'ಲವ್ ಮಾಕ್‌ಟೇಲ್-2' ಎಲ್ಲಿಯವರೆಗೆ ಬಂತು? 'ನಿಧಿಮಾ' ನೀಡಿದ ಮಾಹಿತಿ

ನಿಧಿಮಾಗೆ ಶುಭಾಶಯಗಳು

ಏಪ್ರಿಲ್ 25 ನಟಿ ಮಿಲನಾ ನಾಗರಾಜ್ ಜನ್ಮದಿನ. ಹಲವು ವರ್ಷಗಳಿಂದ ಚಿತ್ರರಂಗದಲ್ಲಿದ್ದರೂ ಮಿಲನಾ ಜನಪ್ರಿಯತೆ ಹೆಚ್ಚಿರುವುದು 'ಲವ್ ಮಾಕ್‌ಟೇಲ್' ಮೂಲಕ. ಅವರನ್ನು 'ನಿಧಿಮಾ' ಎಂಬ ಪಾತ್ರದ ಮೂಲಕವೇ ಗುರುತಿಸುತ್ತಿದ್ದಾರೆ. ಸಾವಿರಾರು ಮಂದಿ ಮಿಲನಾ ಅವರಿಗೆ ಜನ್ಮದಿನದ ಶುಭಾಶಯ ಕೋರಿದ್ದಾರೆ.

ತುಂಬಾ ಖುಷಿಯಾಗುತ್ತಿದೆ

ಜನರ ಹಾರೈಕೆಗಳಿಂದ ಖುಷಿಯಾಗಿರುವ ಮಿಲನಾ ವಿಡಿಯೋವೊಂದರಲ್ಲಿ ಧನ್ಯವಾದ ಸಲ್ಲಿಸಿದ್ದಾರೆ. 'ಹಾಯ್ ಎಲ್ಲರಿಗೂ ನಮಸ್ಕಾರ. ಬರ್ಥಡೇಗೆ ಶುಭಾಶಯ ಹೇಳಲು ತುಂಬಾ ಜನ ಮೆಸೇಜಸ್ ಕಳಿಸಿದ್ದೀರಿ. ವಿಡಿಯೋಸ್, ಸ್ಕೆಚ್ ಕಳಿಸಿದ್ದೀರ. ಹಾಗೆ ಬೇರೆ ಬೇರೆ ರೀತಿ ವಿಷ್ ಮಾಡಿದ್ದೀರ. ತುಂಬಾ ತಂಬಾ ಖುಷಿಯಾಗಿದೆ. ತುಂಬಾ ಸ್ಪೆಷಲ್ ಫೀಲ್ ಆಗಿದೆ. ನಿಮಗೆಲ್ಲ ಥ್ಯಾಂಕ್ಸ್ ಹೇಳಬೇಕು' ಎಂದು ಮಿಲನಾ ಹೇಳಿದ್ದಾರೆ.

ಸ್ಕ್ರಿಪ್ಟ್ ಚೆನ್ನಾಗಿ ಸಾಗುತ್ತಿದೆ

'ಹಾಗೆಯೇ ಇನ್ನೊಂದು ಖುಷಿಯ ವಿಚಾರ ಎಂದರೆ 'ಲವ್ ಮಾಕ್‌ಟೇಲ್ 2' ಸ್ಕ್ರಿಪ್ಟ್ ಮಾಡ್ತಾ ಇದ್ದೇವೆ. 'ಲವ್ ಮಾಕ್‌ಟೇಲ್ 2' ಸ್ಕ್ರಿಪ್ಟ್ ಚೆನ್ನಾಗಿ ಡೆವಲಪ್ ಆಗ್ತಿದೆ. ನೀವೆಲ್ಲರೂ 'ಲವ್ ಮಾಕ್‌ಟೇಲ್' ಸೀಕ್ವೆಲ್‌ಗೆ ಕಾಯ್ತಾ ಇದ್ದೀರಿ ಎಂದುಕೊಂಡಿದ್ದೇನೆ. ನಾವು ಬೆಸ್ಟ್ ಔಟ್‌ಪುಟ್ ಕೊಡಲು ಟ್ರೈ ಮಾಡ್ತೀವಿ' ಎಂದು ಮಿಲನಾ ನಾಗರಾಜ್ ವಿಡಿಯೋದಲ್ಲಿ ತಿಳಿಸಿದ್ದಾರೆ.

ನಿರ್ಮಾಪಕರು ಯಾರು?

ಲವ್ ಮಾಕ್‌ಟೇಲ್ ಯಶಸ್ಸು ಕಂಡಿದ್ದರಿಂದ ಅದರ ಎರಡನೆಯ ಭಾಗವನ್ನು ಸಿನಿಮಾ ನಿರ್ಮಿಸಲು ಬೇರೆ ಬೇರೆ ನಿರ್ಮಾಪಕರು ಮುಂದೆ ಬರುತ್ತಿದ್ದಾರೆ. ಲವ್ ಮಾಕ್‌ಟೇಲ್‌ಗೆ ತಾವೇ ಹಣ ಸುರಿದು ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ನಿರ್ಮಾಣದ ಕಾರ್ಯ ನಿಭಾಯಿಸಿದ್ದರು. ಅದು ಹಿಟ್ ಆಗಿದ್ದರಿಂದ ಎರಡನೆಯ ಭಾಗಕ್ಕೆ ಹಣ ಹೂಡಲು ನಿರ್ಮಾಪಕರು ಮುಂದೆ ಬಂದಿದ್ದಾರೆ. ಆದರೆ ಈ ಚಿತ್ರವನ್ನೂ ನಾವೇ ನಿರ್ಮಾಣ ಮಾಡೋಣ ಎಂದು ಮಿಲನಾ ಹೇಳಿದ್ದಾರಂತೆ.