ಆ ದಿನಗಳನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ: ಅಪರೂಪದ ಫೋಟೊ ಹಂಚಿಕೊಂಡ ಸುದೀಪ್

ಸಹೋದರಿಯರ ನಡುವೆ ಅಪರೂಪದ ಫೋಟೊ

ಕಲರ್ ಫುಲ್ ಬದುಕಿನ ನಡುವೆ ಸುದೀಪ್ ಕಪ್ಪು-ಬಿಳುಪಿನ ಕಾಲದತ್ತ ನೋಟ ಹರಿಸಿದ್ದಾರೆ. ತಮ್ಮ ಆಲ್ಬಂನಿಂದ ಚೆಂದನೆಯ ಫೋಟೊವೊಂದನ್ನು ಅವರು ಶೇರ್ ಮಾಡಿದ್ದಾರೆ. ಸಹೋದರಿಯರ ಜತೆಗಿನ ಫೋಟೊದಲ್ಲಿ ಸುದೀಪ್ ಕುಳಿತಿರುವ ಫೋಟೊ ಗಮನ ಸೆಳೆಯುತ್ತಿದೆ. ಆಗಲೂ ಅದೇ ಗತ್ತು ಗಾಂಭೀರ್ಯ ಕೊಂಚವೂ ಬದಲಾಗಿಲ್ಲ ಎಂದು ಅನೇಕರು ಕಾಮೆಂಟ್ ಮಾಡಿದ್ದಾರೆ.

ಆ ದಿನಗಳನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ

ಫೋಟೊದೊಂದಿಗೆ ಸುದೀಪ್ ಬರೆದಿರುವ ಬರಹ ಕೂಡ ಅಷ್ಟೇ ಹೃದಯಸ್ಪರ್ಶಿಯಾಗಿದೆ. ನಮ್ಮ ಇಂದಿನ ದಿನಗಳಲ್ಲಿ ಸೆಲ್ಫಿಗಳ ನಡುವೆ ಈ ರೀತಿಯ ಕೌಟುಂಬಿಕ ಫೋಟೊಗಳನ್ನು ತೆಗೆಯುವ ಅಥವಾ ನೋಡುವ ಸಂದರ್ಭ ತೀರಾ ಅಪರೂಪವಾಗುತ್ತಿದೆ ಎಂದು ಬೇಸರ ವ್ಯಕ್ತಪಡಿಸಿರುವ ಸುದೀಪ್, ಆ ದಿನಗಳನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದಿದ್ದಾರೆ.

ಹರ್ಷಲ್ ಗಿಬ್ಸ್ ಕಾಮೆಂಟ್

ಸುದೀಪ್ ಹಾಕಿರುವ ಫೋಟೊಗೆ ದಕ್ಷಿಣ ಆಫ್ರಿಕಾದ ಮಾಜಿ ಖ್ಯಾತ ಕ್ರಿಕೆಟಿಗ ಹರ್ಷಲ್ ಗಿಬ್ಸ್ ಕಾಮೆಂಟ್ ಮಾಡಿದ್ದಾರೆ. 'ನೈಸ್ ಬಡ್' ಎಂದು ಗಿಬ್ಸ್ ಹೇಳಿರುವುದು ಸುದೀಪ್ ಅಭಿಮಾನಿಗಳಿಗೆ ಖುಷಿ ನೀಡಿದೆ. ಗಿಬ್ಸ್ ಕಾಮೆಂಟ್ ಅನೇಕರಲ್ಲಿ ಅಚ್ಚರಿ ಕೂಡ ಉಂಟು ಮಾಡಿದೆ.

ಅದೇ ಕ್ಯೂಟ್ನೆಸ್ ಈಗಲೂ ಇದೆ...

ಇನ್ನೊಂದೆಡೆ ಸುದೀಪ್ ಅಭಿಮಾನಿಗಳು ಟ್ವಿಟ್ಟರ್, ಫೇಸ್‌ಬುಕ್ ಸೇರಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಆ ಫೋಟೊವನ್ನು ಶೇರ್ ಮಾಡಿ ಸಂಭ್ರಮಿಸುತ್ತಿದ್ದಾರೆ. ಸುದೀಪ್ ಎಷ್ಟು ಮುದ್ದಾಗಿ ಕಾಣಿಸುತ್ತಾರೆ. ಅದೇ ಕ್ಯೂಟ್ನೆಸ್ ಅನ್ನು ಈಗಲೂ ಕಾಪಾಡಿಕೊಂಡುಬಂದಿದ್ದಾರೆ. ನಮ್ಮ ಆದರ್ಶ ನಟ, ತಾನು ಬಹಳ ಪ್ರೀತಿಸುವ ಸಹೋದರಿಯರೊಂದಿಗೆ ಇರುವ ಇದುವರೆಗೆ ನೋಡಿರದ ಫೋಟೊ ಎಂದು ಅಭಿಮಾನಗಳು ಬರೆದುಕೊಂಡಿದ್ದಾರೆ.