CCL 2025 Live: 17ರನ್‌ಗಳಿಂದ ಮುಂಬೈ ಹೀರೋಸ್‌ಗೆ ಗೆಲುವು

147 ರನ್‌ಗಳನ್ನು ಬೆನ್ನತ್ತಿದೆ ಪಂಜಾಬ್ ದೆ ಶೇರ್ 4 ವಿಕೆಟ್‌ಗಳನ್ನು ಕಳೆದುಕೊಂಡು 129 ರನ್ ಗಳಿಸುವುದಕ್ಕಷ್ಟೇ ಸಾಧ್ಯವಾಯ್ತು. ಮುಂಬೈ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡೂ ವಿಭಾಗಗಳಲ್ಲಿ ಅದ್ಭುತ ಪ್ರದರ್ಶನ ನೀಡಿ ಗೆಲುವಿನ ನಗೆ ಬೀರಿದೆ.

ಮುಂಬೈ ಹೀರೋಸ್ ನೀಡಿರುವ ಬೃಹತ್ ಮೊತ್ತವನ್ನು ಚೇಸ್ ಮಾಡಲು ಮುಂದಾಗಿದ್ದ ಪಂಜಾಬ್ ಹರಸಾಹಸ ಪಡುತ್ತಿದೆ. ಐದು ಓವರ್‌ಗಳಲ್ಲಿ 44 ರನ್‌ಗಳನ್ನಷ್ಟೇ ಗಳಿಸಲು ಸಾಧ್ಯವಾಗಿದ್ದು, ಎರಡು ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ಪಂಜಾಬ್ ದಿ ಶೇರ್ ತಂಡಕ್ಕೆ ಮುಂಬೈ ಹೀರೋಸ್ 147 ರನ್‌ಗಳ ಗುರಿಯನ್ನು ನೀಡಿದೆ. ಪಂಜಾಬ್ ಗೆಲ್ಲಲು ಆಕ್ರಮಣಕಾರಿ ಬ್ಯಾಟಿಂಗ್ ಮಾಡಲೇಬೇಕು. ಮೊದಲ ಓವರ್‌ನಲ್ಲಿ ಪಂಜಾಬ್ 9 ರನ್‌ಗಳನ್ನು ಕಲೆ ಹಾಕಿದ್ದಾರೆ.

ಮುಂಬೈ ಹೀರೋಸ್ ತಂಡ ಮೂರನೇ ಓವರ್‌ನಿಂದ ಆರನೇ ಓವರ್‌ವರೆಗೆ ನಿಧಾನಗತಿಯಲ್ಲಿ ರನ್ ಬಂದಿದೆ. ಪಂಜಾಬ್ ತಂಡದ ಎರಡನೇ ಇನ್ನಿಂಗ್ಸ್‌ನಲ್ಲಿ ಮುಂಬೈ ತಂಡವನ್ನು ಕಟ್ಟಿ ಹಾಕುತ್ತಿದ್ದಾರೆ. ಬ್ಯಾಟ್ಸ್‌ಮ್ಯಾನ್ ನವ್‌ದೀಪ್ ಅದ್ಭುತವಾಗಿ ಆಡುತ್ತಿದ್ದಾರೆ.

ಮುಂಬೈ ಹೀರೋಸ್ 2ನೇ ಇನ್ನಿಂಗ್ಸ್‌ನಲ್ಲೂ ಆಕ್ರಮಣಕಾರಿ ಬ್ಯಾಟಿಂಗ್ ಮಾಡಿದೆ. ಎರಡು ವಿಕೆಟ್‌ಗಳನ್ನು ಆರಂಭದಲ್ಲಿಯೇ ಕಳೆದುಕೊಂಡಿದ್ದರೂ, ನಾಲ್ಕು ಓವರ್‌ಗಳ ಮುಕ್ತಾಯದಲ್ಲಿ 40 ರನ್‌ಗಳಿಸಿದೆ. ನವದೀಪ್ ಹಾಗೂ ಶಕೀಬ್ ಇಬ್ಬರೂ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಪಂಜಾಬ್ ದೆ ಶೇರ್ ತಂಡ ಮೊದಲ ಇನ್ನಿಂಗ್ಸ್ ಅನ್ನು ಮುಗಿಸಿದೆ. ಮುಂಬೈ ತಂಡ ಕೊಟ್ಟ 141 ರನ್‌ಗಳ ಗುರಿಯನ್ನು ಬೆನ್ನತ್ತಿದ ಪಂಜಾಬ್ ತಂಡ ಆರಂಭದಲ್ಲಿ ನಿಧಾನಗತಿಯಲ್ಲಿ ಸಾಗಿತ್ತು. ಆದರೆ, ನಂತರದ ಓವರ್‌ಗಳಲ್ಲಿ ಕಮ್‌ ಬ್ಯಾಕ್ ಮಾಡಿದೆ. ಮುಂಬೈ ತಂಡಕ್ಕೆ ಪ್ರತಿಯಾಗಿ ಪಂಜಾಬ್ ದೆ ಶೇರ್ ಮೊದಲ ಇನ್ನಿಂಗ್ಸ್‌ನಲ್ಲಿ 4 ವಿಕೆಟ್‌ಗಳನ್ನು ಕಳೆದುಕೊಂಡು 100 ರನ್‌ ಗಳಿಸಿದೆ.

ಪಂಜಾಬ್ ದೆ ಶೇರ್ ತಂಡ ಐದು ಓವರ್‌ಗಳಲ್ಲಿ ಆರಂಭಿಕ ಮೂರು ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಈ ಐದು ಓವರ್‌ಗಳಲ್ಲಿ 43ರನ್‌ಗಳನ್ನು ಕಲೆ ಹಾಕಿದ್ದಾರೆ. ಹಾರ್ಡಿ ಹಾಗೂ ಅನೂಜ್ ಈ ಸಿನಿಮಾ ಕಣದಲ್ಲಿದ್ದಾರೆ.

ಪಂಜಾಬ್ ದೆ ಶೇರ್ ತಂಡಕ್ಕೆ ಮುಂಬೈ ಹೀರೋಸ್ ತಂಡ ಬೃಹತ್ ಮೊತ್ತವನ್ನು ನೀಡಿದೆ. ಬಾಬ್ಬಲ್ ಹಾಗೂ ಕರಣ್ ಇಬ್ಬರು ಆರಂಭಿಕ ಬ್ಯಾಟ್ಸ್‌ಮನ್‌ಗಳಾಗಿ ಆಗಮಿಸಿದ್ದಾರೆ. ಮೊದಲ ಓವರ್‌ನಲ್ಲಿ ಪಂಜಾಬ್ 2 ರನ್‌ಗಳನ್ನು ಗಳಿಸುವುದಕ್ಕಷ್ಟೇ ಸಾಧ್ಯವಾಗಿದೆ.

ಮುಂಬೈ ಹೀರೋಸ್ ಮೊದಲ ಇನ್ನಿಂಗ್ಸ್ ಮುಗಿದಿದೆ. 10 ಓವರ್‌ಗಳಲ್ಲಿ ಪಂಜಾಬ್ ದೆ ಶೇರ್ ವಿರುದ್ಧ 141/3 ರನ್‌ಗಳನ್ನು ಗಳಿಸಿದೆ. ಶಕೀಬ್ ಹಾಗೂ ರಾಜೀವ್ ಪಿಳ್ಳೈ ಇಬ್ಬರ ಆಕರ್ಷಕ ಬ್ಯಾಟಿಂಗ್‌ ನೆರವಿನಿಂದ ಮುಂಬೈ ಹೀರೋಸ್ ಬೃಹತ್ ಮೊತ್ತ ಕಲೆ ಹಾಕಿದ್ದು, ಉತ್ತಮ ಮೊತ್ತ ಚೇಜ್ ಮಾಡುವ ಗುರಿ ಹೊಂದಿದ್ದಾರೆ.

ಮುಂಬೈ ಹೀರೋಸ್ ತಂಡ 8 ಓವರ್‌ಗಳಲ್ಲಿ ನೂರರ ಗಡಿದಾಟಿದ್ದಾರೆ. ತಂಡದ ನಾಯಕ ಶಕೀಬ್ ಹಾಗು ರಾಜೀವ್ ಪಿಳ್ಳೈ ಇಬ್ಬರೂ ಆಕ್ರಮಣಕಾರಿಯಾಗಿ ಬ್ಯಾಟಿಂಗ್ ಮಾಡಿದ್ದರಿಂದ ಉತ್ತಮ ಮೊತ್ತ ಕಲೆ ಹಾಕಿದೆ. ಶಕೀಬ್ 28 ಎಸೆತಗಳಲ್ಲಿ 80 ರನ್ ಗಳಿಸಿ ಔಟ್ ಆಗಿದ್ದಾರೆ. ಹಾಗೇ ರಾಜೀವ್ ಪಿಳ್ಳೈ 17 ಎಸೆತಕ್ಕೆ 37 ರನ್ ಗಳಿಸಿದ್ದಾರೆ.

ಮುಂಬೈ ಹೀರೋಸ್ ಐದು ಓವರ್‌ಗಳಲ್ಲಿ ಭರ್ಜರಿ ಮೊತ್ತವನ್ನು ಕಲೆ ಹಾಕಿದೆ. ಐದು ಓವರ್‌ಗಳಲ್ಲಿ ಕೇವಲ ಒಂದು ವಿಕೆಟ್‌ಗಳನ್ನು ಕಳೆದುಕೊಂಡು 56 ರನ್‌ಗಳನ್ನು ಕಲೆ ಹಾಕಿದೆ. ತಂಡದ ನಾಯಕ ಶಕೀಬ್ 15 ಎಸೆತಗಳಲ್ಲಿ 36 ರನ್ ಹಾಗೂ ರಾಜೀವ್ 9 ಎಸೆತಗಳಲ್ಲಿ 12 ರನ್ ಗಳಿಸಿದ್ದಾರೆ.

ಮುಂಬೈ ಹೀರೋಸ್ ತಂಡ ಆರಂಭದಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ಮಾಡಿತ್ತು. ಸಮೀರ್ ಹಾಗೂ ಶಕೀಬ್ ಇಬ್ಬರೂ ಒಳ್ಳೆಯ ಆರಂಭವನ್ನು ಪ್ರದರ್ಶನ ಮಾಡಿದ್ದರು. ಆದರೆ, ಮೂರನೇ ಓವರ್ ಆರಂಭದಲ್ಲಿ ಸಮೀರ್ ಆಕ್ರಮಕಾರಿ ಬ್ಯಾಟಿಂಗ್ ಮಾಡಲು ಯತ್ನಿಸಿ ಔಟ್ ಆಗಿದ್ದಾರೆ.

ಮುಂಬೈ ಹೀರೋಸ್ ಹಾಗೂ ಪಂಜಾಬ್ ದೆ ಶೇರ್ ತಂಡದ ನಡುವೆ ಪಂದ್ಯ ನಡೆಯುತ್ತಿದೆ. ಮೊದಲು ಮುಂಬೈ ಹೀರೋಸ್ ಬ್ಯಾಟಿಂಗ್ ಮಾಡುತ್ತಿದ್ದು, ಉತ್ತಮ ಆರಂಭ ಪಡೆದುಕೊಂಡಿದೆ. ಸಮೀರ್ ಹಾಗೂ ಶಾಕೀಬ್ ಬ್ಯಾಟಿಂಗ್ ಮಾಡುತ್ತಿದ್ದು, ಮೊದಲ ಓವರ್ ಮುಕ್ತಾಯಕ್ಕೆ ವಿಕೆಟ್ ನಷ್ಟವಿಲ್ಲದೆ 10 ರನ್‌ ಗಳಿಸಿದೆ.

ಬೆಂಗಾಲ್ ಟೈಗರ್ಸ್ ಎದುರು ತೆಲುಗು ವಾರಿಯರ್ಸ್‌ 16 ರನ್‌ಗಳಿಂದ ಸೋತಿದೆ. ತಂಡವನ್ನು ಗೆಲ್ಲಿಸುವ ಪ್ರಯತ್ನವನ್ನು ಅಖಿಲ್ ಮಾಡಿದರಾದರೂ ಬೇರೆಯವರು ಯಾರು ಅವರಿಗೆ ಸಾಥ್ ನೀಡಲಿಲ್ಲ. 36 ಎಸೆತಗಳಲ್ಲಿ 90 ರನ್ ಗಳನ್ನು ಅಖಿಲ್ ಹೊಡೆದರೂ ಕೂಡ ವಿಜಯಲಕ್ಷ್ಮಿ ಒಲಿಯಲಿಲ್ಲ. ಅಖಿಲ್ ಹೊರತು ಪಡಿಸಿದರೆ ತಮನ್ 18 ರನ್ ಗಳಿಸಿದರು.

ಕೊನೆಯ ಪಂದ್ಯದಲ್ಲಾದರೂ ಗೆಲ್ಲಬೇಕೆಂದು ತೆಲುಗು ವಾರಿಯರ್ಸ್ ನಾಯಕ ಅಖಿಲ್ ಪ್ರಯತ್ನ ಮಾಡುತ್ತಿದ್ದಾರೆ.ಬೆಂಗಾಲ್ ಟೈಗರ್ಸ್ ವಿರುದ್ದ ಏಕಾಂಗಿ ಹೋರಾಟವನ್ನು ಮಾಡುತ್ತಿದ್ದಾರೆ. 25 ಎಸೆತಗಳಲ್ಲಿ 55 ರನ್ ಸಿಡಿಸಿದ್ದಾರೆ. ಆದರೆ ಅಖಿಲ್ ಅವರ ಈ ಪ್ರಯತ್ನ ವ್ಯರ್ಥವಾಗಿದೆ. ಯಾಕೆಂದರೆ ಗೆಲ್ಲಲು ತೆಲುಗು ವಾರಿಯರ್ಸ್‌ಗೆ ಇನ್ನೂ 53 ರನ್‌ಗಳ ಅವಶ್ಯಕತೆ ಇದ್ದು ಕೇವಲ ಎರಡು ಓವರ್ ಮಾತ್ರ ಬಾಕಿ ಉಳಿದಿವೆ. ತೆಲುಗು ವಾರಿಯರ್ಸ್ ತಂಡದ ಸ್ಕೋರ್ 8 ಓವರ್‌ಗೆ 105/6

ಜಾಮಿ ಮತ್ತು ಯುಸೂಫ್ ಅವರ ಆಕ್ರಮಣಕಾರಿ ಆಟದಿಂದ ಬೆಂಗಾಲ್ ಟೈಗರ್ಸ್ ಎರಡನೇ ಇನಿಂಗ್ಸ್‌ನಲ್ಲಿ 3 ವಿಕೆಟ್ ನಷ್ಟಕ್ಕೆ 128 ರನ್ ಗಳಿಸಿದೆ. ಈ ಮೂಲಕ 147 ರನ್‌ಗಳ ಗುರಿಯನ್ನು ತೆಲುಗು ವಾರಿಯರ್ಸ್ ತಂಡಕ್ಕೆ ಬೆಂಗಾಲ್ ಟೈಗರ್ಸ್ ನೀಡಿದೆ. 20 ಎಸೆತಗಳಲ್ಲಿ ಜಾಮಿ 54 ರನ್ ಗಳಿಸಿದರೆ ಯುಸೂಫ್ 15 ಎಸೆತಗಳಲ್ಲಿ 31 ರನ್ ಗಳಿಸಿ ನಾಟೌಟ್ ಆಗಿ ಉಳಿದಿದ್ದಾರೆ.

ಬೆಂಗಾಲ್ ಟೈಗರ್ಸ್ ತಂಡ ಎರಡನೇ ಇನಿಂಗ್ಸ್‌ನಲ್ಲಿ 6 ಓವರ್‌ಗಳಲ್ಲಿ 63 ರನ್ ಗಳಿಸಿದೆ. ಮೊದಲ ಇನಿಂಗ್ಸ್‌ನಲ್ಲಿ 78 ರನ್ ಗಳಿಸಿದ್ದ ಜಾಮಿ ದ್ವೀತಿಯ ಇನಿಂಗ್ಸ್‌ನಲ್ಲಿ 18 ರನ್ ಗಳಿಸಿ ಆಟವಾಡುತ್ತಿದ್ದರೆ ಮತ್ತೊಂದು ಬದಿಯಲ್ಲಿ ಯುಸೂಫ್ ಆಕ್ರಮಣಕಾರಿ ಆಟಕ್ಕೆ ಮುಂದಾಗುವ ಪ್ರಯತ್ನ ಮಾಡುತ್ತಿದ್ದಾರೆ.

ಬೆಂಗಾಲ್ ಟೈಗರ್ಸ್ ಎರಡನೇ ಇನಿಂಗ್ಸ್‌ನಲ್ಲಿ 3 ಓವರ್‌ಗೆ 26 ರನ್‌ಗಳನ್ನು ಗಳಿಸಿದೆ. ಈ ಮೂಲಕ 46 ರನ್‌ಗಳ ಲೀಡ್ ಪಡೆದಿದೆ.ಉದಯ್ ಪ್ರತಾಪ್ ಸಿಂಗ್ 19 ರನ್‌ ಗಳಿಸಿ ಔಟಾಗಿದ್ದು ರಾಹುಲ್ ಮತ್ತು ಆದಿತ್ಯ ರಾಯ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಬೆಂಗಾಲ್ ಟೈಗರ್ಸ್ ನೀಡಿದ 106 ರನ್ ಗಳ ಸವಾಲು ಬೆನ್ನತ್ತಿದ ತೆಲುಗು ವಾರಿಯರ್ಸ್ ತನ್ನ ಮೊದಲ ಇನಿಂಗ್ಸ್ ನಲ್ಲಿ 87 ರನ್ ಗಳನ್ನು ಗಳಿಸಿದೆ. ಈ ಮೂಲಕ 19 ರನ್ ಗಳ ಹಿನ್ನಡೆ ಅನುಭವಿಸಿದೆ. ತೆಲುಗು ತಂಡದ ಪರ ಅಶ್ವಿನ್ ಬಾಬು ಅತ್ಯಧಿಕ 31 ರನ್ ಗಳಿಸಿದ್ದು ಸಂಗೀತ ನಿರ್ದೇಶಕ ತಮನ್ 14 ರನ್ ಗಳಿಸಿ ಔಟಾಗಿದ್ದಾರೆ

ತೆಲುಗು ವಾರಿಯರ್ಸ್ ತಂಡ ರನ್ ಗಳನ್ನು ಗಳಿಸಲು ಹರಸಾಹಸ ಪಡುತ್ತಿದೆ. ಆರಂಭದಲ್ಲಿಯೇ ಅಖಿಲ್ ವಿಕೆಟ್ ಕಳೆದುಕೊಂಡ ತಂಡ 5 ಓವರ್ ಗಳಲ್ಲಿ 37 ರನ್ ಗಳಿಸಿದೆ. ಸಚಿನ್ 16 ಮತ್ತು ಆದರ್ಶ್ 13 ರನ್ ಗಳಿಸಿ ಔಟಾಗಿದ್ದಾರೆ

106 ರನ್‌ಗಳ ಗುರಿಯನ್ನು ಬೆನ್ನತ್ತಿರುವ ತೆಲುಗು ವಾರಿಯರ್ಸ್ ಮೊದಲ ಓವರ್‌ನಲ್ಲಿಯೇ ನಾಯಕ ಅಖಿಲ್ ಅಕ್ಕಿನೇನಿ ಅವರ ವಿಕೆಟ್ ಕಳೆದುಕೊಂಡಿದೆ. ಆದಿತ್ಯ ರಾಯ್ ಬ್ಯಾನರ್ಜಿ ಅವರ ಎಸೆತದಲ್ಲಿ ಅಖಿಲ್ ಕ್ಲೀನ್ ಬೋಲ್ಡ್ ಆಗಿದ್ದು ಸದ್ಯ ಬೆಂಗಾಲ್ ತಂಡ ಮೊದಲ ಓವರ್ ಮುಕ್ತಾಯಕ್ಕೆ ಆರು ರನ್ ಗಳಿಸಿದೆ.

ತೆಲುಗು ವಾರಿಯರ್ಸ್‌ ಬೌಲರಿಗಳಿಗೆ ಇಂದು ಬೆಂಗಾಲ್ ಆಟಗಾರ ಜಾಮಿ ಕಾಡಿದ್ದಾರೆ. ಮೊದಲ ಇನಿಂಗ್ಸ್‌ನಲ್ಲಿ ಕೇವಲ 35 ಎಸೆತಗಳಲ್ಲಿ 10 ಬೌಂಡರಿ ಹಾಗೂ 2 ಸಿಕ್ಸರ್‌ಗಳ ನೆರವಿನಿಂದ 78 ರನ್ ಗಳಿಸಿದ್ದಾರೆ. ಜಾಮಿ ಅವರ ಈ ಆಕ್ರಮಣಕಾರಿ ಆಟದಿಂದ ಬೆಂಗಾಲ್ ಮೊದಲ ಇನಿಂಗ್ಸ್‌ನಲ್ಲಿ ಹತ್ತು ಓವರ್‌ಗಳಲ್ಲಿ 106 ರನ್ ಗಳಿಸುವಲ್ಲಿ ಯಶಸ್ವಿಯಾಗಿದೆ.

ಬೆಂಗಾಲ್ ಟೈಗರ್ಸ್ 5 ಓವರ್‌ಗಳಲ್ಲಿ 45 ರನ್ ಗಳಿಸಿದೆ. ಆರಂಭಿಕ ಬ್ಯಾಟ್ಸಮನ್ ಆಗಿ ಬಂದ ಜಾಮಿ 18 ಎಸೆತಗಳಲ್ಲಿ 38 ರನ್ ಗಳಿಸಿದ್ದಾರೆ. ಬೋನಿ 09 ಬಾಲ್‌ಗಳಲ್ಲಿ 5 ರನ್ ಗಳಿಸಿ ಔಟಾಗಿದ್ದರೆ, ಬೆಂಗಾಲ್ ನಾಯಕ ಜಿಶ್ಶು 3 ಬಾಲ್‌ಗಳಲ್ಲಿ 2 ರನ್‌ಗಳಿಸಿ ಆಟವಾಡುತ್ತಿದ್ದಾರೆ.

ತೆಲುಗು ವಾರಿಯರ್ಸ್ ವಿರುದ್ದ ಬೆಂಗಾಲ್ ಟೈಗರ್ಸ್ ಟಾಸ್ ಗೆದ್ದಿದೆ. ಮೊದಲು ಬ್ಯಾಟಿಂಗ್‌ನ ಆಯ್ಕೆ ಮಾಡಿಕೊಂಡಿದೆ.ಜ್ಯಾಮಿ ಮತ್ತು ಬೋನಿ ಬೆಂಗಾಲ್ ತಂಡದ ಪರ ಆರಂಭಿಕರರಾಗಿ ಕಣಕ್ಕಿಳಿದಿದ್ದು ಮೊದಲ ಓವರ್‌ನಲ್ಲಿ ಐದು ರನ್ ಗಳಿಸಿದೆ.

ಇಂದು ತೆಲುಗು ವಾರಿಯರ್ಸ್ ಮತ್ತು ಬೆಂಗಾಲ್ ನಡುವೆ ನಡೆಯಲಿರುವ ಪಂದ್ಯ ಕೇವಲ ಔಪಚಾರಿಕವಾಗಿದೆ. ಯಾಕೆಂದರೆ ತೆಲುಗು ವಾರಿಯರ್ಸ್ ಈಗಾಗಲೇ ಟೂರ್ನಿಯಿಂದ ಹೊರ ಬಿದ್ದಿದ್ದು ಕರ್ನಾಟಕ ಬುಲ್ಡೋಜರ್ಸ್ ನಂತರ ಬೆಂಗಾಲ್ ಟೈಗರ್ಸ್‌ ಸೆಮಿಫೈನಲ್‌ಗೆ ಪ್ರವೇಶವನ್ನು ಪಡೆದಿದೆ. ತೆಲುಗು ವಾರಿಯರ್ಸ್ ಇಲ್ಲಿಯವರೆಗೆ ಆಡಿದ ಮೂರು ಪಂದ್ಯಗಳಲ್ಲಿ ಒಂದು ಮ್ಯಾಚ್ ಗೆದ್ದಿದ್ದರೆ ಕಳೆದ ವರ್ಷದ ಚಾಂಪಿಯನ್‌ಗಳಾದ ಬೆಂಗಾಲ್ ಟೈಗರ್ಸ್‌ ಮೂರಕ್ಕೆ ಮೂರು ಮ್ಯಾಚ್‌ಗಳನ್ನು ಕೂಡ ಗೆದ್ದಿದೆ.

ಸಿಸಿಎಲ್ 2025 ಅಂತಿಮ ಲೀಗ್ ಪಂದ್ಯದಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡ ಸೋತಿದೆ. ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಕಠಿಣ ಪೈಪೋಟಿ ನೀಡಿದ ತಂಡ ಅಂತಿಮವಾಗಿ ಸೋಲೊಪ್ಪಿಕೊಂಡಿತು. 125 ರನ್ ಟಾರ್ಗೆಟ್ ಬೆನ್ನಟ್ಟಿದ ತಂಡ ಅಂತಿಮವಾಗಿ 122 ರನ್ ಗಳಿಸಲಷ್ಟೆ ಶಕ್ತವಾಯಿತು. ಆ ಮೂಲಕ 2 ರನ್‌ಗಳಿಂದ ಸೋಲುಂತಾಯಿತು.

ಕರ್ನಾಟಕ ಬುಲ್ಡೋಜರ್ಸ್ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಗೆಲುವಿನ ಹೊಸ್ತಿಲಲ್ಲಿದೆ. ಅಂತಿಮ ಓವರ್‌ನಲ್ಲಿ 7 ರನ್ ಗಳಿಸಬೇಕಿದೆ. 125 ರನ್‌ಗಳ ಟಾರ್ಗೆಟ್ ಬೆನ್ನಟ್ಟಿದ ಬುಲ್ಡೋಜರ್ಸ್ 9 ಓವರ್‌ಗಳಲ್ಲಿ 118 ರನ್ ಗಳಿಸಿದೆ. ಕರಣ್ ಹಾಗೂ ಚಂದನ್ ಸದ್ಯ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ರಾಜೀವ್ ಬಳಿಕ ಡಾರ್ಲಿಂಗ್ ಕೃಷ್ಣ ಕೂಡ ಔಟ್ ಆಗಿದ್ದಾರೆ. ಮತ್ತೆ ತಂಡ ಸಂಕಷ್ಟಕ್ಕೆ ಸಿಲುಕಿದೆ. 2ನೇ ಇನ್ನಿಂಗ್ಸ್‌ನಲ್ಲಿ 1 ಸಿಕ್ಸರ್ ಹಾಗೂ 5 ಬೌಂಡರಿ ಸೇರಿ 26 ಎಸೆತಗಳಲ್ಲಿ ಕೃಷ್ಣ 46 ರನ್ ಗಳಿಸಿದರು.

2ನೇ ಇನ್ನಿಂಗ್ಸ್ ಕರ್ನಾಟಕ ಬುಲ್ಡೋಜರ್ಸ್ ಬ್ಯಾಟಿಂಗ್ ಸೊಗಸಾಗಿದೆ. ಮಂಜುನಾಥ್, ಸುದೀಪ್ ವಿಕೆಟ್ ಕಳೆದುಕೊಂಡ ಬಳಿಕ ಕೃಷ್ಣ ಜೊತೆ ರಾಜೀವ್ ಕ್ರೀಸ್‌ನಲ್ಲಿದ್ದಾರೆ. ಇಬ್ಬರೂ ಬೌಂಡರಿ ಸಿಕ್ಸರ್‌ಗಳ ಮೂಲಕ ಅಬ್ಬರಿಸುತ್ತಿದ್ದಾರೆ. 6 ಓವರ್‌ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ತಂಡ 85 ರನ್ ಗಳಿಸಿದೆ. ತಂಡ ಪಂದ್ಯ ಗೆಲ್ಲಲು 24 ಎಸೆತಗಳಲ್ಲಿ 40 ರನ್ ಗಳಿಸಬೇಕಿದೆ.

2ನೇ ಇನ್ನಿಂಗ್ಸ್‌ನಲ್ಲಿ ಕರ್ನಾಟಕ ಬುಲ್ಡೋಜರ್ಸ್ 2 ವಿಕೆಟ್ ಕಳೆದುಕೊಂಡಿದೆ. ಡಾರ್ಲಿಂಗ್ ಕೃಷ್ಣ ಆರಂಭದ ನಡುವೆ ಮಂಜುನಾಥ್ ಹಾಗೂ ಸುದೀಪ್ ಔಟ್ ಆಗಿ ಹೊರ ಬಂದಿದ್ದಾರೆ. ತಂ 2 ವಿಕೆಟ್ ಕಳೆದುಕೊಂಡು 52 ರನ್ ಗಳಿಸಿದೆ. ಸದ್ಯ ಗೆಲುವಿಗೆ 36 ಎಸೆತಗಳಲ್ಲಿ 72 ರನ್ ಗಳಿಸಬೇಕಾದ ಅನಿವಾರ್ಯತೆಗೆ ಸಿಲುಕಿದೆ.

ಮೊದಲ ಇನ್ನಿಂಗ್ಸ್‌ನಲ್ಲಿ ನಿರಾಸೆ ಮೂಡಿಸಿದ್ದ ಡಾರ್ಲಿಂಗ್ ಕೃಷ್ಣ 2ನೇ ಇನ್ನಿಂಗ್ಸ್ ಆರಂಭದಲ್ಲೇ ಅಬ್ಬರಿಸುತ್ತಿದ್ದಾರೆ. ಬೌಂಡರಿ, ಸಿಕ್ಸರ್ ಮೂಲಕ ರಂಜಿಸುತ್ತಿದ್ದಾರೆ. ಬೃಹತ್ ಟಾರ್ಗೆಟ್ ಇರುವುದರಿಂದ ದೊಡ್ಡ ಹೊಡೆತಗಳಿಗೆ ಕೈ ಹಾಕುತ್ತಿದ್ದಾರೆ. ಮೊದಲ 3 ಓವರ್‌ಗಳಲ್ಲಿ ತಂಡ 37 ರನ್ ಗಳಿಸಿದೆ. ಕೃಷ್ಣ 15 ಎಸೆತಗಳಲ್ಲಿ 30 ರನ್ ಗಳಿಸಿದ್ದಾರೆ.

125 ರನ್‌ಗಳ ಟಾರ್ಗೆಟ್‌ನೊಂದಿಗೆ ಕರ್ನಾಟಕ ಬುಲ್ಡೋಜರ್ಸ್ 2ನೇ ಇನ್ನಿಂಗ್ಸ್ ಆರಂಭಿಸಿದೆ. ಮೊದಲ ಓವರ್‌ನಲ್ಲಿ ಕೇವಲ 4 ರನ್ ಮಾತ್ರ ಗಳಿಸಿದೆ. ಇನ್ನುಳಿದ 54 ಎಸೆತಗಳಲ್ಲಿ 121 ರನ್‌ ಗಳಿಸಬೇಕಿದೆ.

ಆರಂಭದಲ್ಲಿ ಭಾರೀ ಕುಸಿತದ ನಡುವೆಯೂ ಪಂಜಾಬ್ 10 ಓವರ್‌ಗಳಲ್ಲಿ 94 ರನ್ ಗಳಿಸಿತು. 8 ವಿಕೆಟ್ ಕಳೆದುಕೊಂಡಿತು. ಇದೀಗ ಕರ್ನಾಟಕ ಬುಲ್ಡೋಜರ್ಸ್ ಗೆಲ್ಲಲು 125 ರನ್‌ಗಳ ಬೃಹತ್ ಟಾರ್ಗೆಟ್ ನೀಡಿದೆ.

9 ಓವರ್ ಮುಕ್ತಾಯಕ್ಕೆ 2ನೇ ಇನ್ನಿಂಗ್ಸ್‌ನಲ್ಲಿ ಪಂಜಾಬ್ ತಂಡ 6 ವಿಕೆಟ್ ಕಳೆದುಕೊಂಡು 85 ರನ್ ಗಳಿಸಿದೆ. ಆ ಮೂಲಕ 115 ರನ್ ಮುನ್ನಡೆ ಕಾಯ್ದುಕೊಂಡಿದೆ. ಸುನೀಲ್ ರಾವ್ ಅಂತಿಮ ಓವರ್ ಬೌಲಿಂಗ್ ಮಾಡುತ್ತಿದ್ದಾರೆ.

30 ರನ್ ಮುನ್ನಡೆಯೊಂದಿಗೆ ಪಂಜಾಬ್ ತಂಡ 2ನೇ ಇನ್ನಿಂಗ್ಸ್ ಆರಂಭಿಸಿತ್ತು. ಆರಂಭದಲ್ಲೇ ಬುಲ್ಡೋಜರ್ಸ್ ಬೌಲರ್‌ಗಳು ಪಂಜಾಬ್ ಟಾಪ್ ಬ್ಯಾಟ್ಸಮನ್‌ಗಳನ್ನು ಔಟ್ ಮಾಡಿದರು. ಆದರೂ ನಿಧಾನವಾಗಿ ಉತ್ತಮ ಮೊತ್ತವನ್ನು ಕಲೆ ಹಾಕುತ್ತಿದೆ. 8 ಓವರ್‌ಗೆ 5 ವಿಕೆಟ್ ಕಳೆದುಕೊಂಡು 70 ರನ್ ಗಳಿಸಿದೆ. ಒಟ್ಟು 100 ರನ್‌ ಮುನ್ನಡೆ ಸಾಧಿಸಿದೆ. ಹಾಗಾಗಿ ದೊಡ್ಡ ಟಾರ್ಗೆಟ್ ನೀಡುವ ಸಾಧ್ಯತೆಯಿದೆ.

ಮೊದಲ ಇನ್ನಿಂಗ್ಸ್‌ನಲ್ಲಿ 121 ರನ್ ಗಳಿಸಿ ಸದ್ದು ಮಾಡಿದ್ದ ಪಂಜಾಬ್ 2ನೇ ಇನ್ನಿಂಗ್ಸ್‌ನಲ್ಲಿ ಆರಂಭದಲ್ಲೇ ಕುಸಿತ ಕಂಡಿದೆ. ಕೇವಲ 38 ರನ್ ಗಳಿಸುವಲ್ಲಿ 5 ವಿಕೆಟ್ ಕಳೆದುಕೊಂಡಿದೆ. ಬುಲ್ಡೋಜರ್ಸ್ ಕರಾರುವಕ್ ಬೌಲಿಂಗ್‌ ಮೂಲಕ ಎದುರಾಳಿ ಬ್ಯಾಟ್ಸಮನ್‌ಗಳನ್ನು ಕಟ್ಟಿ ಹಾಕಿದ್ದಾರೆ.

ಎರಡನೇ ಇನ್ನಿಂಗ್ಸ್ ಆರಂಭದಲ್ಲೇ ಪಂಜಾಬ್ ತಂಡ ಸಂಕಷ್ಟಕ್ಕೆ ಸಿಲುಕಿದೆ. 25 ರನ್ ಗಳಿಸುವಷ್ಟರಲ್ಲಿ 4 ವಿಕೆಟ್ ಕಳೆದುಕೊಂಡಿದೆ.5 ಓವರ್‌ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 37 ರನ್ ಗಳಿಸಿದೆ.

30 ರನ್ ಮುನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್ ಆರಂಭಿಸಿದ ಪಂಜಾಬ್‌ಗೆ ಆರಂಭದಲ್ಲೇ ಹಿನ್ನಡೆ ಉಂಟಾಗಿದೆ. 3 ವಿಕೆಟ್ ಕಳೆದುಕೊಂಡು ತಂಡ 3.2 ಓವರ್‌ನಲ್ಲಿ 21 ರನ್ ಗಳಿಸಿದೆ.

ಅಂತಿಮವಾಗಿ ಕರ್ನಾಟಕ ಮೊದಲ ಇನ್ನಿಂಗ್ಸ್‌ನಲ್ಲಿ 3 ವಿಕೆಟ್ ಕಳೆದುಕೊಂಡು 91 ರನ್ ಗಳಿಸಲಷ್ಟೇ ಶಕ್ತವಾಯಿತು. 30 ರನ್ ಹಿನ್ನಡೆಯೊಂದಿಗೆ ಕರ್ನಾಟಕ ಮೊದಲ ಇನ್ನಿಂಗ್ ಮುಗಿಸಿದೆ. 30 ರನ್ ಮುನ್ನಡೆಯೊಂದಿಗೆ ಪಂಜಾಬ್ ತಂಡ 2ನೇ ಇನ್ನಿಂಗ್ಸ್ ಆರಂಭಿಸುತ್ತಿದೆ.

ಕಳೆದ 3 ಪಂದ್ಯಗಳಲ್ಲಿ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಕೃಷ್ಣ 4ನೇ ಪಂದ್ಯದ ಮೊದಲ ಇನ್ನಿಂಗ್ಸ್‌ನಲ್ಲಿ ನಿರಾಸೆ ಮೂಡಿಸಿದ್ದಾರೆ. ಒಂದು ಸಿಕ್ಸರ್ ಬಾರಿಸಿದ ಬಳಿಕ ಅಂತಿಮ ಓವರ್‌ನಲ್ಲಿ ಕೃಷ್ಣ ಬೋಲ್ಡ್ ಆಗಿ ಔಟ್ ಆಗಿದ್ದಾರೆ.

ರಾಜೀವ್ ಬಳಿಕ ಚಂದನ್ ಕೂಡ ಔಟ್ ಆಗಿದ್ದಾರೆ. ಅನಗತ್ಯವಾಗಿ 2ನೇ ರನ್ ಕದಿಯಲು ಹೋಗಿ ಚಂದನ್ ರನೌಟ್ ಆಗಿದ್ದಾರೆ. ಇದೀಗ ಡಾರ್ಲಿಂಗ್ ಕೃಷ್ಣ ಕಣಕ್ಕೆ ಇಳಿದಿದ್ದು ಆರಂಭದಲ್ಲೇ ಒಂದು ಸಿಕ್ಸರ್ ಬಾರಿಸಿದ್ದರು. ಆ ಮೂಲಕ ಮತ್ತೆ ದೊಡ್ಡದಾಗಿ ಅಬ್ಬರಿಸುವ ಸುಳಿವು ನೀಡಿದ್ದಾರೆ. 9 ಓವರ್ ಅಂತ್ಯಕ್ಕೆ ತಂಡ 2 ವಿಕೆಟ್ ನಷ್ಟಕ್ಕೆ 84 ರನ್ ಗಳಿಸಿದೆ.

ರಾಜೀವ್ ಬಳಿಕ ಕಣಕ್ಕಿಳಿದ ಜೆಕೆ ಉತ್ತಮವಾಗಿ ಆಡುತ್ತಿದ್ದಾರೆ. ತಮ್ಮ ಬಲವಾದ ಹೊಡೆತಗಳಿಂದ ಚೆಂಡನ್ನು ಬೌಂಡರಿ ಗೆರೆ ದಾಟಿಸುತ್ತಿದ್ದಾರೆ. 8 ಓವರ್‌ ಅಂತ್ಯಕ್ಕೆ 1 ವಿಕೆಟ್ ನಷ್ಟಕ್ಕೆ ತಂಡ 75 ರನ್ ಗಳಿಸಿದೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ಮೊದಲ ಇನ್ನಿಂಗ್ಸ್‌ನಲ್ಲಿ ಮೊದಲ ವಿಕೆಟ್ ಕಳೆದುಕೊಂಡಿದೆ. ರಾಜೀವ್ ಕೀಪರ್‌ ಕೈಗೆ ಕ್ಯಾಚ್ ನೀಡಿ ಔಟ್ ಆಗಿದ್ದಾರೆ. ರಾಜೀವ್ ಬಳಿಕ ಜೆಕೆ ಕ್ರೀಸ್‌ಗೆ ಇಳಿದಿದ್ದಾರೆ. 7 ಓವರ್‌ಗಳ ಅಂತ್ಯಕ್ಕೆ ಒಂದು ವಿಕೆಟ್ ಕಳೆದುಕೊಂಡು ತಂಡ 65 ರನ್ ಗಳಿಸಿದೆ.

ಮೊದಲ 6 ಓವರ್‌ಗಳಲ್ಲಿ ಕರ್ನಾಟಕ 57 ರನ್ ಗಳಿಸಿದೆ. ರಾಜೀವ್ ಜೊತೆ ಚಂದನ್ ಕೂಡ ಬೌಂಡರಿಗಳ ಮೂಲಕ ರಂಜಿಸುತ್ತಿದ್ದಾರೆ. ಕೆಟ್ಟ ಹೊಡೆತಗಳಿಗೆ ಜೈ ಹಾಕದೇ ನಿಧಾನವಾಗಿ ರನ್ ಪೇರಿಸುತ್ತಿದ್ದಾರೆ.

ರಾಜೀವ್ ಹಾಗೂ ಚಂದನ್ ಮೊದಲ ವಿಕೆಟ್‌ಗೆ 40 ರನ್ ಜೊತೆಯಾಟ ನೀಡಿದ್ದಾರೆ. 5 ಓವರ್‌ಗಳಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ಉತ್ತಮ ರನ್ ಕಲೆ ಹಾಕಿದ್ದಾರೆ. 5ನೇ ಓವರ್‌ನಲ್ಲಿ ರಾಜೀವ್ ಒಂದೊಳ್ಳೆ ಸಿಕ್ಸರ್ ಬಾರಿಸಿದರು.

ಕರ್ನಾಟಕ ಬುಲ್ಡೋಜರ್ಸ್ ತಂಡ 4 ಓವರ್ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೇ 32 ರನ್ ಗಳಿಸಿದೆ. ರಾಜೀವ್ ಆಕರ್ಷಕ ಹೊಡೆತಗಳ ಮೂಲಕ ನೋಡುಗರನ್ನು ರಂಜಿಸುತ್ತಿದ್ದಾರೆ. ಚಂದನ್ ಅವರಿಗೆ ಸೂಕ್ತ ಬೆಂಬಲ ನೀಡುತ್ತಿದ್ದಾರೆ.

ಹಾರ್ಡಿ ಸಂಧು 3ನೇ ಓವರ್ ಕೂಡ ಎಸೆದರು. ಚಂದನ್ ಹಾಗೂ ರಾಜೀವ್ ನಿಧಾನವಾಗಿ ರನ್ ಕದಿಯುತ್ತಿದ್ದಾರೆ. 3 ಓವರ್ ಅಂತ್ಯಕ್ಕೆ ಕರ್ನಾಟಕ ತಂಡ ಯಾವುದೇ ವಿಕೆಟ್ ನಷ್ಟವಿಲ್ಲದೇ 18 ರನ ಗಳಿಸಿದೆ.

ಮೊದಲ ಇನಿಂಗ್ಸ್‌ನಲ್ಲಿ ಚಂದನ್ ಕುಮಾರ್ ಬೌಲಿಂಗ್ ಮಾಡುವಾಗ ಚಂದನ್ ಜೊತೆ ಮಾತಿನ ಚಕಮಕಿ ನಡೆಸಿದ್ದ ಪಂಜಾಬ್‌ನ ಪ್ಲೇಯರ್ ನಿಂಜಾ ಎರಡನೇ ಓವರ್‌ ಹಾಕಿದ್ದಾರೆ. ಎರಡು ವೈಡ್ ಮತ್ತು ಒಂದು ನೋಬಾಲ್ ಎಸೆದು ಒಟ್ಟು 7 ರನ್‌ಗಳನ್ನು ನೀಡಿದ್ದಾರೆ. 2 ಓವರ್ ಅಂತ್ಯಕ್ಕೆ ಕರ್ನಾಟಕ ಬುಲ್ಡೋಜರ್ಸ್ ವಿಕೆಟ್ ನಷ್ಟ ಇಲ್ಲದೇ 11 ರನ್ ಗಳಿಸಿದೆ.

ಹಾರ್ಡಿ ಸಂಧು ಅವರ ಮೊದಲ ಓವರ್ ಮುಕ್ತಾಯವಾಗಿದ್ದು ಕರ್ನಾಟಕ ಬುಲ್ಡೋಜರ್ಸ್ ತಂಡ 4 ರನ್‌ ಗಳಿಸಿದೆ. ರಾಜೀವ್ 5 ಬಾಲ್‌ಗಳನ್ನು ಎದುರಿಸಿದ್ದು 2 ರನ್ ಗಳಿಸಿದ್ದಾರೆ. ಚಂದನ್ 1 ಬಾಲ್‌ನಲ್ಲಿ 1 ರನ್ ಗಳಿಸಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದ ಪರ ಚಂದನ್ ಕುಮಾರ್ ಮತ್ತು ರಾಜೀವ್ ಆರಂಭಿಕ ಆಟಗಾರರಾಗಿ ಕಣಕ್ಕಿಳಿದಿದ್ದಾರೆ. ಹಾರ್ಡಿ ಸಂಧು ಮೊದಲ ಓವರ್ ಹಾಕುವ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದು ಮೊದಲ ಎಸೆತದಲ್ಲಿಯೇ ವೈಡ್ ಹಾಕಿದ್ದಾರೆ.

ಕರ್ನಾಟಕದ ಉತ್ತಮ ಬೌಲಿಂಗ್ ಹಾಗೂ ಕ್ಷೇತ್ರರಕ್ಷಣೆ ನಡುವೆಯೂ ಪಂಜಾಬ್ ಉತ್ತಮ ರನ್ ಕಲೆ ಹಾಕಿತು. ಎಕ್ಸ್ಟ್ರಾ ರನ್‌ಗಳನ್ನು ಹೆಚ್ಚು ಬಿಟ್ಟುಕೊಟ್ಟಿದ್ದು ತಪ್ಪಾಯಿತು. ಡಾರ್ಲಿಂಗ್ ಕೃಷ್ಣ ಎಸೆದ ಕೊನೆ ಓವರ್‌ನಲ್ಲಿ 19 ಬಿಟ್ಟುಕೊಟ್ಟರು. ಅಂತಿಮವಾಗಿ ಪಂಜಾಬ್ ಮೊದಲ ಇನ್ನಿಂಗ್ಸ್‌ನಲ್ಲಿ 8 ವಿಕೆಟ್ ಕಳೆದುಕೊಂಡು 121 ರನ್ ಗಳಿಸಿದೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದ ಅದ್ಭುತ ಬೌಲಿಂಗ್ ಹಾಗೂ ಕ್ಷೇತ್ರರಕ್ಷಣೆಯಿಂದ ಪಂಜಾಬ್ ಸಂಕಷ್ಟಕ್ಕೆ ಸಿಲುಕಿದೆ. ದಕ್ಷ್ ಸಿಂಗ್ ಕ್ಯಾಚ್ ಅನ್ನು ಸುದೀಪ್ ಅದ್ಭುತವಾಗಿ ಹಿಡಿದರು. ಅದರ ಬೆನ್ನಲ್ಲೇ ಸುದೀಪ್ ಮತ್ತೊಂದು ಕ್ಯಾಚ್ ಹಿಡಿದರು. ಸದ್ಯ ಪಂಜಾಬ್ 8 ವಿಕೆಟ್ ಕಳೆದುಕೊಂಡು 96 ರನ್ ಗಳಿಸಿದೆ.

ಆರಂಭದಲ್ಲೇ 2 ವಿಕೆಟ್ ಕಳೆದುಕೊಂಡಿದ್ದ ಪಂಜಾಬ್ ತಂಡ ಇದೀಗ ಮತ್ತೆರಡು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ. ಚಂದನ್ ಬೌಲಿಂಗ್‌ನಲ್ಲಿ ಒಂದು ಎಲ್‌ಬಿಡಬ್ಯೂ ಹಾಗೂ ಗಣೇಶ್ ಬೌಲಿಂಗ್‌ನಲ್ಲಿ ಒಂದು ಕ್ಯಾಚ್ ಔಟ್ ಆಗಿದೆ.

ಪಂಜಾಬ್ ತಂಡದ ಬ್ಯಾಟ್ಸ್‌ಮನ್ ನಿಂಜಾ ಕರ್ನಾಟಕ ಬುಲ್ಡೋಜರ್ಸ್ ತಂಡದವರ ಮೇಲೆ ಗರಂ ಆಗಿದ್ದರು. ಮುಖ್ಯವಾಗಿ ಚಂದನ್ ಜೊತೆ ಮಾತಿನ ಚಕಮಕಿ ಆರಂಭಿಸಿದರು. ಮೈದಾನದ ಹೊರಗೆ ನಡೆದು ಕೂಗಾಡಿದರು. ಬಳಿಕ ಸುದೀಪ್ ಬಂದು ನಿಂಜಾ ಅವರನ್ನು ಬಿಗಿದಪ್ಪಿ ಸಮಾಧಾನ ಮಾಡಿದರು. ಬಳಿಕ ಪಂದ್ಯ ಮತ್ತೆ ಮುಂದುವರೆಯಿತು.

ಆರಂಭದಲ್ಲೇ 2 ವಿಕೆಟ್ ಕಳೆದುಕೊಂಡಿರುವ ಪಂಜಾಬ್ ತಂಡ ಒಟ್ಟು 4 ಓವರ್‌ಗಳಲ್ಲಿ 47ರನ್ ಗಳಿಸಿದೆ. ಕ್ರೀಸ್‌ನಲ್ಲಿರುವ ಬಬಲ್ ಹಾಗೂ ನಿಂಜಾ ನಿಧಾನವಾಗಿ ರನ್ ಕದಿಯುವ ಪ್ರಯತ್ನ ಮಾಡುತ್ತಿದ್ದಾರೆ.

ಪಂಜಾಬ್ ದಿ ಶೇರ್ ತಂಡ 2ನೇ ವಿಕೆಟ್ ಕಳೆದುಕೊಂಡಿದೆ. ಸುನೀಲ್ ರಾವ್ ಬೌಲಿಂಗ್‌ನಲ್ಲಿ ರಾಹುಲ್ ಜೇಟ್ಲಿ ಬೋಲ್ಡ್‌ ಆಗಿದ್ದಾರೆ. ಮೊದಲ 2 ಓವರ್‌ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ತಂಡ 22 ರನ್ ಗಳಿಸಿದೆ.

ಪಂಜಾಬ್ ದೇ ಶೇರ್ ವಿರುದ್ಧ ಕರ್ನಾಟಕ ಬುಲ್ಡೋಜರ್ಸ್ ಪಂದ್ಯ ಆರಂಭವಾಗಿದೆ. ಟಾಸ್ ಗೆದ್ದ ಪಂಜಾಬ್ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದೆ. ಟಾಸ್ ವೇಳೆ ಸುದೀಪ್ ಕನ್ನಡದಲ್ಲಿ ಮಾತನಾಡಿ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ. ಸೂರತ್‌ನಲ್ಲಿರುವ ನಮಗೆ ನಿಮ್ಮೆಲ್ಲರ ಪ್ರೀತಿ ಬೇಕು ಎಂದಿದ್ದಾರೆ. ಈಗಾಗಲೇ ಸೆಮಿಫೈನಲ್‌ಗೆ ಹೋಗುವುದು ಖಚಿತವಾಗಿರುವುದರಿಂದ ತಂಡದಲ್ಲಿ ಕೊಂಚ ಬದಲಾವಣೆ ಮಾಡಿಕೊಂಡಿರುವುದಾಗಿ ಹೇಳಿದ್ದಾರೆ.

ಚೆನ್ನೈ ವಿರುದ್ದ ಇಂದು ಕಣಕ್ಕಿಳಿದಿದ್ದ ಭೋಜ್‌ಪುರಿ ದಬಾಂಗ್ಸ್ ತಂಡ ಸೋಲನ್ನು ಕಂಡಿದೆ. 167ರನ್‌ಗಳ ಬೃಹತ್ ಗುರಿಯನ್ನು ಬೆನ್ನತ್ತಿದ್ದ ಭೋಜ್‌ಪುರಿ ತಂಡ 10 ಓವರ್‌ಗಳಲ್ಲಿ 4 ವಿಕೆಟ್‌ ಕಳೆದುಕೊಂಡು 151 ರನ್‌ಗಳನ್ನು ಮಾತ್ರ ಗಳಿಸುವಲ್ಲಿ ಯಶಸ್ವಿಯಾಗಿದೆ. ಈ ಮೂಲಕ 16 ರನ್‌ಗಳಿಂದ ಸೋತು ಟೂರ್ನಿಯಿಂದ ಹೊರ ಬಿದ್ದಿದೆ. ಭೋಜ್‌ಪುರಿ ತಂಡದ ಪರ ಎರಡನೇ ಇನಿಂಗ್ಸ್‌ನಲ್ಲಿ ಅನ್ಷುಮನ್ 82 ರನ್ ಗಳಿಸಿದರು.

32 ರನ್‌ಗಳಿಗೆ ಎರಡು ವಿಕೆಟ್ ಕಳೆದುಕೊಂಡಿದ್ದ ಭೋಜ್‌ಪುರಿ ದಬಾಂಗ್ಸ್‌ಗೆ ಅನ್ಷುಮನ್ ಆಸರೆಯಾಗಿದ್ದಾರೆ. ತಂಡವನ್ನು ಗೆಲುವಿನ ದಡಕ್ಕೆ ತಲುಪಿಸಲು ಏಕಾಂಗಿಯಾಗಿ ಹೋರಾಡುತ್ತಿದ್ದಾರೆ. ಸದ್ಯ ಅನ್ಷುಮನ್ 17 ಬಾಲ್‌ಗಳಲ್ಲಿ ತಮ್ಮ ಅರ್ಧ ಶತಕವನ್ನು ಪೂರೈಸಿದ್ದು 56 ರನ್‌ಗಳಿಸಿ ಕ್ರೀಸ್‌ನಲ್ಲಿದ್ದಾರೆ. ಇನ್ನು 7 ಓವರ್‌ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ ಭೋಜ್‌ಪುರಿ ತಂಡ 102 ರನ್ ಗಳಿಸಿದ್ದು ಗೆಲ್ಲಲು 18 ಎಸೆತಗಳಲ್ಲಿ 66 ರನ್‌ಗಳನ್ನು ಗಳಿಸಬೇಕಿದೆ.

ಚೆನ್ನೈ ನೀಡಿದ 167 ರನ್‌ಗಳ ಗುರಿಯನ್ನು ಬೆನ್ನತ್ತಿರುವ ಭೋಜ್‌ಪುರಿ ತಂಡ ಆರಂಭದಲ್ಲಿಯೇ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಕೇವಲ 8 ಎಸೆತಗಳಲ್ಲಿ 21 ರನ್ ಬಾರಿಸಿ ಉದಯ್ ತಿವಾರಿ ಔಟಾದರೆ ಅಸ್ಗರ್ ಖಾನ್ 10 ರನ್ ಗಳಿಸಿ ವಿಕೆಟ್ ಚೆಲ್ಲಿದ್ದಾರೆ. ಸದ್ಯ ದಿನೇಶ್ ಲಾಲ್ ಯಾದವ್ ಮತ್ತು ಅನ್ಷುಮನ್ ಸಿಂಗ್ ಬ್ಯಾಟಿಂಗ್ ಮಾಡುತ್ತಿದ್ದು ಇಬ್ಬರು ಖಾತೆಯನ್ನು ತೆರೆಯಬೇಕಿದೆ. ಭೋಜ್‌ಪುರಿ ತಂಡ 3 ಓವರ್‌ಗಳ ಅಂತ್ಯಕ್ಕೆ 32 ರನ್ ಗಳಿಸಿದೆ.

ಮೊದಲ ಇನಿಂಗ್ಸ್‌ನಲ್ಲಿ 167ರನ್‌ಗಳನ್ನು ಕಲೆ ಹಾಕಿದ್ದ ಚೆನ್ನೈ ತಂಡ ಎರಡನೇ ಇನಿಂಗ್ಸ್‌ನಲ್ಲಿ 07 ವಿಕೆಟ್‌ಗಳನ್ನು ಕಳೆದುಕೊಂಡು 102 ರನ್ ಗಳಿಸಿದೆ. ಈ ಮೂಲಕ ಭೋಜ್‌ಪುರಿ ದಬಾಂಗ್ಸ್‌ ತಂಡಕ್ಕೆ 168ರನ್‌ಗಳ ಗುರಿಯನ್ನು ನೀಡಿದೆ. ದ್ವೀತಿಯ ಇನಿಂಗ್ಸ್‌ನಲ್ಲಿ ಚೆನ್ನೈ ಪರ ನಾಯಕ ವಿಕ್ರಾಂತ್ 24 ರನ್ ಗಳಿಸಿದೆ, ಶರಣ್ 19, ಪರಿ 17 ಮತ್ತು ಅಜಯ್ 17 ರನ್ ಗಳಿಸಿದ್ದಾರೆ. ಮಿಕ್ಕಂತೆ ಬೇರೆ ಯಾರು ಎರಡಂಕಿಯನ್ನು ದಾಟಲಿಲ್ಲ.

ಮೊದಲ ಇನಿಂಗ್ಸ್‌ನಲ್ಲಿ ಅಬ್ಬರಿಸಿದ ಚೆನ್ನೈ ರೈನೋಸ್ ತಂಡ ಎರಡನೇ ಇನಿಂಗ್ಸ್‌ನಲ್ಲಿ ನಿಧಾನಗತಿಯ ಬ್ಯಾಟಿಂಗ್ ಮಾಡುತ್ತಿದೆ. ಆರಂಭದಲ್ಲಿಯೇ ಪೃಥ್ವಿ ಮತ್ತು ಕಲೈಸರನ್ ಅವರ ವಿಕೆಟ್ ಕಳೆದುಕೊಂಡ ಚೆನ್ನೈ ರೈನೋಸ್ ಗೆ ಮತ್ತೆ ಈಗ ನಾಯಕ ವಿಕ್ರಾಂತ್ ಆಸರೆಯಾಗಿದ್ದಾರೆ. ಸದ್ಯ ಪ್ರತಿ ಓವರ್‌ಗೆ ಹತ್ತು ರನ್‌ನಂತೆ ಸ್ಕೋರ್ ಮಾಡುತ್ತಿರುವ ಚೆನ್ನೈ 5 ಓವರ್‌ಗಳಿಗೆ 52 ರನ್ ಗಳಿಸಿದೆ.

ಭೋಜ್‌ಪುರಿ ದಬಾಂಗ್ಸ್ ತಂಡ ಅಂತಿಮವಾಗಿ ಮೊದಲ ಇನ್ನಿಂಗ್ಸ್‌ನಲ್ಲಿ 4 ವಿಕೆಟ್ ಕಳೆದುಕೊಂಡು 104 ರನ್‌ ಗಳಿಸಿದೆ. 63 ರನ್‌ಗಳ ಮುನ್ನಡೆಯೊಂದಿಗೆ ಚೆನ್ನೈ ರೈನೋಸ್ 2ನೇ ಇನ್ನಿಂಗ್ಸ್ ಆರಂಭಿಸಿದ್ಧಾರೆ. ಆರಂಭದಲ್ಲೇ ತಂಡ 2 ವಿಕೆಟ್ ಕಳೆದುಕೊಂಡಿದೆ.

ಚೆನ್ನೈ ರೈನೋಸ್ ನೀಡಿದ 168ರನ್‌ಗಳ ಗುರಿಯನ್ನು ಬೆನ್ನತ್ತಿರುವ ಭೋಜ್‌ಪುರಿ ದಬಾಂಗ್ಸ್ ತಂಡಕ್ಕೆ ಆರಂಭದಲ್ಲಿಯೇ ಚೆನ್ನೈ ಬೌಲರ್‌ಗಳು ಆಘಾತ ನೀಡಿದ್ದಾರೆ. 41 ರನ್‌ಗಳಿಗೆ 3 ವಿಕೆಟ್ ಕಬಳಿಸಿದ್ದಾರೆ. ಆದಿತ್ಯ ಓಜಾ, ಅಸ್ಗರ್ ಖಾನ್ ಮತ್ತು ಅನ್ಷುಮನ್ ಸಿಂಗ್ ಪೆವಿಲಿಯನ್ ಸೇರಿದ್ದು ಪರವೇಶ್ ಲಾಲ್ ಯಾದವ್ ಮತ್ತು ಉದಯ್ ತಿವಾರಿ ಸದ್ಯ ಕ್ರೀಸ್‌ನಲ್ಲಿದ್ದಾರೆ. 05 ಓವರ್ ಅಂತ್ಯಕ್ಕೆ ಭೋಜ್‌ಪುರಿ ತಂಡದ ಸ್ಕೋರ್ 41/3

ಭೋಜ್‌ಪುರಿ ದಬಾಂಗ್ಸ್‌ಗೆ ಚೆನ್ನೈ ರೈನೋಸ್ ಬೃಹತ್ ಸವಾಲನ್ನು ನೀಡಿದೆ. ತನ್ನ ಮೊದಲ ಹತ್ತು ಓವರ್‌ನಲ್ಲಿ ಚೆನ್ನೈ ಕೇವಲ ಎರಡು ವಿಕೆಟ್ ಕಳೆದುಕೊಂಡು 167 ರನ್ ಗಳಿಸಿದೆ. ಚೆನ್ನೈ ತಂಡದ ಪರ ನಾಯಕ ವಿಕ್ರಾಂತ್ ಜವಾಬ್ಧಾರಿಯುತವಾದ ಆಟ ಆಡಿದ್ದು 19 ಎಸೆತಗಳಲ್ಲಿ 47 ರನ್‌ ಗಳಿಸಿ ಅಜೇಯರಾಗಿ ಉಳಿದಿದ್ದಾರೆ. ಇನ್ನು ಮತ್ತೊಂದು ಬದಿಯಲ್ಲಿ ದಸರತಿ ಕೂಡ ಭೋಜ್‌ಪುರಿ ಬೌಲರ್‌ಗಳ ಬೆಂಡೆತ್ತಿದ್ದು 12 ಎಸೆತಗಳಲ್ಲಿ 49 ರನ್‌ಗಳಿಸಿ ನಾಟೌಟ್ ಆಗಿ ಉಳಿದಿದ್ದಾರೆ.

ಹನ್ನೊಂದು ರನ್‌ಗಳಿಗೆ ಮೊದಲ ವಿಕೆಟ್ ಕಳೆದುಕೊಂಡ ಚೆನ್ನೈ ತಂಡ,ಎರಡನೇ ವಿಕೆಟ್‌ ಕಳೆದುಕೊಂಡಿದೆ. ಆಕ್ರಮಣಕಾರಿ ಆಟವನ್ನು ಆಡುತ್ತಿದ್ದ ಶರಣ್, ಆದಿತ್ಯ ಓಜಾಗೆ ವಿಕೆಟ್ ಒಪ್ಪಿಸಿದ್ದಾರೆ. ಕೇವಲ 13 ಎಸೆತಗಳಲ್ಲಿ 5 ಬೌಂಡರಿ ಮತ್ತು ಎರಡು ಸಿಕ್ಸರ್‌ಗಳನ್ನು ಸಿಡಿಸಿದ್ದ ಶರಣ್ 35 ರನ್‌ಗಳನ್ನು ಗಳಿಸಿ ಪೆವಿಲಿಯನ್ ಸೇರಿದ್ದಾರೆ. ಐದು ಓವರ್ ಅಂತ್ಯಕ್ಕೆ ತಂಡದ ಮೊತ್ತ 76 ರನ್ ಆಗಿದ್ದು ಚೆನ್ನೈ ನಾಯಕ ವಿಕ್ರಾಂತ್ 12 ಬಾಲ್‌ಗಳಲ್ಲಿ 27 ರನ್ ಗಳಿಸಿದ್ದಾರೆ

ಕರ್ನಾಟಕ ಬುಲ್ಡೋಜರ್ಸ್‌ ತಂಡಕ್ಕೆ ಇಂದು ಪಂಜಾಬ್ ತಂಡ ಸವಾಲು ಹಾಕಲಿದೆ. ಸಂಜೆ 06-30ಕ್ಕೆ ಪಂದ್ಯ ಆರಂಭವಾಗಲಿದ್ದು ಪಂದ್ಯದ ಆರಂಭಕ್ಕೂ ಮುನ್ನ ಕರ್ನಾಟಕ ಬುಲ್ಡೋಜರ್ಸ್‌ ತಂಡದ ನಾಯಕ ಕಿಚ್ಚ ಸುದೀಪ್ ತಂಡದ ಜೊತೆ ಮಹತ್ವದ ಸಭೆ ಮಾಡಿದ್ದಾರೆ. ಇಂದಿನ ಪಂದ್ಯದ ರೂಪುರೇಶೆಯ ಕುರಿತು ಚರ್ಚೆಯನ್ನು ಮಾಡಿದ್ದಾರೆ. ತಂಡದ ಆತ್ಮಬಲವನ್ನು ಕೂಡ ಈ ಮೂಲಕ ಸುದೀಪ್ ಹೆಚ್ಚಿಸಿದ್ದಾರೆ.

ಟಾಸ್ ಸೋತು ಬ್ಯಾಟಿಂಗ್ ಮಾಡಲು ಇಳಿದ ಚೆನ್ನೈ ತಂಡ ಮೊದಲ ಓವರ್‌ನಲ್ಲಿಯೇ ವಿಕೆಟ್ ಕಳೆದುಕೊಂಡಿದೆ. ಒಂದು ವಿಕೆಟ್‌ ನಷ್ಟಕ್ಕೆ ಹನ್ನೊಂದು ರನ್ ಗಳಿಸಿದೆ. ಪ್ರವೇಶ್ ಲಾಲ್ ಯಾದವ್ ಬೌಲಿಂಗ್‌ನಲ್ಲಿ ಒಂದು ಸಿಕ್ಸ್ ಒಂದು ಬೌಂಡರಿ ನೆರವಿನಿಂದ ಹತ್ತು ರನ್ ಗಳಿಸಿದ್ದ ರಮಣ ದಿನೇಶ್ ಲಾಲ್ ಯಾದವ್‌ಗೆ ಕ್ಯಾಚ್ ನೀಡಿದ್ದಾರೆ.

ಸೂರತ್‌ನಲ್ಲಿ ನಡೆಯುತ್ತಿರುವ ಚೆನ್ನೈ ರೈನೋಸ್ ಮತ್ತು ಭೋಜ್‌ಪುರಿ ದಬಾಂಗ್ಸ್‌ ತಂಡದ ಪಂದ್ಯದಲ್ಲಿ ಭೋಜ್‌ಪುರಿ ದಬಾಂಗ್ಸ್ ತಂಡ ಟಾಸ್ ಗೆದ್ದಿದೆ. ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿದೆ.

ಚೆನ್ನೈ ರೈನೋಸ್ ತಂಡ ಕೂಡ ಸಿಸಿಎಲ್‌ನಲ್ಲಿ ಇಲ್ಲಿಯವರೆಗೆ ಮೂರು ಪಂದ್ಯಗಳನ್ನು ಆಡಿದೆ. ಆದರೆ ಭೋಜ್‌ಪುರಿ ತಂಡದಂತೆಯೇ ಕೂಡ ಚೆನ್ನೈ ಕೇವಲ ಒಂದು ಪಂದ್ಯವನ್ನು ಮಾತ್ರ ಗೆದ್ದಿದ್ದು ಎರಡು ಪಂದ್ಯಗಳನ್ನು ಸೋತಿದೆ. ಇವತ್ತು ಭೋಜ್‌ಪುರಿ ತಂಡದ ವಿರುದ್ದ ಚೆನ್ನೈ ಬಾಯ್ಸ್ ಅಬ್ಬರಿಸುತ್ತಾರಾ ಎನ್ನುವುದನ್ನು ನೋಡಬೇಕಿದೆ.

ಮನೋಜ್ ತಿವಾರಿ ನಾಯಕತ್ವದ ಭೋಜ್‌ಪುರಿ ದಬಾಂಗ್ಸ್ ತಂಡ ಇಲ್ಲಿಯವರೆಗೆ 3 ಪಂದ್ಯಗಳನ್ನು ಆಡಿದೆ. ಆ ಪೈಕಿ ಕೇವಲ ಒಂದು ಪಂದ್ಯದಲ್ಲಿ ಮಾತ್ರ ಭೋಜ್‌ಪುರಿ ದಬಾಂಗ್ಸ್ ತಂಡ ಗೆದ್ದಿದೆ. ಮಿಕ್ಕ ಎರಡು ಪಂದ್ಯಗಳಲ್ಲಿ ಕೂಡ ಸೋಲು ಅನುಭವಿಸಿದೆ. ಸೋತ ಈ ಎರಡು ಪಂದ್ಯಗಳನ್ನು ಗೆಲ್ಲುವ ಅವಕಾಶ ಭೋಜ್‌ಪುರಿ ತಂಡಕ್ಕಿತ್ತಾದರೂ ಕೊನೆಯ ಹಂತದಲ್ಲಿ ಒತ್ತಡಕ್ಕೆ ಒಳಗಾಗಿ ಸೋಲನ್ನು ಅನುಭವಿಸಿದೆ. ಇಂದು ಈ ಒತ್ತಡದಿಂದ ಹೊರ ಬಂದು ಭೋಜ್‌ಪುರಿ ದಬಾಂಗ್ಸ್ ತಂಡ ಆಡುತ್ತಾ ಎನ್ನುವುದನ್ನು ನೋಡಬೇಕಿದೆ.