ಕಾವೇರಿ ತೀರ್ಪಿನ ಬಗ್ಗೆ ಬೇಸರಗೊಂಡ ತಮಿಳು ನಟ ಕಮಲ್ ಹಾಸನ್

ಎರಡು ರಾಜ್ಯಗಳು ಏಕತೆ ಕಾಯ್ದುಕೊಳ್ಳಬೇಕು

ಕಾವೇರಿ ವಿಚಾರದಲ್ಲಿ ಕರ್ನಾಟಕ ಮತ್ತು ತಮಿಳುನಾಡು ರಾಜ್ಯಗಳು ಏಕತೆಯನ್ನು ಕಾಯ್ದುಕೊಳ್ಳಬೇಕು ಎಂದು ಕಮಲ್ ಹಾಸನ್ ಮನವಿ ಮಾಡಿದ್ದಾರೆ. ''ಕಾವೇರಿ ನೀರು ಸರಬರಾಜಿನಲ್ಲಿ ತಮಿಳುನಾಡಿಗೆ ಆಗಿರುವ ಕಡಿತದ ಬಗ್ಗೆ ತಮಿಳುನಾಡಿನ ಎಲ್ಲಾ ರೈತರಂತೆ ನಾನು ಕೂಡ ಆಘಾತಗೊಂಡಿದ್ದೇನೆ'' - ಕಮಲ್ ಹಾಸನ್

ನೀರು ಯಾವ ರಾಜ್ಯದ ಸ್ವತ್ತಲ್ಲ

''ಸುಪ್ರೀ ಕೋರ್ಟ್ ನೀಡಿರುವ ಆದೇಶವನ್ನ ಸೂಕ್ಷ್ಮವಾಗಿ ಗಮಿಸಿದರೇ, ನೀರು ಯಾವ ರಾಜ್ಯದ ಸ್ವತ್ತು ಅಲ್ಲ, ಯಾರೊಬ್ಬರ ಸ್ವತ್ತು ಅಲ್ಲ ಎನ್ನುವುದು ಜಾರಿಗೆ ತರುಲು ಸೂಚನೆಯಾಗಿದೆ.

ಎರಡು ರಾಜ್ಯಗಳು ಕಾಳಜಿ ವಹಿಸಬೇಕು

''ಕಾವೇರಿ ವಿಚಾರವನ್ನೇ ಇಟ್ಟುಕೊಂಡು ಕೆಲ ರಾಜಕೀಯ ನಾಯಕರು ರಾಷ್ಟ್ರೀಯ ಹಿತಾಸಕ್ತಿಯನ್ನು ಬದಿಗೊತ್ತಿ ಮತಬ್ಯಾಂಕ್ ರಾಜಕೀಯ ಮಾಡಿದರೆ ಅದು ಎಲ್ಲರ ಮೇಲೂ ಪರಿಣಾಮ ಬೀರುತ್ತದೆ ಎಂದು ತಿಳಿಸಿದರು. ಈ ತೀರ್ಪಿನಿಂದಾಗಿ ತಮಿಳುನಾಡಿಗೆ ಕಡಿಮೆ ಪ್ರಮಾಣದ ನೀರು ದೊರೆತಿರುವ ಬಗ್ಗೆ ನಾನು ನಿರಾಸೆ ಹೊಂದಿದ್ದೇನೆ. ಆದರೆ ರಾಜ್ಯಗಳು ನದಿ ನೀರಿನ ಬಳಕೆ ಮತ್ತು ನದಿ ಸಂರಕ್ಷಣೆ ಬಗ್ಗೆ ಎರಡೂ ರಾಜ್ಯಗಳು ಕಾಳಜಿ ವಹಿಸಬೇಕು''

ಎರಡು ರಾಜ್ಯದ ರೈತರು ಒಂದಾಗಬೇಕು

ಕರ್ನಾಟಕ ಹಾಗೂ ತಮಿಳುನಾಡು ರೈತರು ಒಂದಾಗಬೇಕು. ಲಭ್ಯವಿರುವ ನೀರನ್ನು ವಿವೇಚನೆಯಿಂದ ಬಳಸಿಕೊಳ್ಳಬೇಕಾದ ಮಾರ್ಗಗಳು ಮತ್ತು ವಿಧಾನಗಳನ್ನು ನಾವು ಮಾತುಕತೆಯ ಮೂಲಕ ಬಗೆಹರಿಸಬೇಕಾಗಿದೆ. ಅಂತರ್ಜಲವನ್ನು ರಕ್ಷಿಸಲು ಸರ್ಕಾರ ವಿಫಲಗೊಂಡರೆ, ನಾವು ಅದನ್ನು ರಕ್ಷಿಸಬೇಕು' ಎಂದು ಕಮಲ್ ಹಾಸನ್ ಹೇಳಿದರು.

ರಜನಿಕಾಂತ್ ಬೇಸರ

ಕಾವೇರಿ ನದಿ ನೀರು ಹಂಚಿಕೆಗೆ ಸಂಬಂಧಿಸಿದಂತೆ ರಜನಿಕಾಂತ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಸುಪ್ರೀಂಕೋರ್ಟ್ ನೀಡಿರುವ ಕಾವೇರಿ ತೀರ್ಪಿನಿಂದ ಬೇಸರವಾಗಿದೆ. ಇದರಿಂದ ರೈತರ ಜೀವನಕ್ಕೆ ಸಮಸ್ಯೆಯಾಗಲಿದೆ. ಈ ಸಂಬಂಧ ಮರು ಪರಿಶೀಲನಾ ಅರ್ಜಿ ಸಲ್ಲಿಸಲು ತಮಿಳುನಾಡು ಸರ್ಕಾರ ಕ್ರಮ ಕೈಗೊಳ್ಳಬೇಕು ಎಂದಿದ್ದಾರೆ