ವಿಶೇಷವಾಗಿ ನಡೆಯಲಿದೆ 'ಟಗರು' 25ನೇ ವಾರದ ಸಂಭ್ರಮಾಚರಣೆ

Recommended Video

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ 'ಟಗರು' ಸಿನಿಮಾ ಥಿಯೇಟರ್ ನಲ್ಲಿ 25 ವಾರಗಳು ಪ್ರದರ್ಶನವಾಗಿದೆ. 'ರಾಜಕುಮಾರ' ಸಿನಿಮಾದ ನಂತರ 25 ವಾರಗಳು ಥಿಯೇಟರ್ ನಲ್ಲಿ ಉಳಿದುಕೊಂಡಿರುವ ಚಿತ್ರ 'ಟಗರು'.

ಸಿಂಗಲ್ ಥಿಯೇಟರ್ ಗಳು ಕಣ್ಮರೆ ಆಗುತ್ತಿವೆ, ಚಿತ್ರಮಂದಿರಕ್ಕೆ ಜನ ಬರುವುದಿಲ್ಲ ಎನ್ನುವ ಸಂದರ್ಭದಲ್ಲಿ ಬೆಂಗಳೂರು ಹಾಗೂ ಮೈಸೂರಿನ ಎರಡು ಚಿತ್ರಮಂದಿರದಲ್ಲಿ 'ಟಗರು' ಚಿತ್ರವನ್ನು ಪ್ರೇಕ್ಷಕರು 25 ವಾರಗಳು ನೋಡಿದ್ದಾರೆ ಎನ್ನುವುದು ಖುಷಿಯ ವಿಚಾರ. ಈ ಸಂಭ್ರಮವನ್ನು ಅಭಿಮಾನಿಗಳು ವಿಭಿನ್ನವಾಗಿ ಆಚರಣೆ ಮಾಡಲು ಮುಂದಾಗಿದ್ದಾರೆ.

'ಟಗರು' ಸಿನಿಮಾ ಯಶಸ್ವಿಯನ್ನು ಮೈಸೂರಿನ ಡಾ ರಾಜ್ ಕುಮಾರ್ ಹಾಗೂ ಪಾರ್ವತಮ್ಮ ಆರಂಭಿಸಿದ ಶಕ್ತಿಧಾಮ ಆಶ್ರಮದಲ್ಲಿ ಆಚರಣೆ ಮಾಡಲು ಮುಂದಾಗಿದ್ದಾರೆ. ಅಷ್ಟೇ ಅಲ್ಲದೆ ಮೈಸೂರಿನ ಶಾಂತಲಾ ಚಿತ್ರಮಂದಿರದಲ್ಲಿ ಅಭಿಮಾನಿಗಳಿಗೆ ಸಿಹಿ ಹಂಚಿ ಸಂಭ್ರಮವನ್ನು ಮತ್ತಷ್ಟು ಹೆಚ್ಚು ಮಾಡಲಿದ್ದಾರೆ.

ದುನಿಯಾ ಸೂರಿ 'ಟಗರು' ಸಿನಿಮಾವನ್ನು ನಿರ್ದೇಶನ ಮಾಡಿದ್ದರು. ಕೆ ಪಿ ಶ್ರೀಕಾಂತ್ ಚಿತ್ರಕ್ಕೆ ಬಂಡವಾಳ ಹಾಕಿದ್ದರು. ಶಿವರಾಜ್ ಕುಮಾರ್, ಮಾನ್ವಿತಾ ಹರೀಶ್, ಭಾವನಾ, ಧನಂಜಯ, ವಸಿಷ್ಠ ಸಿಂಹ ಇನ್ನು ಅನೇಕರು ಚಿತ್ರದಲ್ಲಿ ಅಭಿನಯ ಮಾಡಿದ್ದರು.