KGF Verse: ನಾನಾ ಅವತಾರದಲ್ಲಿ ಎಂಟ್ರಿ ಕೊಟ್ಟ ರಾಕಿ ಭಾಯ್ ದಾಖಲೆ ಬರೆಯೋದನ್ನು ಮಾತ್ರ ಮರೆತಿಲ್ಲ

'ಮೆಟಾವರ್ಸ್'ನಲ್ಲಿ 'ಕೆಜಿಎಫ್ ವರ್ಸ್'

'ಕೆಜಿಎಫ್ 2' ಟ್ರೈಲರ್ ರಿಲೀಸ್ ಆದಲ್ಲಿಂದ 'ಕೆಜಿಎಫ್ ವರ್ಸ್' ಬಗ್ಗೆ ನಿರ್ಮಾಣ ಸಂಸ್ಥೆ ಅನಾವರಣ ಮಾಡಿತ್ತು. ಅಲ್ಲಿಂದ ಇಲ್ಲಿವರೆಗೂ ಕೆಜಿಎಫ್ ವರ್ಸ್ ಬಗ್ಗೆನೇ ಪ್ರೇಕ್ಷಕರಿಗೆ ಇನ್ನಿಲ್ಲದ ಕುತೂಹಲವಿದೆ. ವಿಶ್ವದಲ್ಲಿ ಮೆಟಾವರ್ಸ್ ಅನ್ನುವ ಹೊಸದೊಂದು ಡಿಜಿಟಲ್ ಪ್ರಪಂಚದಲ್ಲಿ ಜನರು ತಮಗೆ ತೋಚಿದ ಹಾಗೆ ಇರಬಹುದು. ಇಲ್ಲಿ ಗೇಮ್ಸ್ ಆಡಬಹುದು, ಶಾಪಿಂಗ್ ಮಾಡಬಹುದು. ಬೇರೆ ಎಲ್ಲೋ ಇರುವ ಸ್ನೇಹಿತರನ್ನು ಭೇಟಿ ಮಾಡಬಹುದು. ಹೀಗೆ ಹಲವು ಆಕ್ಟಿವಿಟಿಸ್‌ಗಳು ನಡೆಯುತ್ತವೆ. ಇಂತಹದ್ದೇ ಒಂದು ಪ್ರಪಂಚದೊಳಗೆ 'ಕೆಜಿಎಫ್ ವರ್ಸ್' ಎಂಟ್ರಿಕೊಟ್ಟಿದೆ.

ಕೆಜಿಎಫ್ ವರ್ಸ್ ಹೊಸ ದಾಖಲೆ

'ಕೆಜಿಎಫ್ ವರ್ಸ್' ಬಿಡುಗಡೆಗೂ ಮುನ್ನವೇ 'ಕೆಜಿಎಫ್ 2' ಹೊಸ ದಾಖಲೆಗಳನ್ನು ಬರೆದಿದೆ. ರಾಕಿ ಭಾಯಿಯ ಹೊಸ ಅವತಾರಗಳು ರಿಲೀಸ್ ಆಗಿದೆ. ರಾಕಿ ಬಾಯ್ ಪ್ರಪಂಚದಲ್ಲಿ ಈಗಾಗಲೇ 1000 ಎನ್‌ಎಫ್‌ಟಿ ಟೋಕನ್‌ಗಳನ್ನು ಭಾರತದಲ್ಲಿ ಸೇಲ್ ಆಗಿದೆಯಂತೆ. ಹೀಗೆ ಹೊಸ ಹೊಸ ದಾಖಲೆಗಳನ್ನು ಬರೆಯಲು 'ಕೆಜಿಎಫ್ 2' ತಂಡ ಸಜ್ಜಾಗಿ ನಿಂತಿದೆ. ಏಪ್ರಿಲ್ 7 ರಿಂದ 'ಕೆಜಿಎಫ್ ವರ್ಸ್' ಸೇಲ್ ಆರಂಭ ಆಗಿದ್ದು, ಇನ್ಯಾವ ದಾಖಲೆ ಬರೆಯಲಿದೆ ಎಂದು ಅಭಿಮಾನಿಗಳು ಎದುರು ನೋಡುತ್ತಿದ್ದಾರೆ.

ಕೆಜಿಎಫ್ ವರ್ಸ್ ಡಿಜಿಟರ್ ಅವತಾರ

'ಕೆಜಿಎಫ್ ವರ್ಸ್' ಅನ್ನೋದು ಒಂದು ಡಿಜಿಟಲ್ ಅವತಾರ. ಯಶ್ ಅಭಿಮಾನಿಗಳಿಗಾಗಿಯೇ ಹೊಸ ಪ್ರಪಂಚವೊಂದನ್ನು ಸೃಷ್ಟಿ ಮಾಡುತ್ತಿದೆ. ಮುಂದಿನ ದಿನಗಳಲ್ಲಿ ಈ ಪ್ರಪಂಚದಲ್ಲಿ ಅಭಿಮಾನಿಗಳು ವರ್ಚುವಲ್ ವಾತಾವರಣದಲ್ಲಿ ಗೇಮ್ಸ್ ಆಡಲು ಅವಕಾಶ ಮಾಡಿಕೊಡಲಿದ್ದಾರೆ. ಇದರ ಮೊದಲ ಭಾಗವಾಗಿ 'ಎಲ್‌ಡೊರಾಡೋ' ಟೋಕನ್‌ಗಳನ್ನು ಖರೀದಿ ಮಾಡಬೇಕಿದೆ. 'ಎಲ್‌ಡೋರಾಡೊ' ಅನ್ನೋದು ಕೆಜಿಎಫ್ ಸರಣಿಯನ್ನು ಆಧರಿಸಿದ ಒಂದು ಬುಕ್. ಕೆಜಿಎಫ್ ವರ್ಸ್‌ ಕ್ಲಬ್‌ನ ಸದಸ್ಯರಿಗೆ ರಾಕಿ ಅವತಾರಗಳು ಸೇರಿದಂತೆ ಸಿನಿಮಾ ಸಂಬಂಧಿಸಿದ ಹಲವು ನೆನಪುಗಳನ್ನು ಎನ್‌ಎಫ್‌ಟಿ ಮೂಲಕ ನೀಡಲಿದೆ. ಇದರ ಅಸಲಿ ಅನುಭವವನ್ನು ಪಡೆಯಲು ಇನ್ನು ಕೆಲವು ದಿನ ಕಾಯಬೇಕಿದೆ.

Recommended Video

KGF 2 | Yash | ಸಿನಿಮಾ ಕಾಂಪಿಟೇಷನ್ ಹೇಗಿರಬೇಕು ಎಂದು ಹೇಳಿದ ಯಶ್ | Watch with Kannada Subtitles

'ಕೆಜಿಎಫ್ 2' ತಂಡದಿಂದ ಭರ್ಜರಿ ಪ್ರಚಾರ

'ಕೆಜಿಎಫ್ 2' ಏಪ್ರಿಲ್ 14ಕ್ಕೆ ಬಿಡುಗಡೆಯಾಗುತ್ತಿದೆ. ಹೀಗಾಗಿ ಇಡೀ ತಂಡ ಭರ್ಜರಿ ಪ್ರಚಾರದಲ್ಲಿ ಭಾಗಿಯಾಗಿದೆ. ದೆಹಲಿ, ಮುಂಬೈ ಎಲ್ಲಾ ಸುತ್ತಿ ಬಂದಿರುವ ತಂಡ, ಸದ್ಯ ಚೆನ್ನೈನಲ್ಲಿ ಬೀಡುಬಿಟ್ಟಿದೆ. ಮುಂದಿನ ವಾರ 'ಕೆಜಿಎಫ್ 2' ತಂಡ ಕರ್ನಾಟಕದಲ್ಲಿ ಭರ್ಜರಿ ಪ್ರಚಾರದಲ್ಲಿ ಭಾಗಿಯಾಗಲಿದೆ.