Exclusive: 'ಬಿಲ್ಲ ರಂಗ ಭಾಷಾ' 2 ಪಾರ್ಟ್‌ಗಳಲ್ಲಿ ಬರುತ್ತೆ: 'ವಿಕ್ರಾಂತ್ ರೋಣ' ಕಥೆಯೇನು?

'ಬಿಲ್ಲ ರಂಗ ಭಾಷಾ' ಎರಡು ಪಾರ್ಟ್

ಪ್ಯಾನ್ ಇಂಡಿಯಾ ಸಿನಿಮಾಗಳು ಎರಡೆರಡು ಪಾರ್ಟ್‌ಗಳಲ್ಲಿ ರಿಲೀಸ್ ಆಗುತ್ತಿವೆ. ಆದರೆ, 'ವಿಕ್ರಾಂತ್ ರೋಣ' ಮಾತ್ರ ಯಾಕಿಲ್ಲ ಅಂತ ಕಿಚ್ಚನ ಫ್ಯಾನ್ಸ್ ಕೊಚ್ಚ ಬೇಜಾರಾಗಿರಬಹುದು. ಆದರೆ, ಸುದೀಪ್ ಅಭಿಮಾನಿಗಳಿಗೆ ಖುಷಿ ಪಡಿಸುವ ಸುದ್ದಿಯೊಂದಿದೆ. ಅದುವೇ 'ಬಿಲ್ಲ ರಂಗ ಭಾಷಾ'. 'ವಿಕ್ರಾಂತ್ ರೋಣ' ಸಿನಿಮಾ ಬಳಿಕ ಅನುಪ್ ಭಂಡಾರಿ ಜೊತೆನೇ ಮತ್ತೊಂದು ಸಿನಿಮಾ ಮಾಡುತ್ತಿರೋದಾಗಿ ಈಗಾಗಲೇ ಸುದೀಪ್ ಅನೌನ್ಸ್ ಮಾಡಿದ್ದಾರೆ. 'ವಿಕ್ರಾಂತ್ ರೋಣ'ದಷ್ಟೇ ಇಂಟ್ರೆಸ್ಟಿಂಗ್ ವಿಷಯಯೊಂದಿದೆ. ಅದೇನೆಂದರೆ 'ಬಿಲ್ಲ ರಂಗ ಭಾಷಾ' ಎರಡು ಭಾಗಗಳಲ್ಲಿ ರಿಲೀಸ್ ಆಗಲಿದೆ.

'ವಿಕ್ರಾಂತ್ ರೋಣ' ಬಳಿಕ ಅನುಪ್‌ಗೆ ರೆಸ್ಟ್

ಕಳೆದ ಮೂರು ವರ್ಷಗಳಿಂದ 'ವಿಕ್ರಾಂತ್ ರೋಣ' ಸಿನಿಮಾ ಬಗ್ಗೆನೇ ನಿರ್ದೇಶಕ ಅನುಪ್ ಭಂಡಾರಿ ಕೆಲಸ ಮಾಡಿದ್ದಾರೆ. ಹೀಗಾಗಿ 'ವಿಕ್ರಾಂತ್ ರೋಣ' ರಿಲೀಸ್ ಬಳಿಕ ಅನುಪ್ ಭಂಡಾರಿ ಕೊಂಚ ಬ್ರೇಕ್ ತೆಗೆದುಕೊಳ್ಳಲಿದ್ದಾರೆ. ಫ್ಯಾಮಿಲಿ ಜೊತೆ ಲಾಂಗ್ ಬ್ರೇಕ್ ತೆಗೆದುಕೊಂಡ ಬಳಿಕ 'ಬಿಲ್ಲ ರಂಗ ಭಾಷಾ' ಸಿನಿಮಾಗೆ ಕೂರಲಿದ್ದಾರೆ. ಅಷ್ಟರೊಳಗೆ ಸುದೀಪ್ ಬೇರೊಂದು ಸಿನಿಮಾ ಮಾಡಿ ಮತ್ತೆ 'ಬಿಲ್ಲ ರಂಗ ಭಾಷಾ'ಗೆ ಮರಳಬಹುದು. ಅಥವಾ ಅನುಪ್ ಸ್ಕ್ರಿಪ್ಟ್ ಜೊತೆ ರೆಡಿಯಿದ್ದರೆ, 'ಬಿಲ್ಲ ರಂಗ ಭಾಷಾ'ನೇ ಸೆಟ್ಟೇರಬಹುದು ಎಂದು ಆಪ್ತ ಮೂಲಗಳು ತಿಳಿಸಿವೆ.

'ವಿಕ್ರಾಂತ್ ರೋಣ'ಗಿಂತ ವಿಭಿನ್ನ ಸಿನಿಮಾ

'ಬಿಲ್ಲ ರಂಗ ಭಾಷಾ' ಈ ಹಿಂದೆನೇ ಸೆಟ್ಟೇರಬೇಕಿತ್ತು. ಆದರೆ, ಅದಕ್ಕೆ ಸಾಕಷ್ಟು ಸಮಯ ಬೇಕಿದ್ದರಿಂದ ಅದಕ್ಕೂ ಮುನ್ನ 'ವಿಕ್ರಾಂತ್ ರೋಣ' ಸಿನಿಮಾಗೆ ಗ್ರೀನ್ ಸಿಗ್ನಲ್ ಕೊಡಲಾಗಿತ್ತು. ಈಗ ಜುಲೈ 28ರಂದು 'ವಿಕ್ರಾಂತ್ ರೋಣ' ಗ್ರ್ಯಾಂಡ್ ರಿಲೀಸ್ ಆಗಲಿದೆ. ಸಿನಿಮಾ ಬಿಡುಗಡೆ ಆದ್ಮೇಲೆ ಅನುಪ್ 'ಬಿಲ್ಲ ರಂಗ ಭಾಷಾ' ಕೈಗೆತ್ತಿಗೊಳ್ಳಲಿದ್ದಾರೆ. 'ವಿಕ್ರಾಂತ್ ರೋಣ'ಗಿಂತಲೂ 'ಬಿಲ್ಲ ರಂಗ ಭಾಷಾ' ವಿಭಿನ್ನ ಸಿನಿಮಾ ಆಗಿರುತ್ತೆ. ಕ್ರಿ.ಶ. 2209ರ ಕಥೆಯಾಗಿರುತ್ತೆ. ಈ ಕಾರಣಕ್ಕೆ ಈ ಸಿನಿಮಾನೂ ವಿಶಿಷ್ಟ ಅನುಭವ ನೀಡಲಿದೆ ಎನ್ನಲಾಗಿದೆ.

'ವಿಕ್ರಾಂತ್ ರೋಣ 2' ಬರಬಹುದು!

'ವಿಕ್ರಾಂತ್ ರೋಣ' ಸಿನಿಮಾವನ್ನು ಜನರು ಹೇಗೆ ಮೆಚ್ಚಿಕೊಳ್ಳುತ್ತಾರೆ ಅನ್ನೋದನ್ನು ಇಡೀ ಎದುರು ನೋಡುತ್ತಿದೆ. ಭಾರತ ಸೇರಿದಂತೆ ವಿಶ್ವದಾದ್ಯಂತ ಈ ಸಿನಿಮಾಗೆ ಸಖತ್ ರೆಸ್ಪಾನ್ಸ್ ಸಿಕ್ಕರೆ, 'ವಿಕ್ರಾಂತ್ ರೋಣ 2' ಬಗ್ಗೆನೂ ಚಿತ್ರತಂಡ ಆಲೋಚನೆ ಮಾಡಬಹುದು ಎನ್ನಲಾಗುತ್ತಿದೆ. ಎಲ್ಲಕ್ಕಿಂತ ಹೆಚ್ಚಾಗಿ ಸಿನಿಮಾಗೆ ಸಿಗುವ ರೆಸ್ಪಾನ್ಸ್ ಮುಂದೆ ಎಲ್ಲವೂ ನಿಂತಿದೆ ಎನ್ನಲಾಗಿದೆ.