ಭೂತಯ್ಯನ ಮೊಮ್ಮಗ 'ಅಯ್ಯು' ಚಿತ್ರೀಕರಣ ಕಂಪ್ಲೀಟ್

ಚಂದನವನದಲ್ಲಿ ಸಿದ್ದಲಿಂಗಯ್ಯ ನಿರ್ದೇಶನ ಮಾಡಿದ್ದ 'ಭೂತಯ್ಯನ ಮಗ ಅಯ್ಯು' ಚಿತ್ರವನ್ನ ನೆನಪಿಸುವಂತೆ, "ಭೂತಯ್ಯನ ಮೊಮ್ಮಗ 'ಅಯ್ಯು'" ಅನ್ನೋ ಹೊಸ ಸಿನಿಮಾ ಮೂಡಿಬರುತ್ತಿರುವ ಬಗ್ಗೆ ಫಿಲ್ಮಿಬೀಟ್ ನಲ್ಲಿ ಈ ಮೊದಲೇ ಹೇಳಿದ್ವಿ. ಸ್ಯಾಂಡಲ್ ವುಡ್ ಕಾಮಿಡಿ ನಟರೆಲ್ಲಾ ಒಟ್ಟುಗೂಡಿ ಹೊಸ ಪ್ರಯೋಗದಲ್ಲಿ ನಿರ್ಮಾಣವಾದ ಈ ಸಿನಿಮಾ ಶೂಟಿಂಗ್ ಈಗ ಕಂಪ್ಲೀಟ್ ಆಗಿದೆ.['ಭೂತಯ್ಯನ ಮೊಮ್ಮಗ ಅಯ್ಯು' ಜೊತೆ ಶೃತಿ ಹರಿಹರನ್]

ಅಂದಹಾಗೆ "ಭೂತಯ್ಯನ ಮೊಮ್ಮಗ 'ಅಯ್ಯು'" ಸಿನಿಮಾ ಸಂಪೂರ್ಣವಾಗಿ 'ಭೂತಯ್ಯನ ಮಗ ಅಯ್ಯು' ಚಿತ್ರಕ್ಕಿಂತ ವಿಭಿನ್ನವಾಗಿದೆ. ಚಿತ್ರದ ಶೂಟಿಂಗ್ ಅನ್ನು ಮಳವಳ್ಳಿ, ಕನಕಪುರ, ಸಾತನೂರು, ಕೆಮ್ಮಾಳೆ, ಪಾಂಡವಪುರ ಮತ್ತು ಮಂಡ್ಯ ಸುತ್ತ ಮುತ್ತಲ ಪ್ರದೇಶಗಳಲ್ಲಿ ಸೆರೆಹಿಡಿಯಲಾಗಿದೆ. ಸೀನ್‌ ಟು ಸೀನ್ ಕಾಮಿಡಿ ಇರುವ ಈ ಸಿನಿಮಾಗೆ 'ಪದೇ ಪದೇ', 'ನಮಕ್ ಹರಾಮ್' ಚಿತ್ರಗಳಿಗೆ ಆಕ್ಷನ್ ಕಟ್ ಹೇಳಿದ್ದ ನಾಗರಾಜ್ ಪೀಣ್ಯ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದಾರೆ.

ಚಿತ್ರದಲ್ಲಿ ಭೂತಯ್ಯನ ಮೊಮ್ಮಗ 'ಅಯ್ಯು' ಗೆ ಜೋಡಿಯಾಗಿ ಸ್ಯಾಂಡಲ್ ವುಡ್ ನ ಸ್ಟಾರ್ ನಟಿ ಶೃತಿ ಹರಿಹರನ್ ಅಭಿನಯಿಸಿದ್ದಾರೆ. ಇನ್ನುಳಿದಂತೆ ತಬಲಾ ನಾಣಿ, ರವಿಶಂಕರ್, ರಾಕ್ ಲೈನ್ ಸುಧಾಕರ್, ಬುಲೆಟ್ ಪ್ರಕಾಶ್, ಗಿರಿಜಾ ಲೋಕೇಶ್, ಹೊನ್ನವಳ್ಳಿ ಕೃಷ್ಣ, ಉಮೇಶ್, ಸಿದ್ದಿ ಸೇರಿದಂತೆ ಹಲವರು ಚಿಕ್ಕಣ್ಣನಿಗೆ ಸಾಥ್ ಕೊಟ್ಟಿದ್ದಾರೆ.

ನಾಗರಾಜ್ ಪೀಣ್ಯ ಆಕ್ಷನ್‌ ಕಟ್ ಹೇಳಿರುವ " ಭೂತಯ್ಯನ ಮೊಮ್ಮೊಗ 'ಅಯ್ಯು' " ಚಿತ್ರಕ್ಕೆ ಆರ್ ವರಪ್ರಸಾದ್ ಬಂಡವಾಳ ಹೂಡಿದ್ದಾರೆ. ನಂದಕುಮಾರ್ ಅವರು ಛಾಯಗ್ರಾಹಣ ವಿದೆ. ಚಿತ್ರ ಕಂಪ್ಲೀಟ್ ಶೂಟಿಂಗ್ ಮುಗಿಸಿದ್ದು, ತೆರೆ ಮೇಲೆ ಬರುವುದೊಂದೆ ಬಾಕಿ