'ಕೆಜಿಎಫ್ 2' ಭರ್ಜರಿ 50 ದಿನ: ಯಶ್-ಪ್ರಶಾಂತ್ ನೀಲ್ ಬರೆದ ದಾಖಲೆಯೇನು?

'ಕೆಜಿಎಫ್ 2' 50 ಡೇಸ್ ಕಲೆಕ್ಷನ್ ಎಷ್ಟು

'ಕೆಜಿಎಫ್ 2' ಬಿಡುಗಡೆಯಾದಲ್ಲಿಂದ ಬಾಕ್ಸಾಫೀಸ್‌ನಲ್ಲಿ ಬಿರುಗಾಳಿಯೇ ಎದ್ದಿದೆ. ಮೊದಲ ದಿನದಿಂದ 48ನೇ ದಿನದವರೆಗೂ ಗಲ್ಲಾಪೆಟ್ಟಿಗೆಯಲ್ಲಿ 1 ಕೋಟಿಗಿಂತ ಕಡಿಮೆ ಇಳಿದಿದ್ದೇ ಇಲ್ಲ. 50ನೇ ದಿನ ಸಮೀಸುತ್ತಿದ್ದಂತೆ ಒಂದು ಕೋಟಿಗಿಂತ ಕಡಿಮೆ ಕಲೆಕ್ಷನ್ ಮಾಡಿದೆ. 50ನೇ ದಿನ 'ಕೆಜಿಎಫ್ 2' ಸಿನಿಮಾ ₹85 ಲಕ್ಷ ಕಲೆಕ್ಷನ್ ಮಾಡಿದೆ. ಈ ಮೂಲಕ ಕಳೆದ 50 ದಿನಗಳಲ್ಲಿ ಸುಮಾರು ₹1239.97 ಕೋಟಿ ಗಳಿಸಿದೆ.

'ಕೆಜಿಎಫ್ 2' ಎಲ್ಲೆಲ್ಲಿ ಎಷ್ಟೆಷ್ಟು ಕಲೆಕ್ಷನ್ ?

'ಕೆಜಿಎಫ್ 2' ಬಾಕ್ಸಾಫೀಸ್‌ ಕಲೆಕ್ಷನ್ ಹೊಸ ದಾಖಲೆಯನ್ನೇ ಬರೆದಿದೆ. ಪ್ರಶಾಂತ್ ನೀಲ್ ಹಾಗೂ ಯಶ್ ಕಾಂಬಿನೇಷನ್ ಕ್ಲಿಕ್ ಆಗಿದೆ. ಈ 50 ದಿನಗಳಲ್ಲಿ ಎಲ್ಲೆಲ್ಲಿ ರಿಲೀಸ್ ಆಗಿದೆಯೋ ಅಲ್ಲೆಲ್ಲಾ ದಾಖಲೆ ಗಳಿಕೆಯನ್ನೇ ಮಾಡಿದೆ. ಸ್ಯಾಂಡಲ್‌ವುಡ್‌ ಬಾಕ್ಸಾಫೀಸ್‌ನಲ್ಲೂ 'ಕೆಜಿಎಫ್ 2' ಹೊಸ ಮೈಲಿಗಲ್ಲನ್ನೇ ಸೃಷ್ಟಿಸಿದೆ. 'ಕೆಜಿಎಫ್ 2' ಈ 50 ದಿನಗಳಲ್ಲಿ ಎಲ್ಲೆಲ್ಲಿ ಎಷ್ಟೆಷ್ಟು ಕಲೆಕ್ಷನ್ ಮಾಡಿದೆ? ಅನ್ನುವುದರ ಪಟ್ಟಿ ಇಲ್ಲಿದೆ.

ವಿಶ್ವದಾದ್ಯಂತ 50 ದಿನಗಳಲ್ಲಿ 'ಕೆಜಿಎಫ್ 2' ಕಲೆಕ್ಷನ್

ಕರ್ನಾಟಕ- ₹189.50 ಕೋಟಿ
ಆಂಧ್ರ-ತೆಲಂಗಾಣ ₹139.50 ಕೋಟಿ
ತಮಿಳುನಾಡು ₹115.50 ಕೋಟಿ
ಕೇರಳ ₹ 69.15 ಕೋಟಿ
ಹಿಂದಿ+ROI ₹520.60 ಕೋಟಿ
ವಿದೇಶ ₹205.72 ಕೋಟಿ

ಒಟ್ಟು ₹1239.97 ಕೋಟಿ

'ಕೆಜಿಎಫ್ 2' 50 ದಿನ ಆಗಿದ್ದು ಎಲ್ಲೆಲ್ಲಿ?

'ಕೆಜಿಎಫ್ 2' ಬಾಲಿವುಡ್ ಬಾಕ್ಸಾಫೀಸ್‌ನಲ್ಲಿ ಬಿರುಗಾಳಿ ಎಬ್ಬಿಸಿದ್ದು ಮೊದಲ ಸಾಧನೆ. ಉತ್ತರ ಭಾರತದ ಬಹುತೇಕ ಎಲ್ಲಾ ಕಡೆಗಳಲ್ಲೂ ಸೂಪರ್‌ ರೆಸ್ಪಾನ್ಸ್ ಸಿಕ್ಕಿದೆ. ವಿದೇಶದಲ್ಲಿಯೂ ಕನ್ನಡದ ಪ್ಯಾನ್ ಇಂಡಿಯಾ ಸಿನಿಮಾಗೆ ಅದ್ಭುತ ಗಳಿಕೆ ಕಂಡಿದೆ. ಉಳಿದಂತೆ ಎಲ್ಲಾ ಐದು ಭಾಷೆಯಲ್ಲೂ 'ಕೆಜಿಎಫ್ 2' ಸೂಪರ್‌ ಹಿಟ್ ಅಂತ ಸಾಬೀತಾಗಿದೆ. ಹಾಗಿದ್ದರೆ. 'ಕೆಜೆಎಫ್ 2' ಎಷ್ಟು ಕಡೆ 50 ದಿನಗಳನ್ನು ಪೂರೈಸಿದೆ ಅನ್ನುವ ಡಿಟೈಲ್ಸ್ ಇಲ್ಲಿದೆ. 'ಕೆಜಿಎಫ್ 2' ಮಾನ್‌ಸ್ಟರ್ ಹಿಟ್ ಅನ್ನೋದು ಸಾಬೀತಾಗಿದೆ. ಭಾರತದಲ್ಲಿ ಸುಮಾರು 390ಕ್ಕೂ ಅಧಿಕ ಸೆಂಟರ್‌ಗಳಲ್ಲಿ 50 ದಿನಗಳನ್ನು ಪೂರೈಸಿದೆ. ಇನ್ನು ವಿದೇಶದ 10ಕ್ಕೂ ಅಧಿಕ ಸೆಂಟರ್‌ಗಳಲ್ಲಿ 50 ದಿನ ರಿಲೀಸ್ ಆಗಿದೆ.

'ಕೆಜಿಎಫ್ 3' ಬರುವುದು ಯಾವಾಗ?

'ಕೆಜಿಎಫ್ 2' ಕಲೆಕ್ಷನ್ ನೋಡಿ ಭಾರತದ ಎಲ್ಲಾ ಚಿತ್ರರಂಗವೂ ಶಾಕ್ ಆಗಿದೆ. ಕನ್ನಡ ಮೋಸ್ಟ್ ಎಕ್ಸ್‌ಪೆನ್ಸಿವ್ ಸಿನಿಮಾವನ್ನು ಎಲ್ಲಾ ಭಾಷೆಯಲ್ಲೂ ಮೆಚ್ಚಿಕೊಂಡಾಡಿದ್ದರು. ಈ ಕಾರಣಕ್ಕೆ 'ಕೆಜಿಎಫ್ 3' ಸಿನಿಮಾ ಬಗ್ಗೆನೂ ಕುತೂಹಲ ದುಪ್ಪಟ್ಟಾಗಿದೆ. ಆದರೆ, ಸದ್ಯಕ್ಕಂತೂ 'ಕೆಜಿಎಫ್ 3' ಸೆಟ್ಟೇರುವ ಸಾಧ್ಯತೆಯಿಲ್ಲ. ಕಮ್ಮಿ ಅಂದರೂ ಇನ್ನೂ ಮೂರರಿಂದ- ನಾಲ್ಕು ವರ್ಷ ಅನುಮಾನ ಎನ್ನಲಾಗುತ್ತಿದೆ.