ಪ್ರೀತಿಸಿದ ಹುಡುಗಿ ಜೊತೆ ಹೊಸ ಬಾಳಿಗೆ ಕಾಲಿಟ್ಟ ಸಿಂಪಲ್ ಸುನಿ

ನಿರ್ದೇಶಕ ಸಿಂಪಲ್ ಸುನಿ ಬ್ಯಾಚುಲರ್ ಲೈಫ್ ಗೆ ಬಾಯ್ ಹೇಳಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. 'ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ' ಚಿತ್ರದ ಮೂಲಕ ಗಾಂಧಿನಗರದಲ್ಲಿ ಖ್ಯಾತಿ ಗಳಿಸಿದ ಸುನಿ ತಾವು ಪ್ರೀತಿಸಿದ ಹುಡುಗಿ ಸೌಂದರ್ಯ ಅವರನ್ನು ವರಿಸಿದ್ದಾರೆ.

ಇಂದು (ಫೆಬ್ರವರಿ 17) ಚಿಕ್ಕಮಗಳೂರಿನಲ್ಲಿ ಶುಭ ಮುಹೂರ್ತದಲ್ಲಿ ಸಿಂಪಲ್ ಸುನಿ-ಸೌಂದರ್ಯ ಹಸೆಮಣೆ ಏರಿದರು. ಪ್ರೇಮಿಗಳ ದಿನದ ಖುಷಿಯಲ್ಲಿಯೇ ಗೃಹಸ್ಥಾಶ್ರಮಕ್ಕೆ ಕಾಲಿಟ್ಟಿರುವ ಸುನಿ ಮತ್ತು ಸೌಂದರ್ಯ ಮದುವೆಗೆ ನಟ ರಕ್ಷಿತ್ ಶೆಟ್ಟಿ ಆಗಮಿಸಿ ವಧು ವರರಿಗೆ ಶುಭ ಹಾರೈಸಿದ್ದಾರೆ.[ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಸಿಂಪಲ್ ಸುನಿ]

ಎಲ್.ಎಲ್.ಬಿ ಪದವಿ ಪಡೆದಿರುವ ಸೌಂದರ್ಯ ಗೌಡ ಟ್ವಿಟರ್ ಮೂಲಕ ಸಿಂಪಲ್ ಸುನಿ ಅವರನ್ನ ಇಂಪ್ರೆಸ್ ಮಾಡಿದ್ರು. ಹಾಗೇ ಲವ್ ಆಗಿತ್ತು. ನಾಲ್ಕು ವರ್ಷಗಳಿಂದ ಪ್ರೀತಿಸುತ್ತಿದ್ದ ಈ ಜೋಡಿ ಇಂದು ಹಿರಿಯರ ಸಮ್ಮತಿ ಪಡೆದು ಮದುವೆ ಆಗಿದ್ದಾರೆ. ವಿಶೇಷ ಅಂದ್ರೆ ಸೌಂದರ್ಯ ಬರಹಗಾರ್ತಿ ಆಗಿದ್ದು, ಇನ್ನು ಮುಂದೆ ಸುನಿ ಸಿನಿಮಾಗಳಲ್ಲಿ ಕೈಜೋಡಿಸುತ್ತಾರಂತೆ.[ಇದೇ ಶುಕ್ರವಾರ ಪ್ರೀತಿಸಿದ ಹುಡುಗಿ ಜೊತೆ 'ಸಿಂಪಲ್' ಸುನಿ ವಿವಾಹ]

ಅಪ್ಪಟ ಲವ್ ಮ್ಯಾರೇಜ್ ಆಗಿರುವ ಸಿಂಪಲ್ ಸುನಿ ಮತ್ತು ಸೌಂದರ್ಯ ಫೆಬ್ರವರಿ 19 ರಂದು ಆರತಕ್ಷತೆ ಹಮ್ಮಿಕೊಂಡಿದ್ದು, ಬೆಂಗಳೂರಿನ ಅರಮನೆ ಮೈದಾನದ 'ಕಿಂಗ್ಸ್ ಕೋರ್ಟ್ ನಲ್ಲಿ ಸಂಜೆ 6.30 ರಿಂದ ನಡೆಯಲಿದೆ.