ನಮ್ಮದು ಅರೇಂಜ್ಡ್ ಮ್ಯಾರೇಜೋ, ಲವ್ ಮ್ಯಾರೇಜೋ?: ವಾದ ಮುಂದುವರಿಸೋಣ ಎಂದ ಪ್ರಶಾಂತ್ ನೀಲ್

ಆ ಕಾಳಜಿ ಈಗಲೂ ಇದೆ

'ನಮ್ಮ ಬದುಕು ಆರಂಭವಾಗಿ 9 ವರ್ಷಗಳಾದವು. ಹ್ಯಾಪಿ ಆನಿವರ್ಸರಿ ನಾನಾ' ಎಂದು ಪತ್ನಿಗೆ ಪ್ರಶಾಂತ್ ನೀಲ್ ಶುಭ ಹಾರೈಸಿದ್ದಾರೆ. 'ನಾವು ಮೊದಲ ಬಾರಿ ಭೇಟಿಯಾದ ಸಂದರ್ಭದಲ್ಲಿ ಮಾಡಿದಂತೆಯೇ ನನ್ನ ಕೂದಲು ಸೆಟ್ ಮಾಡುವುದನ್ನು, ಕಾಳಜಿ ಮಾಡುವುದನ್ನು ಈಗಲೂ ಮಾಡುತ್ತೀಯ' ಎಂದು ಹೆಂಡತಿಯನ್ನು ಹೊಗಳಿದ್ದಾರೆ.

ಲವ್ ಮ್ಯಾರೇಜ್ ಅಥವಾ ಅರೇಂಜ್ಡ್?

'ನಮ್ಮಿಬ್ಬರದು ಅರೇಂಜ್ಡ್ ಮದುವೆಯೋ ಅಥವಾ ಪ್ರೇಮ ವಿವಾಹವೋ ಎಂಬ ನಮ್ಮ ಚರ್ಚೆಯನ್ನು ಮುಂದುವರಿಸೋಣ. ಏಕೆಂದರೆ ಅದರ ಬಗ್ಗೆ ಇನ್ನೂ ಸ್ಪಷ್ಟವಾಗಿಲ್ಲ. ಅನೇಕ ಹುಚ್ಚು ನೆನಪುಗಳು ಮತ್ತು ಜಗಳಗಳಿವೆ' ಎಂದು ಪ್ರಶಾಂತ್ ನೀಲ್ ತಮಾಷೆಯಾಗಿ ಹೇಳಿದ್ದಾರೆ.

ನೀಲ್ ಗ್ಯಾಂಗ್ ಕಟ್ಟುವ ಕೆಲಸ

'ನಮ್ಮ ನೀಲ್ ಗ್ಯಾಂಗ್ ಅನ್ನು ಕಟ್ಟುವ ಕೆಲಸವನ್ನು ಮುಂದುವರಿಸೋಣ' ಎಂದಿದ್ದಾರೆ. ತಮ್ಮ ಕುಟುಂಬವನ್ನು ಅವರು ಅನೇಕ ಸಮಯದಿಂದ 'ನೀಲ್ ಗ್ಯಾಂಗ್' ಎಂದು ಕರೆದುಕೊಳ್ಳುತ್ತಿದ್ದಾರೆ. ಲಾಕ್ ಡೌನ್ ಅವಧಿಯಲ್ಲಿ ಹೆಂಡತಿ ಮತ್ತು ಮಕ್ಕಳೊಂದಿಗೆ ಖುಷಿಯಾಗಿ ಕಾಲ ಕಳೆಯುತ್ತಿರುವ ಅವರು ಅದನ್ನು ಅಭಿಮಾನಿಗಳ ಜತೆಗೆ ಹಂಚಿಕೊಳ್ಳುತ್ತಿದ್ದಾರೆ.

ಪ್ರಶಾಂತ್ ನೀಲ್ ಎರಡು ಮುಖ!

ಕೆಲವು ವಾರದ ಹಿಂದೆ ತಮ್ಮ ಇಬ್ಬರು ಮಕ್ಕಳೊಂದಿಗಿನ ಫೋಟೊವನ್ನು ಪ್ರಶಾಂತ್ ನೀಲ್ ಹಂಚಿಕೊಂಡಿದ್ದರು. ಮಿ. ನೀಲ್ ಅವರಿಗೆ ತೆರೆಯ ಮೇಲೆ ಅವರು ಸೃಷ್ಟಿಸುವ ಪಾತ್ರಗಳಿಗೆ ಇರುವಂತೆಯೇ ಎರಡು ಮುಖಗಳಿವೆ. ಜೀವನದುದ್ದಕ್ಕೂ ಬಡಪಾಯಿ ಮಗ ಹೆಣಗಾಡಬೇಕು ಎಂದು ಬರೆದುಕೊಂಡಿದ್ದರು. ಮಗಳನ್ನು ಮುದ್ದಿಸುವ ಮತ್ತು ಮಗನಿಗೆ ಕೀಟಲೆ ಮಾಡಿ ಅವನನ್ನು ಅಳಿಸುವ ಫೋಟೊಗಳನ್ನು ಅವರು ಪೋಸ್ಟ್ ಮಾಡಿದ್ದರು.