KGF 2 Day 2 Collection: ಯಶ್ ಇನ್ಮುಂದೆ ರಾಕಿಂಗ್ ಸ್ಟಾರ್ ಅಲ್ಲ.. ಬಾಕ್ಸಾಫೀಸ್ ಡಾನ್: 2 ನೇ ದಿನ ರಿಪೋರ್ಟ್ ಏನು?

2ನೇ ದಿನ 'ಕೆಜಿಎಎಫ್ 2' ಗಳಿಸಿದ್ದೆಷ್ಟು?

ವಿಶ್ವದಾದ್ಯಂತ 'ಕೆಜಿಎಫ್ 2' ಸಿನಿಮಾಗೆ ಪ್ರೇಕ್ಷಕರಿಂದ ಸೂಪರ್ ರೆಸ್ಪಾನ್ಸ್ ಸಿಗುತ್ತಿದೆ. ಮೊದಲ ದಿನ ಕನ್ನಡದ ಪ್ಯಾನ್ ಇಂಡಿಯಾ ಸಿನಿಮಾವೊಂದು ದಾಖಲೆ ಗಳಿಕೆ ಮಾಡಿದ್ದು, ಎರಡನೇ ದಿನದ ಕಲೆಕ್ಷನ್ ಅನ್ನು ಎದುರು ನೋಡುವಂತೆ ಮಾಡುತ್ತಿದೆ. ಈ ಕಾರಣಕ್ಕೆ ಎರಡನೇ ದಿನವೂ ವಿಶ್ವದಾದ್ಯಂತ ಅದ್ಭುತ ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ. ಒಂದು ಅಂದಾಜಿನ ಪ್ರಕಾರ, ಎರಡೂ ದಿನದ ಗಳಿಕೆ ಸುಮಾರು 230 ಕೋಟಿ ಆಗಬಹುದು ಎಂದು ಅಂದಾಜಿಸಲಾಗಿದೆ.

2ನೇ ದಿನದ 'KGF 2' ಹಿಂದಿ ಕಲೆಕ್ಷನ್ ಎಷ್ಟು?

'ಕೆಜಿಎಫ್ 2' ಓಟ ಹಿಂದಿ ಮಾರ್ಕೆಟ್‌ನಲ್ಲಿ ಜೋರಾಗಿದೆ. ಮೊದಲ ದಿನ ಈ ಸಿನಿಮಾ 53.95 ಕೋಟಿ ಗಳಿಕೆ ಕಂಡಿತ್ತು. ಎರಡನೇ ದಿನ 45 ಕೋಟಿ ನೆಟ್ ಕಲೆಕ್ಷನ್ ಆಗಿದೆ ಎಂದು ಟ್ರೇಡ್ ಅನಲಿಸ್ಟ್ ರಮೇಶ್ ಬಾಲ ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ. ಈ ಮೂಲಕ ಎರಡನೇ ದಿನ 'ಕೆಜಿಎಫ್ 2' ಕಲೆಕ್ಷನ್ 55 ರಿಂದ 60 ಕೋಟಿ ದಾಟಿರುವ ಸಾಧ್ಯತೆ ಇದೆ. ಹೀಗಾಗಿ 'ಕೆಜಿಎಫ್ 2' ಮಾರ್ಕೆಟ್‌ನಲ್ಲಿ ಎರಡೇ ದಿನಕ್ಕೆ 100 ಕ್ಲಬ್ ಸೇರಿದೆ. ಉತ್ತರ ಪ್ರದೇಶ, ಬಿಹಾರ ಹಾಗೂ ಇನ್ನು ಹಲವೆಡೆ ಸಿನಿಮಾದ ಕಲೆಕ್ಷನ್ ಜೋರಾಗೇ ಇದೆ.

ವಿದೇಶದಲ್ಲೂ 'ಕೆಜಿಎಫ್ 2' ಹವಾ

'ಕೆಜಿಎಫ್ 2' ಸಿನಿಮಾ ವಿಶ್ವದ ಹಲವೆಡೆ ರಿಲೀಸ್ ಆಗಿದೆ. ಬಹುತೇಕ ಕಡೆ ಕನ್ನಡ ಸಿನಿಮಾ ಬಿಡುಗಡೆನೇ ಆಗಿರಲಿಲ್ಲ. ಈ ಎಲ್ಲಾ ಕಡೆಯಿಂದಲೂ ಸಿನಿಮಾಗೆ ಉತ್ತಮ ರೆಸ್ಪಾನ್ಸ್ ಸಿಕ್ಕಿದೆ. ಉತ್ತರ ಅಮೆರಿಕದಲ್ಲಿ 'ಕೆಜಿಎಫ್ 2' ಸಿನಿಮಾ ಗಳಿಕೆ ಕೂಡ ಜೋರಾಗೇ ಇದೆ. ಎರಡೇ ದಿನಕ್ಕೆ ಸಿನಿಮಾ ಸುಮಾರು 18 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ. ದೇಶದ ಮೂಲೆ ಮೂಲೆಯಲ್ಲೂ ಕಲೆಕ್ಷನ್ ಎಚ್ಚಾಗುತ್ತಲೇ ಇದೆ.

ಬಾಹುಬಲಿ 2 ಹಿಂದಿಕ್ಕಿದ್ದ 'ಕೆಜಿಎಫ್ 2'

ಮೊದಲ ದಿನ ಹಿಂದಿ ಬಾಕ್ಸಾಫೀಸ್‌ನಲ್ಲಿ 'ಬಾಹುಬಲಿ 2' ಕೆಲೆಕ್ಷನ್ ಆನ್ನು ಸೈಡಿಗಟ್ಟಿದೆ. ಬಾಹುಬಲಿ 2 ಫಸ್ಟ್ ಡೇ 58 ಕೋಟಿ ಲೂಟಿ ಮಾಡಿತ್ತು. ಆದರೆ, 'ಕೆಜಿಎಫ್ 2' ಮೊದಲ ದಿನ 61 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿದೆ. ಹೀಗಾಗಿ ಎರಡನೇ ದಿನವೂ ದೊಡ್ಡ ಮೊತ್ತ ಕಲೆ ಹಾಕಿರುತ್ತೆ. ಆದರೆ, ಇನ್ನೂ ಸಿನಿಮಾ ಬಾಕ್ಸಾಫೀಸ್ ಗಳಿಕೆಯ ಕಂಪ್ಲೀಟ್ ರಿಪೋರ್ಟ್ ಹೊರಬೀಳಬೇಕಿದೆ.