ಒಂದೇ ದಿನ ಕನ್ನಡದ ಇಬ್ಬರು ನಟಿಯರ ಮೇಲೆ ಬಿತ್ತು ಕಿಡಿಗೇಡಿಗಳ ವಕ್ರದೃಷ್ಟಿ

ಮಾನ್ವಿತಾ ಖಾತೆ ಹ್ಯಾಕ್

ಟಗರು ಪುಟ್ಟಿ ಎಂದೇ ಹೆಸರಾದ ನಟಿ ಮಾನ್ವಿತಾ ಹರೀಶ್ ಅವರ ಇನ್‌ಸ್ಟಾಗ್ರಾಂ ಖಾತೆಯನ್ನು ಕಿಡಿಗೇಡಿಗಳು ಶನಿವಾರ ಹ್ಯಾಕ್ ಮಾಡಿದ್ದರು. ಅವರ ಫೇಸ್ ಬುಕ್ ಖಾತೆಯನ್ನು ಕೂಡ ಹ್ಯಾಕ್ ಮಾಡಲಾಗಿತ್ತು. ಅದರ ಮಾಹಿತಿಯನ್ನು ಅವರು ಹಂಚಿಕೊಂಡಿದ್ದಾರೆ.

ಮಾನ್ವಿತಾ ಖಾತೆಯಲ್ಲಿ ಹ್ಯಾಕರ್ಸ್ ಅಲರ್ಟ್

'ನನ್ನ ಖಾತೆಯಿಂದ ಬಂದ ಯಾವುದೇ ಲಿಂಕ್ ಅನ್ನು ಕ್ಲಿಕ್ ಮಾಡಬೇಡಿ. ನನ್ನ ಪ್ರೊಫೈಲ್ ಹ್ಯಾಕ್ ಆಗಿದೆ' ಎಂದು ಮಾನ್ವಿತಾ ತಿಳಿಸಿದ್ದಾರೆ. 'ಫೇಸ್‌ಬುಕ್ ಖಾತೆಯ ಲಿಂಕ್‌ಅನ್ನು ಬಹಳ ಕಷ್ಟಪಟ್ಟು ಸರಿಪಡಿಸಿದ್ದೇನೆ. ನನ್ನ ಪ್ರೊಫೈಲಿಂದ ಬಂದ ಯಾವುದೇ ಲಿಂಕ್‌ ಮೇಲೆ ಕ್ಲಿಕ್ ಮಾಡಬೇಡಿ' ಎಂದು ಮತ್ತೊಂದು ಹೇಳಿಕೆ ನೀಡಿದ್ದಾರೆ. ಅವರ ಇನ್‌ಸ್ಟಾಗ್ರಾಂ ಖಾತೆ ಬೇರೆ ಭಾಷೆಯಲ್ಲಿ ಪ್ರಕಟವಾಗುತ್ತಿತ್ತು. ಅದರ ಮೇಲೆ ಹ್ಯಾಕರ್ಸ್ ಅಲರ್ಟ್ ಎಂಬ ಸಂದೇಶ ಕೂಡ ಬಂದಿತ್ತು. ಈ ಖಾತೆಗಳನ್ನು ಸರಿಪಡಿಸಿಕೊಂಡಿದ್ದಾಗಿ ತಿಳಿಸಿದ್ದಾರೆ.

ಆಶಿಕಾ ಖಾತೆ ಹ್ಯಾಕ್

ನಟಿ ಆಶಿಕಾ ರಂಗನಾಥ್ ಅವರ ಇನ್‌ಸ್ಟಾಗ್ರಾಂ ಖಾತೆ ಕೂಡ ಶನಿವಾರ ಹ್ಯಾಕ್ ಆಗಿತ್ತು. ರಾತ್ರಿ ಅದನ್ನು ಸರಿಪಡಿಸಿದ ಮಾಹಿತಿಯನ್ನು ಅವರು ಹಂಚಿಕೊಂಡಿದ್ದಾರೆ. ಕೆಲವು ಸಮಯದ ಹಿಂದೆ ನನ್ನ ಅಕೌಂಟ್ ಹ್ಯಾಕ್ ಆಗಿದೆ. ಹೀಗಾಗಿ ನನ್ನ ಖಾತೆಯಿಂದ ಬರುವ ಯಾವುದೇ ಲಿಂಕ್‌ಅನ್ನು ಓಪನ್ ಮಾಡಬೇಡಿ ಎಂದು ಅವರು ಮನವಿ ಮಾಡಿದ್ದಾರೆ.

ಆಶಿಕಾ ಖಾತೆ ವಾಪಸ್

ಸಾಮಾಜಿಕ ಜಾಲತಾಣ ಪರಿಣತರ ಸಹಾಯದಿಂದ ಆಶಿಕಾ ತಮ್ಮ ಖಾತೆಯನ್ನು ಸರಿಪಡಿಸಿಕೊಂಡಿದ್ದಾರೆ. ತಮ್ಮ ಖಾತೆಯಿಂದ ಕಾಪಿ ರೈಟ್ ಉಲ್ಲಂಘನೆಯಾಗಿದೆ. ಸೂಕ್ತ ಪ್ರತಿಕ್ರಿಯೆ ನೀಡದೆ ಇದ್ದರೆ 24 ಗಂಟೆಯೊಳಗೆ ಖಾತೆ ನಿಷ್ಕ್ರಿಯವಾಗಲಿದೆ ಎಂಬ ಎಚ್ಚರಿಕೆಯನ್ನು ಅವರು ಶೇರ್ ಮಾಡಿದ್ದಾರೆ.