'ಬಡವ ರಾಸ್ಕಲ್' ಅನ್ನೋದು ಮುದ್ದಾದ ಬೈಗುಳ: 50 ದಿನದ ಸಂಭ್ರಮ

ಬಡವ ರಾಸ್ಕಲ್ ಮುದ್ದಾದ ಬೈಗುಳ

" ಟೈಟಲ್ ಯಾಕೆ ಅಂದರೆ, ಅದು ಅಣ್ಣಾವ್ರ ಬಾಯಲ್ಲಿ ಅಷ್ಟು ಚೆನ್ನಾಗಿ ಕೇಳಿಸುತ್ತಿತ್ತು. ಮನೆ ಮನೆಗೆ ತಲುಪಿದ್ದಂತಹ ಟೈಟಲ್. ಸಿನಿಮಾಗೆ, ಆ ಪಾತ್ರಕ್ಕೆ ತುಂಬಾ ಚೆನ್ನಾಗಿ ಹೊಂದಿಕೊಳ್ಳುತ್ತಿತ್ತು. ಪ್ರೀತಿಯಿಂದ ಬಡವ ರಾಸ್ಕಲ್ ಅಂತ ಬೈತಾರಲ್ಲಾ. ತಮಿಳು, ತೆಲುಗಿನಲ್ಲೂ ಕೂಡ ಅದೇ ಅರ್ಥ ಈ ಟೈಟಲ್‌ಗೆ. ಮುದ್ದಾದ ಬೈಗುಳ ಅದಕ್ಕೆ ಟೈಟಲ್ ಇಟ್ವಿ. ನಾನೊಂದಿಷ್ಟು ನೆಗೆಟಿವ್ ಟೈಟಲ್ ಇಟ್ಕೊಂಡು ತುಂಬಾ ಒಳ್ಳೆ ಹುಡುಗ ಅಂತ ಇಡುವುದಕ್ಕೆ ಸಾಧ್ಯವಿಲ್ಲ. ಅದಕ್ಕೆ ಆ ಟೈಟಲ್ ಬೇಕು ಅಂತಾನೇ ಇಟ್ಟಿದ್ದು." ಎಂದು ಡಾಲಿ ಧನಂಜಯ್ ಟೈಟಲ್ ಬಗ್ಗೆ ರವೀಲ್ ಮಾಡುತ್ತಾರೆ.

ವಿಲನ್ ಆಗಿ ದುಡಿದ್ದನ್ನು ಸಿನಿಮಾ ಮಾಡಿದ್ದೇನೆ

" ನಾವು ಸಿನಿಮಾ ಶುರು ಮಾಡುವಾಗ ನಮ್ಮ ಬಳಿ ದುಡ್ಡಿರಲಿಲ್ಲ. ತುಂಬಾನೇ ಕಮ್ಮಿ ದುಡ್ಡಿದ್ದಿದ್ದು. ವಿಲನ್ ಆಗಿ ದುಡಿದ್ದನ್ನೆಲ್ಲಾ ಸಿನಿಮಾಗೆ ಹಾಕಿ. ಎಲ್ಲರೊಂದಿಗೂ ಸೇರಿಕೊಂಡು ಸಿನಿಮಾ ಮಾಡಿದೆ. ದುಡ್ಡಿದ್ದಾಗ ಎಲ್ಲರೂ ಆಸ್ತಿ ಮೇಲೆ ಹಾಕುತ್ತಾರೆ. ನಾನು ನನ್ನ ಟ್ಯಾಲೆಂಟ್ ಮೇಲೆ ಹಾಕಿದೆ. ಆ ಎಲ್ಲಾ ಪ್ರತಿಭೆಗಳೂ ಸಿನಿಮಾವನ್ನು ದುಡಿದುಕೊಟ್ಟಿದ್ಧಾರೆ. ಇನ್ನೊಂದಿಷ್ಟು ಸಿನಿಮಾ ಮಾಡುವ ಶಕ್ತಿ ಕೊಟ್ಟಿದ್ದಾರೆ. ಇವರೆಲ್ಲರೂ ಸ್ವತಂತ್ರರಾಗಿ ಬೆಳೆಯಲು ತಾಕತ್ತಿರುವ ಶಕ್ತಿಗಳು." ಎನ್ನುತ್ತಾರೆ ಡಾಲಿ ಧನಂಜಯ್.

ಟೀ ಅಂಗಡಿಯಲ್ಲೂ ನನ್ನ ನಂಬರ್ ಸಿಗುತ್ತೆ

"ನಂದೊಂದು ನಂಬರ್ ಇದೆ. ಅದು ಎಲ್ಲರ ಹತ್ತಿರನೂ ಇದೆ. ಅಲ್ಲಿ ಫೋಟೊ ತಗೊಂಡು ಅಲ್ಲೇ ವಾಟ್ಸಾಪ್ ಕಳಿಸಿರುತ್ತಾರೆ. ಶಿವಮೊಗ್ಗದಲ್ಲಿ ಶೂಟಿಂಗ್ ಮಾಡಬೇಕಾದರೂ ಅಷ್ಟೆನೇ. ಫೋಟೊ ತಗೊಂಡು ತಕ್ಷಣ ನನಗೆ ವಾಪಾಸ್ ಕಳುಹಿಸಿದ್ದರು. ಆತರ ಸರ್ಕ್ಯೂಲೆಟ್ ಆಗಿದೆ. ಟೀ ಅಂಗಡಿಯಲ್ಲಿ ಹೋಗಿ ಕೇಳಿದರೂ ನಂಬರ್ ಕೊಡುತ್ತಾರೆ." ಎಂದು ತನ್ನ ನಂಬರ್ ಬಗ್ಗೆ ಧನಂಜಯ್ ರಿವೀಲ್ ಮಾಡಿದ್ದಾರೆ.

ತೆಲುಗಿನಲ್ಲೂ 'ಬಡವ ರಾಸ್ಕಲ್'

ಕರ್ನಾಟಕದಲ್ಲಿ 'ಬಡವ ರಾಸ್ಕಲ್' ಬಿಡುಗಡೆಯಾಗಿ ಹಿಟ್ ಆಗಿದೆ. ಈ ಸಿನಿಮಾ ಗೆಲ್ಲುತ್ತಿದ್ದಂತೆ ತೆಲುಗಿನಲ್ಲೂ ಬಿಡುಗಡೆ ಮಾಡಲು ಧನಂಜಯ್ ನಿರ್ಧರಿಸಿದ್ದಾರೆ. ನಿನ್ನೆ (ಫೆ 15) 'ಬಡವ ರಾಸ್ಕಲ್' ತೆಲುಗು ಅವತರಣಿಕೆ ಬಿಡುಗಡೆ ಬಗ್ಗೆ ಪ್ರಚಾರ ಮಾಡಿದ್ದಾರೆ. ಧನಂಜಯ್‌ಗೆ ರಾಮ್ ಗೋಪಾಲ್ ವರ್ಮಾ ಜೊತೆಯಾಗಿದ್ದರು. ಚಿತ್ರದ ನಾಯಕಿ ಅಮೃತಾ ಅಯ್ಯಂಗಾರ್ ಕೂಡ ತೆಲುಗು ಬಡವ ರಾಸ್ಕಲ್ ಪ್ರಚಾರದಲ್ಲಿ ಭಾಗಿಯಾಗಿದ್ದರು.