'ಕಬ್ಜ'ದಲ್ಲಿ ಶಿವರಾಜ್‌ಕುಮಾರ್ ಇರ್ತಾರಾ? ಇಲ್ವಾ? ಅಮಿತಾಬ್ ಬಚ್ಚನ್‌ ಭೇಟಿ ಮಾಡಿದ್ರಾ ಆರ್.ಚಂದ್ರು?

ವೈರಲ್ ಆದ ಫೋಟೊದಲ್ಲಿ ಇರೋದ್ಯಾರು?

"ಕಬ್ಜ ಪ್ಯಾನ್ ಇಂಡಿಯಾ ಸಿನಿಮಾ ಆಗಿರುವುದರಿಂದ ಸಿನಿಮಾದಲ್ಲಿ ಒಂದಷ್ಟು ಕುತೂಹಲಗಳಿವೆ. ಅದನ್ನು ನಾನು ಈಗ ಹೇಳಿಬಿಟ್ಟರೆ, ನಿಮಗೆ ಏನೂ ಗೊತ್ತಾಗುವುದಿಲ್ಲ. ಇನ್ನೂ ಯಾರೆಲ್ಲಾ ಇದ್ದಾರೆ ಅಂತ ಗೊತ್ತಾದ್ರೆ, ಇವರೆಲ್ಲಾ ಇದ್ದಾರಾ ಅಂತ ಅನಿಸುತ್ತೆ. ನಾನು ಈಗ ರಿವೀಲ್ ಮಾಡುವುದಕ್ಕೆ ಇಷ್ಟ ಪಡುವುದಿಲ್ಲ. ಸರಿಯಾದ ಸಮಯದಲ್ಲಿ ಯಾರೆಲ್ಲಾ ಇದ್ದಾರೆ ಅಂತ ಲಿಸ್ಟ್ ಬಿಡುತ್ತೇನೆ." ಎಂದು ಹೇಳಿದ್ದಾರೆ. ಈ ಮೂಲಕ ಶಿವಣ್ಣ 'ಕಬ್ಜ' ಇದ್ದಾರಾ? ಅನ್ನೋ ಪ್ರಶ್ನೆಗೆ ಅಡ್ಡ ಗೋಡೆ ಮೇಲೆ ದೀಪವಿಟ್ಟಿದ್ದಾರೆ.

ಅಮಿತಾಬ್ ಭೇಟಿ ಮಾಡಿದ್ರಾ ಆರ್ ಚಂದ್ರು?

"ಎಲ್ಲರಿಗೂ ಆ ತರದ್ದೊಂದು ಪುಣ್ಯ ಸಿಗುವುದಿಲ್ಲ. ಅಂತಹದ್ದೊಂದು ಅವಕಾಶ ಸಿಕ್ಕಿತೇನೋ ಅಂತ ಅಂದುಕೊಳ್ಳುತ್ತೇನೆ.ನಮ್ಮ ಸಿನಿಮಾವನ್ನು ವಿತರಣೆ ಮಾಡುತ್ತಿರುವವರು ಆನಂದ್ ಪಂಡಿತ್. ಅವರಿಗೆ ಎಲ್ಲಾ ಸ್ಟಾರ್ ನಟರು ಸುಲಭವಾಗಿ ಸಿಗುತ್ತಾರೆ. ನಮ್ಮ ಸಿನಿಮಾವನ್ನು ಅವರು ನೋಡಿ, ವಿತರಣೆ ಮಾಡುತ್ತಿದ್ದಾರೆ. ಆಗ ನಾನು ಅವರಿಗೆ ಕೇಳಿದಾಗ, ಮೂವರು ಸ್ಟಾರ್‌ಗಳು ಟ್ರೈಲರ್‌ ಲಾಂಚ್‌ಗೆ ಬರುತ್ತಾರೆ ಎಂದು ಹೇಳಿದ್ದರು. ಅಮಿತಾಬ್ ಬಚ್ಚನ್ ಅಂತಹ ಮೇರು ನಟರು ಬಂದು ಲಾಂಚ್‌ ಮಾಡಿದರೆ, ಆಶೀರ್ವಾದವಿರುತ್ತೆ ಎಂದು ಹೇಳಿದ್ದೆ. ನನಗೂ ಅವರೊಂದಿಗೆ ಒಂದು ಫೋಟೊ ತೆಗೆದುಕೊಳ್ಳಬೇಕು ಅಂತ ಆಸೆಯಿದೆ ಎಂದಿದ್ದೆ. ಆಗ ಅವರು ಮೊಬೈಲ್‌ನಲ್ಲಿ ಇದ್ದಂತ ಚಾಟ್ ತೋರಿಸಿ ಹೇಳಿದ್ರು. ನೀನು ಮಾಡಿರೋ ಸಿನಿಮಾ ಅವರೇ ಕಾಯುವ ಹಾಗೆ ಆಗಿದೆ ಎಂದ್ರು." ಎಂದು ಅಮಿತಾಬ್ ಬಚ್ಚನ್ ಸ್ಟೋರಿಯನ್ನು ರಿವೀಲ್ ಮಾಡಿದ್ದಾರೆ.

ಮುಂಬೈನಲ್ಲಿ ಟ್ರೈಲರ್.. ಚೆನ್ನೈ, ಕೊಚ್ಚಿಯಲ್ಲಿ ಸಾಂಗ್

"ಒಂದು ಸಿನಿಮಾ ಮಾಡುವುದೇ ಕಷ್ಟ. ಅದರಲ್ಲೂ ಪ್ಯಾನ್ ಇಂಡಿಯಾ ಸಿನಿಮಾ ಕಬ್ಜ ಅಂದಾಗ, ಮೊದಲನೇ ಹಾಡಿನ ಲಿರಿಕಲ್ ವಿಡಿಯೋವನ್ನು ಹೈದರಾಬಾದ್‌ನಲ್ಲಿ ರಿಲೀಸ್ ಮಾಡಿದ್ದೇವೆ. ಟ್ರೈಲರ್‌ನ ಮುಂಬೈನಲ್ಲಿ ರಿಲೀಸ್ ಮಾಡುತ್ತಿದ್ದೇವೆ. ಇನ್ನೊಂದು ಹಾಡನ್ನು ಚೆನ್ನೈನಲ್ಲಿ ಬಿಡುಗಡೆ ಮಾಡುತ್ತಿದ್ದೇವೆ. ಕೊಚ್ಚಿಯಲ್ಲಿ ಒಂದು ಸಾಂಗ್ ರಿಲೀಸ್ ಮಾಡುತ್ತಿದ್ದೇವೆ. ಇಡೀ ಇಂಡಿಯಾ ಪ್ರವಾಸ ಮಾಡಿ ಪ್ರಮೋಷನ್ ಮಾಡಿ, ಅಲ್ಲಿ ಗೆದ್ದಾಗಲೇ ಕನ್ನಡ ಇಂಡಸ್ಟ್ರಿಯ ಬಾವುಟ ಹಾರಿಸಿದ ಹಾಗೆ ಆಗುತ್ತೆ." ಎಂದು ಆರ್. ಚಂದ್ರು ರಿವೀಲ್ ಮಾಡಿದ್ದಾರೆ.

ಹೀರೊಯಿನ್ ಸೋಲೊ ಸಾಂಗ್ ಯಾವಾಗ?

"ಆದಷ್ಟು ಬೇಗ ಇನ್ನೊಂದು ಹಾಡನ್ನು ರಿಲೀಸ್ ಮಾಡುತ್ತೇವೆ. ಅದೊಂದು ಹೀರೊಯಿನ್ ಸೋಲೊ ಸಾಂಗ್. ಶಿವರಾತ್ರಿ ಮತ್ತು ವ್ಯಾಲೆಂಟೈನ್ಸ್ ಡೇ ಇರೋದ್ರಿಂದ ಹೀರೊಯಿನ್ ಸೋಲೊ ಸಾಂಗ್ ಒಂದನ್ನು ಪ್ಲ್ಯಾನ್ ಮಾಡಿದ್ದೇವೆ. ಫೆಬ್ರವರಿ 15 ಅಥವಾ 16 ಅಂತ ಪ್ಲ್ಯಾನ್ ಮಾಡಿದ್ದೇವೆ. ಆದಷ್ಟು ಬೇಗನೇ ಲಾಂಚ್ ಮಾಡುತ್ತೇವೆ."