James Day 6 Box Office Collections : ಅಪ್ಪು ಕೊನೆಯ ಸಿನಿಮಾ 'ಜೇಮ್ಸ್' 6ನೇ ದಿನದ ಗಳಿಕೆ ಎಷ್ಟು?

6ನೇ ದಿನದ ಅಸಲಿ ಗಳಿಕೆ ಎಷ್ಟು?

ಪುನೀತ್ ರಾಜ್‌ಕುಮಾರ್ 'ಜೇಮ್ಸ್' ಸಿನಿಮಾ ಮೊದಲ ನಾಲ್ಕು ದಿನ ದಾಖಲೆ ಗಳಿಕೆ ಮಾಡಿದೆ. ಇದು ಕನ್ನಡ ಚಿತ್ರರಂಗದ ಹೊಸ ದಾಖಲೆ. ಬಾಲಿವುಡ್, ಟಾಲಿವುಡ್, ಕಾಲಿವುಡ್ ಸಿನಿಮಾಗಳಂತೆ ಕೇವಲ ನಾಲ್ಕು ದಿನಗಳಲ್ಲಿಯೇ ನೂರು ಕೋಟಿ ಗಳಿಕೆ ಕಂಡು ಹೊಸ ಇತಿಹಾಸವನ್ನು ಸೃಷ್ಟಿಸಿದೆ. ಆದರೆ, ಎಲ್ಲಾ ಸಿನಿಮಾಗಳಂತೆ ವಾರದ ಆರಂಭದ ದಿನಗಳು ಸಜಹವಾಗಿಯೇ ಕಲೆಕ್ಷನ್ ಕಡಿಮೆ ಆಗುತ್ತೆ. ಆದರೆ, ಮಂಗಳವಾರ( ಮಾರ್ಚ್ 23)ದಂದು, ಆರನೇ ದಿನವೂ ಕಲೆಕ್ಷನ್ ವಿಚಾರದಲ್ಲಿ ಶೇಕ್ ಆಗಿಲ್ಲ. ವಿತರಕರೊಬ್ಬರ ಪ್ರಕಾರ, 'ಜೇಮ್ಸ್' 6ನೇ ದಿನ 7.70 ಕೋಟಿ ಲೂಟಿ ಮಾಡಿದೆ ಎನ್ನಲಾಗಿದೆ.

'ಜೇಮ್ಸ್' 5ನೇ ದಿನ ಗಳಿಸಿದ್ದೆಷ್ಟು?

'ಜೇಮ್ಸ್' ಸಿನಿಮಾ ಸೋಮವಾರ ಕೂಡ ಉತ್ತಮ ಗಳಿಕೆಯನ್ನೇ ಕಂಡಿದೆ. ಮೊದಲು ಈ ಸಿನಿಮಾ 5 ಕೋಟಿ ಎಂದು ಹೇಳಲಾಗಿತ್ತು. ಆದರೆ, ಮಾರ್ಚ್ 22 ರಂದು ಈ ಸಿನಿಮಾ ಗಳಿಕೆನೇ ಬೇರೆ ಎನ್ನುತ್ತಿದ್ದಾರೆ. ಅಸಲಿಗೆ 'ಜೇಮ್ಸ್' 5ನೇ ದಿನ ಬರೋಬ್ಬರಿ 8.7 ಕೋಟಿ ಲೂಟಿ ಮಾಡಿದ್ಯಂತೆ. ಕನ್ನಡ ಸಿನಿಮಾ ಇತಿಹಾಸದಲ್ಲಿ ವಾರದ ಆರಂಭದಲ್ಲಿ ಇಷ್ಟೊಂದು ಹಣ ಮಾಡಿದ್ದೇ ಇಲ್ಲ. ಇದು ಕೂಡ ಒಂದು ರೀತಿ ದಾಖಲೆ ಅಂತಾನೇ ಸ್ಯಾಂಡಲ್‌ವುಡ್ ಹೇಳುತ್ತಿದೆ.

6 ದಿನಕ್ಕೆ 'ಜೇಮ್ಸ್' ಗಳಿಸಿದ್ದೆಷ್ಟು?

ಅಪ್ಪು ಕೊನೆಯ ಸಿನಿಮಾ 'ಜೇಮ್ಸ್' ಆರು ದಿನಗಳಲ್ಲಿ ಕೇವಲ ಕರ್ನಾಟಕದಲ್ಲಿಯೇ ದಾಖಲೆ ಗಳಿಕೆ ಕಂಡಿದೆ. ಮೊದಲ ದಿನ 20.30 ಕೋಟಿ. 2ನೇ ದಿನ 8.89 ಕೋಟಿ, 3ನೇ ದಿನ 9.09 ಕೋಟಿ, ನಾಲ್ಕನೇ ದಿನ 10.98 ಕೋಟಿ, 5ನೇ ದಿನ 8.7ಕೋಟಿ ಹಾಗೂ 6ನೇ ದಿನ 7.7 ಕೋಟಿ ಗಳಿಸಿದೆ. ಕೇವಲ ಕರ್ನಾಟಕದಲ್ಲಿ 6 ದಿನಗಳಿಗೆ 65.66 ಕೋಟಿ ಗಳಿಸಿದೆ. "ಇದು ಕನ್ನಡದ ಮಟ್ಟಕ್ಕೆ ದಾಖಲೆ ಎನ್ನುತ್ತಾರೆ. ವಾರದ ಆರಂಭದ ದಿನಗಳಲ್ಲಿ ಮಲ್ಟೊಪ್ಲೆಕ್ಸ್‌ನಲ್ಲಿ ಶೇ. 80ರಷ್ಟು ಸೀಟ್ ಫುಲ್ ಆಗಿದೆ. ಸಿಂಗಲ್ ಸ್ಕೀನ್ 60 ರಿಂದ 70 ಪರ್ಸೆಂಟ್ ಫುಲ್ ಇದೆ." ಎನ್ನುತ್ತಾರೆ ನಿರ್ದೇಶಕ ಚೇತನ್ ಕುಮಾರ್.

ಪರಭಾಷಾ ಸಿನಿಮಾಗಳು ಮಾರಕವೇ?

'ಜೇಮ್ಸ್' ಆರು ದಿನಗಳಲ್ಲಿ ಬಾಕ್ಸಾಫೀಸ್‌ನಲ್ಲಿ ಜೋರಾಗಿದೆ. ಎರಡನೇ ವಾರ ಕೆಲವು ಚಿತ್ರಮಂದಿರಗಳು ಕೈತಪ್ಪುವ ಸಾಧ್ಯತೆಯಿದೆ. ಇದು ಸಹಜ. ಪ್ರತಿ ಸಿನಿಮಾ ಬಿಡುಗಡೆ ಮಾಡುವಾಗಲೂ ಮೊದಲ ವಾರ ಹೆಜ್ಜೆ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡುತ್ತೇವೆ. ಎರಡನೇ ವಾರ ಸಹಜವಾಗಿಯೇ ಕಡಿಮೆ ಆಗುತ್ತೆ. ಆದರೆ, ಬೇರೆ ಭಾಷೆಗಳಿಗಾಗಿ ಚೆನ್ನಾಗಿ ಓಡುತ್ತಿರುವ ಸಿನಿಮಾವನ್ನೇ ತೆಗೆದರೆ ಹೇಗೆ? ಇದು ಕನ್ನಡ ಚಿತ್ರಕ್ಕೆ ಮಾಡುತ್ತಿರುವ ಅನ್ಯಾಯ. ಅದಕ್ಕೆ ಚಿತ್ರಮಂದಿರದ ಮಾಲೀಕರಲ್ಲಿ ಮನವಿ ಮಾಡಿಕೊಂಡಿದ್ದೇನೆ. 'ಜೇಮ್ಸ್' ಥಿಯೇಟರ್‌ನಲ್ಲಿ ಇರುವ ತನಕ ಚೆನ್ನಾಗಿ ಓಡುತ್ತೆ." ಎನ್ನುತ್ತಾರೆ ನಿರ್ದೇಶಕ ಚೇತನ್.