ದರ್ಶನ್ ಅಪಘಾತದ ಕಾರಿನಲ್ಲಿ ಇದ್ದದ್ದು 4 ಜನ ಅಲ್ಲ, 6 ಜನ.! ಯಾರವರು.?

ಆಸ್ಪತ್ರೆಯ ವರದಿ ಪ್ರಕಾರ 6 ಮಂದಿ

ಮೈಸೂರಿನ ಕೊಲಂಬಿಯಾ ಏಷ್ಯಾ ಆಸ್ಪತ್ರೆಯ ಎಂಎಲ್ ಸಿ ವರದಿ ಪ್ರಕಾರ, ಅಪಘಾತಕ್ಕೆ ಸಂಬಂಧಪಟ್ಟಂತೆ ಆರು ಜನರಿಗೆ ಚಿಕಿತ್ಸೆ ನೀಡಲಾಗಿದೆ ಎಂದು ತಿಳಿದು ಬಂದಿದೆ. ಈ ವರದಿಯನ್ನ ಈಗಾಗಲೇ ವಿವಿಪುರಂ ಪೊಲೀಸರಿಗೆ ನೀಡಲಾಗಿದೆಯಂತೆ.

ಮೈಸೂರು ಪೊಲೀಸ್ ಆಯುಕ್ತರ ಪ್ರಕಾರ

ಇನ್ನು ಈ ಬಗ್ಗೆ ಇದೇ ಮೊದಲ ಸಲ ಮಾತನಾಡಿದ ಮೈಸೂರು ನಗರ ಪೊಲೀಸ್ ಆಯುಕ್ತ ಸುಬ್ರಮಣ್ಯಶ್ವೇರ್ ರಾವ್ 'ಅಪಘಾತವಾದ ಕಾರಿನಲ್ಲಿ ಐದು ಜನ ಇದ್ದರು ಎಂಬುದು ನಮ್ಮ ಗಮನಕ್ಕೆ ಬಂದಿದೆ. ನಾಲ್ಕು ಜನಕ್ಕೆ ಪೆಟ್ಟಾಗಿದೆ' ಎಂದಿದ್ದಾರೆ.

ಪೊಲೀಸರ ಎದುರಲ್ಲಿ ಕಾರ್ ತೆಗೆದುಕೊಂಡು ಹೋದ್ರಾ.?

ಪೊಲೀಸರು ಬಂದ ಮೇಲೆ ಕಾರನ್ನ ತೆಗೆದುಕೊಂಡು ಹೋಗಿದ್ರೆ ಅದರ ಬಗ್ಗೆ ನಾವು ಕ್ರಮ ತಗೆದುಕೊಳ್ಳುತ್ತೇವೆ. ಸದ್ಯಕ್ಕೆ ಲಕ್ಷ್ಮಣ್ ಎಂಬುವರು ದೂರು ನೀಡಿದ್ದಾರೆ. ಮೇಲ್ನೊಟಕ್ಕೆ ಚಾಲಕನ ನಿಯಂತ್ರಣ ತಪ್ಪಿ ಡಿವೈಡರ್ ಗೆ ಡಿಕ್ಕಿ ಹೊಡೆದಿದೆ ಎನ್ನಲಾಗುತ್ತಿದೆ. ತನಿಖೆ ಮಾಡ್ತೀವಿ. ಆಮೇಲೆ ಗೊತ್ತಾಗುತ್ತೆ' ಎಂದು ಮೈಸೂರು ನಗರ ಪೊಲೀಸ್ ಆಯುಕ್ತ ಸುಬ್ರಮಣ್ಯಶ್ವೇರ್ ರಾವ್ ತಿಳಿಸಿದ್ದಾರೆ.

ತರಂಗ ವಿಶ್ವ ಏನಂದ್ರು.?

'ನಾನು, ಸೃಜನ್ ಬೆಂಗಳೂರಿಗೆ ಹೊರಟಿದ್ದೇವು. ಅಪಘಾತ ವಿಷ್ಯ ತಿಳಿದ ನಂತರ ವಾಪಸ್ ಬಂದ್ವಿ. ಕಾರಿನಲ್ಲಿ ಎಷ್ಟು ಜನರು ಇದ್ವಿ ಎಂಬುದರ ಬಗ್ಗೆ ನಮಗೆ ಮಾಹಿತಿ ಇಲ್ಲ'' ಎಂದು ಹಾಸ್ಯ ನಟ ತರಂಗ ವಿಶ್ವ ಹೇಳಿದ್ದಾರೆ.

ಎಫ್.ಐ.ಆರ್ ನಲ್ಲಿ ನಾಲ್ಕು ಜನ

ಆಸ್ಪತ್ರೆಯ ವರದಿ ಹೇಳುತ್ತಿದೆ ಆರು ಜನ, ಪೊಲೀಸರು ಹೇಳುತ್ತಿದ್ದಾರೆ ಐದು ಜನ. ಆದ್ರೆ, ಎಫ್.ಐ.ಆರ್ ನಲ್ಲಿ ದಾಖಲಾಗಿರುವುದು ನಾಲ್ಕು ಜನ. ಹಾಗಾಗಿ ಮತ್ತಷ್ಟು ಅನುಮಾನಗಳು ಕಾಡುತ್ತಿದೆ. ನಿಜಕ್ಕೂ ಕಾರಿನಲ್ಲಿ ಎಷ್ಟು ಜನ ಇದ್ರು ಎಂಬುದನ್ನ ಈಗ ಆ ನಾಲ್ಕು ಜನ ಮಾತ್ರ ಹೇಳಬೇಕಾಗಿದೆ.

ಉಳಿದ ಇಬ್ಬರು ಯಾರು.?

ಇಷ್ಟು ಸಮಯ ನಾಲ್ಕು ಜನ ಎಂದು ಹೇಳಲಾಗ್ತಿದ್ದ ಈ ಘಟನೆಯಲ್ಲಿ ಈಗ ಮತ್ತಿಬ್ಬರ ಹೆಸರು ಕೇಳಿಬರ್ತಿದೆ. ಆದ್ರೆ, ಅದು ಯಾರು ಎಂಬುದರ ಬಗ್ಗೆ ಮಾಹಿತಿ ಸಿಕ್ಕಿಲ್ಲ.