Don't Miss!
- News ಪೂಜೆ ಮಾಡಿದ ಈ ಲಿಂಬೆಹಣ್ಣು ಲಕ್ಷಕ್ಕೆ ಹರಾಜ್! ಶಾಕ್ ಆಡ್ಬೇಡಿ ಇದು ನಿಜ...
- Sports IPL 2024: ಆರ್ಸಿಬಿ vs ಕೆಕೆಆರ್ ಪಂದ್ಯಕ್ಕೂ ಮುನ್ನ ಗಂಭೀರ್ನತ್ತ ಐಸ್-ಕೋಲ್ಡ್ ಲುಕ್ ನೀಡಿದ ಕೊಹ್ಲಿ
- Automobiles ಓಲಾ ಎಸ್ 1 ಪ್ರೋ VS ಏಥರ್ 450X: ಮದಗಜಗಳ ಹಣಾಹಣಿಯಲ್ಲಿ ಯಾರು ಬೆಸ್ಟ್?
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Lifestyle ಬಾಯಿ ರುಚಿಗೆ ಗರಿ ಗರಿ ನಿಪ್ಪಟ್ಟು..! ಮನೆಯಲ್ಲೇ ಮಾಡಿ ಟೆಸ್ಟಿ ತಿಂಡಿ
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮತ್ತೊಂದು ಅವಕಾಶ ಮಾಡಿಕೊಡು: ಅಗಲಿದ ಅಮ್ಮನ ನೆನಪಲ್ಲಿ 'ಜೋಗಿ' ಪ್ರೇಮ್ ಭಾವುಕ ಮಾತು
ನಟ, ನಿರ್ದೇಶಕ ಪ್ರೇಮ್ ಇತ್ತೀಚೆಗಷ್ಟೇ ತಾಯಿಯನ್ನು ಕಳೆದುಕೊಂಡ ನೋವಿನಲ್ಲಿದ್ದಾರೆ. ಲ್ಯುಕೇಮಿಯಾದಿಂದ (ರಕ್ತ ಕ್ಯಾನ್ಸರ್) ಬಳಲುತ್ತಿದ್ದ ಪ್ರೇಮ್ ಅವರ ತಾಯಿ ಭಾಗ್ಯಮ್ಮ ಶುಕ್ರವಾರ ರಾತ್ರಿ ಕೊನೆಯುಸಿರೆಳೆದಿದ್ದರು.
Recommended Video
ಕೆಲವು ತಿಂಗಳಿನಿಂದ ಲ್ಯುಕೇಮಿಯಾದಿಂದ ಬಳಲುತ್ತಿದ್ದ ಅವರನ್ನು ಬೆಂಗಳೂರಿನ ಜಯನಗರದ ಶಾಂತಿ ಆಸ್ಪತ್ರೆಯಲ್ಲಿ ದಾಖಲು ಮಾಡಲಾಗಿತ್ತು. ಅವರು ಚೇತರಿಸಿಕೊಂಡು ಬರುತ್ತಾರೆ ಎಂಬುದು ಪ್ರೇಮ್ ನಿರೀಕ್ಷೆಯಾಗಿತ್ತು. ಆದರೆ ವಿಧಿಯಾಟ ಬೇರೆಯದೇ ಇತ್ತು. ಕ್ಯಾನ್ಸರ್ ಮಹಾಮಾರಿಯ ವಿರುದ್ಧದ ಹೋರಾಟದಲ್ಲಿ ಭಾಗ್ಯಮ್ಮ ಅವರು ಸೋತು ಹೋದರು. ಅವರ ಮೃತದೇಹಕ್ಕೆ ಕೊರೊನಾ ವೈರಸ್ ಪರೀಕ್ಷೆ ಮಾಡಲಾಗಿತ್ತು. ಅದರಲ್ಲಿ ನೆಗೆಟಿವ್ ಬಂದಿತ್ತು.
ನಿರ್ದೇಶಕ, ನಟ 'ಜೋಗಿ' ಪ್ರೇಮ್ ತಾಯಿ ಭಾಗ್ಯಮ್ಮ ನಿಧನ
ಹೀಗಾಗಿ ಭಾಗ್ಯಮ್ಮ ಅವರ ಮೃತದೇಹವನ್ನು ಕೊಂಡೊಯ್ದು ಅವರ ಶಾಸ್ತ್ರಕ್ಕೆ ಅನುಗುಣವಾಗಿ ಅಂತ್ಯಸಂಸ್ಕಾರ ನಡೆಸಲು ಅವಕಾಶ ನೀಡಲಾಗಿತ್ತು. ಅಮ್ಮನ ಬಗ್ಗೆ ಪ್ರೇಮ್ ಬಹಳ ಭಾವುಕರಾಗಿ ಮಾತುಗಳನ್ನು ಹಂಚಿಕೊಂಡಿದ್ದಾರೆ. ಮುಂದೆ ಓದಿ...
ಎಷ್ಟೇ ಹೋರಾಡಿದರೂ...
ತಾಯಿಯ ಜೀವವನ್ನು ಉಳಿಸಿಕೊಳ್ಳಲು ಬಹಳ ಕಷ್ಟಪಟ್ಟರೂ ಅದರಲ್ಲಿ ಗೆಲ್ಲಲು ತಮ್ಮಿಂದ ಸಾಧ್ಯವಾಗಲಿಲ್ಲ ಎಂಬ ನೋವನ್ನು ಪ್ರೇಮ್ ಹಂಚಿಕೊಂಡಿದ್ದಾರೆ. 'ನಾನು ಎಷ್ಟೇ ಹೋರಾಟ ಮಾಡಿದರೂ ಕೊನೆಗೂ ನಿನ್ನನ್ನ ಉಳಿಸಿಕೊಳ್ಳಲು ಆಗಲಿಲ್ಲ' ಎಂದು ಪ್ರೇಮ್ ದುಃಖಿತರಾಗಿದ್ದಾರೆ.
ಮತ್ತೊಂದು ಅವಕಾಶ ನೀಡು
ಪ್ರೇಮ್ ಅವರ ಮತ್ತೊಂದು ಸಾಲು ಎಂತಹವರ ಮನಸ್ಸನ್ನೂ ಕಲಕುವಂತಿದೆ. ಮತ್ತೊಮ್ಮೆ ನಿನ್ನ ಹೊಟ್ಟೆಯಲ್ಲಿ ಹುಟ್ಟಲು ಅವಕಾಶ ನೀಡು. ಆಗ ನಿನ್ನ ಋಣ ತೀರಿಸಲು ಪ್ರಯತ್ನಿಸುತ್ತೇನೆ ಎಂದು ಪ್ರೇಮ್ ಅಗಲಿದ ಅಮ್ಮನಿಗೆ ಮನವಿ ಮಾಡಿದ್ದಾರೆ. 'ನಿನ್ನ ಋಣ ತೀರ್ಸೋಕ್ ಮತ್ತೆ ನಿನ್ ಹೊಟ್ಟೇಲಿ ಹುಟ್ಟಕ್ಕ್ ನಂಗ್ ಒಂದ್ ಅವಕಾಶ ಮಾಡ್ಕೊಡು, ಯಾವತ್ತು ಕಾಯ್ತಿರ್ತೀನಿ.. ಮಿಸ್ ಯು ಅಮ್ಮ..' ಎಂದು ಪ್ರೇಮ್ ಹೇಳಿದ್ದಾರೆ.
ನಿಜವಾದ ರೌಡಿಗಳನ್ನು ಸಿನಿಮಾದಲ್ಲಿ ಹಾಕಿಕೊಂಡು ಪ್ರೇಮ್ ಪಟ್ಟ ಕಷ್ಟ ಅಷ್ಟಿಷ್ಟಲ್ಲ!
ಮಿಸ್ ಯೂ ಅಮ್ಮ
ಸಾಮಾಜಿಕ ಜಾಲತಾಣಗಳಲ್ಲಿ ಪ್ರೇಮ್ ಅಮ್ಮನ ಅಗಲುವಿಕೆಯ ನೋವನ್ನು ಹಂಚಿಕೊಂಡಿದ್ದಾರೆ. ಮಿಸ್ ಯೂ ಅಮ್ಮಾ ಎಂದು ತಾಯಿಯ ಫೋಟೊದೊಂದಿಗೆ ಅಮ್ಮ ಇನ್ನಿಲ್ಲ ಎಂಬ ದುಃಖ ವ್ಯಕ್ತಪಡಿಸಿದ್ದಾರೆ. ಪ್ರೇಮ್ ನಿರ್ದೇಶನದ ಇದುವರೆಗಿನ ಪ್ರತಿ ಚಿತ್ರಗಳಲ್ಲಿಯೂ ತಾಯಿ ಸೆಂಟಿಮೆಂಟ್ ದೃಶ್ಯಗಳು ಇದ್ದೇ ಇರುತ್ತಿತ್ತು. ತಾಯಿ ಪ್ರೀತಿಯ ಭಾವನೆಗಳನ್ನು ಅವರು ಸಿನಿಮಾದಲ್ಲಿ ಜನರಿಗೆ ಬಹಳ ಹತ್ತಿರವಾಗುವಂತೆ ಕಟ್ಟಿಕೊಡುತ್ತಿದ್ದರು.
ಸಾಂತ್ವನ ಹೇಳಿರುವ ಜಗ್ಗೇಶ್
ತಾಯಿಗಿಂತ ದೇವರಿಲ್ಲ. ಆ ದೇವರು ಮರೆಯಾದಾಗ ಆಗುವ ನೋವು ಏನು ಎಂದು ಅನುಭವಿಸಿದವ ನಾನು. ವಿಶ್ವದಲ್ಲಿ ಯಾವ ದೇವರು ಅಮ್ಮನ ಸಮವಲ್ಲ. ಸಾಧಕನ ಯೋಗ ತಾಯಿಯ ಆಶೀರ್ವಾದ ಫಲವೇ ವಿನಾ ಬೇರೆ ಯಾವ ದೇವರ ಫಲವು ಅಲ್ಲ. ಆ ದೇವರ ಕಳೆದುಕೊಂಡ ದುಃಖ ತಡೆಯುವ ಶಕ್ತಿ ದೇವರು ನಿಮಗೆ ನೀಡಲಿ...ಓಂಶಾಂತಿ.. ಎಂದು ನಟ ಜಗ್ಗೇಶ್ ಸಾಂತ್ವನದ ಮಾತನ್ನಾಡಿದ್ದರು. ಅದಕ್ಕೆ ಪ್ರೇಮ್ ಧನ್ಯವಾದ ಸಲ್ಲಿಸಿದ್ದಾರೆ.
ಮದುವೆ ವಾರ್ಷಿಕೋತ್ಸವ ಸಂಭ್ರಮದಲ್ಲಿ ರಕ್ಷಿತಾ-ಪ್ರೇಮ್
ಫಾರ್ಮ್ಹೌಸ್ ವಿಡಿಯೋ ಹಾಕಿದ್ದ ಪ್ರೇಮ್
ಭಾಗ್ಯಮ್ಮ ಅವರ ಅಂತ್ಯಸಂಸ್ಕಾರವನ್ನು ಮಂಡ್ಯದ ಬೆಸಗರಹಳ್ಳಿಯಲ್ಲಿರುವ ಫಾರ್ಮ್ ಹೌಸ್ನಲ್ಲಿ ವಿಧಿವಿಧಾನಗಳಗೆ ಅನುಗುಣವಾಗಿ ನೆರವೇರಿತ್ತು. ವಿಪರ್ಯಾಸವೆಂದರೆ ಪ್ರೇಮ್ ಅವರು ಕೆಲವು ದಿನಗಳ ಹಿಂದಷ್ಟೇ ಈ ಫಾರ್ಮ್ನ ವಿಡಿಯೋವೊಂದನ್ನು ಹಂಚಿಕೊಂಡಿದ್ದರು. ನನ್ನ ಅಚ್ಚುಮೆಚ್ಚಿನ ಜಾಗ ಎಂದು ಅವರು ಪಂಪ್ನಿಂದ ನೀರು ಚಿಮ್ಮುತ್ತಿರುವ ವಿಡಿಯೋದೊಂದಿಗೆ ಹೇಳಿಕೊಂಡಿದ್ದರು.