ಸ್ವರ್ಗವಾಗಿದ್ದ ಭೂಮಿ ಈಗ ದುಃಸ್ವಪ್ನವಾಗಿದೆ ಎಂದು ಬೇಸರಗೊಂಡ ಕಿಚ್ಚ ಸುದೀಪ್

ಗತಕಾಲದ ವೈಭವ

ಶ್ರೀನಗರದಲ್ಲಿ ಶೂಟಿಂಗ್ ಮಾಡಿದ ಹೆಬ್ಬುಲಿಯ ಎರಡನೆಯ ದಿನದ ಚಿತ್ರಗಳು. ನಾಸ್ಟಾಲ್ಜಿಯಾ. ನಿನ್ನೆ ಟಿವಿಯಲ್ಲಿ ಸಿನಿಮಾ ನೋಡಿದಾಗ ನಾನು ಮಾಡಿದ ಈ ವಿಡಿಯೋಗಳಿಗೆ ಹಿಂದಿರುಗುವಂತೆ ಮಾಡಿತು ಎಂದು ಸುದೀಪ್ ಎರಡು ವಿಡಿಯೋಗಳನ್ನು ಶೇರ್ ಮಾಡಿದ್ದಾರೆ.

ಭೂಮಿಯ ಮೇಲಿನ ಸ್ವರ್ಗ

ಶ್ರೀನಗರದ ಮನಮೋಹಕ ದೃಶ್ಯಗಳನ್ನು ಪೋಸ್ಟ್ ಮಾಡಿರುವ ಸುದೀಪ್, ಇದು ಭೂಮಿಯ ಮೇಲಿನ ಸ್ವರ್ಗ ಎಂದು ಬಣ್ಣಿಸಿದ್ದಾರೆ. ಶ್ರೀನಗರದ ಹಸಿರು, ಬೆಟ್ಟಗುಡ್ಡಗಳು, ಹಿಮ, ನದಿಗಳ ಸೊಗಸಾದ ಚಿತ್ರಗಳನ್ನು ಸೆರೆಹಿಡಿದಿದ್ದಾರೆ. ಚಿತ್ರತಂಡದ ಫೋಟೊಗಳನ್ನು, ಅವರೊಂದಿಗಿನ ಸೆಲ್ಫಿಗಳನ್ನು ಹಂಚಿಕೊಳ್ಳುವ ಮೂಲಕ ಆ ಪಯಣ ಎಷ್ಟು ಸುಂದರವಾಗಿತ್ತು ಎನ್ನುವುದನ್ನು ತಿಳಿಸಿದ್ದಾರೆ.

ಮತ್ತೆ ಸ್ವರ್ಗವಾಗಿ ಬದಲಾಗಲಿ

ಈ 'ಸ್ವರ್ಗ'ವನ್ನು ಜನರು ದುಸ್ವಪ್ನದ ಭೂಮಿಯನ್ನಾಗಿ ಪರಿವರ್ತಿಸಿದ್ದಾರೆ ಎನ್ನುವುದು ಬಹಳ ದುಃಖದ ಸಂಗತಿ. ಈ ಸ್ವರ್ಗ ಒಂದಲ್ಲ ಒಂದು ದಿನ ಮುಕ್ತವಾಗಲಿದೆ ಎಂದು ಆಶಿಸುತ್ತೇನೆ. ಆ ಭರವಸೆ ಇದೆ' ಎಂದು ಕಾಶ್ಮೀರದ ಇಂದಿನ ಸ್ಥಿತಿಗೆ ಬೇಸರ ವ್ಯಕ್ತಪಡಿಸುತ್ತಾ, ಅದು ಬದಲಾಗಲಿದೆ ಎಂಬ ಭರವಸೆ ವ್ಯಕ್ತಪಡಿಸಿದ್ದಾರೆ.

ಕ್ರಿಕೆಟ್ ಆಡಿದ ಹೆಬ್ಬುಲಿ ತಂಡ

ಮೂರನೇ ದಿನದ ದೃಶ್ಯಗಳೆಂದು ಸುದೀಪ್ ಹಂಚಿಕೊಂಡಿರುವ ಕ್ಷಣಗಳು ಮತ್ತಷ್ಟು ಮನಮೋಹಕವಾಗಿವೆ. ಬೆಟ್ಟದೊಂದಿಗಿನ ಸೆಲ್ಫಿ, ಚಿತ್ರತಂಡದೊಂದಿಗಿನ ತಮಾಷೆಯ ಅನುಭವಗಳು ಇಲ್ಲಿವೆ. ಚಿತ್ರೀಕರಣದ ನಡುವೆ ಸಿಕ್ಕ ಪುಟ್ಟ ಮೈದಾನದಲ್ಲಿ ಕ್ರಿಕೆಟ್ ಆಡಿ ಕೂಡ ಸಂಭ್ರಮಿಸಿದ್ದಾರೆ. ಹೃದಯಗಳನ್ನು ಮುಟ್ಟಲು ಹೃದಯಬೇಕು. ಯಶಸ್ಸಿನ ಮೊದಲ ಹೆಜ್ಜೆ ನಗು ಎಂದು ತಮ್ಮ ಚಿಂತನೆಗಳನ್ನು ಹಂಚಿಕೊಂಡಿದ್ದಾರೆ.