ಸ್ಯಾಂಡಲ್ ವುಡ್ ನಲ್ಲಿ 'ಕಿರಿಕ್ ಪಾರ್ಟಿ'ಯ ಹೊಸ ದಾಖಲೆ ಇದು..!

ಹೊಸ ದಾಖಲೆ ಸೃಷ್ಟಿಸಿದ 'ಕಿರಿಕ್ ಪಾರ್ಟಿ'

'ಕಿರಿಕ್ ಪಾರ್ಟಿ' ಚಿತ್ರದ "ಬೆಳಗೆದ್ದು ಯಾರ ಮುಖವಾ ನಾನು ನೋಡಿದೆ.. ಅಂದಾನೋ ಅದೃಷ್ಟನೋ ಮುಂದೆ ಕುಂತಿದೆ' ವಿಡಿಯೋ ಹಾಡಿಗೆ ಧನಂಜಯ ರಂಜನ್ ಸಾಹಿತ್ಯ ಬರೆದಿದ್ದು, ವಿಜಯ್ ಪ್ರಕಾಶ್ ಹಾಡಿದ್ದಾರೆ. ಅಜನೀಶ್ ಲೋಕನಾಥ್ ಅವರು ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ. ನವೆಂಬರ್ 25, 2016 ರಂದು ಯೂಟ್ಯೂಬ್ ನಲ್ಲಿ ಅಪ್‌ ಲೋಡ್ ಮಾಡಲಾದ ಈ ಹಾಡು ಎಲ್ಲರ ಮನಸ್ಸಲ್ಲಿ ಪದೇ ಪದೇ ಕಚಗುಳಿಯನ್ನು ಇಡುತ್ತಿದ್ದು, ಇಂದಿಗೆ 10,218,708 (1.2 ಮಿಲಿಯನ್) ವೀಕ್ಷಣೆ ಪಡೆದಿದೆ.['ಕಿರಿಕ್ ಪಾರ್ಟಿ' ವಿಮರ್ಶೆ: ಮತ್ತೆ ನೆನಪಾಗುತ್ತಿದೆ ಕಾಲೇಜಿನ 'ಜಾಲಿಲೈಫ್'!]

10 ಮಿಲಿಯನ್ ವೀಕ್ಷಣೆ ಪಡೆದ ವಿಡಿಯೋ ಸಾಂಗ್

ಕಾಲೇಜು ಲೈಫಿನ ರಂಗಿತರಂಗ ಹುಡುಗಾಟಗಳನ್ನು ಒಳಗೊಂಡಿರುವ ಈ ವಿಡಿಯೋ ಸಾಂಗ್ ಯೂತ್ಸ್ ಗಳ ಹಾರ್ಟ್ ಅನ್ನು ಡ್ಯಾನ್ಸ್ ಮಾಡಿಸುತ್ತಿದ್ದು, ಒಂದು ಕೋಟಿಗೂ ಹೆಚ್ಚು ವೀಕ್ಷಣೆ ಪಡೆದ ಕನ್ನಡದ ಮೊಟ್ಟ ಮೊದಲ ವಿಡಿಯೋ ಸಾಂಗ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇದೊಂದು ಹೊಸ ದಾಖಲೆ ಎಂದರೆ ತಪ್ಪಾಗಲಾರದು.

ಎರಡನೇ ಅತಿಹೆಚ್ಚು ವೀಕ್ಷಣೆ ಪಡೆದ ಕಿರಿಕ್ ಹಾಡು

ಚಿತ್ರದ ಸೆಕೆಂಡ್ ಆಫ್ ನಲ್ಲಿ ಕಾಣಿಸಿಕೊಳ್ಳುವ ಸಂಯುಕ್ತಾ ಹೆಗಡೆ, ರಕ್ಷಿತ್ ಶೆಟ್ಟಿ ಹಿಂದೆ ಬೀಳುವ ವಿಡಿಯೋ ಸಾಂಗ್ ಸಹ ಬರೋಬರಿ 2,849,025 ವೀಕ್ಷಣೆ ಪಡೆದಿದೆ, ಈ ಹಾಡನ್ನು ಶ್ರೇಯಾ ಘೋಶಲ್ ಹಾಡಿದ್ದು, ಕಿರಣ್ ಕಾವೇರಪ್ಪ ಸಾಹಿತ್ಯ ಬರೆದಿದ್ದಾರೆ.

'ಕಾಗದದ ದೋಣಿಯಲ್ಲಿ' ಹಾಡಿಗೆ ಮೂರನೇ ಸ್ಥಾನ

'ಕಿರಿಕ್ ಪಾರ್ಟಿ' ಚಿತ್ರದ ಅತಿಹೆಚ್ಚು ವೀಕ್ಷಣೆ ಪಡೆದ ವಿಡಿಯೋ ಹಾಡಿನ ಪೈಕಿ 'ಕಾಗದದ ದೋಣಿಯಲ್ಲಿ' ಮೂರನೇ ಸ್ಥಾನದಲ್ಲಿದ್ದು, 1,780,272 ವೀಕ್ಷಣೆ ಪಡೆದಿದೆ. ಜಯಂತ್ ಕಾಯ್ಕಿಣಿ ಸಾಹಿತ್ಯ ಬರೆದಿರುವ ಈ ಹಾಡಿಗೆ ವಾಸುಕಿ ವೈಭವ್ ಕಂಠದಾನ ಮಾಡಿದ್ದಾರೆ.

ಗಾಂದೀನಗರದ ಸಕ್ಸಸ್ ಫುಲ್ ಸಿನಿಮಾ

ಸದ್ಯದಲ್ಲಿ ಗಾಂದೀನಗರದಲ್ಲಿ ಸಕ್ಸಸ್ ಫುಲ್ ಆಗಿ ರನ್ ಆಗುತ್ತಿರುವ 'ಕಿರಿಕ್ ಪಾರ್ಟಿ' ಚಿತ್ರ 25 ದಿನಗಳಲ್ಲಿ 25 ಕೋಟಿ ಕಲೆಕ್ಷನ್ ಮಾಡಿತ್ತು. ಈಗ ದುಬೈ, ಇಸ್ರೇಲ್, ಅಮೆರಿಕ, ಯುಕೆ, ಆಸ್ಟ್ರೇಲಿಯಾ, ನ್ಯೂ ಝೀಲ್ಯಾಂಡ್ ಸೇರಿದಂತೆ ಹಲವು ದೇಶಗಳಲ್ಲಿಯೂ ಪ್ರದರ್ಶನವಾಗುತ್ತಿದೆ.