James Vs RRR: 'ಜೇಮ್ಸ್' ವಿವಾದ ಬಗೆಹರಿಸಿದ ಶಿವಣ್ಣ: ಎಷ್ಟು ಥಿಯೇಟರ್‌ನಲ್ಲಿ ಮುಂದುವರೆಯುತ್ತೆ ಅಪ್ಪು ಸಿನಿಮಾ?

ಶಿವಣ್ಣ 3 ಬಾರಿ ಪೋನ್ ಮಾಡಿದ್ದ ಶಿವಣ್ಣ

" ಜೇಮ್ಸ್ ಸಿನಿಮಾ ಬಗ್ಗೆ ಸಿಎಂ ಸ್ಪಂದಿಸಿದ್ದಾರೆ. ಈಗ ತಪ್ಪನ್ನು ಹುಡುಕುವ ಪ್ರಯತ್ನ ಮಾಡಬಾರದು. ಇಲ್ಲಿ ಪ್ರಡ್ಯೂಸರ್ ಹಾಗೂ ಡಿಸ್ಟ್ರಿಬ್ಯೂಟರ್ ಮಧ್ಯೆ ಹೋಗುತ್ತೆ. ಅಪ್ಪು ಸಿನಿಮಾ ಒಂದು ಎಮೋಷನಲ್ ಸಿನಿಮಾ. ಸಮಸ್ಯೆ ಬಂದಾಗ, ನಿರ್ಮಾಪಕರ ಪರವಾಗಿ ಇರುತ್ತೇವೆ. ವಿತರಕರ ಪರವಾಗಿ ಇರುತ್ತೇವೆ. ಫಿಲ್ಮ್ ಚೇಂಬರ್ ಪರವಾಗಿ ಇರುತ್ತೇವೆ. ಸಿ ಎಂ ಕೂಡ ಏನು ಸಮಸ್ಯೆ ಏನು ಅಂತ ಕೇಳಿದ್ದರು. ನಿನ್ನೆ ಮೂರು ಬಾರಿ ಪೋನ್ ಮಾಡಿ ಕೇಳಿದ್ದಾರೆ." ಎಂದು ಶಿವಣ್ಣ ಹೇಳಿದ್ದಾರೆ.

ಥಿಯೇಟರ್ ಸಮಸ್ಯೆ ಯಾವಾಗಲೂ ಇರುತ್ತೆ

"ಯಾವ ಸಿನಿಮಾ ಬಂದರೂ ಬೇಡ ಅಂತ ಹೇಳುವುದಿಲ್ಲ. ಆದರೆ, ಚೆನ್ನಾಗಿ ಹೋಗುತ್ತಿರುವ ಸಿನಿಮಾಗೆ ತೊಂದರೆ ಕೊಡಬಾರದು. ಎಲ್ಲರಿಗೂ ಸಮನಾದ ಅವಕಾಶ ನೀಡಬೇಕು. ಥಿಯೇಟರ್ ಸಮಸ್ಯೆ ಅನ್ನುವುದು ಯಾವಾಗಲೂ ಬರುತ್ತಲೇ ಇರುತ್ತೆ. ಕನ್ನಡ ಚಿತ್ರರಂಗ ಅನ್ನುವುದು ಒಂದು ಫ್ಯಾಮಿಲಿ ಇದ್ದಂತೆ. ಸಮಸ್ಯೆ ಇವತ್ತು ಬರುತ್ತೆ ಹೋಗುತ್ತೆ. ಇದನ್ನೇ ದೊಡ್ಡದು ಮಾಡಬಾರದು. ಎಲ್ಲರ ಪ್ರಯತ್ನದಿಂದ ಸಮಸ್ಯೆ ಬಗೆಹರಿದಿದೆ" ಎಂದಿದ್ದಾರೆ ಶಿವಣ್ಣ

ಫಿಲ್ಮ್ ಚೇಂಬರ್ ಪರವಾಗಿರುತ್ತೆ

"ಇಷ್ಟು ದೊಡ್ಡ ಮಟ್ಟದಲ್ಲಿ ಹಬ್ಬ ಆಚರಣೆ ಮಾಡಿರುವುದು ಇದೇ ಮೊದಲು. 'ಜೇಮ್ಸ್' ಸಿನಿಮಾ ಅಂತಲ್ಲ. ಪರಭಾಷೆಯ ಸಿನಿಮಾಗಳಿಂದ ಕನ್ನಡ ಸಿನಿಮಾಗಳಿಗೆ ತೊಂದರೆ ಆದಾಗಲೆಲ್ಲಾ ಫಿಲ್ಮ್ ಚೇಂಬರ್ ಮುಂದೆ ಬಂದಿದೆ. ಸಮಸ್ಯೆಯನ್ನು ಬಗೆ ಹರಿಸುವ ಕೆಲಸ ಮಾಡಿದ್ದೇವೆ. ಮುಂದೆನೂ ಮಾಡುತ್ತೇವೆ. ಇದು ನಿರಂತರವಾಗಿ ನಡೆಯುತ್ತಿದೆ." ಎಂದಿದ್ದಾರೆ ಫಿಲ್ಮ್ ಚೇಂಬರ್ ಅಧ್ಯಕ್ಷ ಜೈರಾಜ್.

ಒಂದೊಂದು ಚಿತ್ರಮಂದಿರದಲ್ಲಿ ರಿಲೀಸ್

ಎಲ್ಲೆಲ್ಲಿ ಎರಡೆರಡು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆಯೋ ಅಲ್ಲೆಲ್ಲಾ ಒಂದು ಚಿತ್ರಮಂದಿರದಲ್ಲಿ ಬಿಡುಗಡೆಯಾಗುತ್ತೆ. ಸಾಮಾನ್ಯವಾಗಿ ಒಂದು ಅಥವಾ ಎರಡು ದಿನ ಡಬಲ್ ಥಿಯೇಟರ್‌ನಲ್ಲಿ ಬಿಡುಗಡೆ ಮಾಡುತ್ತೇವೆ. ಆದ್ರೀಗ ಒಂದೊಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಲಾಗುತ್ತೆ." ಎಂದು ಜೇಮ್ಸ್ ಸಿನಿಮಾದ ನಿರ್ಮಾಪ ಕಿಶೋರ್ ಹೇಳಿದ್ದಾರೆ.