ಅಭಿಮಾನಿಗಳಲ್ಲಿ ಕನಸುಗಾರ ರವಿಚಂದ್ರನ್ ಮಾಡಿದ ಮನವಿ

ಕನಸುಗಾರ ರವಿಚಂದ್ರನ್ 59ರ ಹರೆಯಕ್ಕೆ ಕಾಲಿರಿಸಿದ್ದಾರೆ. 'ಪ್ರೇಮಲೋಕ'ದ ಮೂಲಕ ಚಿತ್ರರಂಗಕ್ಕೆ ಹೊಸ ಭಾಷ್ಯ ಬರೆದ ರವಿಚಂದ್ರನ್ ಅವರ ಜನ್ಮದಿನಕ್ಕೆ ಶುಭ ಹಾರೈಸಲು ಅಭಿಮಾನಿಗಳು ಕಾತರದಿಂದ ಕಾದಿದ್ದಾರೆ. ಆದರೆ ಈಗಿನ ಸನ್ನಿವೇಶದಲ್ಲಿ ಮೊದಲಿನಂತೆ ಹುಟ್ಟುಹಬ್ಬವನ್ನು ಅಭಿಮಾನಿಗಳ ನಡುವೆ ಆಚರಿಸಲು ರವಿಚಂದ್ರನ್ ಸಿದ್ಧರಿಲ್ಲ. ಆಚರಣೆಗೆ ಸೂಕ್ತ ಪರಿಸ್ಥಿತಿಯೂ ಇಲ್ಲ.

Recommended Video

ಕೊರೊನಾ ವೈರಸ್ ಭಯದ ನಡುವೆಯೂ ಅಭಿಮಾನಿಗಳು ರವಿಚಂದ್ರನ್ ಜನ್ಮದಿನದ ಸಂಭ್ರಮಾಚರಣೆಯಲ್ಲಿ ಪಾಲ್ಗೊಳ್ಳುವ ಸಾಧ್ಯತೆ ಇರುವುದರಿಂದ ರವಿಚಂದ್ರನ್ ಮುಂಜಾಗ್ರತಾ ಕ್ರಮ ತೆಗೆದುಕೊಂಡಿದ್ದಾರೆ. ಮನೆಯಲ್ಲಿಯೇ ಸುರಕ್ಷಿತವಾಗಿ ಇರಿ ಎಂದು ಅಭಿಮಾನಿಗಳಿಗೆ ಅವರು ಸಲಹೆ ನೀಡಿದ್ದಾರೆ.

'ಎಲ್ಲಾ ಅಭಿಮಾನಿಗಳಲ್ಲಿ ವಿನಂತಿ, ದಯವಿಟ್ಟು ಈ ವರ್ಷ ಯಾರು ನಮ್ಮ ಮನೆಯ ಹತ್ತಿರ ಬರುವುದು ಬೇಡ. ಈ ವರ್ಷ ನನ್ನ ಹುಟ್ಟಿದ ಹಬ್ಬದ ಆಚರಣೆಯನ್ನು ಮಾಡುತ್ತಿಲ್ಲ, ಕಾರಣ ಕೋವಿಡ್ 1. ವೈರಸ್ ನಿಂದ ತೊಂದರೆ ಇರುವುದರಿಂದ, ಎಲ್ಲಾ ಅಭಿಮಾನಿಗಳು ತಮ್ಮ ತಮ್ಮ ಮನೆಯಲ್ಲಿ ಇರಬೇಕು. ನಿಮ್ಮ ಕುಟುಂಬದವರೊಂದಿಗೆ ಸುರಕ್ಷಿತರಾಗಿ ಇರಬೇಕು. ಬಿ ಸೇಫ್, ಸ್ಟೇ ಇನ್ ಹೋಮ್' ಎಂದು ರವಿಚಂದ್ರನ್ ಮನವಿ ಮಾಡಿದ್ದಾರೆ.