ಅಪ್ಪು ಫೋಟೊಗೆ ಮಗುವಿನ ಮುತ್ತು: ಚೆಂದದ ವಿಡಿಯೋ ಹಂಚಿಕೊಂಡ ನಿರ್ದೇಶಕ

ಅಪ್ಪು ಫೋಟೊಕ್ಕೆ ಮುತ್ತು

ರಾಜ್ ಕುಮಾರ್ ಅವರು ಪುನೀತ್ ಅವರನ್ನು ಎತ್ತಿಕೊಂಡು ಕುಳಿತಿದ್ದ ಫೋಟೊವನ್ನು ತೋರಿಸಿ ಇವರು ಯಾರು? ಎಂದು ಗಿರಿರಾಜ್ ಮಗ ಕಬೀರನನ್ನು ಕೇಳಿದಾಗ ಆತ ಫೋಟೊದೆಡೆಗೆ ಓಡಿ ಪುನೀತ್ ಅವರ ಫೋಟೊಕ್ಕೆ ಮುತ್ತು ನೀಡಿದ್ದಾನೆ.

ಪುಟಾಣಿ ಪುನೀತ್ ಚಿತ್ರ

ಅಲ್ಲಿದ್ದವರು ಮತ್ತೊಂದು ಎಂದಾಗ ಅಪ್ಪು ಚಿತ್ರಕ್ಕೆ ಇನ್ನೊಮ್ಮೆ ಮುತ್ತು ನೀಡಿದ್ದಾನೆ. ರಾಜ್ ಕುಮಾರ್ ಅವರ ತೋಳಲ್ಲಿ ಕುಳಿತಿದ್ದ ಪುಟಾಣಿ ಪುನೀತ್ ಫೋಟೊ, ನಿರ್ದೇಶಕ ಗಿರಿರಾಜ್ ಅವರ ಮುದ್ದು ಪುಟಾಣಿಯನ್ನು ಆಕರ್ಷಿಸಿದ್ದು ವಿಶೇಷ.

ದೇವರೂ ಒಂದು ಮಗುವಾದ ಘಳಿಗೆ

ನಾಲ್ಕು ವರ್ಷದ ಹಿಂದೆ ಅಪ್ಪು ಸರ್ ನ ಭೇಟಿಯಾಗಲು ಹೋಗಿದ್ವಿ. ಅಲ್ಲಿದ್ದ ಫೋಟೊ ತೋರಿಸಿ ಇವರು ಯಾರು ಹೇಳು ಅಂತ ಕೇಳಿದಾಗ ಇವನಿಗೇನನಿಸ್ತೊ ಸುಮ್ಮನೆ ಹೋಗಿ ಮುತ್ತು ಕೊಡಲು ಶುರು ಮಾಡಿದ. ಮಕ್ಕಳು ದೇವರು. ದೇವರೂ ಒಂದು ಮಗುವಾದ ಘಳಿಗೆ ಎಂದು ಗಿರಿರಾಜ್ ಬರೆದುಕೊಂಡಿದ್ದಾರೆ.

ಕಬೀರನ ಜನ್ಮದಿನ

ಮಗ ಕಬೀರನ ಹುಟ್ಟು ಹಬ್ಬದ ದಿನವಾದ ಶುಕ್ರವಾರ ಗಿರಿರಾಜ್ ಈ ಹೃದಯಸ್ಪರ್ಶಿ ವಿಡಿಯೋವನ್ನು ಶೇರ್ ಮಾಡಿದ್ದಾರೆ. ಮಗನ ಜನ್ಮದಿನಕ್ಕೆ ಗಿರಿರಾಜ್ ಮತ್ತು ಮನೆಯವರು ವಿಶೇಷ ಕೇಕ್ ತಯಾರಿಸಿದ್ದಾರೆ. ಕಾರ್ ಆಕೃತಿಯ ಕೇಕ್ ಕತ್ತರಿಸುವ ಮೂಲಕ ಕಬೀರನ ಹುಟ್ಟುಹಬ್ಬ ಆಚರಿಸಿದ್ದಾರೆ.