70ರ ದಶಕದ ಬೆಂಗಳೂರಿನ ಚಿಕ್ಕಪೇಟೆ,ಆರ್‌ಕೆ ಮಾರ್ಕೆಟ್‌ನಲ್ಲಿ 'KD' ಖದರ್: ಧ್ರುವ ಎಂಟ್ರಿ ಭರ್ಜರಿ ಸೆಟ್ ರೆಡಿ!

12 ಎಕರೆಯಲ್ಲಿ 'KD' ಸೆಟ್ ನಿರ್ಮಾಣ

ಧ್ರುವ ಸರ್ಜಾ ನಟನೆಯ ಎರಡನೇ ಪ್ಯಾನ್ ಇಂಡಿಯಾ ಸಿನಿಮಾ 'KD' ಬಿಗ್ ಬಜೆಟ್‌ನಲ್ಲಿ ನಿರ್ಮಾಣ ಆಗುತ್ತಿರೋದು ಗೊತ್ತೇ ಇದೆ. ಪ್ರೇಮ್ ನಿರ್ದೇಶನ ಅಂದ್ಮೇಲೆ ವಿಜ್ಯೂವಲ್ ಹಾಗೂ ಮ್ಯೂಸಿಕಲ್ ಟ್ರೀಟ್‌ಗೇನು ಕಮ್ಮಿಯಿರಲ್ಲ. ಈ ಹಿಂದೆ ಹೇಳಿದಂತೆ ಸುಮಾರು 12 ಎಕರೆ ಪ್ರದೇಶದಲ್ಲಿ ಬೃಹತ್ ಸೆಟ್‌ ಅನ್ನು ನಿರ್ಮಾಣ ಮಾಡಲಾಗಿದ್ಯಂತೆ. ಇದು ಸಿನಿಪ್ರಿಯರಿಗೆ ಕಣ್ಣುಗಳಿಗೆ ಸಖತ್ ಕಿಕ್ ಕೊಡಲಿದೆ ಅನ್ನೋ ಮಾತು ಓಡಾಡುತ್ತಿದೆ.

70ರ ದಶಕದ ಚಿಕ್ಕಪೇಟೆ,ಮಾರ್ಕೆಟ್ ನಿರ್ಮಾಣ

'KD' ಸಿನಿಮಾ ಸೆಟ್ಟಿನ ಬಗ್ಗೆ ಕೆಲವು ದಿನಗಳಿಂದ ಚರ್ಚೆ ನಡೆಯುತ್ತಲೇ ಇತ್ತು. ಅದಕ್ಕೆ ತಕ್ಕಂತೆ ಈಗ 70ರ ದಶಕದಲ್ಲಿ ಬೆಂಗಳೂರಿನ ಎರಡು ಪ್ರಮುಖ ಏರಿಯಾಗಳನ್ನು ಮರುಸೃಷ್ಟಿಸಲಾಗಿದೆ ಎನ್ನಲಾಗಿದೆ. 1970ರಲ್ಲಿ ಬೆಂಗಳೂರಿನ ಚಿಕ್ಕಪೇಟೆ ಹಾಗೂ ಕೆಆರ್ ಮಾರ್ಕೆಟ್‌ನ ಕೆಲವು ಏರಿಯಾಗಳು ಹೇಗಿತ್ತು? ಹಾಗೇ ಸೆಟ್ಟು ಹಾಕಿ ನಿರ್ಮಾಣ ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ. ಹೀಗಾಗಿ ಈ 70 ದಶಕದ ಬೆಂಗಳೂರನ್ನು 'KD' ಸಿನಿಮಾದಲ್ಲಿ ನೋಡ್ಬಹುದು. ಇದೇ ಫೆಬ್ರವರಿ 27ರಿಂದ ಇದೇ ಸೆಟ್ಟಿನಲ್ಲಿ ಶೂಟಿಂಗ್ ಆರಂಭ ಆಗಲಿದೆ. ಈಗಾಗಲೇ 19 ದಿನಗಳ ಕಾಲ ಶೂಟಿಂಗ್ ನಡೆದಿದ್ದು, ಧ್ರುವ ಸರ್ಜಾ ಜೊತೆ ಬಾಲಿವುಡ್ ನಟ ಸಂಜಯ್ ದತ್ ಎಂಟ್ರಿ ಕೊಟ್ಟಿದ್ದಾಗಿದೆ.

ಈ ಹಿಂದೆನೇ ಸುದ್ದಿಯಾಗಿತ್ತು.

'KD' ಸಿನಿಮಾಗಾಗಿ 70ರ ದಶಕದ ಸೆಟ್ ನಿರ್ಮಾಣ ಮಾಡುತ್ತಿರುವ ಬಗ್ಗೆ ಸುದ್ದಿಯಾಗಿತ್ತು. ಬೆಂಗಳೂರಿನ ಸುಂಕದಕಟ್ಟೆ ಸಮೀಪವಿರುವ ಸೀಗೇನಹಳ್ಳಿ ಬಳಿ 18 ಕೋಟಿ ರೂ. ವೆಚ್ಚದಲ್ಲಿ ಸೆಟ್ ನಿರ್ಮಾಣ ಮಾಡಲಾಗುತ್ತಿದೆ ಎಂದು ವರದಿಯಾಗಿತ್ತು. ಅದರಂತೆ ಈಗ 70ರ ದಶಕದ ಚಿಕ್ಕಪೇಟೆ ಹಾಗೂ ಕೆಆರ್ ಮಾರ್ಕೆಟ್ ನಿರ್ಮಾಣ ಆಗಿದೆ ಎನ್ನಲಾಗಿದೆ. ಆದರೆ, ಈ ಬಗ್ಗೆ ಜೋಗಿ ಪ್ರೇಮ್ ಹಾಗೂ ನಿರ್ಮಾಣ ಸಂಸ್ಥೆ ಅಧಿಕೃತ ಮಾಹಿತಿ ನೀಡಿಲ್ಲ. ಆದರೆ,

'KD' 70ರ ದಶಕದ ಕಥೆ

'KD' ಸಿನಿಮಾ ಬಹುತೇಕ ಸೆಟ್ಟಿನಲ್ಲಿಯೇ ನಿರ್ಮಾಣಗೊಳ್ಳಲಿದೆ. ಯಾಕಂದ್ರೆ, ಈ ಸಿನಿಮಾ ಕಡೆ 70 ದಶಕದಲ್ಲಿ ಸಾಗುತ್ತೆ. ಧ್ರುವ ಸರ್ಜಾ ಈ ಸಿನಿಮಾದಲ್ಲಿ ಕಾಳಿದಾಸನಾಗಿ ಕಾಣಿಸಿಕೊಳ್ಳಲಿದ್ದು, ಇದೊಂದು ಭೂಗತಲೋಕದ ಹಿನ್ನೆಲೆಯನ್ನು ಹೊಂದಿದೆ. ಹೀಗಾಗಿ ಇಡೀ ಸಿನಿಮಾ ಕುತೂಹಲವನ್ನು ಕೆರಳಿಸಿದೆ. ಅಲ್ಲದೆ ದುಬಾರಿ ಸೆಟ್ಟುಗಳನ್ನು ತೆರೆಮೇಲೆ ಹೇಗೆ ಕಾಣುತ್ತೆ? 70ರ ದಶಕದ ಮೆಜೆಸ್ಟಿಕ್ ಹಾಗೂ ಕೆಆರ್ ಮಾರ್ಕೆಟ್ ಹೇಗಿರುತ್ತೆ? ಅನ್ನೋದು ನೋಡಲು ಕುತೂಹಲದಿಂದ ಕಾಯುತ್ತಿದ್ದಾರೆ.