CCL 2025: ಮೈಸೂರಿನಲ್ಲಿ ಮಹಾ ಸಮರ, ಕರ್ನಾಟಕ ಬುಲ್ಡೋಜರ್ಸ್ ತಂಡಕ್ಕೆ ಹೀನಾಯ ಸೋಲು

ಕರ್ನಾಟಕ ಬುಲ್ಡೋಜರ್ಸ್ ತಂಡದ ಸೆಮಿ ಫೈನಲ್‌ನಲ್ಲಿ ಮತ್ತೆ ಎಡವಿದೆ. 129 ರನ್‌ಗಳ ಬೃಹತ್ ಮೊತ್ತವನ್ನು ಕಲೆ ಹಾಕಿದ್ದರೂ, ಚೆನ್ನೈ ರೈನೋಸ್ ಚೇಸ್ ಮಾಡುವಲ್ಲಿ ಯಶಸ್ವಿಯಾಗಿದೆ. ಕರ್ನಾಟಕ ಬುಲ್ಡೋಜರ್ಸ್ ತಂಡದ ಫೈನಲ್ ಪ್ರವೇಶಿಸುವ ಕನಸನ್ನು ಭಗ್ನಗೊಳಿಸಿದೆ.

ಚೆನ್ನೈ ರೈನೋಸ್ ತಂಡ ಗೆಲುವಿಗೆ ಕೇವಲ 4 ರನ್‌ಗಳ ಅಗತ್ಯವಿದೆ. ಕರ್ನಾಟಕ ಬಲ್ಡೋಜರ್ಸ್ ತಂಡ ತಂಡ ಬೌಲರ್‌ಗಳನ್ನು ಸಮರ್ಥವಾಗಿ ಎದುರಿಸಿದ ಚೆನ್ನೈ ತಂಡ ಫೈನಲ್ ಪ್ರವೇಶಿಸಲು ಕೆಲವೇ ದೂರದಲ್ಲಿದೆ.

ಚೆನ್ನೈ ರೈನೋಸ್ ಗೆಲುವಿನ ಹಾದಿಯನ್ನು ಸುಗಮಗೊಳಿಸಿಕೊಂಡಿದೆ. 12 ಬೌಲ್‌ಗಳಿಗೆ ಕೇವಲ 18 ರನ್‌ಗಳು ಬೇಕಿವೆ.

ಚೆನ್ನೈ ರೈನೋಸ್‌ಗೆ 18 ಬೌಲ್‌ಗೆ 30 ರನ್‌ಗಳ ಅವಶ್ಯಕತೆಯಿದೆ. ಇನ್ನೊಂದು ಕಡೆ ಚೆನ್ನೈ ತಂಡ ಕರ್ನಾಟಕದ ಪ್ರತಿಯೊಬ್ಬ ಬೌಲರ್‌ಗೂ ಸಿಕ್ಸ್, ಫೋರ್‌ ಅನ್ನು ಬಾರಿಸುತ್ತಲೇ ಇದ್ದಾರೆ.

ಚೆನ್ಣೈ ರೈನೋಸ್ ವಿರುದ್ಧ ಕರ್ನಾಟಕ ಬುಲ್ಡೋಜರ್ಸ್‌ ತಂಡದ ಬೌಲರ್‌ಗಳು ಪರದಾಡುತ್ತಿದ್ದಾರೆ. ಪ್ರತಿ ಓವರ್‌ಗೆ 10 ರಿಂದ 15 ರನ್‌ಗಳನ್ನು ನೀಡುತ್ತಿದ್ದಾರೆ. ಚೆನ್ನೈ 6 ಓವರ್‌ಗೆ 3 ವಿಕೆಟ್ ಕಳೆದುಕೊಂಡು 90ರನ್‌ಗಳನ್ನು ಗಳಿಸಿದೆ.

ಕರ್ನಾಟಕ ಬುಲ್ಡೋಜರ್ಸ್ ಕಳಪೆ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಆರಂಭಿಕ ಆಘಾತ ಕಂಡ ಚೆನ್ನೈ ಚೇತರಿಸಿಕೊಂಡು ಭರ್ಜರಿ ಬ್ಯಾಟಿಂಗ್ ಮಾಡುತ್ತಿದೆ. ಕೇವಲ ಐದು ಓವರ್‌ಗಳಲ್ಲಿ 71 ರನ್‌ಗಳನ್ನು ಕಲೆ ಹಾಕಿದ್ದು, 3 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ಚೆನ್ನೈ ರೈನೋಸ್ ತಂಡ ನಾಲ್ಕು ಓವರ್‌ಗಳ ಮುಕ್ತಾಯಕ್ಕೆ 59ರನ್‌ಗಳನ್ನು ಕಲೆ ಹಾಕಿದೆ. ಭರ್ಜರಿ ಬ್ಯಾಟಿಂಗ್ ಮಾಡುತ್ತಿತ್ತು. ಕರ್ನಾಟಕ ಬುಲ್ಡೋಜರ್ಸ್‌ ಉಳಿದ ಓವರ್‌ಗಳನ್ನು ಕಂಟ್ರೋಲ್ ಮಾಡಲೇಬೇಕಾಗಿದೆ.

ಮೂರನೇ ಓವರ್‌ನಲ್ಲಿ ಚೆನ್ನೈ ಬುಲ್ಡೋಜರ್ಸ್‌ ತಂಡ ಭರ್ಜರಿ ಬ್ಯಾಟಿಂಗ್ ಮಾಡಿ ತಂಡದ ಮೊತ್ತವನ್ನು 45 ರನ್‌ಗೆ ಏರಿಸಿದ್ದಾರೆ. ಚೆನ್ಣೈ ತಂಡದ ಮೂರು ವಿಕೆಟ್‌ಗಳು ಉರುಳಿವೆ.

ಚೆನ್ನೈ ರೈನೋಸ್ ಮೂರನೇ ವಿಕೆಟ್ ಅನ್ನು ಕಳೆದುಕೊಂಡಿದೆ. ಮೊದಲ ಓವರ್‌ನಲ್ಲಿ ಎರಡು ವಿಕೆಟ್ ಪಡೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಚೆನ್ನೈ ಎರಡನೇ ಓವರ್‌ನಲ್ಲಿ ಭರ್ಜರಿ ಬ್ಯಾಟಿಂಗ್ ಮಾಡಿತ್ತು. ಕೊನೆಯ ಎಸೆತದಲ್ಲಿ ಮತ್ತೊಂದು ವಿಕೆಟ್ ಕೈ ಚೆಲ್ಲಿತು.

ಚೆನ್ನೈ ರೈನೋಸ್ ತಂಡ ಮೊದಲ ಓವರ್‌ನ ಕೊನೆಯ ಎಸೆತದಲ್ಲಿ ಸಿಕ್ಸ್ ಬಾರಿಸುವ ಮೂಲಕ ಕಮ್‌ಬ್ಯಾಕ್ ಮಾಡಿದ್ದಾರೆ. 9 ರನ್‌ಗೆ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡಿದ್ದಾರೆ.

ಚೆನ್ಣೈ ರೈನೋಸ್ ಮೊದಲ ಎರಡು ಬೌಲ್‌ಗೆ ಎರಡು ವಿಕೆಟ್ ಕಿತ್ತಿದ್ದಾರೆ. ಶಾಂತನು ಮೊದಲ ಎಸೆತಕ್ಕೆ ವಿಕೆಟ್ ಒಪ್ಪಿಸಿ ಹಿಂತಿರುಗಿದ್ದಾರೆ. ರಾಜೀವ್‌ಗೆ ಹ್ಯಾಟ್ರಿಕ್ ವಿಕೆಟ್ ಪಡೆಯುವ ಅವಕಾಶ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ಚೆನ್ನೈ ರೈನೋಸ್ ತಂಡಕ್ಕೆ 130 ರನ್‌ಗಳ ಗುರಿಯನ್ನು ನೀಡಿದೆ. ಮೊದಲ ಓವರ್ ಮಾಡಿದ ರಾಜೀವ್, ಮೊದಲ ಎಸೆತದಲ್ಲಿಯೇ ವಿಕೆಟ್ ಕಿತ್ತಿದ್ದಾರೆ. ಶರಣ್ ಮೊದಲ ಬೌಲ್‌ಗೆ ಔಟ್ ಆಗಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ 2ನೇ ಇನ್ನಿಂಗ್ಸ್ ಮುಕ್ತಾಯಗೊಂಡಿದೆ. 10 ಓವರ್‌ಗಳಲ್ಲಿ ಕರ್ನಾಟಕ ತಂಡದ 5 ವಿಕೆಟ್‌ಗಳ ನಷ್ಟಕ್ಕೆ 123 ರನ್ ಗಳಿಸಿದೆ. ಕೊನೆಯ ಓವರ್‌ನಲ್ಲಿ ಮಂಜುನಾಥ್ ಅಬ್ಬರಿಸಿದ್ದಾರೆ. ಮಂಜುನಾಥ್ 11 ಬೌಲ್‌ಗೆ 35 ರನ್‌ ಗಳಿಸಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ಮತ್ತೊಂದು ವಿಕೆಟ್ ಅನ್ನು ಕಳೆದುಕೊಂಡಿದೆ. 9ನೇ ಓವರ್ ಮುಕ್ತಾಯದ ವೇಳೆ ಜಯರಾಂ ಕಾರ್ತಿಕ್ ವಿಕೆಟ್ ಒಪ್ಪಿಸಿ ಪೆವಿಲಿಯನ್‌ಗೆ ಮರಳಿದ್ದಾರೆ. 9ನೇ ಓವರ್ ಮುಕ್ತಾಯಕ್ಕೆ ತಂಡದ ಮೊತ್ತ 104 ರನ್‌ಗಳಿಗೆ 5 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ರಾಜೀವ್ ಔಟ್ ಆದ ಬಳಿಕ ಮಂಜುನಾಥ್ ಆಕ್ರಮಣಕಾರಿ ಬ್ಯಾಟಿಂಗ್ ಮಾಡಿದ್ದಾರೆ. ಎರಡು ಬೌಂಡರಿ ಹಾಗೂ ಒಂದು ಸಿಕ್ಸ್ ಸಿಡಿಸುವ ಮೂಲಕ 8 ಓವರ್‌ಗೆ ತಂಡದ ಮೊತ್ತವನ್ನು 98 ರನ್‌ಗೆ ತೆಗೆದುಕೊಂಡು ಹೋಗಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದ ಸ್ಪೋಟಕ ಬ್ಯಾಟ್ಸ್‌ಮ್ಯಾನ್ ರಾಜೀವ್ ಮೊದಲ ಎಸೆತದಲ್ಲೇ ಔಟ್ ಆಗಿದ್ದಾರೆ. ವಿಕೆಟ್ ಕೀಪರ್‌ಗೆ ಕ್ಯಾಚ್ ಕೊಟ್ಟು ಪೆವಿಲಿಯನ್‌ಗೆ ಮರಳಿದ್ದಾರೆ. ಇವರ ಸ್ಥಾನಕ್ಕೆ ಮಂಜುನಾಥ್ ಎಂಟ್ರಿ ಕೊಟ್ಟಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದ ಸ್ಟಾರ್ ಬ್ಯಾಟ್ಸ್‌ಮ್ಯಾನ್ ಡಾರ್ಲಿಂಗ್ ಕೃಷ್ಣ 12 ಬೌಲ್‌ಗೆ 28 ರನ್‌ ಗಳಿಸಿ ಔಟ್ ಆಗಿದ್ದಾರೆ. ಕಿಚ್ಚನ ಟೀವ್ 84 ರನ್‌ಗೆ ಮೂರು ವಿಕೆಟ್‌ಗಳನ್ನು ಗಳಿಸಿಕೊಂಡಿದೆ. ರಾಜೀವ್ ಹನು ಅಖಾಡಕ್ಕೆ ಇಳಿದಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದ ಸ್ಟಾರ್ ಬ್ಯಾಟ್ಸ್‌ಮ್ಯಾನ್ ಡಾರ್ಲಿಂಗ್ ಕೃಷ್ಣ 7ನೇ ಓವರ್‌ನಲ್ಲಿ ಹ್ರ್ಯಾಟಿಕ್ ಬೌಂಡರಿಯನ್ನು ಬಾರಿಸಿದ್ದಾರೆ. ಈ ಮೂಲಕ ತಂಡದ ಮೊತ್ತ ಏಳು ಓವರ್‌ಗಳ ಮುಕ್ತಾಯಕ್ಕೆ 2 ವಿಕೆಟ್ ಕಳೆದುಕೊಂಡು 84 ರನ್ ಕಲೆ ಹಾಕಿದೆ

ಕರ್ನಾಟಕ ಬುಲ್ಡೋಜರ್ಸ್ 6ನೇ ಓವರ್‌ನಲ್ಲಿ ಭರ್ಜರಿ ಬ್ಯಾಟಿಂಗ್ ಮಾಡಿದೆ. ಜಯರಾಂ ಕಾರ್ತಿಕ್ ಒಂದು ಸಿಕ್ಸ್ ಹಾಗೂ ಒಂದು ಬೌಂಡರಿ ಬಾರಿಸಿ ತಂಡದ ಮೊತ್ತವನ್ನು ಆರು ಓವರ್‌ಗಳಲ್ಲಿ 69 ರನ್‌ಗಳಿಗೆ ಏರಿಸಿದ್ದಾರೆ. ಕರ್ನಾಟಕದ ಎರಡು ವಿಕೆಟ್ ನಷ್ಟ ಆಗಿದೆ.

ಕಿಚ್ಚ ಸುದೀಪ್ ಔಟ್ ಆದ ಬಳಿಕ ಡಾರ್ಲಿಂಗ್ ಕೃಷ್ಣ ಅಖಾಡಕ್ಕೆ ಇಳಿದಿದ್ದಾರೆ. ಐದನೇ ಓವರ್‌ನಲ್ಲಿ ಒಂದು ಸಿಕ್ಸ್ ಹಾಗೂ ಒಂದು ಬೌಂಡರಿಯನ್ನು ಸಿಡಿಸಿ ತಂಡದ ಮೊತ್ತವನ್ನು 55 ರನ್‌ಗೆ ಏರಿಸಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ಮತ್ತೊಂದು ವಿಕೆಟ್ ಅನ್ನು ಕಳೆದುಕೊಂಡಿದೆ. ಎರಡು ಸಿಕ್ಸ್ ಬಾರಿಸಿ ತಂಡ ಮೊತ್ತವನ್ನು ಏರಿಸಿದ್ದ ಕಿಚ್ಚ ಸುದೀಪ್ 23 ರನ್ ಗಳಿಸಿ ಔಟ್ ಆಗಿದ್ದಾರೆ. ಆಕ್ರಮಣಕಾರಿ ಬ್ಯಾಟಿಂಗ್ ಮಾಡುವ ಭರಾಟೆಯಲ್ಲಿ ವೈಡ್ ಬೌಲ್‌ಗೆ ಟಚ್ ಮಾಡುವ ಭರಾಟೆಯಲ್ಲಿ ಸ್ಟಂಪ್ ಆಗಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ನಾಲ್ಕು ಓವರ್‌ಗಳ ಮುಕ್ತಾಯಕ್ಕೆ 36 ರನ್ ಗಳಿಸಿದೆ. ಕಿಚ್ಚ ಸುದೀಪ್ 23 ರನ್‌ ಗಳಿಸಿ ಆಡುತ್ತಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ಮೂರು ಓವರ್‌ಗೆ 27 ರನ್‌ಗಳನ್ನು ಗಳಿಸಿದೆ. ಕಿಚ್ಚ ಸುದೀಪ್ ಸೂಪರ್‌ ಬ್ಯಾಟಿಂಗ್‌ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಮೂರು ಓವರ್‌ಗೆ 27 ರನ್‌ಗೆ ಒಂದು ವಿಕೆಟ್ ಕಳೆದುಕೊಂಡಿದೆ.

ಒಂದು ವಿಕೆಟ್ ಕಳೆದುಕೊಂಡು ಆತಂಕದಲ್ಲಿದ್ದ ಕರ್ನಾಟಕ ಬುಲ್ಡೋಜರ್ ತಂಡಕ್ಕೆ ಕಿಚ್ಚ ಸುದೀಪ್ ಬೂಸ್ಟ್ ಕೊಟ್ಟಿದ್ದಾರೆ. ಎರಡನೇ ಓವರ್‌ನಲ್ಲಿ ಕಿಚ್ಚ ಸುದೀಪ್ ಎರಡು ಸಿಕ್ಸ್‌ ಬಾರಿ ತಂಡ ಮೊತ್ತವನ್ನು 21ಕ್ಕೆ ಏರಿಸಿದ್ದಾರೆ. ಎರಡು ಓವರ್ ಮುಕ್ತಾಯಕ್ಕೆ 21ಕ್ಕೆ 1 ವಿಕೆಟ್ ಕಳೆದುಕೊಂಡಿದೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ಎರಡನೇ ಇನ್ನಿಂಗ್ಸ್ ಆರಂಭ ಆಗಿದ್ದು, ಮೊದಲ ಓವರ್ ಮುಗಿಯುವುದರೊಳಗೆ ಮೊದಲ ವಿಕೆಟ್ ಪತನ ಆಗಿದೆ. ಕಿಚ್ಚ ಸುದೀಪ್ ಅಖಾಡಕ್ಕೆ ಇಳಿದಿದ್ದು, ಮೊದಲ ಓವರ್ ಮುಕ್ತಾಯಕ್ಕೆ 5ರನ್‌ಗೆ 1 ವಿಕೆಟ್ ಕಳೆದುಕೊಂಡಿದೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದ 2ನೇ ಇನ್ನಿಂಗ್ಸ್ ಆರಂಭ ಆಗಿದ್ದು, ಅರುಣ್ ಬಚ್ಚನ್ ಹಾಗೂ ಜಯರಾಂ ಕಾರ್ತಿಕ್ ಆರಂಭಿಕ ಬ್ಯಾಟ್ಸ್‌ಮ್ಯಾನ್‌ಗಳಾಗಿ ಕಣಕ್ಕೆ ಇಳಿದಿದ್ದಾರೆ. ಚೆನ್ನೈ ರೈನೋಸ್ ಪರ ಮೊದಲ ಓವರ್ ಅನ್ನು ಆದವ್ ಎಸೆಯುತ್ತಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ನೀಡಿದ್ದ 111 ರನ್‌ಗಳ ಗುರಿಯನ್ನು ಬೆನ್ನತ್ತಿದ ಚೆನ್ನೈ ರೈನೋಸ್ ತಂಡ ಹತ್ತು ಓವರ್‌ಗಳಲ್ಲಿ 105 ರನ್‌ಗಳನ್ನು ಗಳಿಸಿದೆ. ಈ ಮೂಲಕ ಕೇವಲ ಆರು ರನ್‌ಗಳ ಹಿನ್ನೆಡೆಯನ್ನು ಅನುಭವಿಸಿದೆ. ಚೆನ್ನೈ ತಂಡದ ನಾಯಕ ವಿಕ್ರಾಂತ್ 63 ರನ್‌ಗಳಿಸಿ ಅಜೇಯರಾಗಿ ಉಳಿದಿದ್ದಾರೆ.

ಚೆನ್ನೈ ರೈನೋಸ್ ತಂಡ 9 ಓವರ್‌ಗಳಲ್ಲಿ 93 ರನ್ ಗಳಿಸಿದೆ. 18 ರನ್‌ಗಳ ಹಿನ್ನೆಡೆಯನ್ನು ಅನುಭವಿಸುತ್ತಿದೆ. ಬಾಕಿ ಉಳಿದ ಒಂದು ಓವರ್ ನಲ್ಲಿ ಚೆನ್ನೈ 18 ರನ್‌ಗಳ ಗಡಿಯನ್ನು ದಾಟುತ್ತಾ ಎನ್ನುವ ಕುತೂಹಲ ಸದ್ಯಕ್ಕೆ ಮನೆ ಮಾಡಿದ್ದು ಕರ್ನಾಟಕ ಬುಲ್ಡೋಜರ್ಸ್ ತಂಡಕ್ಕೆ ಅಲ್ಪ ಮುನ್ನಡೆ ಸಿಗುವ ಸಾಧ್ಯತೆ ಇದೆ.

ಮಹತ್ವದ ಪಂದ್ಯದಲ್ಲಿ ಚೆನ್ನೈನ ನಾಯಕ ವಿಕ್ರಾಂತ್ ಆಕರ್ಷಕ ಅರ್ಧ ಶತಕ ಸಿಡಿಸಿದ್ದಾರೆ. 26 ಬಾಲ್ ಗಳಲ್ಲಿ 53 ರನ್ ಗಳಿಸಿದ್ದಾರೆ. ತಮ್ಮ ಈ ಇನಿಂಗ್ಸ್‌ನಲ್ಲಿ 8 ಬೌಂಡರಿ ಮತ್ತು 1 ಸಿಕ್ಸರ್‌ನ ವಿಕ್ರಾಂತ್ ಸಿಡಿಸಿದ್ದು ಸದ್ಯ ಚೆನ್ನೈ ತಂಡ 08 ಓವರ್‌ನಲ್ಲಿ 84 ರನ್‌ಗಳನ್ನು ಕಲೆ ಹಾಕಿದೆ.

ಚೆನ್ನೈ ತಂಡದ ಎರಡನೇ ವಿಕೆಟ್ ಪತನಗೊಂಡಿದೆ. 17 ರನ್‌ಗಳಿಸಿದ್ದ ಪೃಥ್ವಿ, ಚಂದನ್ ಕುಮಾರ್‌ಗೆ ವಿಕೆಟ್ ಒಪ್ಪಿಸಿದ್ದಾರೆ.ಆದರೆ ಚೆನ್ನೈ ತಂಡದ ನಾಯಕ ವಿಕ್ರಾಂತ್ ಇನ್ನೂ ಕ್ರೀಸ್‌ನಲ್ಲಿದ್ದು 44 ರನ್ ಗಳಿಸಿ ಆಟವಾಡುತ್ತಿದ್ದಾರೆ.

ಚೆನ್ನೈ ತಂಡ ಆರು ಓವರ್‌ಗಳಲ್ಲಿ 55 ರನ್ ಗಳಿಸಿದೆ. ಚೆನ್ನೈ ತಂಡದ ನಾಯಕ ವಿಕ್ರಾಂತ್ ಅವರ ವಿಕೆಟ್ ಕರ್ನಾಟಕ ಬುಲ್ಡೋಜರ್ಸ್ ಪಾಲಿಗೆ ಸದ್ಯ ತೀರಾ ಅವಶ್ಯಕವಾಗಿದ್ದು ಕಿಚ್ಚ ಸುದೀಪ್ ತಮ್ಮೆಲ್ಲ ಅಸ್ತ್ರಗಳನ್ನು ಸದ್ಯ ಪ್ರಯೋಗ ಮಾಡುತ್ತಿದ್ದಾರೆ. ಕರ್ನಾಟಕ ತಂಡದ ಪರವಾಗಿ ಈಗಾಗಲೇ 5 ಜನ ಬೌಲಿಂಗ್ ಮಾಡಿದ್ದು ಚೆನ್ನೈ ತಂಡ 6 ಓವರ್ ಅಂತ್ಯಕ್ಕೆ ಕೇವಲ ಒಂದು ವಿಕೆಟ್ ಕಳೆದುಕೊಂಡು 55 ರನ್ ಗಳಿಸಿದೆ.

ಚೆನ್ನೈ ತಂಡ 5 ಓವರ್‌ನಲ್ಲಿ 46 ರನ್ ಗಳಿಸಿದೆ. ತಂಡದ ನಾಯಕ ವಿಕ್ರಾಂತ್ 15 ಬಾಲ್‌ಗಳಲ್ಲಿ 25 ರನ್‌ಗಳನ್ನು ಬಾರಿಸಿದ್ಧಾರೆ. ಪೃಥ್ವಿ 1 ಸಿಕ್ಸರ್ 1 ಬೌಂಡರಿ ಮೂಲಕ 15 ರನ್ ಗಳಿಸಿದ್ದಾರೆ.

ಕರಣ್ ಆರ್ಯನ್ ತಮ್ಮ ಮೊದಲ ಓವರ್‌ನಲ್ಲಿ ಕಾಸ್ಟ್ಲೀಯಾಗಿ ಸಾಬೀತು ಆಗಿದ್ದಾರೆ. 20 ರನ್‌ಗಳನ್ನು ನೀಡಿದ್ದಾರೆ. ಪರಿಣಾಮ ಚೆನ್ನೈ 4 ಓವರ್ ಅಂತ್ಯಕ್ಕೆ 42 ರನ್ ಗಳಿಸುವಲ್ಲಿ ಯಶಸ್ವಿಯಾಗಿದೆ. ವಿಕ್ರಾಂತ್ ಬ್ಯಾಟಿಂಗ್ ಆಡುತ್ತಿದ್ದು ಪೃಥ್ವಿ ಮತ್ತೊಂದು ಬದಿಯಲ್ಲಿ ಬ್ಯಾಟಿಂಗ್ ಆಡುತ್ತಿದ್ದಾರೆ.

ಸುನಿಲ್ ರಾವ್ ಕರ್ನಾಟಕ ತಂಡಕ್ಕೆ ಬೇಕಿದ್ದ ಮೊದಲ ವಿಕೆಟ್‌ ಕಬಳಿಸಿದ್ದಾರೆ. ಖಾತೆ ತೆರೆಯಲು ಹರಸಾಹಸ ಪಡುತ್ತಿದ್ದ ರಮಣ ಅವರನ್ನು ಪೆವಿಲಿಯನ್‌ಗೆ ಕಳಿಸಿದ್ದಾರೆ. ರಮಣ ಶೂನ್ಯಕ್ಕೆ ಔಟಾಗಿದ್ದು ಚೆನ್ನೈ 3 ಓವರ್‌ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ 22 ರನ್ ಗಳಿಸಿದೆ.

ಎರಡನೇ ಓವರ್ ಬೌಲಿಂಗ್ ಮಾಡಿದ ಜೆಕೆ ತಮ್ಮ ಮೊದಲ ಓವರ್‌ನಲ್ಲಿ 9 ರನ್‌ಗಳನ್ನು ನೀಡಿದ್ದಾರೆ. ಚೆನ್ನೈ ತಂಡದ ನಾಯಕ ವಿಕ್ರಾಂತ್ 14 ರನ್ ಗಳಿಸಿದ್ದರೆ ರಮಣ ಇನ್ನು ಖಾತೆ ತೆರೆಯಬೇಕಿದೆ. ಸದ್ಯ 2 ಓವರ್‌ಗಳಲ್ಲಿ ವಿಕೆಟ್ ನಷ್ಟ ಇಲ್ಲದೇ 15 ರನ್ ಗಳಿಸಿದೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ ನೀಡಿದ 111 ರನ್‌ಗಳ ಗುರಿಯನ್ನು ಬೆನ್ನತ್ತಿರುವ ಚೆನ್ನೈ ತಂಡ ಮೊದಲ ಓವರ್‌ನಲ್ಲಿ ಆರು ರನ್ ಗಳಿಸಿದೆ. ಕರ್ನಾಟಕ ತಂಡದ ಪರ ಸುನಿಲ್ ರಾವ್ ಮೊದಲ ಓವರ್ ಬೌಲ್ ಮಾಡಿದ್ದು ವಿಕ್ರಾಂತ್ ಮತ್ತು ರಮಣ ಆರಂಭಿಕರಾಗಿ ಚೆನ್ನೈ ಪರ ಕಣಕ್ಕಿಳಿದಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡ 100 ರನ್‌ಗಳ ಗಡಿಯನ್ನು ದಾಟಿದೆ. ಜೆಕೆ 7 ಬಾಲ್‌ಗಳಲ್ಲಿ 15 ರನ್ ಗಳಿಸಿದರೆ ಕರಣ್ ಆರ್ಯನ್ 2 ಎಸೆತಗಳಲ್ಲಿ 5 ರನ್ ಬಾರಿಸಿ ಅಜೇಯರಾಗಿ ಉಳಿದಿದ್ದಾರೆ. ಚೆನ್ನೈ ತಂಡದ ಪರ ಕಲೈರಸನ್ 2 ವಿಕೆಟ್ ಕಬಳಿಸಿದ್ದು ಮೊದಲ ಇನಿಂಗ್ಸ್‌ನಲ್ಲಿ ಕರ್ನಾಟಕ ತಂಡ ಹತ್ತು ಓವರ್‌ಗಳಲ್ಲಿ 111 ರನ್‌ಗಳನ್ನು ಗಳಿಸಿದೆ.

ರಾಜೀವ್ ಔಟಾದ ನಂತರ ಬಚ್ಚನ್ ಮತ್ತು ಜೆ.ಕೆ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದು ಬಚ್ಚನ್ ಸದ್ಯ ಮೊದಲ ಎಸೆತದಲ್ಲಿಯೇ ಸಿಕ್ಸರ್ ಸಿಡಿಸಿ 6 ರನ್ ಗಳಿಸಿ ಆ ನಂತರ ತಮ್ಮ ವಿಕೆಟ್ ಒಪ್ಪಿಸಿ ಪೆವಿಲಿಯನ್ ಸೇರಿದ್ಧಾರೆ. ಜೆಕೆ ಎರಡು ಬಾಲ್‌ಗಳಲ್ಲಿ ಮೂರು ರನ್ ಗಳಿಸಿದ್ದು 9 ಓವರ್ ಅಂತ್ಯಕ್ಕೆ ಕರ್ನಾಟಕ ತಂಡ 94 ರನ್ ಗಳಿಸಿದೆ.

ಅತ್ಯುತ್ತಮವಾಗಿ ಆಡುತ್ತಿದ್ದ ರಾಜೀವ್ 28 ಎಸೆತಗಳಲ್ಲಿ 53 ರನ್ ಗಳಿಸಿ ಔಟಾಗಿದ್ಧಾರೆ. ಸದ್ಯ ತಂಡದ ಮೊತ್ತ 85 ರನ್ ಗಳಾಗಿದ್ದು ಕರ್ನಾಟಕ ತಂಡ 3 ವಿಕೆಟ್ ಕಳೆದುಕೊಂಡಿದೆ. ಮೊದಲ ಇನಿಂಗ್ಸ್‌ ಮುಕ್ತಾಯವಾಗಲು ಇನ್ನು 09 ಎಸೆತಗಳು ಬಾಕಿ ಇವೆ.

ದಸರತಿ 08ನೇ ಓವರ್‌ನಲ್ಲಿ ತುಂಬಾನೇ ಕರಾರುವಕ್ಕಾದ ದಾಳಿಯನ್ನು ಮಾಡಿದ್ಧಾರೆ.ಮೊದಲ ನಾಲ್ಕು ಎಸೆತಗಳಲ್ಲಿ ಸಿಂಗಲ್ ರನ್ ತೆಗೆದುಕೊಳ್ಳುವ ಅವಕಾಶವನ್ನು ದಸರತಿ ನೀಡಲಿಲ್ಲ. ಈ ಹಿನ್ನೆಲೆ ಒತ್ತಡಕ್ಕೊಳಗಾದ ಕರ್ನಾಟಕ ಬುಲ್ಡೋಜರ್ಸ್ ತಂಡದ ಚಂದನ್ ಕುಮಾರ್ ರನ್ ಕದಿಯುವ ಭರದಲ್ಲಿ ರನೌಟ್ ಆಗಿದ್ಧಾರೆ. 08 ಓವರ್ ಅಂತ್ಯಕ್ಕೆ ತಂಡದ ಮೊತ್ತ ಎರಡು ವಿಕೆಟ್ ನಷ್ಟಕ್ಕೆ 82 ರನ್‌ಗಳಾಗಿವೆ.

ಡಾರ್ಲಿಂಗ್ ಕೃಷ್ಣ ಔಟಾದ ನಂತರವೂ ಆಕ್ರಮಣಕಾರಿ ಬ್ಯಾಟಿಂಗ್‌ನ ಮುಂದುವರೆಸಿರುವ ರಾಜೀವ್, 6ನೇ ಓವರ್‌ನಲ್ಲಿ ಎರಡು ಬೌಂಡರಿಗಳನ್ನು ಸಿಡಿಸಿದ್ದಾರೆ. 22 ಎಸೆತಗಳಲ್ಲಿ 47 ರನ್ ಗಳಿಸಿ ಆಟವಾಡುತ್ತಿದ್ದಾರೆ. ಸದ್ಯ 7 ಓವರ್‌ಗಳಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡ 75 ರನ್ ಗಳಿಸಿದ್ದು ಚಂದನ್ ಕುಮಾರ್ 2 ರನ್ ಗಳಿಸಿ ಆಟವಾಡುತ್ತಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ತಂಡದ ಪರ ಇಲ್ಲಿಯವರೆಗೆ ಅತ್ಯುತ್ತಮವಾಗಿ ಆಡಿಕೊಂಡು ಬಂದ ಡಾರ್ಲಿಂಗ್ ಕೃಷ್ಣ, ಸೆಮಿಫೈನಲ್‌ ಪಂದ್ಯದಲ್ಲಿ ವಿಕೆಟ್ ಚೆಲ್ಲಿದ್ದಾರೆ. ಆಧವ್ ಬೌಲಿಂಗ್‌ನಲ್ಲಿ ಕ್ಲೀನ್ ಬೋಲ್ಡ್ ಆಗಿ ಹೊರ ನಡೆದಿದ್ದಾರೆ. 18 ಎಸೆತಗಳಲ್ಲಿ 25 ರನ್ ಗಳಿಸಿ ಕೃಷ್ಣ ಔಟಾಗಿದ್ದು ಸದ್ಯ ಚಂದನ್ ಕುಮಾರ್ ಕ್ರೀಸ್‌ಗೆ ಬಂದಿದ್ದಾರೆ.

5 ಓವರ್‌ಗಳಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡ 50 ರನ್ ಗಳಿಸಿದೆ. ರಾಜೀವ್ ಮತ್ತು ಕೃಷ್ಣ ನಡುವೆ 50 ರನ್‌ಗಳ ಪಾರ್ಟ್ನರ್‌ಶಿಫ್ ಕೂಡ ಈ ಮೂಲಕ 50 ರನ್‌ಗಳ ಗಡಿಯನ್ನು ದಾಟಿದೆ. ಕೃಷ್ಣ 2 ಬೌಂಡರಿಗಳನ್ನು ಬಾರಿಸಿದ್ದರೆ ರಾಜೀವ್ ಐದನೇ ಓವರ್‌ನ ಐದನೇ ಎಸೆತದಲ್ಲಿ ಸಿಕ್ಸರ್ ಸಿಡಿಸಿದ್ದಾರೆ. ಐದು ಓವರ್‌ಗಳ ಅಂತ್ಯಕ್ಕೆ ತಂಡದ ಮೊತ್ತ ವಿಕೆಟ್ ನಷ್ಟ ಇಲ್ಲದೇ 53 ರನ್ ಆಗಿದೆ.

4 ಓವರ್‌ನಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡ 36 ರನ್ ಗಳಿಸಿದೆ. ಡಾರ್ಲಿಂಗ್ ಕೃಷ್ಣ 16 ಮತ್ತು ರಾಜೀವ್ 19 ರನ್ ಗಳಿಸಿ ಆಟವಾಡುತ್ತಿದ್ದಾರೆ. ಕೃಷ್ಣ 1 ಫೋರ್ ಮತ್ತು 1 ಸಿಕ್ಸರ್ ಸಿಡಿಸಿದ್ದರೆ ರಾಜೀವ್ 3 ಬೌಂಡರಿಗಳನ್ನು ಬಾರಿಸಿದ್ದಾರೆ.

ಮೊದಲ ಓವರ್‌ನಲ್ಲಿ ಕೇವಲ 2 ರನ್ ನೀಡಿದ್ದ ವಿಕ್ರಾಂತ್ ಗೆ ಎರಡನೇ ಓವರ್‌ನಲ್ಲಿ ಡಾರ್ಲಿಂಗ್ ಕೃಷ್ಣ ಮತ್ತು ರಾಜೀವ್ ಬೆವರು ಇಳಿಸಿದ್ದಾರೆ. ಮೊದಲ ಮತ್ತು ಮೂರನೇ ಎಸೆತದಲ್ಲಿ ರಾಜೀವ್ ಬೌಂಡರಿ ಬಾರಿಸಿದರೆ ಐದನೇ ಎಸೆತದಲ್ಲಿ ಡಾರ್ಲಿಂಗ್ ಕೃಷ್ಣ ಚೆಂಡನ್ನು ಬೌಂಡರಿ ಗೆರೆ ದಾಟಿಸಿದ್ಧಾರೆ. ಮೂರು ಓವರ್ ಅಂತ್ಯಕ್ಕೆ ಸದ್ಯ 30 ರನ್‌ಗಳನ್ನು ಕರ್ನಾಟಕ ತಂಡ ಗಳಿಸಿದೆ.

ಶರಣ್ ಎಸೆದ ಎರಡನೇ ಬಾಲ್‌ನ ರಾಜೀವ್ ಬೌಂಡರಿಗೆ ಅಟ್ಟಿದ್ದರೆ, ನಾಲ್ಕನೇ ಬಾಲ್‌ನಲ್ಲಿ ಡಾರ್ಲಿಂಗ್ ಕೃಷ್ಣ ಸಿಕ್ಸರ್ ಸಿಡಿಸಿದ್ದಾರೆ. 4 ಎಸೆತಗಳಲ್ಲಿ ರಾಜೀವ್ ಸದ್ಯ 6 ರನ್ ಗಳಿಸಿದ್ದು ಕೃಷ್ಣ 8 ಎಸೆತಗಳಲ್ಲಿ 9 ರನ್ ಬಾರಿಸಿದ್ದಾರೆ. ಕರ್ನಾಟಕ ತಂಡದ ಸ್ಕೋರ್ 2 ಓವರ್ ಅಂತ್ಯಕ್ಕೆ ವಿಕೆಟ್ ನಷ್ಟ ಇಲ್ಲದೇ 15 ರನ್‌ಗೆ ತಲುಪಿದೆ.

ಮೊದಲ ಓವರ್‌ನಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡ ಕೇವಲ ಎರಡು ರನ್ ಮಾತ್ರ ಗಳಿಸಿದೆ. ಡಾರ್ಲಿಂಗ್ ಕೃಷ್ಣ 5 ಎಸೆತಗಳಲ್ಲಿ 1 ರನ್ ಗಳಿಸಿದ್ದರೆ ರಾಜೀವ್ 1 ಎಸೆತವನ್ನು ಎದುರಿಸಿ 1 ರನ್ ಗಳಿಸಿದ್ದಾರೆ.

ಮೈಸೂರಿನಲ್ಲಿ ನಡೆಯುತ್ತಿರುವ ಮಹತ್ವದ ಪಂದ್ಯದಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡ ಟಾಸ್ ಸೋತಿದ್ದು ಚೆನ್ನೈ ತಂಡ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿದೆ. ಡಾರ್ಲಿಂಗ್ ಕೃಷ್ಣ ಮತ್ತು ರಾಜೀವ್ ತಂಡದ ಪರ ಇನಿಂಗ್ಸ್ ಆರಂಭಿಸಿದ್ದು ಮೊದಲ ಓವರ್‌ ಹಾಕುವ ಜವಾಬ್ಧಾರಿಯನ್ನು ವಿಕ್ರಾಂತ್ ವಹಿಸಿಕೊಂಡಿದ್ಧಾರೆ.

ಮೈಸೂರಿನಲ್ಲಿ ಕಿಚ್ಚ ಸುದೀಪ್ ಅಭಿಮಾನಿಗಳು ಕಿಕ್ಕಿರಿದು ಸೇರಿದ್ದಾರೆ. ಕರ್ನಾಟಕ ಬುಲ್ಡೋಜರ್ಸ್ ಹಾಗೂ ಚೆನ್ನೈ ರೈನೋಸ್ ನಡುವಿನ ರೋಚಕ ಪಂದ್ಯವನ್ನು ವೀಕ್ಷಿಸುವುದಕ್ಕೆ ತುದಿಗಾಲಲ್ಲಿ ನಿಂತಿದ್ದಾರೆ.

ಸಿಸಿಎಲ್ 2025ರ 2ನೇ ಸೆಮಿಫೈನಲ್ ಪಂದ್ಯ ಕರ್ನಾಟಕ ಬುಲ್ಡೋಜರ್ಸ್ ಹಾಗೂ ಚೆನ್ನೈ ರೈನೋಸ್ ಪಂದ್ಯದ ಮಧ್ಯೆ ನಡೆಯಲಿದೆ. ಈಗಾಗಲೇ ಕರ್ನಾಟಕ ಬುಲ್ಡೋಜರ್ಸ್ ತಂಡ ಮೈದಾನಕ್ಕೆ ಪ್ರವೇಶ ಮಾಡಿದ್ದಾರೆ. ತಮ್ಮ ತಂಡಕ್ಕೆ ಬಸ್‌ನಲ್ಲಿ ಕಿಚ್ಚ ಸುದೀಪ್ ಹುರಿದುಂಬಿಸಿದ್ದಾರೆ.

ಬೆಂಗಲ್ ಟೈಗರ್ಸ್ ತಂಡದವನ್ನು ಸೋಲಿಸಿ ಫೈನಲ್ ಪ್ರವೇಶಿಸಿದ ಪಂಜಾಬ್ ದೇ ಶೇರ್. ಕೇವಲ 6.2 ಓವರ್‌ಗಳಲ್ಲಿ 65 ರನ್‌ಗಳನ್ನು ಕಲೆ ಹಾಕಿ ಇದೇ ಮೊದಲ ಬಾರಿಗೆ ಫೈನಲ್ ಪ್ರವೇಶಿಸಿದೆ. ಹಾಡ್ತಿ 23 ರನ್, ಅನುಜ್ 34 ರನ್‌ಗಳನ್ನು ಗಳಿಸಿದೆ.

ಬೆಂಗಾಲ್ ಟೈಗಲ್ ಸೋಲಿನ ಸುಳಿಯಲ್ಲಿ ಸಿಲುಕಿದ್ದರೂ ಕಠಿಣ ಪೈಪೋಟಿ ನೀಡುತ್ತಿದೆ. ಪಂಜಾಬ್‌ನ 2ನೇ ವಿಕೆಟ್‌ ಅನ್ನು ಕಿತ್ತು ಫೈಟ್ ಮುಂದುವರೆಸಿದೆ. 6ನೇ ಒವರ್‌ನಲ್ಲಿ 54 ರನ್‌ಗೆ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ಪಂಜಾಬ್ ತಂಡದ ಮೊದಲ ವಿಕೆಟ್ ಉರುಳಿದೆ. ನಾಯಕ ಹಾರ್ಡಿ 13 ಎಸೆತಗಳಲ್ಲಿ 23 ರನ್‌ಗಳನ್ನು ಗಳಿಸಿ ಪೆವಿಲಿಯನ್‌ಗೆ ಮರಳಿದ್ದಾರೆ. ಆದರೆ, ಪಂಜಾಬ್ ಗೆಲುವಿಗೆ 33 ಎಸೆತಗಳಲ್ಲಿ ಕೇವಲ 20ರನ್‌ಗಳು ಬೇಕಿದೆ.

ಪಂಜಾಬ್ ದೆ ಶೇರ್ 4 ಓವರ್‌ಗಳಲ್ಲಿ 44 ರನ್‌ಗಳನ್ನು ಕಲೆ ಹಾಕಿದೆ. ಒಂದೂ ವಿಕೆಟ್‌ ನಷ್ಟವಿಲ್ಲ. ಪಂಜಾಬ್ ತಂಡದ ನಾಯಕ ಹಾರ್ಡಿ 23 ರನ್ ಗಳಿಸಿದ್ದರೆ, ಅನೂಜ್ 19 ರನ್ ಗಳಿಸಿದ್ದಾರೆ.

ಪಂಜಾಬ್ ದೆ ಶೇರ್ ಆರಂಭದಲ್ಲಿ ಉತ್ತಮ ಬ್ಯಾಟಿಂಗ್ ಮಾಡುತ್ತಿದೆ. ಕೇವಲ 3 ಓವರ್‌ಗಳಲ್ಲಿ 36 ರನ್‌ಗಳನ್ನು ಕಲೆ ಹಾಕಿದ್ದು, ಯಾವುದೇ ವಿಕೆಟ್‌ಗಳ ನಷ್ಟವಿಲ್ಲ. ನಿರೀಕ್ಷೆಯಂತೆ ಬೇಗನೇ ಈ ಪಂದ್ಯ ಮುಗಿಸುವ ತರಾತುರಿಯಲ್ಲಿದೆ.

ಪಂಜಾಬ್‌ಗೆ ಉತ್ತಮ ಆರಂಭ ಪಡೆದುಕೊಂಡಿದೆ. ಬೆಂಗಾಲ್ ಟೈಗರ್ಸ್ ನೀಡಿದ ಅಲ್ಪ ಮೊತ್ತದ ಬೆನ್ನು ಹತ್ತಿರುವ ಪಂಜಾಬ್ ದೆ ಶೇರ್ ಎರಡು ಓವರ್‌ಗಳಲ್ಲಿ ಯಾವುದೇ ವಿಕೆಟ್‌ಗಳನ್ನು ಕಳೆದುಕೊಳ್ಳದೆ 20 ರನ್‌ಗಳನ್ನು ಕಲೆ ಹಾಕಿದೆ.

ಪಂಜಾಬ್ ದೆ ಶೇರ್ ತಂಡ ಗೆಲ್ಲಲು ಕೇವಲ 65 ರನ್‌ಗಳ ಬೇಕಿದೆ. ಅಲ್ಪ ಮೊತ್ತದ ಗುರಿಯನ್ನು ಪಂಜಾಬ್ ಬೆನ್ನು ಹತ್ತಿದ್ದು, ಮೊದಲ ಓವರ್‌ಗೆ ಯಾವುದೇ ವಿಕೆಟ್ ನಷ್ಟವಿಲ್ಲದೆ 6 ರನ್‌ ಗಳಿಸಿದೆ.

ಬೆಂಗಾಲ್ ಟೈಗರ್ಸ್ 2ನೇ ಇನ್ನಿಂಗ್ಸ್‌ನಲ್ಲಿ 10 ಓವರ್‌ಗಳನ್ನು ಆಡುವುದಕ್ಕೆ ಪರದಾಡಿದ್ದು, ಇನ್ನೂ ಎರಡು ಎಸೆತ ಇರುವಂತೆ ಆಲ್‌ ಔಟ್ ಆಗಿದೆ. ಎರಡನೇ ಇನ್ನಿಂಗ್ಸ್‌ನಲ್ಲಿ ಕೇವಲ 71 ರನ್ ಗಳಿಸಿದ್ದು, ಪಂಜಾಬ್ ದೆ ಶೇರ್‌ಗೆ 65ರನ್‌ಗಳ ಗುರಿ ನೀಡಿದೆ.

ಪಂಜಾಬ್ ದೆ ಶೇರ್ ಮುಂದೆ ಬೆಂಗಾಲ್ ಟೈಗರ್ಸ್ ತೀರಾ ಕಳಪೆ ಪ್ರದರ್ಶನ ನೀಡಿದೆ. 9ನೇ ಓವರ್‌ನಲ್ಲಿ ಬೆಂಗಾಲ್ ಮತ್ತೊಂದು ವಿಕೆಟ್‌ ಅನ್ನು ಕಳೆದುಕೊಂಡಿದೆ. ಸದ್ಯ 9 ಓವರ್‌ಗಳ ಮುಕ್ತಾಯಕ್ಕೆ 67 ರನ್‌ಗಳನ್ನು ಗಳಿಸಿದ್ದು, ಬ್ಯಾಕ್‌ ಟು ಬ್ಯಾಕ್ ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಸದ್ಯ 9 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ಬೆಂಗಾಲ್ ಟೈಗರ್ಸ್ ತಂಡ 8ನೇ ಓವರ್‌ನಲ್ಲಿ 7ನೇ ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಉತ್ತಮವಾಗಿ ಬ್ಯಾಟಿಂಗ್ ಮಾಡುತ್ತಿದ್ದ ಯೂಸುಫ್ 24 ರನ್‌ಗೆ ಔಟ್ ಆದರೆ, ಅದರ ಹಿಂದೆನೇ ಅಖಾಡಕ್ಕೆ ಇಳಿದಿದ್ದ ಆನಂದ ರನ್‌ ಔಟ್ ಆಗಿದ್ದಾರೆ.

ಸಿಸಿಎಲ್ ಫೈನಲ್ ತಲುಪ ಬಹುದು ಎಂದು ನಿರೀಕ್ಷೆ ಹುಟ್ಟಿಸಿದ್ದ ಬೆಂಗಲ್ ಟೈಗರ್ 2ನೇ ಇನ್ನಿಂಗ್ಸ್‌ನ 7ನೇ ಓವರ್‌ನಲ್ಲಿ 57 ರನ್‌ ಗಳಿಸಿದ್ದು, ಐದು ವಿಕೆಟ್‌ಗಳನ್ನು ಕಳೆದುಕೊಂಡಿದೆ. ಇನ್ನು ಪಂಜಾಬ್‌ ತಂಡ ಕೂಡ ಉತ್ತಮ ಬೌಲಿಂಗ್ ಮಾಡುತ್ತಿದೆ.

ಪಂಜಾಬ್ ದೆ ಶೇರ್ ತಂಡ ಬೆಂಗಾಲ್ ಟೈಗರ್ಸ್ ತಂಡವನ್ನು ಕಟ್ಟಿ ಹಾಕುತ್ತಿದೆ. ಓವರ್‌ಗೆ ಒಂದೊಂದು ವಿಕೆಟ್‌ ಅಂತ ಕಳೆದುಕೊಳ್ಳುತ್ತಲೇ ಇದೆ. 6 ಓವರ್‌ಗಳಲ್ಲಿ ಬೆಂಗಾಲ್ ಟೈಗರ್ಸ್ ತಂಡ 51 ರನ್‌ಗಳನ್ನು ಗಳಿಸಿದ್ದು, 5 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ಬೆಂಗಾಲ್ ಟೈಗರ್‌ 5ನೇ ಒವರ್‌ನಲ್ಲಿ ಕೊಂಚ ಮಟ್ಟಿಗೆ ಚೇತರಿಸಿಕೊಂಡಿದೆ. ತಂಡದ ನಾಯಕ ಜಿಶ್ಸು ಸೇನ್ ಅಖಾಡಕ್ಕೆ ಇಳಿದಿದ್ದು, ಎರಡು ಸಿಕ್ಸ್ ಬಾರಿಸಿದ್ದಾರೆ. ಈ ಕಾರಣಕ್ಕೆ 38 ರನ್‌ಗಳನ್ನು ಕಲೆ ಹಾಕುವಂತಾಗಿತ್ತು. ಆದರೆ, ಐದನೇ ಓವರ್‌ನ ಮೊದಲ ಎಸೆತದಲ್ಲೇ ಜಿಶ್ಸು ಸೇನ್‌ಗುಪ್ತಾ ವಿಕೆಟ್ ಒಪ್ಪಿಸಿದ್ದಾರೆ.

ನಾಲ್ಕನೇ ಓವರ್‌ನಲ್ಲಿ ಮತ್ತೊಂದು ವಿಕೆಟ್ ಉರುಳಿದೆ. ಬೆಂಗಾಲ್ ಟೈಟರ್ಸ್ ತಂಡದ ಮತ್ತೊಂದು ಬ್ಯಾಟ್ಸ್‌ಮ್ಯಾನ್ ಜಾಯ್ ಆಕ್ರಮಣಕಾರಿ ಬ್ಯಾಟಿಂಗ್ ಮಾಡುವುದಕ್ಕೆ ಹೋಗಿ ವಿಕೆಟ್ ಕಳೆದುಕೊಂಡಿದ್ದಾರೆ. ಸದ್ಯ ಬೆಂಗಾಲ್ ಟೈಗರ್ಸ್ 4 ಓವರ್‌ಗಳಲ್ಲಿ 22 ರನ್ ಗಳಿಸಿ 4 ವಿಕೆಟ್ ಕಳೆದುಕೊಂಡಿದೆ.

ಬೆಂಗಾಲ್ ಟೈಗರ್ಸ್ ತಂಡ ಎರಡನೇ ಇನ್ನಿಂಗ್ಸ್‌ನಲ್ಲೂ ಆರಂಭಿಕ ಆಘಾತ ಕಂಡಿದೆ. ಮೊದಲ ಮೂರು ಓವರ್‌ಗಳಲ್ಲಿ ಮೂರು ವಿಕೆಟ್‌ಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ. ಸದ್ಯ ಮೂರು ಒವರ್‌ಗಳಲ್ಲಿ 11 ರನ್ ಗಳಿಸಿ 3 ವಿಕೆಟ್ ಕಳೆದುಕೊಂಡಿದೆ.

ಬೆಂಗಲ್‌ ಟೈಗರ್ಸ್ ತಂಡದ ಇಕ್ಕಟ್ಟಿಗೆ ಸಿಲುಕಿದೆ. ಒಂದೇ ಒಂದು ಪಂದ್ಯ ಸೋಲದೆ ಸೆಮಿ ಫೈನಲ್ ಪ್ರವೇಶಿಸಿದ್ದ ತಂಡ ಕಳಪೆ ಪ್ರದರ್ಶನ ನೀಡುತ್ತಿದೆ. ಮೂರನೇ ಓವರ್‌ನಲ್ಲಿ ಮತ್ತೊಂದು ಪ್ರಮುಖ ವಿಕೆಟ್ ಕಳೆದುಕೊಂಡಿದೆ.

ಎರಡನೇ ಇನ್ನಿಂಗ್ಸ್‌ನಲ್ಲಿ ಆರಂಭದಲ್ಲಿಯೇ ಬೆಂಗಲ್ ಟೈಗರ್ಸ್ ತಂಡ ಇಕ್ಕಟ್ಟಿಗೆ ಸಿಲುಕಿದೆ. 2ನೇ ಓವರ್‌ನಲ್ಲಿ 2ನೇ ವಿಕೆಟ್ ಅನ್ನು ಕಳೆದುಕೊಂಡಿದೆ. ಸದ್ಯ ಎರಡು ಓವರ್‌ಗಳ ಮುಕ್ತಾಯಕ್ಕೆ 5 ರನ್‌ಗಳನ್ನು ಗಳಿಸಿದ್ದು, 2 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.

ಬೆಂಗಲ್ ಟೈಗರ್ಸ್ 2ನೇ ಇನ್ನಿಂಗ್ಸ್‌ನ ಮೊದಲ ಓವರ್‌ನಲ್ಲಿ ಮೊದಲ ವಿಕೆಟ್ ಅನ್ನು ಕಳೆದುಕೊಂಡಿದೆ. ಮೊದಲ ಓವರ್‌ನಲ್ಲಿ ಕೇವಲ 2 ರನ್‌ಗಳನ್ನು ಮಾತ್ರ ಕಲೆ ಹಾಕಿದೆ. ಪಂಜಾಬ್ ದೇ ಶೇರ್ ಉತ್ತಮ ಬೌಲಿಂಗ್ ಮಾಡುತ್ತಿದೆ.

ಬೆಂಗಾಲ್ ಟೈಗರ್ಸ್ ಹಾಗೂ ಪಂಜಾಬ್ ದೆ ಶೇರ್ ತಂಡದ ನಡುವಿನ ಸೆಮಿ ಫೈನಲ್ ಪಂದ್ಯದ ಎರಡನೇ ಇನ್ನಿಂಗ್ಸ್ ಆರಂಭ ಆಗಿದೆ. ಮೊದಲ ಇನ್ನಿಂಗ್ಸ್‌ನಲ್ಲಿ ಬೆಂಗಾಲ್ ಟೈಟರ್ಸ್‌ ಅನ್ನು ಪಂಜಾಬ್ ದಿ ಶೇರ್ ಸಾಧಾರಣ ಮೊತ್ತಕ್ಕೆ ಕಟ್ಟಿ ಹಾಕಿತ್ತು. ಹಾಗೇ ಬೆಂಗಾಲ್ ಟೈಗರ್ಸ್ ಕೂಡ ಪಂಜಾಬ್‌ ಬ್ಯಾಟಿಂಗ್ ಅನ್ನು ನಿಯಂತ್ರಿಸಿದೆ.

ಬೆಂಗಾಲ್ ಪರ ಮಿಂಚಿದ್ದ ರಾಜುಲ್ ಮಜುಮ್ದಾರ್ ಅವರ ಕರಾರುವಕ್ಕಾದ ಬೌಲಿಂಗ್ ನಿಂದ ಕೊನೆಯ ಓವರ್ ನಲ್ಲಿ ಪಂಜಾಬ್ ತಂಡ ರನ್ ಗಳಿಸಲು ಪರದಾಡಿದೆ. ನಿಂಜಾ ವಿಕೆಟ್ ಕೂಡ ಕಳೆದುಕೊಂಡಿದೆ. ಜೊತೆಯಲ್ಲಿ ದಕ್ಷ್ ಸಿಂಗ್ ಮತ್ತು ಮಯೂರ್ ಮೆಹ್ತಾ ವಿಕೆಟ್ ಕೂಡಾ ಕಳೆದುಕೊಂಡಿದೆ. ಅಂತಿಮವಾಗಿ ಪಂಜಾಬ್ ತನ್ನ ಮೊದಲ ಇನಿಂಗ್ಸ್ ನಲ್ಲಿ 95 ರನ್ ಗಳಿಸಿದ್ದು ಬೆಂಗಾಲ್ ಮೇಲೆ 7 ರನ್ ಗಳ ಲೀಡ್ ನ ಪಂಜಾಬ್ ಪಡೆದಿದೆ. 10 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 95 ರನ್ ಗಳಿಸಿದೆ

ಪಂಜಾಬ್ ತಂಡ ಬೆಂಗಾಲ್ ವಿರುದ್ದ 4 ರನ್ ಗಳ ಮುನ್ನಡೆಯನ್ನು ಸಾಧಿಸಿದೆ. ನಾಯಕ ಹಾರ್ಡಿ ಸಂಧು 18 ರನ್ ಗಳಿಸಿ ಆಟವಾಡುತ್ತಿದ್ದು 9 ಓವರ್ ಅಂತ್ಯಕ್ಕೆ ಪಂಜಾಬ್ ತಂಡ 4 ವಿಕೆಟ್ ನಷ್ಟಕ್ಕೆ 92 ರನ್ ಗಳಿಸಿದೆ

ಪಂಜಾಬ್ ತನ್ನ ಮೊದಲ ಇನಿಂಗ್ಸ್ ನಲ್ಲಿ 8 ಓವರ್ ಅಂತ್ಯಕ್ಕೆ 81 ರನ್ ಗಳನ್ನು ಕಲೆ ಹಾಕಿದೆ. ಇನ್ನೂ ಹನ್ನೆರಡು ಎಸೆತ ಬಾಕಿ ಇದ್ದು ಪಂಜಾಬ್ ಗೆ ಮುನ್ನಡೆ ಪಡೆಯಲು 8 ರನ್ ಗಳ ಅವಶ್ಯಕತೆ ಇದೆ. ಈ 12 ಬಾಲ್ ಗಳಲ್ಲಿ ಪಂಜಾಬ್ ಎಷ್ಟು ಗಳಿಸುತ್ತೆ ಎನ್ನುವುದನ್ನು ನೋಡಬೇಕಿದೆ

88 ರನ್ ಗಳ ಗುರಿಯನ್ನು ಬೆನ್ನತ್ತಿರುವ ಪಂಜಾಬ್ ಕೇವಲ 15 ರನ್ ಗಳಿಂದ ಹಿಂದಿದೆ. ಮೊದಲ ಇನಿಂಗ್ಸ್ ನಲ್ಲಿ ಮುನ್ನಡೆ ಪಡೆಯುವ ಅವಕಾಶ ಇದ್ದು ಪಂಜಾಬ್ 7ನೇ ಓವರ್ ಅಂತ್ಯಕ್ಕೆ 4 ವಿಕೆಟ್ ನಷ್ಟಕ್ಕೆ 73 ರನ್ ಗಳನ್ನು ಗಳಿಸಿದೆ.

5 ನೇ ಓವರ್ ನ ಕೊನೆಯ ಎಸೆತದಲ್ಲಿ ಅನುಜ್ ವಿಕೆಟ್ ನ ಪಡೆಯುವಲ್ಲಿ ಉದಯ್ ಪ್ರತಾಪ್ ಸಿಂಗ್ ಯಶಸ್ವಿಯಾಗಿದ್ದಾರೆ. ಅನುಜ್ 7 ಎಸೆತಗಳಲ್ಲಿ 16 ರನ್ ಗಳಿಸಿದ್ದು ಪಂಜಾಬ್ ನಾಯಕ ಹಾರ್ಡಿ ಸಂಧು ಬ್ಯಾಟಿಂಗ್ ಮಾಡಲು ಬಂದಿದ್ದಾರೆ.‌ ಪಂಜಾಬ್ ಸದ್ಯ 6 ಓವರ್ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 66 ರನ್ ಗಳಿಸಿದೆ

ಬೆಂಗಾಲ್ ತಂಡದ ಪರ ಬ್ಯಾಟಿಂಗ್ ನಲ್ಲಿ ಕ್ಲಿಕಾಗದ ಉದಯ್ ಪ್ರತಾಪ್ ಸಿಂಗ್ ತಮ್ಮ ಮೊದಲ ಓವರ್ ನಲ್ಲಿ 22 ರನ್ ಗಳನ್ನು ಪಂಜಾಬ್ ತಂಡಕ್ಕೆ ಬಿಟ್ಟು ಕೊಟ್ಟಿದ್ದಾರೆ. ಪರಿಣಾಮ ಪಂಜಾಬ್ ತಂಡ 5 ಓವರ್ ಗಳಲ್ಲಿ 52 ರನ್ ಗಳನ್ನು ಗಳಿಸುವಲ್ಲಿ ಯಶಸ್ವಿಯಾಗಿದೆ.

ಆರಂಭಿಕನಾಗಿ ಬಂದ ಕರಣ್ ಎಚ್ಚರಿಕೆಯ ಆಟವನ್ನು ಆಡುತ್ತಿದ್ದಾರೆ. 7 ಎಸೆತಗಳಲ್ಲಿ 7 ರನ್ ಗಳನ್ನು ಕರಣ್ 2ರನ್ ಗಳಿಸಿರುವ ಅನುಜ್ ಸಾಥ್ ನೀಡುತ್ತಿದ್ದಾರೆ. 4 ಓವರ್ ಅಂತ್ಯಕ್ಕೆ 30 ರನ್ ಗಳನ್ನು ಪಂಜಾಬ್ ಕಲೆ ಹಾಕಿದೆ

ಮೂರನೇ ಓವರ್ ನಲ್ಲಿ ಪಂಜಾಬ್ ತನ್ನ ಎರಡನೇ ವಿಕೆಟ್ ಕಳೆದುಕೊಂಡಿದೆ. ಆದಿತ್ಯ ರಾಯ್ ಬ್ಯಾನರ್ಜಿ ಬೌಲಿಂಗ್ ನಲ್ಲಿ ವಿಕೆಟ್ ಕೀಪರ್ ರಾಹುಲ್ ಜೇಟ್ಲಿ ವಿಕೆಟ್ ಒಪ್ಪಿಸಿದ್ದಾರೆ. ಮೂರು ಓವರ್ ಅಂತ್ಯಕ್ಕೆ ಪಂಜಾಬ್ ಸ್ಕೋರ್ 23/2

ಎರಡನೇ ಓವರ್ ಅಂತ್ಯಕ್ಕೆ ಪಂಜಾಬ್ ತಂಡ 19 ರನ್ ಗಳಿಸಿದೆ. ವಿಕೆಟ್ ಕೀಪರ್ 7 ಎಸೆತಗಳಲ್ಲಿ 12 ರನ್ ಗಳಿಸಿದ್ದಾರೆ. ಮತ್ತೊಂದು ಬದಿಯಲ್ಲಿ ಕರಣ್ 1 ರನ್ ಗಳಿಸಿದ್ದಾರೆ

88 ರನ್ ಗಳ ಗುರಿಯನ್ನು ಬೆನ್ನತ್ತಿದ ಪಂಜಾಬ್ ತಂಡ ಕೂಡ ಮೊದಲ ಓವರ್ ನಲ್ಲಿಯೇ ವಿಕೆಟ್ ಕಳೆದುಕೊಂಡಿದೆ. ಬಬ್ಬಲ್ ರೈ 4 ರನ್ ಗಳಿಸಿ ಔಟಾಗಿದ್ದಾರೆ. ಮೊದಲ ಓವರ್ ಅಂತ್ಯಕ್ಕೆ ಪಂಜಾಬ್ ಒಂದು ವಿಕೆಟ್ ನಷ್ಟಕ್ಕೆ 9 ರನ್ ಗಳಿಸಿದೆ

ಮೊದಲ ಇನಿಂಗ್ಸ್‌ನಲ್ಲಿ ಬೆಂಗಾಲ್ ತಂಡ 7 ವಿಕೆಟ್ ನಷ್ಟಕ್ಕೆ 88 ರನ್‌ಗಳನ್ನು ಮಾತ್ರ ಗಳಿಸಿದೆ. ಬೆಂಗಾಲ್ ತಂಡದ ಪರ ರಾಹುಲ್ ಮಜುಮ್ದಾರ್ ಅತ್ಯಧಿಕ 46 ರನ್ ಗಳಿಸಿದರೆ ಪಂಜಾಬ್ ಪರ ನಾಯಕ ಹಾರ್ಡಿ ಸಂಧು 2 ವಿಕೆಟ್ ಕಬಳಿಸಿದ್ದಾರೆ. ನಿಂಜಾ, ಸೂಯುಶ್, ದಕ್ಷ್ ಮತ್ತು ರೌನಕ್ ತಲಾ ಒಂದೊಂದು ವಿಕೆಟ್ ಪಡೆದಿದ್ದಾರೆ.

09 ಓವರ್ ಅಂತ್ಯಕ್ಕೆ ಬೆಂಗಾಲ್ ತಂಡ 6 ವಿಕೆಟ್ ನಷ್ಟಕ್ಕೆ 78 ರನ್ ಗಳಿಸಿದೆ. ಒಂದಾದ ಮೇಲೊಂದು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಬೆಂಗಾಲ್ ತಂಡಕ್ಕೆ ರಾಹುಲ್ ಮಜುಮ್ದಾರ್ ಆಸರೆಯಾಗಿದ್ದು 22 ಎಸೆತಗಳಲ್ಲಿ 46 ರನ್ ಗಳಿಸಿ ಔಟಾಗಿದ್ದಾರೆ.

ಉದಯ್ ಪ್ರತಾಪ್ ಸಿಂಗ್ ಕೇವಲ ಎರಡು ರನ್ ಗಳಿಸಿ ರೌನಕ್‌ಗೆ ಔಟಾಗಿದ್ದಾರೆ. ಸದ್ಯ ಬೆಂಗಾಲ್ ತಂಡದ ಮೊದಲ ಇನಿಂಗ್ಸ್‌ ಮುಕ್ತಾಯವಾಗಲು ಕೇವಲ 12 ಎಸೆತಗಳು ಮಾತ್ರ ಬಾಕಿ ಇದ್ದು ಬೆಂಗಾಲ್ ತಂಡ 08 ಓವರ್ ಅಂತ್ಯಕ್ಕೆ 5 ವಿಕೆಟ್ ಕಳೆದುಕೊಂಡು 65 ರನ್ ಗಳಿಸಿದೆ.

7 ಓವರ್ ಅಂತ್ಯಕ್ಕೆ ಬೆಂಗಾಲ್ ಟೈಗರ್ಸ್ 47 ರನ್ ಗಳಿಸಿದೆ. ಉದಯ್ ಪ್ರತಾಪ್ ಸಿಂಗ್ 4 ಎಸೆತಗಳಲ್ಲಿ 2 ರನ್ ಗಳಿಸಿದ್ದಾರೆ. ರಾಹುಲ್ ಮಜುಮ್ದಾರ್ 16 ಬಾಲ್‌ಗಳಲ್ಲಿ 29 ರನ್ ಗಳಿಸಿ ಆಟವಾಡುತ್ತಿದ್ದಾರೆ.

ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಬೆಂಗಾಲ್ ಈಗ ನಾಲ್ಕನೇ ವಿಕೆಟ್ ಕಳೆದುಕೊಂಡಿದೆ. ಅತ್ಯುತ್ತಮ ಲಯದಲ್ಲಿದ್ದ ಜೋಯ್ ಆರನೇ ಓವರ್‌ನಲ್ಲಿ ರನೌಟ್ ಆಗಿದ್ದಾರೆ. ಹತ್ತು ರನ್ ಗಳಿಸಿ ಮರಳಿ ಗೂಡು ಸೇರಿದ್ದಾರೆ. ಆರನೇ ಓವರ್ ಅಂತ್ಯಕ್ಕೆ ಬೆಂಗಾಲ್ 4 ವಿಕೆಟ್ ನಷ್ಟಕ್ಕೆ 38 ರನ್ ಗಳಿಸಿದೆ

5 ಓವರ್ ಅಂತ್ಯಕ್ಕೆ ಬೆಂಗಾಲ್ ತಂಡ 3 ವಿಕೆಟ್ ನಷ್ಟಕ್ಕೆ 29 ರನ್ ಗಳಿಸಿದೆ. ರಾಹುಲ್ ಮಜುಮ್ದಾರ್ 13 ಮತ್ತು ಜೋಯ್ 10 ರನ್‌ ಗಳಿಸಿ ಆಟವಾಡುತ್ತಿದ್ದಾರೆ.

ಮೂರು ಓವರ್‌ಗಳಲ್ಲಿ ಮೂರು ವಿಕೆಟ್ ಕಳೆದುಕೊಂಡ ಬೆಂಗಾಲ್ ತಂಡ ನಾಲ್ಕು ಓವರ್‌ಗಳ ಅಂತ್ಯಕ್ಕೆ 15 ರನ್ ಗಳಿಸಿದೆ. ರಾಹುಲ್ ಮಜುಮ್ದಾರ್ 3 ರನ್ ಗಳಿಸಿದ್ದರೆ ಜೋಯ್ 4 ರನ್ ಗಳಿಸಿ ಆಟವಾಡುತ್ತಿದ್ದಾರೆ.

ಪಂಜಾಬ್ ತಂಡದ ಬೌಲಿಂಗ್‌ಗೆ ಬೆಂಗಾಲ್ ನಡುಗುತ್ತಿದೆ. ಆರಂಭದ ಎರಡು ಓವರ್‌ನಲ್ಲಿ ಎರಡು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಬೆಂಗಾಲ್ ತಂಡ ಈಗ ಮೂರನೇ ವಿಕೆಟ್ ಕಳೆದುಕೊಂಡಿದೆ. ತಂಡದ ನಾಯಕ ಜಿಶ್ಶು ಸೇನ್‌ಗುಪ್ತಾ ಪಂಜಾಬ್ ನಾಯಕ ಹಾರ್ಡಿ ಸಂಧು ಬೌಲಿಂಗ್‌ನಲ್ಲಿ ಡಕೌಟ್ ಆಗಿದ್ದಾರೆ.

ಕಳೆದ ಬಾರಿ ಕರ್ನಾಟಕ ಬುಲ್ದೋಜರ್ಸ್ ತಂಡದ ಜೊತೆ ಕಿರಿಕ್ ಮಾಡಿದ್ದ ನಿಂಜಾ, ಬೆಂಗಾಲ್ ಟೈಗರ್ಸ್ ತಂಡದ ಎರಡನೇ ವಿಕೆಟ್ ಉರುಳಿಸಿದ್ದಾರೆ.ಆರಂಭಿಕ ಆಟಗಾರ ಆದಿತ್ಯ ರಾಯ್ ಬ್ಯಾನರ್ಜಿಯನ್ನು ಔಟ್ ಮಾಡಿದ್ದಾರೆ. ಸದ್ಯ ಎರಡು ಓವರ್‌ಗಳ ಅಂತ್ಯಕ್ಕೆ ಬೆಂಗಾಲ್ ಎರಡು ವಿಕೆಟ್ ಕಳೆದುಕೊಂಡು ಆರು ರನ್ ಗಳಿಸಿದೆ.

ಬೆಂಗಾಲ್ ತಂಡದ ಅತ್ಯಂತ ಅಪಾಯಕಾರಿ ಆಟಗಾರ ಜ್ಯಾಮಿ ಬ್ಯಾನರ್ಜಿಯ ವಿಕೆಟ್ ಪಡೆಯುವಲ್ಲಿ ಮೊದಲ ಓವರ್‌ನಲ್ಲಿಯೇ ಹಾರ್ಡಿ ಸಂಧು ಯಶಸ್ವಿಯಾಗಿದ್ದಾರೆ. ವಿಕೆಟ್ ಕೀಪರ್ ರಾಹುಲ್ ಜೇಟ್ಲಿಗೆ ಕ್ಯಾಚ್ ನೀಡಿ ಶೂನ್ಯ ಸುತ್ತಿ ಜ್ಯಾಮಿ ಪೆವಿಲಿಯನ್ ಸೇರಿದ್ಧಾರೆ.

ಮೈಸೂರಿನಲ್ಲಿ ಸೆಮಿಫೈನಲ್ ಕದನ ಶುರುವಾಗಿದ್ದು, ಟಾಸ್ ಗೆದ್ದ ಪಂಜಾಬ್ ದೇ ಶೇರ್ ತಂಡ, ಬೆಂಗಾಲ್ ಟೈಗರ್ಸ್ ವಿರುದ್ದ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿದೆ. ಜ್ಯಾಮಿ ಬ್ಯಾನರ್ಜಿ ಮತ್ತು ಆದಿತ್ಯ ರಾಯ್ ಬ್ಯಾನರ್ಜಿ ಬೆಂಗಾಲ್ ಪರ ಬ್ಯಾಟಿಂಗ್ ಆರಂಭ ಮಾಡಿದ್ದು ಪಂಜಾಬ್ ತಂಡದ ನಾಯಕ ಹಾರ್ಡಿ ಸಂಧು ಮೊದಲ ಓವರ್‌ ಮಾಡುತ್ತಿದ್ದಾರೆ.

ಸಿಸಿಎಲ್ 2025 ಮೊದಲ ಸೆಮಿ ಫೈನಲ್ ಪಂದ್ಯಕ್ಕೆ ಕ್ಷಣಗಣನೆ ಶುರುವಾಗಿದೆ. ಮೈಸೂರಿನಲ್ಲಿ ಮಧ್ಯಾಹ್ನ 2 ಗಂಟೆಯಿಂದ ಬೆಂಗಾಲ್ ಟೈಗರ್ಸ್ ಹಾಗೂ ಪಂಜಾಬ್ ದೆ ಶೇರ್ ತಂಡದ ನಡುವೆ ಮೊದಲ ಸೆಮಿ ಫೈನಲ್ ಪಂದ್ಯ ಆರಂಭ ಆಗಲಿದೆ.

ಮೈಸೂರಿನಲ್ಲಿ ನಡೆಯುತ್ತಿರುವ ಸಿಸಿಎಲ್ 2025 ಸೆಮಿಫೈನಲ್ ಎರಡನೇ ಪಂದ್ಯದ ಎಲ್ಲಾ ಟಿಕೆಟ್‌ಗಳು ಸೋಲ್ಡ್‌ಔಟ್ ಆಗಿವೆ. ಕರ್ನಾಟಕ ಬುಲ್ಡೋಜರ್ ಹಾಗೂ ಚೆನ್ನೈ ರೈನೋಸ್ ತಂಡದ ಮಧ್ಯೆ ಈ ಪಂದ್ಯ ನಡೆಯಲಿದೆ. ಕಿಚ್ಚ ಸುದೀಪ್ ಕೂಡ ಇಲ್ಲಿವರೆಗೂ ಬೆಂಬಲ ನೀಡಿದ್ದಕ್ಕೆ ಜನರಿಗೆ ಧನ್ಯವಾದಗಳನ್ನು ಅರ್ಪಿಸಿದ್ದಾರೆ.

ಕರ್ನಾಟಕ ಬುಲ್ಡೋಜರ್ಸ್ ಸೆಮಿ ಫೈನಲ್‌ ಪಂದ್ಯ ಆಡುವ ಹೊಸ್ತಿಲಲ್ಲಿ ಮತ್ತೊಬ್ಬ ಸ್ಪೋಟಕ ಬ್ಯಾಟ್ಸ್‌ಮ್ಯಾನ್ ಎಂಟ್ರಿ ಕೊಟ್ಟಿದ್ದಾರೆ. ಅರುಣ್ ಬಚ್ಚನ್ ಕರ್ನಾಟಕ ಬುಲ್ಡೋಜರ್ಸ್ ತಂಡವನ್ನು ಸೇರಿಕೊಂಡಿದ್ದು ಆನೆ ಬಲ ಬಂದಂತೆ ಆಗಿದೆ. ಕಳೆದ ಬಾರಿ ಚೆನ್ನೈ ವಿರುದ್ಧದ ಪಂದ್ಯದಲ್ಲಿ ಅರುಣ್ ಬಚ್ಚನ್ 18 ಎಸೆತಗಳಿಗೆ 57 ರನ್ ಬಾರಿಸಿದ್ದರು.

ನಿನ್ನೆ ಕಿಚ್ಚ ಸುದೀಪ್ ಹಾಗೂ ಪತ್ನಿ ಪ್ರಿಯಾ ಇಬ್ಬರೂ ಚಾಮುಂಡಿ ದೇವಿಯ ಸನ್ನಿಧಾನಕ್ಕೆ ಭೇಟಿ ನೀಡಿ, ವಿಶೇಷ ಪೂಜೆಯನ್ನು ಸಲ್ಲಿಸಿದ್ದಾರೆ. ಕಿಚ್ಚ ಸುದೀಪ್ ನಾಯಕತ್ವದ ತಂಡ ಕರ್ನಾಟಕ ಬುಲ್ಡೋಜರ್ ತಂಡ ಇಂದು ಚೆನ್ನೈ ರೈನೋಸ್ ತಂಡವನ್ನು 2ನೇ ಸೆಮಿ ಫೈನಲ್ ಪಂದ್ಯದಲ್ಲಿ ಎದುರಿಸಲಿದೆ. ಅದಕ್ಕೂ ಮುನ್ನ ಚಾಮುಂಡಿ ದೇವಿಗೆ ಪೂಜೆಯನ್ನು ಸಲ್ಲಿಸಿದೆ.

ಸಿಸಿಎಲ್‌ 2025ನಲ್ಲಿ ಎರಡು ಸೆಮಿ ಫೈನಲ್ ಪಂದ್ಯಕ್ಕೆ ವೇದಿಕೆ ಸಜ್ಜಾಗಿದೆ. ಮೊದಲ ಪಂದ್ಯ ಬೆಂಗಾಲ್ ಟೈಗರ್ ಹಾಗೂ ಪಂಜಾಬ್ ದಿ ಶೇರ್ ಮಧ್ಯೆ ನಡೆಯಲಿದೆ. ಮಧ್ಯಾಹ್ನ 2 ಗಂಟೆಯಿಂದ ಮೊದಲ ಸೆಮಿ ಫೈನಲ್ ಪಂದ್ಯ ಆರಂಭ ಆಗಲಿದೆ. ಮೈಸೂರಿನ ಶ್ರೀಕಂಠ ನರಸಿಂಹರಾಜ ದತ್ತ ಒಡೆಯರ್ ಸ್ಟೇಡಿಯಂನಲ್ಲಿ ಮೊದಲ ಸೆಮಿ ಫೈನಲ್ ಪಂದ್ಯ ನಡೆಯಲಿದೆ.