ವಿಷ್ಣುವರ್ಧನ್ ಹುಟ್ಟುಹಬ್ಬದ ಸಂಭ್ರಮ: ಶುರುವಾಯ್ತು 'ಯಜಮಾನ್ರೋತ್ಸವ'

ಯಜಮಾನ್ರ ಹೆಸರು ಶಾಶ್ವತ

2 ಲಕ್ಷ ಟ್ವೀಟ್!! ವಾರದ ಹಿಂದೆ ಟ್ವೀಟರ್ ಟ್ರೆಂಡ್ ಅಂದರೇನು ಎಂದು ಗೊತ್ತಿಲ್ಲದ ಯಜಮಾನ್ರ ಸೇನಾನಿಗಳು ಇಂದು ಮೊದಲ ಯತ್ನದಲ್ಲೇ ಈ ಮಟ್ಟದ ಮೈಲಿಗಲ್ಲು ದಾಖಲಿಸಿದ್ದಾರೆ. ಇದು ನಿಜಕ್ಕೂ ಹೆಮ್ಮೆಯ ವಿಷ್ಯ. ಅವರು ನಮ್ಮನ್ನಗಲಿ ಹತ್ತು ವರ್ಷವಾಯಿತು. ಆದರೂ ಈ ಪರಿ ಹವಾ ಇಟ್ಟಿದ್ದಾರೆಂದರೆ ಏನ್ ಹೇಳೋಣ!! ಸೂರ್ಯಚಂದ್ರರಿರುವ ತನಕ ಕರುನಾಡಲ್ಲಿ ಯಜಮಾನ್ರ ಹೆಸರು ಶಾಶ್ವತ ಎಂಬುದಕ್ಕೆ ಇದಕ್ಕಿಂತ ಉದಾಹರಣೆ ಬೇಕಾ? ಎಂದು ವಿಷ್ಣುವರ್ಧನ್ ಅಭಿಮಾನಿಯಾಗಿರುವ ವೀರಕಪುತ್ರ ಶ್ರೀನಿವಾಸ್ ಹೇಳಿದ್ದಾರೆ.

ರಾಜ್ ಕುಮಾರ್ ಅಪಹರಣವಾದ ಸಮಯದಲ್ಲಿ ವಿಷ್ಣುದಾದ ಹೇಳಿದ್ದ ಮಾತುಗಳಿವು...

ನೀವು ನಡೆದ ದಾರಿಯಲ್ಲಿ...

ಪ್ರತಿ ವರ್ಷ ವಿಷ್ಣು ದಾದಾರ ಹುಟ್ಟಿದ ದಿನವನ್ನ ಹಬ್ಬವನ್ನಾಗೇ ಆಚರಿಸುವ ಅಭಿಮಾನಿಗಳ ಮನಸ್ಸಲ್ಲಿ ಇಂದಿಗೂ ಜೀವಂತವಾಗಿದ್ದಾರೆ. ಹುಟ್ಟುಹಬ್ಬದ ಶುಭಾಶಯಗಳು ದಾದಾ. ನೀವು ನಡೆದ ದಾರಿಯಲ್ಲಿ ನಮ್ಮ ಹೆಜ್ಜೆ ಎಂದು ವಿಷ್ಣುವರ್ಧನ್ ಜನ್ಮದಿನದ ಸಿಡಿಪಿ ಬಿಡುಗಡೆ ಮಾಡಿರುವ ನಿರ್ದೇಶಕ ಪ್ರೇಮ್, ಟ್ವೀಟ್ ಮಾಡಿದ್ದಾರೆ.

ರೋಮಾಂಚನವಾಗುತ್ತಿದೆ

ಸನ್ನಡತೆ, ಸಂಸ್ಕಾರ, ಸಂಸ್ಕೃತಿಗಳ ಪ್ರತಿಬಿಂಬದಂತಿದ್ದ ಕನ್ನಡಿಗರ ಯಜಮಾನ್ರಿಗೆ 70 ವರುಷವಾಗುತ್ತಿದೆ ಎಂಬುದ ನೆನೆದರೆ ಮೈರೋಮಾಂಚನವಾಗುತ್ತಿದೆ. ಅವರ ಈ 70ನೇ ವರ್ಷಾಚರಣೆಯನ್ನು ಅರ್ಥಪೂರ್ಣವಾಗಿ ಆಚರಿಸೋಣ ಎಂದು ನಟ ಸಂಚಾರಿ ವಿಜಯ್ ಟ್ವೀಟ್ ಮಾಡಿದ್ದಾರೆ.

ಅಂಬಿ-ವಿಷ್ಣು ಸ್ನೇಹ ಬಾಂಧವ್ಯಕ್ಕೆ ಮಸಿ ಬಳಿಯೋದು ಬೇಡ: ಸುಮಲತಾ ಅಂಬರೀಶ್

ಸರ್ವಕಾಲಿಕ ಏಕೈಕ ಯಜಮಾನ

ಕಲ್ಲಲ್ಲೇ ವೀಣೆಯನ್ನು ನುಡಿಸೋ ಈ ಚಾಣಾಕ್ಯ ಚಂದನವನದ ಮರೆಯದ ಮಾಣಿಕ್ಯ. ಊರಿಗೆ ಉಪಕಾರಿ ಇಟ್ಟಿದ್ದು ಒಂದೇ ಗುರಿ. ಕರ್ಣನ ನಿಯತ್ತು ಸಿಂಹಾದ್ರಿ ಸಿಂಹನ ತಾಕತ್ತು. ಮುಯ್ಯಿಗೆ ಮುಯ್ಯಿ ಅಂದವರಿಗೆ ಆಗಿ ಕರುಣಾಮಯಿ ಅಭಿಮಾನಿಗಳ ಸರ್ವಕಾಲಿಕ ಏಕೈಕ ಯಜಮಾನನ 'ಯಜಮಾನ್ರೋತ್ಸವ'. ವಿಷ್ಣುಸೇನಾ ಸಮಿತಿಯ ಈ ಪ್ರೇಮೋತ್ಸವ ಎಂದು ನಿರ್ದೇಶಕ ರಘುರಾಮ್ ಶುಭ ಕೋರಿದ್ದಾರೆ.

ವಿಷ್ಣುದಾದಾ ಅಭಿನಯಕ್ಕೆ ಬೆಕ್ಕಸ ಬೆರಗಾಗಿದ್ದರು ಹಿಂದಿಯ ದಿಗ್ಗಜ ನಟರು