕಿದರು. ರಾಹುಲ್ ಮತ್ತು ಬಬಲ್ ರೈ ಪಂಜಾಬ್ ಪರ ಆರಂಭಿಕ ಆಟಗಾರರಾಗಿ ಕಣಕ್ಕಿಳಿದಿದ್ದಾರೆ.

ಇಂದು (ಫೆಬ್ರವರಿ 16) ಮೊದಲ ಪಂದ್ಯ ಭೋಜ್‌ಪುರಿ ದಬಾಂಗ್ ಹಾಗೂ ಪಂಜಾಬ್ ದೆ ಶೇರ್ ಮಧ್ಯೆ ಆರಂಭ ಆಗಿದೆ. ಪಂಜಾಬ್ ಟಾಪ್ ಗೆದ್ದು ಬ್ಯಾಟಿಂಗ್ ಅನ್ನು ಆಯ್ಕೆ ಮಾಡಿಕೊಂಡಿದೆ. ಇಬ್ಬರಡೂ ತಂಡಗಳ ನಡುವೆ ರೋಚಕ ಪಂದ್ಯ ಆರಂಭ ಆಗುವ ಸಾಧ್ಯವಿದೆ.

ಅಂತಿಮವಾಗಿ ಕೊನೆಯ ಓವರ್‌ನಲ್ಲಿ 43 ರನ್‌ಗಳನ್ನು ತೆಲುಗು ವಾರಿಯರ್ಸ್ ಗಳಿಸಬೇಕಿತ್ತು. ಆದರೆ ಅದು ಸಾಧ್ಯವಾಗಲಿಲ್ಲ. ಸಚಿನ್ ಸತತವಾಗಿ ಮೂರು ಬೌಂಡರಿಗಳನ್ನು ಹೊಡೆಯುವ ಮೂಲಕ ನೇರೆದ ಜನಸ್ತೋಮಕ್ಕೆ ಮನರಂಜನೆ ನೀಡಿದರಾದರೂ ತಂಡವನ್ನು ಗೆಲುವಿನ ದಡಕ್ಕೆ ತಲುಪಿಸಲು ಸಾಧ್ಯವಾಗಲಿಲ್ಲ. 26 ರನ್‌ಗಳಿಂದ ತೆಲುಗು ವಾರಿಯರ್ಸ್ ತಂಡ ಸೋಲನ್ನೊಪ್ಪಿಕೊಂಡಿತು.

108ರನ್‌ಗಳ ಗುರಿಯನ್ನು ಬೆನ್ನತ್ತಿದ ತೆಲುಗು ವಾರಿಯರ್ಸ್ 64 ರನ್‌ಗಳಿಗೆ ಆರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ. ನಾಯಕ ಅಖಿಲ್ ಅಕ್ಕಿನೇನಿ ಕೂಡ 27 ರನ್ ಗಳಿಸಿ ಔಟಾಗಿದ್ದು ಸದ್ಯ ಸಚಿನ್ ಮತ್ತು ರಘು ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಇನ್ನು ತಂಡಕ್ಕೆ ಗೆಲ್ಲಲು 50 ರನ್ ಬೇಕಿದ್ದು ಕೇವಲ 15 ಬಾಲ್‌ಗಳು ಮಾತ್ರ ಬಾಕಿ ಉಳಿದಿವೆ.

ತೆಲುಗು ವಾರಿಯರ್ಸ್‌ ತಂಡಕ್ಕೆ ಚೆನ್ನೈ ರೈನೋಸ್ 108 ರನ್‌ಗಳ ಗುರಿಯನ್ನು ನೀಡಿದೆ. ಮೊದಲ ಇನಿಂಗ್ಸ್‌ನಲ್ಲಿ 20 ರನ್‌ಗಳ ಮುನ್ನಡೆ ಪಡೆದಿದ್ದ ಚೆನ್ನೈ ರೈನೋಸ್ ತಂಡ ಎರಡನೇ ಇನಿಂಗ್ಸ್‌ನಲ್ಲಿ ಒಂದಾದ ಮೇಲೊಂದು ವಿಕೆಟ್‌ಗಳನ್ನು ಕಳೆದುಕೊಂಡು ಕುಸಿದಿದೆ. ಅಜಯ್ ಮತ್ತು ಪೃಥ್ವಿ ಅವರನ್ನು ಹೊರತು ಪಡಿಸಿದರೆ ಚೆನ್ನೈನ ಬೇರೆ ಯಾವ ಆಟಗಾರ ಕೂಡ ಎರಡಂಕಿಯ ಗಡಿಯನ್ನು ತಲುಪಲಿಲ್ಲ.ಪರಿಣಾಮ ಚೆನ್ನೈ ತಂಡ ಹತ್ತು ಓವರ್‌ಗಳಲ್ಲಿ 08 ವಿಕೆಟ್ ಕಳೆದುಕೊಂಡು ಕೇವಲ 87 ರನ್ ಮಾತ್ರ ಗಳಿಸುವಲ್ಲಿ ಯಶಸ್ವಿಯಾಯ್ತು.

ಚೆನ್ನೈ ತಂಡದ ಪರ ಉತ್ತಮವಾಗಿ ಆಡುತ್ತಿದ್ದ ಆರಂಭಿಕ ಬ್ಯಾಟ್ಸಮನ್‌ಗಳಾದ ಅಜಯ್ ಮತ್ತು ಪೃಥ್ವಿ ಮರಳಿ ಪೆವಿಲಿಯನ್ ಸೇರಿದ್ದಾರೆ. 25 ರನ್‌ಗಳಿಸಿದ ಅಜಯ್ ರನೌಟ್ ಆದರೆ 31 ರನ್ ಗಳಿಸಿ ಪೃಥ್ವಿ ಅವರು ಸಾಂಬಾಗೆ ಬೋಲ್ಡ್ ಆಗಿದ್ದಾರೆ. ಸದ್ಯ ಆರು ಓವರ್ ಕಂಪ್ಲೀಟ್ ಆಗಿದ್ದು ಚೆನ್ನೈ ತಂಡ 67 ರನ್ ಗಳಿಸಿದೆ.

ಮೊದಲ ಇನಿಂಗ್ಸ್‌ನಲ್ಲಿ 20ರನ್‌ಗಳ ಮುನ್ನಡೆಯನ್ನು ಪಡೆದ ಚೆನ್ನೈ ರೈನೋಸ್ ತಂಡ ಎರಡನೇ ಇನಿಂಗ್ಸ್‌ನಲ್ಲಿ ಉತ್ತಮವಾದ ಆರಂಭವನ್ನು ಪಡೆದಿದೆ. ನಾಲ್ಕು ಓವರ್‌ಗಳಲ್ಲಿ 47 ರನ್ ಗಳಿಸಿದೆ. ಅಜಯ್ 14 ಬಾಲ್‌ಗಳಲ್ಲಿ 25 ರನ್ ಗಳಿಸಿದರೆ ಪೃಥ್ವಿ 10 ಎಸೆತಗಳಲ್ಲಿ 19 ರನ್ ಗಳಿಸಿದ್ದಾರೆ.

ಮೊದಲ ಇನಿಂಗ್ಸ್‌ನಲ್ಲಿ ತೆಲುಗು ವಾರಿಯರ್ಸ್ ತಂಡಕ್ಕೆ ಅಲ್ಪ ಹಿನ್ನೆಡೆಯಾಗಿದೆ. ರೋಷನ್ ಅವರ ಆಕ್ರಮಣಕಾರಿ ಬ್ಯಾಟಿಂಗ್‌ನ ನೆರವಿನಿಂದ ಹತ್ತು ಓವರ್‌ಗಳಲ್ಲಿ ತೆಲುಗು ವಾರಿಯರ್ಸ್ ತಂಡ ಆರು ವಿಕೆಟ್ ನಷ್ಟಕ್ಕೆ 105 ರನ್‌ ಗಳಿಸುವಲ್ಲಿ ಯಶಸ್ವಿಯಾಗಿದೆ. ಈ ಮೂಲಕ ಚೆನ್ನೈ ರೈನೋಸ್ ತಂಡ 20 ರನ್‌ಗಳ ಮುನ್ನಡೆಯನ್ನು ಪಡೆದಿದೆ. ತೆಲುಗು ವಾರಿಯರ್ಸ್ ಪರ ರೋಷನ್ 33 ಎಸೆತಗಳಲ್ಲಿ 72 ರನ್‌ ಗಳಿಸಿ ಅಜೇಯರಾಗಿ ಉಳಿದಿದ್ದಾರೆ.

125 ರನ್‌ಗಳ ಗುರಿಯನ್ನು ಮೊದಲ ಇನಿಂಗ್ಸ್‌ನಲ್ಲಿ ಬೆನ್ನತ್ತಿರುವ ತೆಲುಗು ವಾರಿಯರ್ಸ್‌ಗೆ ರೋಷನ್ ಮಾತ್ರ ಆಸರೆಯಾಗಿದ್ದಾರೆ. 22 ಎಸೆತಗಳಲ್ಲಿ 44 ರನ್‌ಗಳನ್ನು ರೋಷನ್ ಬಾರಿಸಿದ್ದು ತೆಲುಗು ವಾರಿಯರ್ಸ್ ತಂಡ 08 ಓವರ್‌ಗಳಲ್ಲಿ 77 ರನ್‌ಗಳನ್ನು ಗಳಿಸಿದೆ. ಚೆನ್ನೈ ರೈನೋಸ್ ತಂಡವನ್ನು ಹಿಂದಿಕ್ಕಲು ಇನ್ನೂ 48 ರನ್‌ಗಳ ಅವಶ್ಯಕತೆ ಇದ್ದು ಕೇವಲ ಎರಡು ಓವರ್‌ಗಳು ಮಾತ್ರ ಉಳಿದಿವೆ. ಈ ಹಿನ್ನೆಲೆ ಮೊದಲ ಇನಿಂಗ್ಸ್‌ನಲ್ಲಿ ಚೆನ್ನೈ ತಂಡ ಮುನ್ನಡೆಯನ್ನು ಪಡೆಯುವುದು ಬಹುತೇಕ ಖಚಿತ.

ಆರಂಭಿಕ ಆಘಾತ ಕಂಡಿದ್ದ ತೆಲುಗು ವಾರಿಯರ್ಸ್ ತಂಡ ಐದು ಓವರ್‌ಗಳಲ್ಲಿ 53 ರನ್ ಗಳಿಸಿ 3 ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ರೋಷನ್ ಆಕ್ರಮಣಕಾರಿ ಬ್ಯಾಟಿಂಗ್ ಮಾಡಿ ತಂಡವನ್ನು ಉತ್ತಮ ಮೊತ್ತದತ್ತ ತೆಗೆದುಕೊಂಡು ಹೋಗಿದ್ದಾರೆ. ರೋಷನ್ ಆಕ್ರಮಣಕಾರಿಯಾಗಿ ಬ್ಯಾಟಿಂಗ್ ಮಾಡಿದ್ದಾರೆ. ಸಚಿತ್ ಸಾಥ್ ಕೊಟ್ಟಿದ್ದಾರೆ.

ತೆಲುಗು ವಾರಿಯರ್ಸ್ ತಂಡದ ಮತ್ತೊಂದು ವಿಕೆಟ್ ಪದನವಾಗಿದೆ. ಅಶ್ವಿನ್ ಬಾಬು ಕೇವಲ 4 ರನ್ ಗಳಿಸಿ ಔಟ್ ಆಗಿದ್ದಾರೆ.

ತೆಲುಗು ವಾರಿಯರ್ಸ್ ಆರಂಭಿಕ ಓವರ್‌ನಲ್ಲಿ ಆಘಾತ ಕಂಡಿತ್ತು. ಎರಡು ಬ್ಯಾಕ್ ಟು ಬ್ಯಾಕ್ ವಿಕೆಟ್‌ಗಳನ್ನು ಕಳೆದುಕೊಂಡಿತ್ತು. ಎರಡನೇ ಓವರ್‌ನಲ್ಲಿ ಚೇತರಿಸಿಕೊಂಡಿದ್ದು 17 ರನ್‌ಗಳನ್ನು ಕಲೆ ಹಾಕಿದ್ದು, ಎರಡು ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ತೆಲುಗು ವಾರಿಯರ್ಸ್ ತಂಡದ ಬ್ಯಾಕ್ ಟು ಬ್ಯಾಕ್ ಎರಡು ವಿಕೆಟ್‌ಗಳನ್ನು ಕಳೆದು ಕೊಂಡಿದೆ. ಮೊದಲ ಓವರ್‌ನಲ್ಲಿಯೇ ನಾಯಕ ಅಖಿಲ್ ಅಕ್ಕಿನೇನಿ ಹಾಗೂ ಆದರ್ಶ್ ಇಬ್ಬರೂ ಸುಲಭ ಕ್ಯಾಚ್ ಕೊಟ್ಟು ಪೆವಿಲಿಯನ್‌ಗೆ ಮರಳಿದ್ದಾರೆ.

ತೆಲುಗು ವಾರಿಯರ್ಸ್ ಮೊದಲ ವಿಕೆಟ್ ಪತನವಾಗಿದೆ. ತಂಡದ ನಾಯಕಿ ಅಖಿಲ್ ಅಕ್ಕಿನೇನಿ 1 ರನ್ ಗಳಿಸಿ ಕ್ಯಾಚ್ ಕೊಟ್ಟು ಪೆವಿಲಿಯನ್‌ಗೆ ಮರಳಿದ್ದಾರೆ. ಈ ಮೂಲಕ ತೆಲುಗು ತಂಡ ಆರಂಭದಲ್ಲಿ ಸಂಕಷ್ಟಕ್ಕೆ ಸಿಲುಕಿದೆ.

ತೆಲುಗು ವಾರಿಯರ್ಸ್ ಇನ್ನಿಂಗ್ಸ್ ಆರಂಭ ಆಗಿದೆ. ನಾಯಕ ಅಖಿಲ್ ಅಕ್ಕಿನೇನಿ ಹಾಗೂ ಸಚಿನ್ ಆರಂಭಿಕ ಆಟಗಾರರಾಗಿ ಅಖಾಡಕ್ಕೆ ಇಳಿಸಿದ್ದಾರೆ.

ಹೈದರಾಬಾದ್‌ನಲ್ಲಿ ಚೆನ್ನೈ ರೈನೋಸ್ ಹಾಗೂ ತೆಲುಗು ವಾರಿಯರ್ಸ್ ನಡುವೆ ಪಂದ್ಯ ನಡೆಯುತ್ತಿದೆ. ಚೆನ್ನೈ ರೈನೋಸ್ ಮೊದಲ ಇನ್ನಿಂಗ್ ಮುಗಿಸಿದ್ದು 10 ಓವರ್‌ಗಳಲ್ಲಿ 125 ರನ್ನು ಕಲೆ ಹಾಕಿದ್ದು ಮೂರು ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಚೆನ್ಣೈ ರೈನೋಸ್ ತಂಡದ ನಾಯಕ ವಿಕ್ರಾಂತ್ 61 ರನ್ ಬಾರಿ ತಂಡವನ್ನು ಬೃಹತ್ ಮೊತ್ತಕ್ಕೆ ತೆಗೆದುಕೊಂಡು ಹೋಗಿದ್ದಾರೆ.

ಮೊದಲ ಓವರ್‌ನಲ್ಲಿ ಕೇವಲ ಹನ್ನೊಂದು ರನ್‌ಗಳಿಗೆ ಎರಡು ವಿಕೆಟ್ ಕಳೆದುಕೊಂಡ ಚೆನ್ನೈ ತಂಡ ಸದ್ಯ ನಾಲ್ಕು ಓವರ್‌ಗಳಲ್ಲಿ ಎರಡು ವಿಕೆಟ್ ನಷ್ಟಕ್ಕೆ 46 ರನ್ ಗಳಿಸಿದೆ. ತಂಡದ ನಾಯಕ ವಿಕ್ರಾಂತ್ ಜವಾಬ್ಧಾರಿಯುತ ಆಟ ಆಡುತ್ತಿದ್ದು 13 ಎಸೆತಗಳಲ್ಲಿ 29ರನ್ ಗಳಿಸಿದ್ದಾರೆ. ಅಜಯ್ ಆರು ಬಾಲ್‌ಗಳಲ್ಲಿ ಆರು ರನ್ ಗಳಿಸಿದ್ಧಾರೆ.

ಹೈದರಾಬಾದ್‌ನಲ್ಲಿ ತೆಲುಗು ವಾರಿಯರ್ಸ್ ವಿರುದ್ದ ಕಣಕ್ಕಿಳಿದ ಚೆನ್ನೈ ತಂಡಕ್ಕೆ ಆರಂಭಿಕ ಆಘಾತಕ್ಕೀಡಾಗಿದೆ. ಮೊದಲ ಓವರ್‌ನಲ್ಲಿ ರಘು ಎರಡು ವಿಕೆಟ್ ಕಬಳಿಸಿದ್ದು ರಮಣ ಮತ್ತು ಶರಣ್ ಅವರನ್ನು ಪೆವಲಿಯನ್‌ಗೆ ಕಳಿಸಿದ್ದಾರೆ. ರಮಣ ಹತ್ತು ರನ್ ಗಳಿಸಿ ಔಟಾದರೆ ಶರಣ್ ಡಕ್‌ಔಟ್ ಆಗಿದ್ಧಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದ ಗೆಲುವಿನ ನಾಗಾಲೋಟ ಮುಂದುವರೆದಿದ್ದು, ಮುಂಬೈ ಹೀರೋಸ್ ತಂಡವನ್ನು ಕರ್ನಾಟಕ ಬುಲ್ಡೋಜರ್ಸ್ ತಂಡ 85ರನ್‌ಗಳಿಂದ ಗೆದ್ದಿದೆ. ಎರಡನೇ ಇನಿಂಗ್ಸ್‌ನಲ್ಲಿ ಹತ್ತು ಓವರ್‌ಗಳಲ್ಲಿ 113 ರನ್‌ಗಳಿಗೆ 5 ವಿಕೆಟ್ ಕಳೆದುಕೊಂಡ ಮುಂಬೈ ಹೀರೋಸ್ ಪರ ಶಬ್ಬೀರ್ ಮತ್ತು ಶಖೀಬ್ ಹೊರತು ಪಡಿಸಿದರೆ ಬೇರೆ ಯಾರು ಹೋರಾಟದ ಪ್ರದರ್ಶನ ಮಾಡಲಿಲ್ಲ.

ಅತ್ಯುತ್ತಮ ಲಯದಲ್ಲಿ ಇದ್ದ ಮುಂಬೈ ಹೀರೋಸ್ ತಂಡದ ಸ್ಟಾರ್ ಪ್ಲೇಯರ್ ಶಬ್ಬೀರ್ 49 ರನ್‌ಗಳಿಸಿ ವಿಕೆಟ್ ಒಪ್ಪಿಸಿದ್ದಾರೆ. ಈ ಮೂಲಕ ಅರ್ಧ ಶತಕದಿಂದ ವಂಚಿತರಾಗಿದ್ಧಾರೆ. ಕೇವಲ 25 ಎಸೆತಗಳಲ್ಲಿ 49 ರನ್ ಗಳಿಸಿದ ಶಬ್ಬೀರ್ ಅವರ ವಿಕೆಟ್‌ನ್ನು ಸುನಿಲ್ ರಾವ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಸದ್ಯ ಮುಂಬೈ ಹೀರೋಸ್ 95 ರನ್‌ಗಳಿಗೆ ಮೂರು ವಿಕೆಟ್ ಕಳೆದುಕೊಂಡಿದ್ದು 14 ಎಸೆತಗಳಲ್ಲಿ 104ರನ್‌ಗಳ ಅವಶ್ಯಕತೆ ಇದೆ.

ಗೆಲ್ಲುವುದು ಅಸಾಧ್ಯವಾದರೂ ಕೂಡ ಮುಂಬೈ ಹೀರೋಸ್ ತಂಡ ಸಂಪೂರ್ಣ ಶ್ರಮವನ್ನು ಹಾಕುತ್ತಿದೆ. ಅದರಲ್ಲಿಯೂ ತಂಡದ ನಾಯಕ ಶಖೀಬ್ ಮತ್ತು ಶಬ್ಬೀರ್ ಪ್ರತಿಯೊಂದು ಎಸೆತವನ್ನು ಬೌಂಡರಿ ಹೊರಗಡೆ ಕಳುಹಿಸುವ ಪ್ರಯತ್ನ ಮಾಡುತ್ತಿದ್ದಾರೆ. ಇದರ ನಡುವೆ ಕರ್ನಾಟಕ ಬುಲ್ದೋಜರ್ಸ್ ತಂಡ ಕ್ಯಾಚ್‌ಗಳನ್ನು ಕೈ ಚೆಲ್ಲುತ್ತಿದ್ದು ಶಖೀಬ್ ಅವರಿಗೆ ಜೀವದಾನ ನೀಡುತ್ತಿದೆ. ಸದ್ಯ ಶಬ್ಬೀರ್ 39ರನ್ ಗಳಿಸಿದ್ದರೆ ಶಖೀಬ್ 23 ರನ್ ಗಳಿಸಿದ್ದಾರೆ.

ಶಬ್ಬೀರ್ ಅವರ 18 ರನ್ ಮತ್ತು ನಾಯಕ ಶಖೀಬ್ ಅವರ 13 ರನ್‌ಗಳ ನೆರವಿನಿಂದ ಮುಂಬೈ ಹೀರೋಸ್ ತಂಡ ಐದು ಓವರ್‌ಗಳಲ್ಲಿ 50 ರನ್‌ ಗಳಿಸಿದೆ. ಮುಂಬೈ ನಾಯಕ ಶಖೀಬ್ ಅವರ ವಿಕೆಟ್‌ನ್ನು ತಮ್ಮದೇ ಬೌಲಿಂಗ್‌ನಲ್ಲಿ ಪಡೆಯುವ ಸುವರ್ಣ ಅವಕಾಶ ಗೋಲ್ಡನ್ ಸ್ಟಾರ್ ಗಣೇಶ್ ಅವರಿಗೆ ಇತ್ತಾದರೂ ಅವಕಾಶವನ್ನು ಗಣಿ ಕೈ ಚೆಲ್ಲಿದರು. ಈ ಮೂಲಕ ಎರಡನೇ ಬಾರಿ ಈ ಪಂದ್ಯದಲ್ಲಿ ತಮ್ಮದೇ ಬೌಲಿಂಗ್‌ನಲ್ಲಿ ಕ್ಯಾಚ್ ಬಿಟ್ಟರು.

ಸಿದ್ಧಾಂಥ್ ಔಟಾದ ಬೆನ್ನಲ್ಲಿಯೇ ನಿಶಾಂತ್ ದಹಿಯಾ ಅವರ ವಿಕೆಟ್‌ನ್ನು ಮುಂಬೈ ಹೀರೋಸ್ ತಂಡ ಕಳೆದುಕೊಂಡಿದೆ. ಅನೂಪ್ ಭಂಡಾರಿ ಬೌಲಿಂಗ್‌ನಲ್ಲಿ ಬೌಂಡರಿ ಬಾರಿಸಿದ ನಿಶಾಂತ್ ಆ ನಂತರ ಸಿಕ್ಸ್ ಹೊಡೆಯುವ ಭರದಲ್ಲಿ ಸೀದಾ ರಾಜೀವ್ ಅವರಿಗೆ ಕ್ಯಾಚ್ ನೀಡಿದ್ದಾರೆ. 4 ಓವರ್‌ಗಳ ಮುಕ್ತಾಯಕ್ಕೆ ಮುಂಬೈ ತಂಡದ ಮೊತ್ತ 37ಕ್ಕೆ ತಲುಪಿದೆ.

ಬ್ಯಾಟಿಂಗ್‌ನಲ್ಲಿ ಮಿಂಚಿದ ಡಾರ್ಲಿಂಗ್ ಕೃಷ್ಣ, ಎರಡನೇ ಇನಿಂಗ್ಸ್‌ನಲ್ಲಿ ತಮ್ಮ ಬೌಲಿಂಗ್‌ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಉತ್ತಮವಾಗಿ ಆಡುತ್ತಿದ್ದ ಸಿದ್ದಾಂಥ್ ಅವರನ್ನು ಪೆವಿಲಿಯನ್‌ಗೆ ಕಳಿಸಿದ್ದಾರೆ. ಆರು ಎಸೆತಗಳಲ್ಲಿ ಹತ್ತು ರನ್ ಗಳಿಸಿದ್ದ ಸಿದ್ಧಾಂಥ್ ಡಾರ್ಲಿಂಗ್ ಕೃಷ್ಣ ಬೌಲಿಂಗ್‌ನಲ್ಲಿ ಚಂದನ್ ಕುಮಾರ್‌ಗೆ ಕ್ಯಾಚ್ ನೀಡಿ ನಿರ್ಗಮಿಸಿದ್ದಾರೆ. ಸದ್ಯ ಮುಂಬೈ ಹೀರೋಸ್ ತಂಡದ ಮೊತ್ತ ಮೂರು ಓವರ್‌ಗಳಲ್ಲಿ 31 ರನ್‌ಗಳಾಗಿವೆ.

199 ರನ್‌ಗಳ ಗುರಿಯನ್ನು ಬೆನ್ನತ್ತಿರುವ ಮುಂಬೈ ಹೀರೋಸ್ ತಂಡ ಮೊದಲ ಓವರ್ ನಲ್ಲಿ ಒಂಬತ್ತು ರನ್ ಗಳಿಸಿದೆ. ಮುಂಬೈ ಪರ್ ಶಬ್ಬೀರ್ ಮತ್ತು ಸಿದ್ಧಾಂಥ್ ಓಪನರ್ಸ್ ಆಗಿ ಕಣಕ್ಕಿಳಿದಿದ್ದು ಡಾರ್ಲಿಂಗ್ ಕೃಷ್ಣ ಮೊದಲ ಓವರ್ ಮಾಡಿದ್ದಾರೆ.

ಎರಡನೇ ಇನಿಂಗ್ಸ್‌ನಲ್ಲಿ ಕರ್ನಾಟಕ ಬುಲ್ದೋಜರ್ಸ್ ತಂಡ 127 ರನ್ ಗಳಿಸಿದೆ. ಈ ಮೂಲಕ ಒಟ್ಟಾರೆ 198ರನ್ ಗಳ ಮುನ್ನಡೆಯನ್ನು ಪಡೆದಿದೆ. ಮುಂಬೈ ಹೀರೋಸ್ ಮುಂದೆ 199 ರನ್‌ಗಳ ಸವಾಲು ಇಟ್ಟಿದೆ. ಮೊದಲ ಇನಿಂಗ್ಸ್‌ನಲ್ಲಿ ಕೇವಲ ನೂರು ರನ್ ಗಳಿಸಿದ ಮುಂಬೈ ಹೀರೋಸ್ ಎರಡನೇ ಇನಿಂಗ್ಸ್‌ನಲ್ಲಿ ಪುಟಿದೇಳುತ್ತಾರಾ ಎನ್ನುವುದನ್ನು ಕಾದು ನೋಡಬೇಕಿದೆ.

ಮಂಜುನಾಥ್ ಗೌಡ ಅವರ ಅರ್ಧ ಶತಕ ಮತ್ತು ಡಾರ್ಲಿಂಗ್ ಕೃಷ್ಣ ಅವರ ಗೆಸ್ಟ್ ಅಫಿಯರೆನ್ಸ್ ಸಹಾಯದ ಮೂಲಕ ಕರ್ನಾಟಕ ಬುಲ್ದೋಜರ್ಸ್ ತಂಡ ಎರಡನೇ ಇನಿಂಗ್ಸ್‌ನಲ್ಲಿ 3 ವಿಕೆಟ್ ಕಳೆದುಕೊಂಡು 119 ರನ್ ಗಳಿಸಿದೆ. ಸದ್ಯ ಇನ್ನು ಒಂದು ಓವರ್ ಬಾಕಿ ಇದ್ದು ನವದೀಪ್ ಕೊನೆಯ ಓವರ್ ಬಾಲ್ ಮಾಡುತ್ತಿದ್ದಾರೆ.

ಸಿಸಿಎಲ್ 2025 ಶುರುವಾದ ಘಳಿಗೆಯಿಂದ ಬ್ಯಾಟಿಂಗ್‌ನಲ್ಲಿ ಅಬ್ಬರಿಸಿ ಬೊಬ್ಬಿರಿಯುತ್ತಾ ಅಜೇಯರಾಗಿ ಉಳಿದಿದ್ದ ಡಾರ್ಲಿಂಗ್ ಕೃಷ್ಣ ಎರಡನೇ ಇನಿಂಗ್ಸ್‌ನಲ್ಲಿ ಶಬ್ಬೀರ್ ಅಹ್ಲುವಾಲಿಯಾಗೆ ವಿಕೆಟ್ ಒಪ್ಪಿಸಿದ್ದಾರೆ. ಶಬ್ಬೀರ್ ಅವರ ಯಾರ್ಕರ್‌ ಎಸೆತಕ್ಕೆ ಉತ್ತರ ಕೊಡುವಲ್ಲಿ ವಿಫಲವಾದ ಡಾರ್ಲಿಂಗ್ ಕೃಷ್ಣ ಕ್ಲೀನ್ ಬೌಲ್ಡ್ ಆಗುವ ಮುನ್ನ 08 ಎಸೆತಗಳಲ್ಲಿ 19 ರನ್ ಗಳಿಸಿದ್ದರು.

ಮಂಜುನಾಥ್ ಗೌಡ ಔಟ್ ಆದ ನಂತರ ಮೊದಲ ಇನಿಂಗ್ಸ್‌ನಲ್ಲಿ ಶತಕ ಸಿಡಿಸಿ ದಾಖಲೆ ಬರೆದ ಡಾರ್ಲಿಂಗ್ ಕೃಷ್ಣ ಮೈದಾನಕ್ಕೆ ಬಂದಿದ್ದು ಮೊದಲ ನಾಲ್ಕು ಎಸೆತಗಳಲ್ಲಿಯೇ ಎರಡು ಸಿಕ್ಸರ್ ಗಳ ನೆರವಿನಿಂದ 13 ರನ್‌ ಗಳಿಸಿದ್ದಾರೆ. 08ನೇ ಓವರ್‌ನ ಮುಕ್ತಾಯಕ್ಕೆ ಕರ್ನಾಟಕ ಬುಲ್ದೋಜರ್ಸ್ ತಂಡ ಎರಡು ವಿಕೆಟ್‌ ನಷ್ಟಕ್ಕೆ 107 ರನ್ ಗಳಿಸಿದೆ.

ನವ್‌ದೀಪ್ ಹಾಕಿದ ಸ್ಲೋ ಬಾಲ್‌ನ ಗಮನಿಸುವಲ್ಲಿ ವಿಫಲವಾದ ಮಂಜುನಾಥ್ ಗೌಡ ಸಿಕ್ಸ್ ಹೊಡೆಯುವ ಪ್ರಯತ್ನ ಮಾಡಿದರು. ತಮ್ಮ ಈ ಪ್ರಯತ್ನದಲ್ಲಿ ಎಡವಿ ಶಬ್ಬೀರ್ ಅಹ್ಲುವಾಲಿಯಾ ಅವರಿಗೆ ವಿಕೆಟ್ ಒಪ್ಪಿಸಿದರು. 26 ಎಸೆತಗಳಲ್ಲಿ 55 ರನ್ ಬಾರಿಸಿದ ಮಂಜುನಾಥ್ ಗೌಡ ತಮ್ಮ ಇನಿಂಗ್ಸ್‌ನಲ್ಲಿ 2 ಸಿಕ್ಸರ್ ಮತ್ತು 8 ಫೋರ್‌ಗಳನ್ನು ಸಿಡಿಸಿದರು.

ಕೇವಲ 24 ಬಾಲ್‌ಗಳಲ್ಲಿ ಮಂಜುನಾಥ್ ಗೌಡ 51 ರನ್ ಬಾರಿಸಿದ್ದಾರೆ. ತಮ್ಮ ಅರ್ಧ ಶತಕವನ್ನು ಪೂರ್ಣಗೊಳಿಸಿದ್ದಾರೆ. ಮಂಜುನಾಥ್ ಗೌಡ ಅವರ ಈ ಅರ್ಧ ಶತಕದ ನೆರವಿನಿಂದ ಕರ್ನಾಟಕ ಬುಲ್ದೋಜರ್ಸ್ ತಂಡ 07 ಓವರ್‌ಗಳಲ್ಲಿ 85 ರನ್ ಗಳಿಸಿದೆ. ಕಿಚ್ಚ ಸುದೀಪ್ ಆರು ಎಸೆತಗಳಲ್ಲಿ ಆರು ರನ್ ಬಾರಿಸಿದ್ದಾರೆ.

ಆರಂಭಿಕನಾಗಿ ಇಂದು ಎರಡನೇ ಇನಿಂಗ್ಸ್‌ನಲ್ಲಿ ಕಣಕ್ಕಿಳಿದ ಮಂಜುನಾಥ್ ಗೌಡ ಸದ್ಯ ಅಬ್ಬರಿಸಿ ಬೊಬ್ಬಿರಿಯುತ್ತಿದ್ದಾರೆ. 18 ಎಸೆತಗಳಲ್ಲಿ 42 ರನ್ ಗಳಿಸಿರುವ ಮಂಜುನಾಥ್ ಗೌಡ ಮುಂಬೈ ತಂಡದ ಕ್ಯಾಪ್ಟನ್ ಶಖೀಬ್ ಅವರ ಎರಡನೇ ಓವರ್‌ನಲ್ಲಿ ಎರಡು ಸಿಕ್ಸರ್‌ಗಳನ್ನು ಸಿಡಿಸಿದರು. ಸದ್ಯ ಆರು ಓವರ್‌ಗಳಲ್ಲಿ 68 ರನ್ ಗಳಿಸಿದೆ ಕರ್ನಾಟಕ ಬುಲ್ಡೋಜರ್ಸ್ ತಂಡ.

ಮುಂಬೈ ತಂಡಕ್ಕೆ ಬೇಕಿದ್ದ ವಿಕೆಟ್‌ನ್ನು ರಾಜಾ ತಂದು ಕೊಟ್ಟಿದ್ದಾರೆ. ಜಯರಾಂ ಕಾರ್ತಿಕ್ ಅವರ ವಿಕೆಟ್ ಕಬಳಿಸಿದ್ದಾರೆ. ಲಾಂಗ್ ಆಫ್‌ನಲ್ಲಿ ಸಿಕ್ಸರ್ ಹೊಡೆಯುವ ಪ್ರಯತ್ನ ಮಾಡಿದ್ದ ಜೆ.ಕೆ ಅವರ ಕ್ಯಾಚ್‌ನ್ನು ನಿಶಾಂತ್ ದಹಿಯಾ ಅದ್ಭುತವಾಗಿ ಹಿಡಿದರು. ಜೆಕೆ ನಿರ್ಗಮಿಸುತ್ತಿದ್ದಂತೆಯೇ ಕಿಚ್ಚ ಸುದೀಪ್ ಸದ್ಯ ಕ್ರೀಸ್‌ಗೆ ಬಂದಿದ್ದು ಎರಡು ಎಸೆತಗಳಲ್ಲಿ ಒಂದು ರನ್ ಗಳಿಸಿದ್ದಾರೆ.

ಕರ್ನಾಟಕ ಬುಲ್ದೋಜರ್ಸ್‌ ತಂಡದ ಆಟಗಾರರಿಗೆ ಬ್ರೇಕ್ ಹಾಕಲು, ಪಾರ್ಟರ್ ಶಿಫ್ ಬ್ರೇಕ್ ಮಾಡಲು ಮುಂಬೈ ತಂಡದ ನಾಯಕ ಸಖೀಬ್ ವಿಕೆಟ್ ಕೀಪಿಂಗ್ ಗ್ಲೌಸ್‌ ಕಳಚಿ ಬೌಲಿಂಗ್ ಮಾಡಿದ್ದಾರೆ. ಮೊದಲ ಓವರ್‌ನಲ್ಲಿ 07 ರನ್‌ಗಳನ್ನು ನೀಡಿದ್ದು ಕರ್ನಾಟಕ ತಂಡ 4 ಓವರ್‌ಗಳ ಅಂತ್ಯಕ್ಕೆ 47 ರನ್ ಗಳಿಸಿದೆ.

ಜಯರಾಂ ಕಾರ್ತಿಕ್ ಜೊತೆ ಆರಂಭಿಕ ಬ್ಯಾಟ್ಸಮನ್ ಆಗಿ ಕಣಕ್ಕಿಳಿದಿರುವ ಮಂಜುನಾಥ್ ಗೌಡ ಹತ್ತು ಎಸೆತಗಳಲ್ಲಿ 22 ರನ್‌ ಗಳಿಸುವ ಮೂಲಕ ತಂಡದ ಬ್ಯಾಟಿಂಗ್ ಸ್ಪೀಡ್‌ ಹೆಚ್ಚಿಸಿದ್ದಾರೆ. ಕಳೆದ ಓವರ್‌ನಲ್ಲಿ ಬ್ಯಾಕ್ ಟು ಬ್ಯಾಕ್ ಎರಡು ಬೌಂಡರಿಗಳನ್ನು ಮಂಜುನಾಥ್ ಗೌಡ ಸಿಡಿಸಿದ್ದು ಜೆಕೆ ಹದಿನೈದು ರನ್ ಗಳಿಸಿ ಆಟವಾಡುತ್ತಿದ್ದಾರೆ.

ಎರಡನೇ ಇನಿಂಗ್ಸ್‌ನಲ್ಲಿ ಜಾಗರೂಕರಾಗಿ ಜೆ.ಕೆ ಮತ್ತು ಮಂಜುನಾಥ್ ಗೌಡ ಬ್ಯಾಟಿಂಗ್ ಮಾಡುತ್ತಿದ್ದು ಜೆ,ಕೆ 7 ಎಸೆತಗಳಲ್ಲಿ 14 ರನ್ ಗಳಿಸಿದ್ದರೆ ಮಂಜುನಾಥ್ ಗೌಡ 5 ಎಸೆತಗಳಲ್ಲಿ 8 ರನ್ ಬಾರಿಸಿದ್ದಾರೆ. ಎರಡು ಓವರ್‌ಗಳ ಅಂತ್ಯಕ್ಕೆ ಕರ್ನಾಟಕ ಬುಲ್ದೋಜರ್ಸ್ ತಂಡ 25 ರನ್ ಗಳಿಸಿದೆ. ಈ ಮೂಲಕ 96 ರನ್‌ಗಳ ಲೀಡ್ ಪಡೆದಿದೆ.

ಎರಡನೇ ಇನಿಂಗ್ಸ್‌ನಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ಪರವಾಗಿ ಜಯರಾಂ ಕಾರ್ತಿಕ್ ಮತ್ತು ಮಂಜುನಾಥ್ ಗೌಡ ಆರಂಭಿಕ ಬ್ಯಾಟ್ಸಮನ್‌ಗಳಾಗಿ ಕಣಕ್ಕಿಳಿದಿದ್ದಾರೆ. ಮೊದಲ ಎರಡು ಎಸೆತದಲ್ಲಿಯೇ ಜೆ.ಕೆ ಎರಡು ಬೌಂಡರಿಗಳನ್ನು ಬಾರಿಸಿದ್ದರೆ ಮಂಜುನಾಥ್ ಗೌಡ ಎರಡು ಬಾಲ್ ಎದುರಿಸಿ ಎರಡು ರನ್ ಹೊಡೆದಿದ್ದಾರೆ. ಸದ್ಯ ಮೊದಲನೇ ಓವರ್ ಮುಕ್ತಾಯವಾಗಿದ್ದು ಕರ್ನಾಟಕ ಬುಲ್ದೋಜರ್ಸ್ ವಿಕೆಟ್ ನಷ್ಟ ಇಲ್ಲದೇ 13 ರನ್ ಗಳಿಸಿದೆ.

ಮೊದಲ ಇನಿಂಗ್ಸ್‌ನಲ್ಲಿ ಮುಂಬೈ ತಂಡ 100 ರನ್ ಗಳಿಸಿದೆ. ಆ ಪೈಕಿ 14 ರನ್‌ಗಳು ಎಕ್ಸ್ಟ್ರಾ ರೂಪದಲ್ಲಿ ಸಿಕ್ಕಿರುವುದು ಅನ್ನುವುದು ವಿಶೇಷ. ಶಬ್ಬೀರ್ ಅಹ್ಲುವಾಲಿಯಾ ಅವರನ್ನು ಹೊರತು ಪಡಿಸಿದರೆ ಬೇರೆ ಯಾರು ಆಟಗಾರರು ಕರ್ನಾಟಕ ಬೌಲರ್‌ಗಳನ್ನು ಸಮರ್ಥವಾಗಿ ಎದುರಿಸಲಿಲ್ಲ.ಇನ್ನು ಚಂದನ್ ಕುಮಾರ್ ಎರಡು ಓವರ್‌ಗಳಲ್ಲಿ 23 ರನ್ ನೀಡಿ ದುಬಾರಿ ಬೌಲರ್ ಎನಿಸಿಕೊಂಡರು.

ಮುಂಬೈ ಹೀರೋಸ್ ತಂಡದ ಪರ ಇಂದು ಸೊಹೈಲ್ ಖಾನ್ ಮೈದಾನಕ್ಕಿಳಿದಿದ್ದರು. ಆರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಇಳಿದ ಸೊಹೈಲ್ ಖಾನ್ ಎದುರಿಸಿದ ಮೊದಲ ಎಸೆತದಲ್ಲಿಯೇ ಔಟ್ ಆದರು. ಕರಣ್ ಆರ್ಯನ್ ಬೌಲಿಂಗ್‌ನಲ್ಲಿ ಎಲ್‌ಬಿಡಬ್ಲೂ ಆದ ಸೊಹೈಲ್ ಖಾನ್ ಬಂದಷ್ಟೇ ವೇಗದಲ್ಲಿ ಪೆವಿಲಿಯನ್ ಸೇರಿದರು.

09ನೇ ಓವರ್‌ನಲ್ಲಿ ಬೌಲಿಂಗ್ ಮಾಡಿದ ಗಣೇಶ್ ತಮ್ಮದೇ ಬೌಲಿಂಗ್‌ನಲ್ಲಿ ಶಬ್ಬೀರ್ ಅಹ್ಲುವಾಲಿಯಾ ಅವರ ಕ್ಯಾಚ್‌ನ ಕೈ ಚೆಲ್ಲಿದರು. ಗಣೇಶ್ ಅವರ ಎಸೆತದಲ್ಲಿ ಸಿಕ್ಸ್ ಹೊಡೆಯಲು ಶಬ್ಬೀರ್ ಮುಂದಾದಾಗ ಬ್ಯಾಟ್‌ನ ಎಡ್ಜ್‌ಗೆ ತಲುಪಿದ ಬೌಲ್ ಬಾನೆತ್ತರಕ್ಕೆ ಹಾರಿತ್ತು. ಕ್ಯಾಚ್ ಹಿಡಿಯಲು ಓಡಿದ ಗಣೇಶ್ ಹಿಡಿಯುವಲ್ಲಿ ವಿಫಲರಾದರು. ಮೊದಲ ಇನಿಂಗ್ಸ್‌ನಲ್ಲಿ ಒಂದು ಓವರ್ ಬೌಲಿಂಗ್ ಮಾಡಿದ ಗಣೇಶ್ 15 ರನ್‌ಗಳನ್ನು ನೀಡಿದರು.

ಬೌಂಡರಿಗಳ ಬರವನ್ನು ಎದುರಿಸುತ್ತಿರುವ ಮುಂಬೈ ಹೀರೋಸ್ ತಂಡ ಕೇವಲ ಒಂದು, ಎರಡು ರನ್‌ಗಳಿಂದ ಇನಿಂಗ್ಸ್ ಕಟ್ಟುವ ಪ್ರಯತ್ನ ಮಾಡುತ್ತಿದೆ. ಕರ್ನಾಟಕ ಬುಲ್ದೋಜರ್ಸ್ ನೀಡಿದ ಬೃಹತ್ ಗುರಿಯನ್ನು ಬೆನ್ನುತ್ತಿ ಸದ್ಯ 8 ಓವರ್‌ಗಳಲ್ಲಿ 76 ರನ್ ಮಾತ್ರ ಗಳಿಸಿದೆ. ಇನ್ನು ಎರಡು ಓವರ್ ಬಾಕಿ ಇದ್ದು ಮುಂಬೈ ಹೀರೋಸ್ 94ರನ್‌ಗಳ ಹಿನ್ನೆಡೆಯನ್ನು ಅನುಭವಿಸುತ್ತಿದೆ.

ನವದೀಪ್ ತೌಮರ್ ಆರು ಎಸೆತಗಳಲ್ಲಿ 7 ರನ್ ಬಾರಿಸಿ ಔಟ್ ಆಗಿದ್ದಾರೆ. ಕರಣ್ ಆರ್ಯನ್ ಅವರ ಬೌಲಿಂಗ್‌ನಲ್ಲಿ ಸಿಕ್ಸರ್ ಸಿಡಿಸುವ ಪ್ರಯತ್ನ ಮಾಡಿದ ನವದೀಪ್, ಮಂಜುನಾಥ್ ಗೌಡ ಅವರಿಗೆ ಕ್ಯಾಚ್ ನೀಡಿದ್ದಾರೆ. ಸದ್ಯ ಶಬ್ಬೀರ್ ಮಾತ್ರ ಮುಂಬೈ ತಂಡಕ್ಕೆ ಆಸರೆಯಾಗಿದ್ದು ಮುಂಬೈ ತಂಡವನ್ನು ಎಲ್ಲಿಯವರೆಗೆ ಕರೆದೊಯ್ಯುತ್ತಾರೆ ಎನ್ನುವುದನ್ನು ನೋಡಬೇಕಿದೆ.

ಕರ್ನಾಟಕ ಬುಲ್ದೋಜರ್ಸ್‌ ತಂಡದ ಕರಾರುವಕ್ಕಾದ ಬೌಲಿಂಗ್ ಮುಂದೆ ಮುಂಬೈ ಹೀರೋಸ್ ತಂಡ ಪರದಾಡುತ್ತಿದೆ. ಶಬ್ಬೀರ್ ಅಹ್ಲುವಾಲಿಯಾ ಮಾತ್ರ ಸದ್ಯ ಕರ್ನಾಟಕ ಬುಲ್ದೋಜರ್ಸ್‌ ತಂಡದ ಬೌಲಿಂಗ್‌ಗೆ ತಕ್ಕ ಉತ್ತರವನ್ನು ನೀಡುತ್ತಿದ್ದು ಆರನೇ ಓವರ್‌ನ ಕೊನೆಯ ಎಸೆತದಲ್ಲಿ ಸಿಕ್ಸರ್ ಸಿಡಿಸಿ ಮ್ಯಾಚ್ ಇನ್ನು ಮುಗಿದಿಲ್ಲ ಎಂಬ ಸಂದೇಶವನ್ನು ನೀಡಿದ್ಧಾರೆ.

ಮುಂಬೈ ತಂಡ ತನ್ನ ನಾಲ್ಕನೇ ವಿಕೆಟ್ ಕಳೆದುಕೊಂಡಿದೆ. ಮಂಜುನಾಥ ಗೌಡ ಅವರ ಬೌಲಿಂಗ್‌ನಲ್ಲಿ ಸಿದ್ಧಾಂಥ್ ವಿಕೆಟ್ ಚೆಲ್ಲಿದ್ದಾರೆ. ಮಂಜುನಾಥ್ ಗೌಡ ಎಸೆದ ಬೌನ್ಸರ್‌ಗೆ ಬೌಂಡರಿ ಹೊಡೆಯುವ ಪ್ರಯತ್ನದಲ್ಲಿ ಎಡವಿದ ಸಿದ್ಧಾಂಥ್ , ಕರಣ್ ಆರ್ಯನ್‌ಗೆ ಕ್ಯಾಚ್ ನೀಡಿ ನಿರ್ಗಮಿಸಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ನೀಡಿದ ಬೃಹತ್ ಮೊತ್ತದ ಬೆನ್ನತ್ತಿದ ಮುಂಬೈ ಹೀರೋಸ್ ತಂಡಕ್ಕೆ ಜೆಕೆ ಆರಂಭದಲ್ಲಿಯೇ ಆಘಾತ ನೀಡಿದರು. ಸಖೀಬ್ ಸಲೀಂ ಮತ್ತು ರಾಜೀವ್ ಪಿಳ್ಳೈ ಅವರ ವಿಕೆಟ್ ಕಬಳಿಸಿದರು. ಸುನೀಲ್ ರಾವ್ ಮತ್ತೊಂದು ವಿಕೆಟ್ ಪಡೆದರು. ಸದ್ಯ ಮುಂಬೈ ಹೀರೋಸ್ ಐದು ಓವರ್‌ನಲ್ಲಿ 46 ರನ್ ಗಳಿಸಿದೆ.

ಕರ್ನಾಟಕ ಬುಲ್ದೋಜರ್ಸ್ ಮೊದಲ ಇನಿಂಗ್ಸ್‌ನಲ್ಲಿ 171 ರನ್‌ಗಳನ್ನು ಗಳಿಸಿದೆ. ಈ ಮೂಲಕ ಸಿಸಿಎಲ್‌ 2025ರಲ್ಲಿ ಅತೀ ಹೆಚ್ಚು ರನ್ ಕಲೆ ಹಾಕಿದ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಡಾರ್ಲಿಂಗ್ ಕೃಷ್ಣ 110 ರನ್‌ಗಳನ್ನು ಬಾರಿಸಿ ಈ ಟೂರ್ನಾಮೆಂಟ್‌ನಲ್ಲಿ ಮೂರನೇ ಬಾರಿ ಅಜೇಯರಾಗಿ ಉಳಿದಿದ್ದಾರೆ. ಚಂದನ್ ಕುಮಾರ್ ಒಂದು ಎಸೆತವನ್ನು ಎದುರಿಸಿ ಒಂದು ರನ್ ಗಳಿಸಿದ್ದಾರೆ.

ಮುಂಬೈ ಬೌಲರ್‌ಗಳ ಬೆವರಿಳಿಸಿದ ಡಾರ್ಲಿಂಗ್ ಕೃಷ್ಣ ಶತಕವನ್ನು ಸಿಡಿಸಿದ್ದಾರೆ. ಕೇವಲ 33 ಎಸೆತಗಳಲ್ಲಿ ನೂರು ರನ್‌ ಬಾರಿಸಿದ ಡಾರ್ಲಿಂಗ್ ಕೃಷ್ಣ ತಮ್ಮ ಈ ಇನಿಂಗ್ಸ್‌ನಲ್ಲಿ 10 ಫೋರ್ ಮತ್ತು 08 ಸಿಕ್ಸರ್‌ಗಳನ್ನು ಸಿಡಿಸಿದ್ದಾರೆ. ಕೃಷ್ಣ ಆ ಕಡೆ ಸೆಂಚುರಿ ಬಾರಿಸುತ್ತಿದ್ದಂತೆಯೇ ಈ ಕಡೆ ಸುದೀಪ್ ಮತ್ತು ಸಂಗಡಿಗರು ಡಗ್‌ ಔಟ್‌ನಲ್ಲಿ ಸಂಭ್ರಮಿಸಿದ್ದಾರೆ.

ಡಾರ್ಲಿಂಗ್ ಕೃಷ್ಣ ಅಬ್ಬರ ಮುಂದುವರೆದಿದ್ದು, ಒಂಬತ್ತನೇ ಓವರ್‌ನಲ್ಲಿ ಶಬ್ಬೀರ್ ಅವರ ಬೌಲಿಂಗ್‌ನಲ್ಲಿ ಎರಡು ಸಿಕ್ಸರ್ ಮತ್ತು ಮೂರು ಫೋರ್ ಬಾರಿಸಿದ್ದಾರೆ. ಡಾರ್ಲಿಂಗ್ ಕೃಷ್ಣ ಬ್ಯಾಟಿಂಗ್‌ನಿಂದ ಒತ್ತಡಕ್ಕೆ ಸಿಲುಕಿದ ಬೌಲರ್ ಶಬ್ಬೀರ್ ವೈಡ್ ಎಸೆದು ನಾಲ್ಕು ಅಧಿಕ ರನ್‌ಗಳನ್ನು ಹೆಚ್ಚುವರಿಯಾಗಿ ನೀಡಿದ್ದಾರೆ. ಒಂದೇ ಓವರ್‌ನಲ್ಲಿ 32 ರನ್‌ಗಳನ್ನು ನೀಡುವ ಮೂಲಕ ಇನಿಂಗ್ಸ್‌ನ ದುಬಾರಿ ಬೌಲರ್ ಎಂಬ ಕುಖ್ಯಾತಿಗೆ ಕೂಡ ಶಬ್ಬೀರ್ ಪಾತ್ರವಾಗಿದ್ಧಾರೆ. ಸದ್ಯ ತಂಡದ ಮೊತ್ತ 09 ಓವರ್ ಗಳ ಅಂತ್ಯಕ್ಕೆ 148 ರನ್‌ಗಳಾಗಿವೆ.

116 ರನ್‌ಗಳಿಗೆ ಕರ್ನಾಟಕ ಬುಲ್ದೋಜರ್ಸ್ ತಂಡ ಮೊದಲ ವಿಕೆಟ್ ಕಳೆದುಕೊಂಡಿದೆ. ಪ್ರೀಡಿ ಅವರ ಬೌಲಿಂಗ್‌ನಲ್ಲಿ ಎರಡು ಬ್ಯಾಕ್ ಟು ಬ್ಯಾಕ್ ಬೌಂಡರಿ ಬಾರಿಸಿದ ರಾಜೀವ್ ಆ ನಂತರ ಹೆಲಿಕ್ಯಾಪ್ಟರ್ ಶಾಟ್ ಹೊಡೆಯುವ ಪ್ರಯತ್ನದಲ್ಲಿ ಅಭಿಲಾಶ್‌ಗೆ ಕ್ಯಾಚ್ ನೀಡಿ ಪೆವಲಿಯನ್ ಸೇರಿದ್ದಾರೆ. 23 ಎಸೆತಗಳಲ್ಲಿ 37 ರನ್‌ಗಳನ್ನು ರಾಜೀವ್ ಗಳಿಸಿದ್ದಾರೆ.

ಡಾರ್ಲಿಂಗ್ ಕೃಷ್ಣ ಅಬ್ಬರ ಹೈದರಾಬಾದ್‌ನಲ್ಲಿ ಮುಂಬೈ ತಂಡದ ವಿರುದ್ದ ಕೂಡ ಮುಂದುವರೆದಿದ್ದು ಆರನೇ ಓವರ್‌ನ ಕೊನೆಯ ಎರಡು ಎಸೆತಗಳಲ್ಲಿ ಎರಡು ಸಿಕ್ಸರ್‌ಗಳನ್ನು ಕೃಷ್ಣ ಸಿಡಿಸಿದ್ದಾರೆ. 23 ಎಸೆತಗಳಲ್ಲಿ 66 ರನ್ ಬಾರಿಸಿದ್ದಾರೆ. ತಂಡದ ಮೊತ್ತ 07 ಓವರ್ ಅಂತ್ಯಕ್ಕೆ 105 ರನ್ ಆಗಿದ್ದು ಈ ಟೂರ್ನಾಮೆಂಟ್‌ನ ಮೊದಲ ಶತಕದ ಜೊತೆಯಾಟವನ್ನು ಕೃಷ್ಣ ಮತ್ತು ರಾಜೀವ್ ಆಡಿfದ್ದಾರೆ.

ಸಿಸಿಎಲ್ 2025 ಆರಂಭದಿಂದಲೂ ಅಬ್ಬರಿಸುತ್ತಿರುವ ಡಾರ್ಲಿಂಗ್ ಕೃಷ್ಣ ಈ ಸೀಸನ್‌ನಲ್ಲಿ ತಮ್ಮ ಮೂರನೇ ಅರ್ಧ ಶತಕ ಬಾರಿಸಿದ್ದಾರೆ. 20 ಎಸೆತಗಳಲ್ಲಿ 50 ರನ್ ಬಾರಿಸಿರುವ ಡಾರ್ಲಿಂಗ್ ಕೃಷ್ಣ ಗೆ ರಾಜೀವ್ ಸಾಥ್ ನೀಡಿದ್ದಾರೆ.

ಮುಂಬೈ ತಂಡದ ಪರವಾಗಿ ಆರನೇ ಓವರ್ ಮಾಡಲು ಬಂದ ನಿರ್ದೇಶಕ ಅಪೂರ್ವ ಲಾಖಿಯಾ ಅವರನ್ನು ಡಾರ್ಲಿಂಗ್ ಕೃಷ್ಣ ಬೆಂಡೆತ್ತಿದರು. ಎರಡು ಸಿಕ್ಸ್ ಮತ್ತು ಎರಡು ಫೋರ್‌ಗಳನ್ನು ಬಾರಿಸಿದರು. ಈ ಮೂಲಕ ಮತ್ತೊಂದು ಅರ್ಧಶತಕ ಬಾರಿಸುವತ್ತ ಡಾರ್ಲಿಂಗ್ ಕೃಷ್ಣ ಹೆಜ್ಜೆ ಇಟ್ಟಿದ್ದು 18 ಬಾಲ್‌ನಲ್ಲಿ ಸದ್ಯ ಕೃಷ್ಣ 47 ರನ್‌ ಗಳಿಸಿದ್ದಾರೆ.

5 ಓವರ್‌ಗಳ ಅಂತ್ಯಕ್ಕೆ ಕರ್ನಾಟಕ ಬುಲ್ಡೋಜರ್ಸ್ ತಂಡ 62 ರನ್ ಗಳಿಸಿದೆ. ಡಾರ್ಲಿಂಗ್ ಕೃಷ್ಣ ಮತ್ತು ರಾಜೀವ್ ಇಬ್ಬರು 26 ರನ್ ಗಳಿಸಿದ್ದು ಇಬ್ಬರು ಸಮಯೋಚಿತ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಮೊದಲ ಇನಿಂಗ್ಸ್‌ ಮುಕ್ತಾಯವಾಗಲು ಇನ್ನು 5 ಓವರ್ ಬಾಕಿ ಇದ್ದು ಡಾರ್ಲಿಂಗ್ ಕೃಷ್ಣ ಮತ್ತು ರಾಜೀವ್ ಇನ್ನು ಆಕ್ರಮಣಕಾರಿ ಬ್ಯಾಟಿಂಗ್ ಆಡುವ ನಿರೀಕ್ಷೆ ಇದೆ.

ಕರ್ನಾಟಕ ಬುಲ್ದೋಜರ್ಸ್‌ ತಂಡ ನಾಲ್ಕು ಓವರ್‌ಗಳಲ್ಲಿ 51ರನ್ ಗಳಿಸಿದೆ. ಡಾರ್ಲಿಂಗ್ ಕೃಷ್ಣ 21 ಮತ್ತು ರಾಜೀವ್ 20 ರನ್‌ ಗಳಿಸಿ ಕ್ರೀಸ್‌ನಲ್ಲಿದ್ದಾರೆ. ನಾಲ್ಕು ಓವರ್‌ಗಳಲ್ಲಿ ಕರ್ನಾಟಕ ಬುಲ್ಡೋಜರ್ಸ್‌ ತಂಡ 6 ಫೋರ್ ಮತ್ತು 1 ಸಿಕ್ಸ್ ಸಿಡಿಸಿದೆ.

ಮೊದಲ ಮೂರು ಓವರ್ ಮುಕ್ತಾಯವಾಗಿದ್ದು ಕರ್ನಾಟಕ ಬುಲ್ಡೋಜರ್ಸ್ ತಂಡ ವಿಕೆಟ್ ನಷ್ಟ ಇಲ್ಲದೇ 33 ರನ್ ಗಳಿಸಿದೆ. ಡಾರ್ಲಿಂಗ್ ಕೃಷ್ಣ ಅದ್ಭುತ ಲಯದಲ್ಲಿ ಕಂಡು ಬರುತ್ತಿದ್ದು ಮೂರನೇ ಓವರ್‌ನ ಕೊನೆಯ ಎರಡು ಎಸೆತಗಳಲ್ಲಿ ಬೌಂಡರಿ ಬಾರಿಸಿದ್ದಾರೆ.

ಕರ್ನಾಟಕ ಬುಲ್ಡೋಜರ್ ತಂಡ ಮೊದಲ ಓವರ್‌ನಲ್ಲಿ ನಿಧಾನ ಗತಿಯಲ್ಲಿ ಆರಂಭ ಮಾಡಿದೆ. ಮೊದಲ ಓವರ್‌ನಲ್ಲಿ ಡಾರ್ಲಿಂಗ್ ಕೃಷ್ಣ ಒಂದು ಬೌಂಡರಿಯ ಸಹಾಯದಿಂದ 9 ರನ್ ಗಳಿಸಿದೆ.

ಮುಂಬೈ ವಿರುದ್ಧದ ಪಂದ್ಯದಲ್ಲಿ ಡಾರ್ಲಿಂಗ್ ಕೃಷ್ಣ ಹಾಗೂ ರಾಜೀವ್ ಓಪನಿಂಗ್ ಬ್ಯಾಟ್ಸ್‌ಮನ್ ಆಗಿ ಅಖಾಡಕ್ಕೆ ಇಳಿದಿದ್ದಾರೆ. ಡಾರ್ಲಿಂಗ್ ಕೃಷ್ಣ ಕಳೆದ ಎರಡು ಪಂದ್ಯಗಳಲ್ಲೂ ಅದ್ಭುತ ಬ್ಯಾಟಿಂಗ್ ಮಾಡಿದ್ದು, ಮುಂಬೈನಲ್ಲೂ ಅದೇ ಮುಂದುವರೆತ್ತಾ? ಅನ್ನೋದು ಕುತೂಹಲವಿದೆ. ಮುಂಬೈ ಹೀರೋಸ್ ಪರ ಮೊದಲ ಓವರ್ ಅನ್ನು ನಿಶಾಂತ್ ಬೌಲ್ ಮಾಡುತ್ತಿದ್ದಾರೆ.

ಕರ್ನಾಟಕ ಬುಲ್ಡೋಜರ್ ತಂಡದಲ್ಲಿ ಯಾವುದೇ ಬದಲಾವಣೆ ಇಲ್ಲ. ಚೆನ್ನೈ ರೈನೋಸ್ ತಂಡದ ಪರ ಆಡಿದ್ದ ಆಟಗಾರರೇ ಈ ಪಂದ್ಯದಲ್ಲೂ ಮುಂದುವರೆದಿದ್ದಾರೆ. ಕಿಚ್ಚ ಸುದೀಪ್ ನಾಯಕ, ಗೋಲ್ಡನ್ ಸ್ಟಾರ್‌ ಗಣೇಶ್, ಡಾರ್ಲಿಂಗ್ ಕೃಷ್ಣ, ಜಯರಾಂ ಕಾರ್ತಿಕ್, ರಾಜೀವ್, ಚಂದನ್ ಕುಮಾರ್, ಅನುಪ್ ಭಂಡಾರಿ, ಮಂಜುನಾಥ್ ಗೌಡ ಪ್ರಮುಖವಾಗಿ ಆಡಲಿದ್ದಾರೆ.

ಕರ್ನಾಟಕ ಬುಲ್ಡೋಜರ್ ಹಾಗೂ ಮುಂಬೈ ತಂಡದ ನಡುವೆ ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೆಡಿಯಂನಲ್ಲಿ ಪಂದ್ಯ ಆರಂಭ ಆಗಿದೆ. ಈಗಾಗಲೇ ಟಾಸ್ ಆಗಿದ್ದು, ಮುಂಬೈ ಟಾಸ್ ಗೆದ್ದಿದ್ದು, ಬೌಲಿಂಗ್ ಮಾಡುವುದಕ್ಕೆ ಮುಂದಾಗಿದೆ. ಕರ್ನಾಟಕ ಬುಲ್ಡೋಜರ್ ತಂಡ ಮೊದಲು ಬ್ಯಾಟಿಂಗ್ ಮಾಡುವುದಕ್ಕೆ ಕಣಕ್ಕೆ ಇಳಿಸಿದ್ದಾರೆ. ಈ ಬಾರಿ ಮುಂಬೈ ತಂಡದ ಪರ ಸಲ್ಮಾನ್ ಖಾನ್ ಸಹೋದರ ಸೊಹೇಲ್ ಖಾನ್ ಆಟ ಆಡಲಿದ್ದಾರೆ.

ಇಂದು (ಫೆಬ್ರವರಿ 15) ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡ ಹಾಗೂ ಮುಂಬೈ ಹೀರೋಸ್ ತಂಡದ ನಡುವೆ ರೋಚಕ ಪಂದ್ಯ ಆರಂಭ ಆಗುತ್ತಿದೆ. ಈಗಾಗಲೇ ಎರಡು ಪಂದ್ಯಗಳನ್ನು ಗೆದ್ದಿದ್ದರುವ ಕಿಚ್ಚ ಸುದೀಪ್ ತಂಡ ಮುಂಬೈ ಹೀರೋಸ್ ವಿರುದ್ಧ ಗೆದ್ದು ಹ್ಯಾಟ್ರಿಕ್ ಗೆಲುವು ಸಾಧಿಸುವ ನಿರೀಕ್ಷೆಯಲ್ಲಿ ಇದ್ದಾರೆ.

ಇಂದು (ಫೆಬ್ರವರಿ 15) ಕರ್ನಾಟಕ ಬುಲ್ಡೋಜರ್ಸ್ ತಂಡ ಮುಂಬೈ ಹೀರೋಸ್ ವಿರುದ್ಧದ ಪಂದ್ಯ ಆಡುವುದಕ್ಕೂ ಮುನ್ನ ಕೊನೆಯ ಹಂತದ ತಯಾರಿಯನ್ನು ನಡೆಸಿದೆ. ಕಿಚ್ಚ ಸುದೀಪ್, ಕೋಚ್ ರಿತೇಶ್ ಭಟ್ಕಳ್ ಇಬ್ಬರೂ ತಂಡದೊಂದಿಗೆ ಸೇರಿ ರಣತಂತ್ರವನ್ನು ರೂಪಿಸಿದ್ದಾರೆ. ಟೀಮ್ ಮೀಟ್ ಮಾಡಿದ್ದಾರೆ. ಇದರಲ್ಲಿ ಜಯರಾಂ ಕಾರ್ತಿಕ್, ಡಾರ್ಲಿಂಗ್ ಕೃಷ್ಣ, ಗೋಲ್ಡನ್ ಸ್ಟಾರ್ ಗಣೇಶ್, ಅನುಪ್ ಭಂಡಾರಿ, ಚೇತನ್ ಕುಮಾರ್, ಬೌಲಿಂಗ್ ಕೋಚ್ ಅಯ್ಯಪ್ಪ ಸೇರಿದಂತೆ ಎಲ್ಲರೂ ಭಾಗಿಯಾಗಿದ್ದಾರೆ.

ಭೊಜ್‌ಪುರಿ ದಬಾಂಗ್ಸ್ ತಂಡ ಮತ್ತೊಮ್ಮೆ ತೆಲುಗು ವಾರಿಯರ್ಸ್ ಎದುರು ಸೋಲುಂಡಿದೆ. ಸಿಸಿಎಲ್ ಸರಣಿಯಲ್ಲಿ ಈವರೆಗೆ ತೆಲುಗು ವಾರಿಯರ್ಸ್ ವಿರುದ್ಧ ಒಂದೂ ಪಂದ್ಯ ಗೆದ್ದಿರಲಿಲ್ಲ. ಇಂದಿನ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ತೋರಿ ಗೆಲ್ಲುವ ನಿರೀಕ್ಷೆ ಹುಟ್ಟಾಕ್ಕಿದ್ದ ದಬಾಂಗ್ಸ್ ಅಂತಿಮವಾಗಿ 7 ರನ್‌ಗಳಿಂದ ಸೋಲಿಗೆ ಶರಣಾಗಿದೆ.

ತನ್ನ ಎರಡನೇ ಇನ್ನಿಂಗ್ಸ್‌ನಲ್ಲಿ ಗೆಲ್ಲಲು ಸಾಧಾರಣ ರನ್ ಬೆನ್ನತ್ತಿದ ಭೋಜ್‌ಪುರಿ ದಬಾಂಗ್ಸ್ ಕುಂಟುತ್ತಾ ಸಾಗಿದೆ. ಸದ್ಯ 9 ಓವರ್ 2 ಎಸೆತಗಳಲ್ಲಿ 7 ವಿಕೆಟ್ ಕಳೆದುಕೊಂಡು 70 ರನ್ ಗಳಿಸಿದೆ. ಗೆಲ್ಲಲು 6 ಎಸೆತಗಳಲ್ಲಿ 17 ರನ್ ಕಲೆಹಾಕಬೇಕಿದೆ. ನಿಧಾನವಾಗಿ ತೆಲುಗು ವಾರಿಯರ್ಸ್ ಪಂದ್ಯದ ಮೇಲೆ ಹಿಡಿತ ಸಾಧಿಸುತ್ತಿದ್ದಾರೆ.

ಭೋಜ್‌ಪುರಿ ದಬಾಂಗ್ಸ್ 2ನೇ ಇನ್ನಿಂಗ್ಸ್‌ನಲ್ಲಿ ಮೊದಲ 5 ಓವರ್‌ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 50 ರನ್ ಗಳಿಸಿದೆ. ತಂಡ ಗೆಲ್ಲಲು ಇನ್ನುಳಿದ 30 ಎಸೆತಗಳಲ್ಲಿ 37 ರನ್ ಕಲೆ ಹಾಕಬೇಕಿದೆ.

ಅಖಿಲ್ ಅಕ್ಕಿನೇನಿ ಅವರ ಜವಾಬ್ಧಾರಿಯುತ ಬ್ಯಾಟಿಂಗ್‌ದಿಂದ ತೆಲುಗು ವಾರಿಯರ್ಸ್ ಎರಡನೇ ಇನಿಂಗ್ಸ್‌ನಲ್ಲಿ ಹತ್ತು ಓವರ್‌ಗಳಲ್ಲಿ ಆರು ವಿಕೆಟ್ ನಷ್ಟಕ್ಕೆ 132ರನ್ ಗಳಿಸಿದೆ. ಈ ಮೂಲಕ ಭೋಜ್‌ಪುರಿ ದಬಾಂಗ್ಸ್‌ ತಂಡಕ್ಕೆ 86ರನ್‌ಗಳ ಗುರಿಯನ್ನು ನೀಡಿದೆ. ಮೊದಲ ಇನಿಂಗ್ಸ್‌ನಲ್ಲಿ 126ರನ್‌ ಗಳಿಸಿದ ಭೋಜ್‌ಪುರಿ ತಂಡ ಈ ಗುರಿಯನ್ನು ಅನಾಯಾಸವಾಗಿ ತಲುಪುವ ನಿರೀಕ್ಷೆ ಇದೆ. ಬೌಲರ್‌ಗಳು ಪವಾಡ ಮಾಡದ ಹೊರತು ತೆಲುಗು ವಾರಿಯರ್ಸ್‌ ಈ ಪಂದ್ಯ ಗೆಲ್ಲುವುದು ಕಷ್ಟ.

ಮೊದಲ ಮೂರು ಓವರ್‌ನಲ್ಲಿ 50 ರನ್ ಗಳಿಸಿದ ತೆಲುಗು ವಾರಿಯರ್ಸ್ ತಂಡಕ್ಕೆ ಭೋಜ್‌ಪುರಿ ದಬಾಂಗ್ಸ್‌ನ ಆದಿತ್ಯ ಅಡ್ಡಗಾಲು ಹಾಕಿದ್ದಾರೆ. ಇನಿಂಗ್ಸ್‌ನ ನಾಲ್ಕನೇ ಓವರ್‌ನಲ್ಲಿ ಆಕರ್ಷಕ ಬೌಲಿಂಗ್ ಮಾಡಿದ ಆದಿತ್ಯ 21 ರನ್ ಗಳಿಸಿದ್ದ ತಮನ್‌ ಅವರನ್ನು ಪೆವಲಿಯನ್‌ಗೆ ಕಳಿಸಿದ್ಧಾರೆ. ಇನ್ನು ತಮನ್ ಔಟಾದ ಬೆನ್ನಲ್ಲಿಯೇ ಅಶ್ವಿನ್ ಅವರ ವಿಕೆಟ್‌ನ್ನು ಕೂಡ ತೆಲುಗು ವಾರಿಯರ್ಸ್ ಕಳೆದುಕೊಂಡಿದ್ದು ಸದ್ಯ 4 ಓವರ್‌ಗಳ ಮುಕ್ತಾಯಕ್ಕೆ 60 ರನ್‌ಗಳನ್ನು ಗಳಿಸಿದೆ. ಅಖಿಲ್ ಅಕ್ಕಿನೇನಿ ಬ್ಯಾಟಿಂಗ್ ಆಡಲು ಕ್ರೀಸ್‌ಗೆ ಬಂದಿದ್ದಾರೆ.

ಮೊದಲ ಇನಿಂಗ್ಸ್‌ನಲ್ಲಿ ಕೇವಲ 80 ರನ್‌ಗಳಿಗೆ ಕುಸಿದ ತೆಲುಗು ವಾರಿಯರ್ಸ್ ಎರಡನೇ ಇನಿಂಗ್ಸ್‌ನಲ್ಲಿ ಭೋಜ್‌ಪುರಿ ದಬಾಂಗ್ಸ್‌ಗೆ ತಕ್ಕ ಪ್ರತ್ಯುತ್ತರ ನೀಡಿದೆ. ತಮನ್ ಮತ್ತು ಅಶ್ವಿನ್ ತಂಡಕ್ಕೆ ಬೇಕಾದ ಆರಂಭವನ್ನು ಒದಗಿಸಿದ್ದು 3 ಓವರ್‌ನಲ್ಲಿ 50 ರನ್‌ಗಳನ್ನು ಕಲೆ ಹಾಕಿದ್ದಾರೆ.

80 ರನ್‌ಗಳ ಗುರಿ ಬೆನ್ನತ್ತಿದ ಭೋಜ್‌ಪುರಿ ದಬಾಂಗ್ಸ್ ತಂಡ ಮೊದಲ ಇನಿಂಗ್ಸ್‌ನಲ್ಲಿ ಹತ್ತು ಓವರ್‌ನಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 126 ರನ್ ಗಳಿಸಿದೆ. ಈ ಮೂಲಕ ತೆಲುಗು ವಾರಿಯರ್ಸ್ ಮೇಲೆ 45 ರನ್‌ಗಳ ಮುನ್ನಡೆಯನ್ನು ಭೋಜ್‌ಪುರಿ ದಬಾಂಗ್ಸ್ ಪಡೆದಿದೆ. ತವರು ನೆಲದಲ್ಲಿ ಗೆಲ್ಲಬೇಕಾದ ಅನಿವಾರ್ಯತೆಯಲ್ಲಿರುವ ತೆಲುಗು ವಾರಿಯರ್ಸ್ ಈ ಒತ್ತಡದ ಸನ್ನಿವೇಶವನ್ನು ಹೇಗೆ ನಿಭಾಯಿಸುತ್ತೆ ಎನ್ನುವುದನ್ನು ಈಗ ನೋಡಬೇಕಿದೆ.

ತೆಲುಗು ವಾರಿಯರ್ಸ್ ತಂಡ ನೀಡಿದ 80 ರನ್‌ಗಳ ಗುರಿ ಬೆನ್ನತ್ತಿದ್ದ ಭೋಜ್‌ಪುರಿ ದಬಾಂಗ್ಸ್, ತೆಲುಗು ಸ್ಟಾರ್‌ ಬೌಲರ್‌ಗಳ ಬೆವರಿಳಿಸಿದರು. ಸದ್ಯ ಕೇವಲ 07 ಓವರ್‌ಗಳಲ್ಲಿ 80 ರನ್‌ಗಳನ್ನು ಕೇವಲ ಒಂದು ವಿಕೆಟ್ ಕಳೆದುಕೊಂಡು ಗಳಿಸಿದ ಭೋಜ್‌ಪುರಿ ದಬಾಂಗ್ಸ್ ಸದ್ಯ 07 ರನ್‌ಗಳ ಮುನ್ನಡೆಯನ್ನು ಗಳಿಸಿದೆ. 07 ಓವರ್‌ಗಳಲ್ಲಿ 87 ರನ್ ಕಲೆ ಹಾಕಿದೆ.

ಅಖಿಲ್ ಅಕ್ಕಿನೇನಿ ನಡೆಸಿದ ಏಕಾಂಗಿ ಹೋರಾಟದ ಪ್ರತಿಫಲವಾಗಿ ಮೊದಲ ಇನಿಂಗ್ಸ್‌ನಲ್ಲಿ ತೆಲುಗು ವಾರಿಯರ್ಸ್‌ ತಂಡ ಹತ್ತು ಓವರ್‌ಗಳಲ್ಲಿ 80 ರನ್ ಗಳಿಸಿದೆ. ಅಖಿಲ್ ಅಕ್ಕಿನೇನಿ ಹೊರತು ಪಡಿಸಿದರೆ ಬೇರೆ ಯಾರು ಭೋಜ್‌ಪುರಿ ದಬಾಂಗ್ಸ್‌ ಬೌಲರ್‌ಗಳನ್ನು ಸಮರ್ಥವಾಗಿ ಎದುರಿಸಲಾಗದೇ ಒದ್ದಾಡಿದರು. ಪೆವಲಿಯನ್ ಪರೇಡ್ ನಡೆಸಿದರು.

ಮೊದಲ ಓವರ್‌ನಲ್ಲಿಯೇ ಮೂರು ರನ್ ಗೆ ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ತೆಲುಗು ವಾರಿಯರ್ಸ್‌ ತಂಡಕ್ಕೆ ಅಖಿಲ್ ಅಕ್ಕಿನೇನಿ ಆಸರೆಯಾಗಿದ್ದಾರೆ. ಒಂದರ ಹಿಂದೊಂದರಂತೆ ಎರಡನೇ ಓವರ್‌ನಲ್ಲಿ ಬೌಂಡರಿಗಳನ್ನು ಬಾರಿಸಿದ್ದಾರೆ. ಆದರೆ ಇದೇ ವೇಳೆ ಮತ್ತೊಂದು ಬದಿಯಲ್ಲಿದ್ದ ತಮನ್ ತಮ್ಮ ವಿಕೆಟ್ ಒಪ್ಪಿಸಿದ್ದಾರೆ. ಈ ಸಮಯದಲ್ಲಿ ಸಂಯಮ ಕಳೆದುಕೊಂಡ ಅಖಿಲ್ ಅಂಪೈರ್ ಜೊತೆ ವಾಗ್ವಾದಕ್ಕಿಳಿದರು. ಸದ್ಯ ತೆಲುಗು ವಾರಿಯರ್ಸ್ ತಂಡದ ಮೊತ್ತ 5 ಓವರ್‌ಗಳಿಗೆ 47ರನ್ ಆಗಿದ್ದು 4 ವಿಕೆಟ್‌ನ ತೆಲುಗು ವಾರಿಯರ್ಸ್ ಕಳೆದುಕೊಂಡಿದೆ.

ತೆಲುಗು ವಾರಿಯರ್ಸ್ ತಂಡದ ವಿರುದ್ಧ ಮೊದಲ ಓವರ್‌ನಲ್ಲಿಯೇ ಭೋಜ್‌ಪುರಿ ದಬಾಂಗ್ಸ್ ತಂಡದ ನಾಯಕ ಮನೋಜ್ ತಿವಾರಿ ಹ್ಯಾಟ್ರಿಕ್ ವಿಕೆಟ್ ಪಡೆದಿದ್ದಾರೆ. ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ತೆಲುಗು ವಾರಿಯರ್ಸ್ ತಂಡದ ಮೂರು ಬ್ಯಾಟ್ಸಮನ್‌ಗಳನ್ನು ಕೇವಲ 3 ರನ್‌ಗೆ ಔಟ್ ಮಾಡಿದರು. ಈ ಮೂಲಕ ಆರಂಭದಲ್ಲಿಯೇ ತೆಲುಗು ವಾರಿಯರ್ಸ್‌ ತಂಡವನ್ನು ಒತ್ತಡಕ್ಕೆ ಸಿಲುಕಿಸಿದರು

ಭೋಜ್‌ಪುರಿ ದಬಾಂಗ್ಸ್ ಮತ್ತು ತೆಲುಗು ವಾರಿಯರ್ಸ್ ನಡುವೆ ಇಂದು ಹೈದರಾಬಾದ್‌ನಲ್ಲಿ ಪಂದ್ಯ ನಡೆಯುತ್ತಿದ್ದು, ಅಖಿಲ್ ಅಕ್ಕಿನೇನಿ ಸಾರಥ್ಯದ ತೆಲುಗು ವಾರಿಯರ್ಸ್‌ಗೆ ಮನೋಜ್ ತಿವಾರಿ ಸಾರಥ್ಯದ ಭೋಜ್‌ಪುರಿ ದಬಾಂಗ್ಸ್ ಆಘಾತವನ್ನು ನೀಡಿದೆ. ಮೊದಲ ಓವರ್‌ನಲ್ಲಿಯೇ ಮೂರು ತೆಲುಗು ವಾರಿಯರ್ಸ್ ಬ್ಯಾಟ್ಸಮನ್‌ಗಳಿಗೆ ಪೆವಲಿಯನ್‌ಗೆ ಕಳಿಸಿದೆ. ಆರಂಭಿಕ ಆಘಾತದಿಂದ ಕಂಗಾಲಾದ ತೆಲುಗು ವಾರಿಯರ್ಸ್‌ ತಂಡವನ್ನು ಸದ್ಯ ಅಪಾಯದಿಂದ ಪಾರು ಮಾಡುವ ಜವಾಬ್ಧಾರಿಯನ್ನು ಅಖಿಲ್ ವಹಿಸಿಕೊಂಡಿದ್ದು 9 ರನ್‌ಗಳಿಸಿ ಆಟವಾಡುತ್ತಿದ್ದಾರೆ. ತಂಡದ ಮೊತ್ತ 2 ಓವರ್‌ಗಳಿಗೆ 13 ರನ್ ಆಗಿದ್ದು ಮೂರು ವಿಕೆಟ್ ಗಳನ್ನು ತೆಲುಗು ವಾರಿಯರ್ಸ್ ಕಳೆದುಕೊಂಡಿದೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ಚೆನ್ನೈ ರೈನೋಸ್ ತಂಡದ ವಿರುದ್ಧ ಗೆಲುವಿನ ನಗೆ ಬೀರಿದೆ. 6.5 ಓವರ್‌ಗಳಲ್ಲಿ ಕರ್ನಾಟಕ ಬುಲ್ಡೋಜರ್ ವಿನ್ ಆಗಿದೆ.

ಕರ್ನಾಟಕ ಬಿಲ್ಡೋಜರ್ ತಂಡ ಆರು ಓವರ್‌ಗಳಲ್ಲಿ 55 ರನ್‌ ಗಳಿಸಿ 3 ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಡಾರ್ಲಿಂಗ್ ಕೃಷ್ಣ ಹಾಗೂ ರಾಜೀವ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಕರ್ನಾಟಕ ತಂಡ ಆರಂಭದಲ್ಲಿಯೇ ಮೂರು ಪ್ರಮುಖ ವಿಕೆಟ್‌ಗಳನ್ನು ಕಳೆದುಕೊಂಡಿತ್ತು. ಬಳಿಕ ಚೇತರಿಸಿಕೊಂಡ ಕರ್ನಾಟಕ ತಂಡ ಉತ್ತಮ ಬ್ಯಾಟಿಂಗ್ ಮಾಡುತ್ತಿದೆ. ಐದು ಓವರ್‌ಗಳ ಮುಕ್ತಾಯಕ್ಕೆ 49 ರನ್‌ ಗಳಿಸಿದ್ದು, 3 ವಿಕೆಟ್ ಕಳೆದುಕೊಂಡಿದೆ.

ಕರ್ನಾಟಕ ಬುಲ್ಡೋಜರ್ ತಂಡದ ನಾಯಕ ಕಿಚ್ಚ ಸುದೀಪ್ ಔಟ್ ಆಗಿದ್ದಾರೆ.10 ಎಸೆತಗಳಲ್ಲಿ 3 ರನ್‌ಗಳನ್ನು ಗಳಿಸಿ ಪೆವಿಲಿಯನ್‌ಗೆ ಮರಳಿದ್ದಾರೆ. ಈ ಮೂಲಕ ಕರ್ನಾಟಕದ ತಂಡ ನಾಲ್ಕು ಓವರ್‌ಗಳ ಮುಕ್ತಾಯಕ್ಕೆ 33 ರನ್‌ಗಳಿಗೆ 3 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ಕರ್ನಾಟಕ ಬುಲ್ಡೋಜರ್ ತಂಡ ಮೊದಲ ಮೂರು ಓವರ್‌ಗಳಲ್ಲಿ ಎಡವಿದೆ. ಮೂರು ಓವರ್‌ಗಳಲ್ಲಿ ಕಿಚ್ಚನ ತಂಡ 26 ರನ್‌ಗಳನ್ನು ಗಳಿಸಿ 2 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ಮೂರನೇ ಓವರ್‌ನಲ್ಲಿ ಕರ್ನಾಟಕ ಬುಲ್ಡೋಜರ್ ತಂಡ ಎಡವಿದೆ. ಕರ್ನಾಟಕದ ಎರಡನೇ ವಿಕೆಟ್ ಪತನ ಆಗಿದೆ. ಕರಣ್ ಆರ್ಯನ್ ವಿಕೆಟ್ ಒಪ್ಪಿಸಿ ಪೆವಿಲಿಯನ್‌ಗೆ ಮರಳಿದ್ದು, ಡಾರ್ಲಿಂಗ್ ಕೃಷ್ಣ ಬ್ಯಾಟಿಂಗ್‌ ಮಾಡುವುದಕ್ಕೆ ಆಗಮಿಸಿದ್ದಾರೆ.

ಕರ್ನಾಟಕ ಬುಲ್ಡೋಜರ್ ತಂಡದ ಎರಡನೇ ಇನ್ನಿಂಗ್ಸ್ ಶುರುವಾಗಿದೆ. ಎರಡು ಓವರ್‌ಗಳಲ್ಲಿ 20 ರನ್‌ಗಳನ್ನು ಗಳಿಸಿದೆ. ಕರಣ್ ಆರ್ಯನ್ ಹಾಗೂ ಕಿಚ್ಚ ಸುದೀಪ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

70 ರನ್‌ಗಳ ಗುರಿಯೊಂದಿಗೆ ಕರ್ನಾಟಕ ಬುಲ್ಡೋಜರ್ಸ್ 2ನೇ ಇನ್ನಿಂಗ್ಸ್ ಆರಂಭಿಸಿದೆ. ಆರಂಭದಲ್ಲೇ ಜೆಕೆ ಔಟ್ ಆಗಿದ್ದಾರೆ. 1 ರನ್ ಗಳಿಸಿ ಕ್ಲೀನ್ ಬೋಲ್ಡ್ ಆಗಿ ಜೆಕೆ ವಾಪಸ್‌ ಆಗಿದ್ದಾರೆ.

ಚೆನ್ನೈ ರೈನೋಸ್ 2ನೇ ಇನ್ನಿಂಗ್ಸ್‌ನಲ್ಲಿ 7 ವಿಕೆಟ್ ಕಳೆದುಕೊಂಡು 103 ರನ್ ಗಳಿಸಿದೆ. ಕಾಲೈ 24, ಪೃಥ್ವಿ 30 ರನ್ ಗಳಿಸಿ ತಂಡಕ್ಕೆ ನೆರವಾದರು. ಆ ಮೂಲಕ ಕರ್ನಾಟಕ ಬುಲ್ಡೋಜರ್ಸ್‌ಗೆ 70 ರನ್‌ಗಳ ಗುರಿ ನೀಡಿದೆ.

ಚೆನ್ನೈ 2ನೇ ಇನ್ನಿಂಗ್ಸ್‌ನಲ್ಲಿ ತಕ್ಕಮಟ್ಟಿಗೆ ಪ್ರತಿರೋಧ ತೋರುತ್ತಿದೆ. 7 ಓವರ್‌ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 64 ರನ್ ಗಳಿಸಿದೆ. ಆರಂಭಿಕ ಉತ್ತಮ ಬ್ಯಾಟ್ಸಮನ್‌ಗಳನ್ನು ಕಳೆದುಕೊಂಡು ತಂಡ ಸಂಕಷ್ಟಕ್ಕೆ ಸಿಲುಕಿದೆ. ಕರ್ನಾಟಕ ಬುಲ್ಡೋಜರ್ಸ್ ಪರ ಸುನಿಲ್ ರಾವ್ ಉತ್ತಮ ಬೌಲಿಂಗ್ ಪ್ರದರ್ಶನ ತೋರುತ್ತಿದ್ದಾರೆ. 2 ಓವರ್‌ಗಳಲ್ಲಿ 10 ರನ್ ಕೊಟ್ಟು 2 ವಿಕೆಟ್ ಕಬಳಿಸಿದ್ದಾರೆ.

ಮೊದಲ 5 ಓವರ್‌ಗಳಲ್ಲಿ ಚೆನ್ನೈ ರೈನೋಸ್ 2 ವಿಕೆಟ್ ಕಳೆದುಕೊಂಡು 46 ರನ್ ಗಳಿಸಿದೆ. ಕಾಲು ನೋವಿನ ನಡುವೆಯೂ ನಟ ವಿಕ್ರಾಂತ್ ರನ್ನರ್ ಸಹಾಯ ಪಡೆದು ಕ್ರೀಸ್‌ನಲ್ಲಿದ್ದಾರೆ. ಸದ್ಯ ತಂಡ 12 ರನ್ ಮುನ್ನಡೆ ಸಾಧಿಸಿದೆ. ಇನ್ನುಳಿದ 5 ಓವರ್‌ಗಳಲ್ಲಿ ತಂಡ ಎಷ್ಟು ರನ್ ಗಳಿಸುತ್ತದೋ ಅದು ಕರ್ನಾಟಕ ಬುಲ್ಡೋಜರ್ಸ್ ತಂಡಕ್ಕೆ ಟಾರ್ಗೆಟ್ ಆಗಲಿದೆ.

34 ರನ್‌ ಹಿನ್ನಡೆಯೊಂದಿಗೆ ಚೆನ್ನೈ ರೈನೋಸ್ ತಂಡ ಎರಡನೇ ಇನ್ನಿಂಗ್ಸ್ ಆರಂಭಿಸಿದೆ. ಆರಂಭದಲ್ಲೇ ಒಂದು ವಿಕೆಟ್ ಕಳೆದುಕೊಂಡ ತಂಡ ನಿಧಾನವಾಗಿ ರನ್ ಪೇರಿಸುತ್ತಿದೆ. 3 ಓವರ್‌ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 30 ರನ್ ಗಳಿಸಿದೆ. 3ನೇ ಓವರ್‌ನಲ್ಲಿ ಎರಡು ಕ್ಯಾಚ್‌ಗಳನ್ನು ಕರ್ನಾಟಕ ಬುಲ್ಡೋಜರ್ಸ್ ತಂಡದ ಆಟಗಾರರು ಕೈ ಚೆಲ್ಲಿದರು.

ಚೆನ್ನೈ ರೈನೋಸ್ 2ನೇ ಇನ್ನಿಂಗ್ಸ್‌ನಲ್ಲಿ ಮೊದಲ ವಿಕೆಟ್ ಕಳೆದುಕೊಂಡಿದೆ. ಕೃಷ್ಣ ಬೌಲಿಂಗ್‌ನಲ್ಲಿ ಶರಣ್ ಅವರಿಗೆ ಕ್ಯಾಚ್ ಕೊಟ್ಟು ಔಟ್ ಆಗಿದ್ದಾರೆ. ಚೆನ್ನೈ ತಂಡ 1 ವಿಕೆಟ್ ಕಳೆದುಕೊಂಡು 10 ರನ್ ಗಳಿಸಿದೆ.

ಕೊನೆಯ ಓವರ್‌ನಲ್ಲಿ ಇನ್ನೂ ಬೌಲ್ ಇರುವಂತೆ ಗೊಂದಲಕ್ಕೆ ಬಿದ್ದು ಪೆವಿಲಿಯನ್‌ಗೆ ಹಿಂತಿರುಗಿದ್ದರು. ಆ ವೇಳೆ ಕೊನೆಯ ಬಾಲ್ ಇರುವುದನ್ನು ಮನಗಂಡ ಬಳಿಕ ಇನ್ನೊಂದು ಬೌಲ್ ಮಾಡಿದ್ದರು ಚೆನ್ನೈ ರೈನೋಸ್. ಆ ವೇಳೆ ಕೃಷ್ಣ 44 ರನ್ ಮಾಡಿದ್ದರು. ಕೊನೆಯ ಎಸೆತದಲ್ಲಿ ಸಿಕ್ಸ್ ಬಾರಿಸಿ ಹಾಫ್ ಸೆಂಚುರಿ ಬಾರಿಸಿದ್ದರು.

ಕರ್ನಾಟಕ ಬುಲ್ಡೋಜರ್ಸ್ ಮೊದಲ ಇನ್ನಿಂಗ್ಸ್ ಮುಕ್ತಾಯ ಆಗಿದೆ. ಡಾರ್ಲಿಂಗ್ ಕೃಷ್ಣ ಹಾಗೂ ಕರಣ್ ಆರ್ಯನ್ ಆಕ್ರಮಣಕಾರಿ ಬ್ಯಾಟಿಂಗ್‌ನಿಂದ ಉತ್ತಮ ಮೊತ್ತವನ್ನು ಕಲೆ ಹಾಕಿದೆ. 10 ಓವರ್‌ಗಳಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡ 136ಕ್ಕೆ 4 ವಿಕೆಟ್ ಕಳೆದುಕೊಂಡಿತ್ತು. ತಂಡದ ಪರ ಡಾರ್ಲಿಂಗ್ ಕೃಷ್ಣ 23 ಎಸೆತಗಳಲ್ಲಿ 50 ರನ್ ಸಿಡಿಸಿದರು.

ಕರಣ್ ಅವರ ಅತ್ಯಾಕರ್ಷಕ 44 ರನ್‌ಗಳ ನೆರವಿನಿಂದ ಕರ್ನಾಟಕ ಬುಲ್ದೋಜರ್ಸ್ ತಂಡ ಮೊದಲ ಇನಿಂಗ್ಸ್‌ನಲ್ಲಿ ಆರು ರನ್‌ಗಳ ಲೀಡ್ ಪಡೆದಿದೆ. ಇನ್ನು ಪಂದ್ಯದ ಮೊದಲ ಇನಿಂಗ್ಸ್‌ ಮುಗಿಯಲು ಎರಡು ಓವರ್‌ಗಳು ಬಾಕಿ ಇದ್ದು ಡಾರ್ಲಿಂಗ್ ಕೃಷ್ಣ ಇನ್ನು ಕ್ರೀಸ್‌ನಲ್ಲಿದ್ದಾರೆ. ಈ ಹಿನ್ನೆಲೆ ಇನ್ನೆರಡು ಓವರ್‌ಗಳಲ್ಲಿ ಕರ್ನಾಟಕ ಬುಲ್ದೋಜರ್ಸ್ ತಂಡ ಎಷ್ಟು ರನ್ ಹೊಡೆಯಬಹುದು ಎಷ್ಟು ರನ್‌ಗಳ ಲೀಡ್‌ ಪಡೆಯಬಹುದು ಎನ್ನುವ ಕುತೂಹಲ ಈಗ ಮನೆ ಮಾಡಿದೆ

ಕರ್ನಾಟಕ ಬುಲ್ಡೋಜರ್ಸ್ ತಂಡದ ನಾಲ್ಕನೇ ವಿಕೆಟ್ ಉರುಳಿದೆ. ಸಿಕ್ಸ್ ಬಾರಿಸುವ ಭರಾಟೆಯಲ್ಲಿ ಮಂಜುನಾಥ್ ಗೌಡ ಔಟ್ ಆಗಿದ್ದಾರೆ. 9 ಓವರ್‌ಗಳ ಮುಕ್ತಾಯದಲ್ಲಿ ಕರ್ನಾಟಕ ತಂಡ 118ರನ್‌ಗೆ 4 ವಿಕೆಟ್ ಕಳೆದುಕೊಂಡಿದೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದಲ್ಲಿ ಆಕ್ರಮಣಕಾರಿ ಬ್ಯಾಟಿಂಗ್ ಆಗಿದ್ದ ಕರಣ್ ಆರ್ಯನ್ 44 ರನ್‌ಗಳನ್ನು ಗಳಿಸಿ ಪೆವಿಲಿಯನ್‌ಗೆ ತೆರಳಿದ್ದಾರೆ. ಕರಣ್ ಗಳಿಸಿದ 44 ರನ್‌ನಿಂದ ಬೃಹತ್ ಮೊತ್ತವನ್ನು ಕಲೆ ಹಾಕಿದೆ. ಇತ್ತ ಡಾರ್ಲಿಂಗ್ ಕೃಷ್ಣ 24 ರನ್ ಗಳಿಸಿ ಆಟ ಆಡುತ್ತಿದ್ದಾರೆ. 8 ಓವರ್‌ಗಳಲ್ಲಿ 114 ರನ್ ಗಳಿಸಿ 3 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ಕರಣ್ ಆರ್ಯನ್ ಆಕ್ರಮಣಕಾರಿ ಬ್ಯಾಟಿಂಗ್‌ನಿಂದ ಕರ್ನಾಟಕ ಬುಲ್ಡೋಜರ್ಸ್ ತಂಡ ಬೃಹತ್ ಮೊತ್ತದ ಸಾಗುತ್ತಿದೆ. 7 ಓವರ್‌ಗಳ ಮುಕ್ತಾಯದ ಬಳಿಕ ಕಿಚ್ಚ ಸುದೀಪ್ ತಂಡ 92 ರನ್‌ಗಳನ್ನು ಗಳಿಸಿದೆ. ಒಟ್ಟು ಎರಡು ಓವರ್‌ಗಳನ್ನು ಕಳೆದುಕೊಂಡಿದೆ. ಡಾರ್ಲಿಂಗ್ ಕೃಷ್ಣ ಹಾಗೂ ಕರಣ್ ಆರ್ಯನ್ ಇಬ್ಬರೂ ಅದ್ಭುತ ಆಟಗಳನ್ನು ಆಡುತ್ತಿದ್ದಾರೆ.

ಡಾರ್ಲಿಂಗ್ ಕೃಷ್ಣ ಬೌಂಡರಿ ಬಾರಿಸುವ ಮೂಲಕ 6ನೇ ಓವರ್‌ ಅನ್ನು ಮುಕ್ತಾಯ ಮಾಡಿದ್ದಾರೆ. ಕರ್ನಾಟಕ ಬುಲ್ಡೋಜರ್‌ ತಂಡ ಆರು ಓವರ್‌ಗಳಲ್ಲಿ 70 ರನ್‌ಗಳನ್ನು ಕಲೆ ಹಾಕಿದ್ದಾರೆ. ಕರಣ್ ಆರ್ಯನ್ ಬಾರಿಸಿದ ಕೆಲವು ಶಾಟ್‌ಗಳು ಔಟ್ ಆಗುವ ಸಾಧ್ಯತೆಯಿತ್ತು.

ಕರ್ನಾಟಕ ಬುಲ್ಡೋಜರ್ ತಂಡ ಐದು ಓವರ್‌ಗಳಲ್ಲಿ 57 ರನ್‌ ಗಳನ್ನು ಕಲೆ ಹಾಕಿದ್ದಾರೆ. ಡಾರ್ಲಿಂಗ್ ಕೃಷ್ಣ ಹಾಗೂ ಕರಣ್ ಆರ್ಯನ್ ಬ್ಯಾಟಿಂಗ್ ಮಾಡುತ್ತಿದ್ದು, ದೊಡ್ಡ ಮೊತ್ತವನ್ನು ಕಲೆ ಹಾಕುವ ಉತ್ಸಾಹದಲ್ಲಿದ್ದಾರೆ. ಡಾರ್ಲಿಂಗ್ ಕೃಷ್ಣ, ಕರಣ್ ಉತ್ತಮ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದ ಮತ್ತೊಂದು ವಿಕೆಟ್ ಪತನ ಆಗಿದೆ. ನಾಲ್ಕನೇ ಓವರ್ ಮುಕ್ತಾಯದ ಹೊತ್ತಿನಲ್ಲಿ ಚಂದನ್ ಬೌಂಡರಿ ಬಾರಿಸುವ ಭರಾಸೆಯಲ್ಲಿ ಕ್ಯಾಚ್ ನೀಡಿ ಪೆವಿಲಿಯನ್‌ಗೆ ತೆರಳಿಸಿದ್ದಾರೆ. ಚಂದನ್ 9 ಎಸೆತಗಳಲ್ಲಿ 15 ರನ್‌ಗಳನ್ನು ಬಾರಿಸಿದ್ದಾರೆ.

ಮೊದಲ ಓವರ್‌ನಲ್ಲಿ 13 ರನ್ ಗಳಿಸಿ ಕರ್ನಾಟಕ ಬುಲ್ಡೋಜರ್ಸ್ ತಂಡ ಎರಡನೇ ಓವರ್‌ನಲ್ಲಿ ಒಂದು ವಿಕೆಟ್ ಕಳೆದುಕೊಂಡಿದೆ. ಒಟ್ಟಾರೆ 2 ಓವರ್‌ಗಳಲ್ಲಿ 1 ವಿಕೆಟ್ ಕಳೆದುಕೊಂಡು 21 ರನ್ ಗಳಿಸಿದೆ.

ಮೊದಲ ಇನ್ನಿಂಗ್ಸ್‌ನಲ್ಲಿ ಚೆನ್ನೈ ರೈನೋಸ್ ತಂಡ 108 ರನ್ ಗುರಿ ಮುಂದಿಟ್ಟಿದೆ. ಮೊದಲ ಓವರ್‌ನಲ್ಲಿ ಯಾವುದೇ ವಿಕೆಟ್ ನಷ್ಟವಿಲ್ಲದೇ ಕರ್ನಾಟಕ ಬುಲ್ಡೋಜರ್ಸ್ ತಂಡ 13 ರನ್ ಗಳಿಸಿದೆ. ರಾಜೀವ್ ಆರಂಭದಲ್ಲೇ ಅಬ್ಬರಿಸಲು ಮುಂದಾಗಿದ್ದಾರೆ.

9 ಓವರ್‌ಗಳ ಅಂತ್ಯಕ್ಕೆ ಚೆನ್ನೈ ರೈನೋಸ್ ತಂಡ 88 ರನ್ ಗಳಿಸಿತ್ತು. ಕೊನೆ ಓವರ್‌ನಲ್ಲಿ ನಟ ಗಣೇಶ್ ಬಹಳ ದುಬಾರಿ ಆಗಿಬಿಟ್ಟರು. ಮೊದಲ 2 ಎಸೆತಗಳಲ್ಲಿ ಶರಣ್ ಸಿಕ್ಸರ್ ಸಿಡಿಸಿದರು. 3ನೇ ಎಸೆತದಲ್ಲಿ ಸಿಂಗಲ್, 4 ಎಸೆತ ಬೌಂಡರಿ, 5ನೇ ಎಸೆತದಲ್ಲಿ 2 ಹಾಗೂ ಕೊನೆ ಎಸೆತದಲ್ಲಿ 1 ರನ್ ಸೇರಿ 20 ರನ್ ಗಳಿಸಿದರು. ಅಂತಿಮವಾಗಿ 10 ಓವರ್‌ಗಳಲ್ಲಿ ಚೆನ್ನೈ ರೈನೋಸ್ ತಂಡ 3 ವಿಕೆಟ್ ಕಳೆದುಕೊಂಡು 108 ರನ್ ಗಳಿಸಿದ್ದಾರೆ.

ಚೆನ್ನೈ ರೈನೋಸ್ ತಂಡದ ಆಟಗಾರ ವಿಕ್ರಾಂತ್ ಗಾಯಗೊಂಡು ರಿಟೈರ್ಡ್ ಹರ್ಟ್ ಆದರು. 7ನೇ ಓವರ್‌ನಲ್ಲಿ ಎರಡು ರನ್ ಓಡುವ ಸಮಯದಲ್ಲಿ ಕಾಲಿನ ಎಳೆತದಿಂದ ಅವರು ಕ್ರೀಸ್ ಬಿಟ್ಟು ಹೊರ ನಡೆದರು. ಅವರ ಬದಲು ಶರಣ್ ಬ್ಯಾಟಿಂಗ್‌ ಮಾಡಲು ಬಂದಿದ್ದಾರೆ. ಇದೇ ಓವರ್‌ನಲ್ಲಿ ಪೃಥ್ವಿ ಔಟ್ ಆಗಿ ಹೊರ ಬಂದರು.

ಮಂಜುನಾಥ್ 6ನೇ ಓವರ್ ಬೌಲಿಂಗ್ ಮಾಡಿದ್ದರು. 2 ಸಿಕ್ಸ್, 1 ಬೌಂಡರಿ ಸೇರಿ ಒಟ್ಟು 21 ರನ್‌ಗಳನ್ನು ಬಿಟ್ಟುಕೊಟ್ಟರು. ಪೃಥ್ವಿ ಹಾಗೂ ವಿಕ್ರಾಂತ್ ಸದ್ಯ ಕ್ರೀಸ್‌ನಲ್ಲಿದ್ದಾರೆ.

4ನೇ ಓವರ್‌ನಲ್ಲಿ 16 ರನ್ ಬಳಿಕ ನಟ ಚಂದನ್ 5ನೇ ಓವರ್ ಬೌಲಿಂಗ್ ಮಾಡಿದರು. 4ನೇ ಎಸೆತದಲ್ಲಿ ಬ್ಯಾಟ್ಸಮನ್‌ ರಮಣರನ್ನು ಚಂದನ್ ಕ್ಲೀನ್ ಬೋಲ್ಡ್ ಮಾಡಿದ್ದರು. ಒಟ್ಟಾರೆ 4ನೇ ಒವರ್‌ನಲ್ಲಿ 5 ರನ್ ನೀಡಿ ಚಂದನ್ ಒಂದು ವಿಕೆಟ್ ಕಬಳಿಸಿದರು.

ನಿರ್ದೇಶಕ ಅನೂಪ್ ಭಂಡಾರಿ 4ನೇ ಓವರ್ ಬೌಲಿಂಗ್ ಮಾಡಿದ್ದರು. ಮೊದಲ 3 ಎಸೆತಗಳಲ್ಲಿ ವಿಕ್ರಾಂತ್ ಬೌಂಡರಿ ಬಾರಿಸಿದರು. 4 ಹಾಗೂ 5ನೇ ಎಸೆತಗಳಲ್ಲಿ ತಲಾ ಒಂದು ರನ್ ಹಾಗೂ ಕೊನೆ ಎಸೆತದಲ್ಲಿ 2 ರನ್ ಸೇರಿ ಒಟ್ಟು 16 ರನ್ ಚೆನ್ನೈ ರೈನೋಸ್ ತಂಡ ಗಳಿಸಿತು.

ನಾಲ್ಕನೇ ಓವರ್ ಅನುಪ್ ಭಂಡಾರಿ ಬೌಲಿಂಗ್ ಮಾಡಿದ್ದರು. ಮೊದಲ ಮೂರು ಬೌಲ್‌ಗಳಿಗೆ ಹ್ರ್ಯಾಟ್ರಿಕ್ ಫೋರ್ ಕೊಟ್ಟಿದ್ದಾರೆ. ಚೆನ್ನೈ ರೈನೋಸ್ ತಂಡದ ನಾಯಕ ವಿಕ್ರಾಂತ್ ಬ್ಯಾಕ್ ಟು ಬ್ಯಾಕ್ ಮೂರು ಫೋರ್‌ಗಳನ್ನು ಬಾರಿಸಿ ಒತ್ತಡಕ್ಕೆ ತಳ್ಳಿದ್ದರು. ನಾಲ್ಕು ಓವರ್‌ಗಳ ಮುಕ್ತಾಯಕ್ಕೆ ಚೆನ್ನೈ ತಂಡ 40 ರನ್ ಗಳಿಸಿದೆ.

ಚೆನ್ನೈ ರೈನೋಸ್ ಆರಂಭದ ಓವರ್ ನಿಧಾನಗತಿಯಲ್ಲಿ ಆರಂಭಿಸಿದ್ದರು. ಆದರೆ, ಎರಡನೆ ಹಾಗೂ ಮೂರನೇ ಓವರ್‌ನಲ್ಲಿ ಕಮ್ ಬ್ಯಾಕ್ ಮಾಡಿದ್ದಾರೆ. ಜೆಕೆ ಓವರ್‌ನಲ್ಲಿ ಫೋರ್ ಹಾಗೂ ಸಿಕ್ಸ್ ಬಂದರೆ, ಸುನೀಲ್ ಮಾಡಿದ ಮೂರನೇ ಓವರ್‌ನಲ್ಲಿ ಪೋರ್ ಹಾಗೂ ಸಿಂಗಲ್ ರನ್ ಅನ್ನು ಕದಿಯುವಲ್ಲಿ ಚೆನ್ನೈ ಟೀಮ್ ಯಶಸ್ವಿಯಾಗಿದ್ದಾರೆ.

ಕರ್ನಾಟಕ ಬುಲ್ಡೋಜರ್ ತಂಡದ ಪರ ಮೊದಲ ಓವರ್ ಅನ್ನು ಸುನೀಲ್ ರಾವ್ ಮಾಡಿದ್ದಾರೆ. ಚೆನ್ನೈ ರೈನೋಸ್ ಪರ ವಿಕ್ರಾಂತ್ ಹಾಗೂ ರಮಣ ಕಣಕ್ಕೆ ಇಳಿದಿದ್ದರು. ಸುನೀಲ್ ರಾವ್ ಮೊದಲ ಓವರ್ ಅದ್ಭುತವಾಗಿ ಮಾಡಿದ್ದಾರೆ. ಕೇವಲ ಎರಡು ರನ್‌ಗಳನ್ನು ಮಾತ್ರ ನೀಡಿ ಚೆನ್ನೈ ಆಟಗಾರರನ್ನು ಕಟ್ಟಿ ಹಾಕಿದ್ದಾರೆ. ವಿಕ್ರಾಂತ್ 1 ರನ್ ರಮಣ 1 ರನ್

ಕರ್ನಾಟಕ ಬುಲ್ಡೋಜರ್ ಹಾಗೂ ಚೆನ್ನೈ ರೈನೋಸ್ ಪಂದ್ಯ ಆರಂಭ ಆಗುತ್ತಿದೆ. ಚೆನ್ನೈ ರೈನೋಸ್ ಟಾಸ್ ಗೆದ್ದಿದ್ದು, ಬ್ಯಾಟಿಂಗ್ ಅನ್ನು ಆಯ್ಕೆ ಮಾಡಿಕೊಂಡಿದೆ. ಈ ಮೂಲಕ ಕರ್ನಾಟಕ ಬುಲ್ಡೋಜರ್ಸ್ ಬೌಲಿಂಗ್ ಮಾಡಬೇಕಿದೆ. ಚೆನ್ನೈ ರೈನೋಸ್ ತಂಡದ ಎರಡನೇ ಪಂದ್ಯಕ್ಕೂ ಆರ್ಯ ಮಿಸ್ ಆಗಿದ್ದು, ವಿಕ್ರಾಂತ್ ಮುನ್ನೆಡೆಸುತ್ತಿದ್ದಾರೆ.

ಇಂದು ನಡೆಯಲಿರುವ ಕರ್ನಾಟಕ ಬುಲ್ಡೋಜರ್ಸ್ ಮತ್ತು ಚೆನ್ನೈ ನಡುವಿನ ರೋಮಾಂಚಕ ಪಂದ್ಯಕ್ಕೆ ಹೈದರಾಬಾದ್ ಸಾಕ್ಷಿಯಾಗಲಿದೆ. ಎರಡು ತಂಡಗಳು ತಮ್ಮ ಪರಾಕ್ರಮದ ಪ್ರದರ್ಶನ ಮಾಡಲು ಮುಂದಾಗಿದ್ದು ಅಭಿಮಾನಿಗಳು ಕೂಡ ಈ ಪಂದ್ಯವನ್ನು ಕಣ್ತುಂಬಿಕೊಳ್ಳಲು ಕಾತುರರಾಗಿದ್ದಾರೆ. ಇನ್ನು, ಚೆನ್ನೈ ಈ ಟೂರ್ನಾಮೆಂಟ್‌ನಲ್ಲಿ ಸೋಲಿನ ಮೂಲಕ ಖಾತೆಯನ್ನು ತೆರೆದಿದ್ದು ಇಂದಿನ ಪಂದ್ಯವನ್ನು ಗೆಲ್ಲಲೇಬೇಕಾದ ಒತ್ತಡದಲ್ಲಿದೆ. ಇನ್ನೊಂದು ಕಡೆ ಕರ್ನಾಟಕ ಬುಲ್ಡೋಜರ್ಸ್ ಗೆಲುವಿನ ನಾಗಾಲೋಟ ಮುಂದುವರೆಸುವ ವಿಶ್ವಾಸದಲ್ಲಿದೆ.

ಕರ್ನಾಟಕ ಬುಲ್ಡೋಜರ್‌ಗೆ ಟಕ್ಕರ್ ಕೊಡುವುದಕ್ಕೆ ಚೆನ್ನೈ ರೈನೋಸ್ ತಂಡ ಭರ್ಜರಿ ತಯಾರಿ ನಡೆಸಿದೆ. ಮೊದಲ ಪಂದ್ಯವನ್ನು ಸೋತಿರುವ ಚೆನ್ನೈ ರೈನೋಸ್‌ಗೆ ಕರ್ನಾಟಕದ ವಿರುದ್ಧ ಎರಡನೇ ಪಂದ್ಯವನ್ನು ಗೆಲ್ಲಲೇ ಬೇಕಾದ ಅನಿವಾರ್ಯತೆಯಿದೆ. ಹೀಗಾಗಿ ಒತ್ತಡದಲ್ಲಿರುವ ತಂಡ ಈ ಪಂದ್ಯವನ್ನು ಗೆಲುವುದಕ್ಕೆ ಶತ ಪ್ರಯತ್ನ ನಡೆಸಿದೆ.

ಕರ್ನಾಟಕ ಬುಲ್ಡೋಜರ್ ಹಾಗೂ ಚೆನ್ನೈ ರೈನೋಸ್ ನಡುವಿನ ಪಂದ್ಯ ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿದೆ. ಇಂದು (ಫೆಬ್ರವರಿ 14) ಮಧ್ಯಾಹ್ನ 2 ಗಂಟೆಯಿಂದ ಹೈ ವೋಲ್ಟೇಜ್ ಪಂದ್ಯ ಆರಂಭ ಆಗಲಿದೆ. ಈ ಪಂದ್ಯಗಳ ನೇರ ಪ್ರಸಾರವನ್ನು ಜಿಯೋಹಾಟ್‌ಸ್ಟಾರ್ ಹಾಗೂ ಸೋನಿ ಸ್ಪೋರ್ಟ್ಸ್ 3ನಲ್ಲಿ ನೋಡಬಹುದು.

ಕರ್ನಾಟಕ ಬುಲ್ಡೋಜರ್ಸ್ ತಂಡ ಮೈದಾನದತ್ತ ಫುಲ್ ಜೋಷ್‌ನಲ್ಲಿ ತೆರಳಿದೆ. ತೆಲುಗು ವಾರಿಯರ್ಸ್ ವಿರುದ್ಧದ ಮೊದಲ ಪಂದ್ಯ ಗೆದ್ದ ಬೆನ್ನಲ್ಲೇ ಎರಡನೇ ಪಂದ್ಯವನ್ನು ಗೆಲ್ಲುವ ವಿಶ್ವಾಸದಲ್ಲಿದೆ. ಹೀಗಾಗಿ ಇಡೀ ತಂಡ ಸಕಲ ಸಿದ್ಧತೆಗಳನ್ನು ಮಾಡಿಕೊಂಡು ಹೈದರಾಬಾದ್‌ನ ಮೈದಾನದತ್ತ ತೆರಳುತ್ತಿದೆ. ಈ ವೇಳೆ ತಂಡ ಫುಲ್ ಜೋಷ್‌ನಲ್ಲಿ ವಿಡಿಯೋ ಮಾಡಿದೆ.

ಚೆನ್ನೈ ರೈನೋಸ್ ವಿರುದ್ಧದ ಪಂದ್ಯ ಆಡುವುದಕ್ಕೂ ಮುನ್ನ ಕರ್ನಾಟಕ ಬುಲ್ಡೋಜರ್ಸ್ ತಂಡದ ನಾಯಕ ಕಿಚ್ಚ ಸುದೀಪ್ ತಂಡದೊಂದಿಗೆ ಫೈನಲ್ ಮೀಟಿಂಗ್ ಮಾಡಿದ್ದಾರೆ. ಚೆನ್ನೈ ರೈನೋಸ್ ತಂಡವನ್ನು ಹೇಗೆ ಎದುರಿಸಬೇಕು ಅಂತ ರಣತಂತ್ರ ರೂಪಿಸಿದ್ದಾರೆ. ಇದರಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್, ಡಾರ್ಲಿಂಗ್ ಕೃಷ್ಣ, ಜಯರಾಂ ಕಾರ್ತಿಕ್, ಕರಣ್ ಆರ್ಯನ್, ರಾಜೀವ್ ಸೇರಿದಂತೆ ಇಡೀ ತಂಡ ಭಾಗಿಯಾಗಿದೆ.