ಸಾಹಸ ಸಿಂಹ ವಿಷ್ಣುವರ್ಧನ್ ಜತೆ ಹೋಲಿಸಿದ್ದಕ್ಕೆ ಕಿಚ್ಚ ಸುದೀಪ್ ಹೇಳಿದ್ದೇನು?

ಅಪ್ಪಾಜಿ ಜತೆ ಹೋಲಿಸಬೇಡಿ

ಆದರೆ ವಿಷ್ಣುವರ್ಧನ್ ಅವರಿಗೆ ತಮ್ಮನ್ನು ಹೋಲಿಸುವುದು ತರವಲ್ಲ ಎಂದು ಕಿಚ್ಚ ಸುದೀಪ್ ವಿನಮ್ರದಿಂದ ಅಭಿಮಾನಿಗಳಿಗೆ ಮನವಿ ಮಾಡಿದ್ದಾರೆ. 'ಕೋಟಿಗೊಬ್ಬ' ಚಿತ್ರದ ಸರಣಿಯಲ್ಲಿ ಅತ್ಯುತ್ತಮ ಶೀರ್ಷಿಕೆ ಗೀತೆ ಯಾವುದು ಎಂಬ ಪೋಲ್ ನಡೆದಿತ್ತು. ಅದಕ್ಕೆ ಸುದೀಪ್ ಈ ಪ್ರತಿಕ್ರಿಯೆ ನೀಡಿದ್ದಾರೆ.

ಆ ಜಾಗ ತುಂಬಲು ಆಗುವುದಿಲ್ಲ

'ಕೋಟಿಗೊಬ್ಬ ಶುರುವಾಗಿದ್ದು ಅಪ್ಪಾಜಿ ವಿಷ್ಣು ಸರ್ ಅವರಿಂದ. ಅವರು ಶುರು ಮಾಡಿದ ಸಿನಿಮಾವನ್ನು ಬೇರೆ ಯಾವುದರಿಂದಲೂ ತುಂಬಲು ಸಾಧ್ಯವಿಲ್ಲ' ಎಂದು ಸುದೀಪ್, ವಿಷ್ಣುವರ್ಧನ್ ಅಭಿನಯದ ಕೋಟಿಗೊಬ್ಬ ಚಿತ್ರಕ್ಕೆ ತಮ್ಮ ಅಭಿನಯದ ಕೋಟಿಗೊಬ್ಬ 2, ಕೋಟಿಗೊಬ್ಬ 3 ಚಿತ್ರವನ್ನು ಹೋಲಿಸುವುದು ಸರಿಯಲ್ಲ ಎಂದಿದ್ದಾರೆ.

ನಾನು ಬಹಳ ಚಿಕ್ಕವನು

ಹಿರಿಯರು ನಮ್ಮ ಚಿತ್ರರಂಗದ ಪಿಲ್ಲರ್‌ಗಳಿದ್ದಂತೆ. ಅವರು ಅದನ್ನು ಎತ್ತಿ ಬೆಳೆಸಿದ್ದಾರೆ. ಹೀಗಾಗಿ ಅವರನ್ನು ಒಳಗೊಂಡ ಇಂತಹ ಪೋಲ್‌ಗಳನ್ನು ದಯವಿಟ್ಟು ಯಾರೂ ಮಾಡಬೇಡಿ. ನನ್ನ ಸಿನಿಮಾಗಳು ಮತ್ತು ನಾನು ಇಬ್ಬರೂ ಹೋಲಿಕೆ ಮಾಡುವುದಕ್ಕೂ ತೀರಾ ಚಿಕ್ಕವು ಎಂದು ಸುದೀಪ್ ಹೇಳಿದ್ದಾರೆ.

ಲಿರಿಕಲ್ ವಿಡಿಯೋ ದಾಖಲೆ

2001ರಲ್ಲಿ ಬಿಡುಗಡೆಯಾದ ಕೋಟಿಗೊಬ್ಬ ಚಿತ್ರದಲ್ಲಿ ವಿಷ್ಣುವರ್ಧನ್ ನಟಿಸಿದ್ದರು. ಇದು 'ಬಾಷಾ' ಚಿತ್ರದ ರೀಮೇಕ್ ಆಗಿತ್ತು. ನಂತರ 2016ರಲ್ಲಿ ಸುದೀಪ್ ಅಭಿನಯದ 'ಕೋಟಿಗೊಬ್ಬ 2' ಬಿಡುಗಡೆಯಾಗಿ ಭರ್ಜರಿ ಹಿಟ್ ಆಗಿತ್ತು. ಈ ಗೆಲುವಿನ ಬೆನ್ನಲ್ಲೇ ಕೋಟಿಗೊಬ್ಬ 3 ಆರಂಭವಾಗಿತ್ತು. ಈ ಚಿತ್ರದ ಟೈಟಲ್ ಟ್ರ್ಯಾಕ್ 'ಆಕಾಶಾನೆ ಅದರಿಸುವ' ಲಿರಿಕಲ್ ವಿಡಿಯೋ ಯೂಟ್ಯೂಬ್‌ನಲ್ಲಿ ದಾಖಲೆಯ ಹಿಟ್ಸ್ ಗಳಿಸಿದೆ.